Dagblaðið Vísir - DV - 26.07.1996, Page 13

FÖSTUDAGUR 26. JULI 1996
13
Enn er lag til
lagfæringar
„Auðvitað er það alveg Ijóst að fjármagnstekjur fatlaðra eru hverfandi,"
segir Helgi.
Sá sem daglangt
vinnur að málefn-
um fatlaðra á
margan veg verður
margs vísari um
ævikjör ærið
margra og aðstæð-
ur allar. Það
gleymist okkur
afar oft hve fötlun-
in sjálf getur á
ýmsa lund valdið
býsna tilfinnanleg-
um aukakostnaði á
margvíslegan veg
eftir eðli fötlunar
og því á hvaða
stigi hún er. Á
nýafstöðnu þingi
Sjálfsbjargar var á
þetta sem margt
fleira minnt rækilega og m.a. kom
þar fram að aldrei mætti lífeyrir
öryrkja skerðast svo að ekki væri
fullt tillit tekið til kostnaðar vegna
fötlunar sem svo umtalsverður
gæti orðið.
í varnarbaráttu
í varnarbaráttu þessara ára hef-
ur þessum sannindum sannarlega
verið á lofti haldið af samtökum
fatlaðra en með of litlum árangri.
Menn verða einfaldlega að átta sig
á því að beinar tekjutölur trygg-
ingabóta segja aldrei allt um að-
stæður fólks sem fatlast hefur, það
er einfaldlega ekki unnt eftir ein-
hverri kaldri mælistiku að segja
til um hver er verst staddur og
hver betur en annar. Þar kemur
svo ótalmargt inn í myndina.
Þegar reglugerð vordag-
anna frá ráðuneyti
tryggingamála um nið-
urfellingu frekari upp-
bótar lífeyrisþega við
ákveðin strangt tiltekin
tekjumörk var ákveðin
þá var einmitt varað hér
við af framangreindum
ástæðum, enda koma
annmarkarnir glögglega
fram við framkvæmd
hennar. Tekjutölurnar
einar gilda og þó er þess-
ari frekari uppbót, alveg
sér í lagi, ætlað að mæta
aukakostnaði fólks af
ýmsu tagi.
Næsta aðgerð varðar
bótaskerðingu af völd-
um fjármagnstekna og
þar mun þessi saga um tillitsleys-
ið ugglaust endurtaka sig.
Skattlagt á tvöfaldan máta
Auðvitað er það alveg ljóst að
fjármagnstekjur fatlaðra eru
hverfandi, en ef
svo vildi nú til að
einhverjir hefðu
einhverju önglað
saman þá skal
ekki einvörð-
ungu lagður á
fjármagnstekjur
þeirra skattur
s.s. um alla aðra
mun verða, held-
ur skulu bætur
trygginganna
skerðast veru-
lega einnig, þannig að fatlaðir og
aldraðir skulu á tvöfaldan máta
skattlagðir af hinu opinbera.
Það er svo alveg sérstakur kap-
ítuli í þessum málum öllum að
bótaskerðing lifeyrisþega skuli
koma til framkvæmda löngu áður
en raunverulegir fjármagnseig-
endur fara að greiða eðlilegan
skatt af sínum tekjum fyrir svo
utan það að hjá þeim sem þar eiga
mest og hafa bezt komið sér fyrir
með fjármuni sína verður hrein og
klár skattalækkun niðurstaðan.
Þó enn sé ekki vitað hver fram-
kvæmdin skuli vera þá er það ætl-
unin að skerða tryggingabætur frá
og með 1. sept. nk. af völdum þá
fjármagnstekna ársins 1995. Hér er
sem sagt ekki farið með slíkri var-
úð og af þvílíkri tillitssemi sem
með hina eiginlegu skatttöku sem
skal vandlega undirbúin og í engu
afturvirk, að sjálfsögðu.
Það hlýtur að vera fólki ærið
umhugsunarefni hvers vegna með-
höndlun þessara tveggja mála sem
tengjast fjármagnstekjum fólks er
með gerólíkum hætti. Afturvirk
skatttaka þykir sjálfsögð þegar líf-
eyrisþegar eiga í hlut og þeirra
fjármagnstekjur koma svo til tvö-
faldrar skatttöku og ugglaust til-
finnanlegri en hinna sem fengu
skattalækkanir í forgjöf.
Grimmileg hefnd
Sannleikurinn er sá að við höf-
um aldrei viljað trúa því að þessi
yrði framkvæmdin, svo mikla
rangsleitni gagnvart þessu fólki
sem hún felur í sér, en nú verður
ekki annað séð en lífeyrisþegar
hljóti umtalsveröa launalækkun af
völdum fjármagnstekna sinna, ef
einhverjar reynast, löngu áður en
hin almenna skatttaka hefst af
raunverulegum eigendum fjár-
magnstekna sem hefur svo í
þokkabót verið færð skattalækkun
á móti svo hvergi verði af tekjutap
þeirra í raun.
Endurtekið skal að í fjárhirzlum
fæstra fatlaðra er að finna slíkar
fúlgur, en ef sparsemin og ráð-
deildin hafa verið slíkar að eitt-
hvað hefur verið unnt að leggja til
hliðar af litlum tekjum þá skal
þess nú grimmlega hefnt.
Er nema von við séum ekki enn
farin að trúa aðgerðum af þessu
tagi og á það bent í lokin að enn er
lag, enn er möguleiki að snúa við,
hverfa frá þessari aðgerð og snúa
sér að þeim sem sannanlega mega
missa.
Helgi Seljan
Kjallarinn
Helgi Seljan
félagsmálafulltrúi ÖBÍ
„Afturvirk skatttaka þykir sjálf-
sögö þegar lífeyrisþegar eiga í
hlut og þeirra fjármagnstekjur
koma svo til tvöfaldrar skatt-
töku og ugglaust tilfinnanlegri
en hinna sem fengu skattalækk-
anir í forgjöf
Netið, strengurinn og Jónas
Mikill er máttur þinn, Jónas. Þú
skrifar á laugardaginn pistil í
blaðið þitt af þvílíkri snilld að ég
minnist varla annars sem kemst í
hálfkvisti notkun þína á íslensku
ritmáli, já og endurbirtir hann án
skýringa á mánudaginn. Ég fyrir-
verð mig fyrir að vera að reyna af
mínum auma mætti og allt of lítilli
kunnáttu í meðferð íslenskunnar
að svara þessum skrifum þínum.
En mér er málið skylt og get ekki
lengur setið þegjandi yfir sífelld-
um árásum í blaðinu þínu á okkur
sem störfum hjá Pósti og síma.
Póstur og sími er auðvitað ekk-
ert annað en það samviskusama
og duglega starfsfólk sem þar
starfar. Mestu verðmæti fyrirtæk-
isins Pósts og síma eru þetta
starfsfólk sem hefur á skömmum
tíma byggt upp eitt fullkomnasta
fjarskiptakerfi sem til er. Aðal-
verðmæti fyrirtækisins liggja ekki
í búnaði sem er í hraðri úreldingu
heldur hæfileikanum til að nýta
hann til hins ýtrasta og endur-
bæta á sem hagkvæmastan hátt.
Það kemur fram mikill mis-
skilningur hjá þér, Jónas, þegar
þú heldur því
fram að Pósti og
síma sé illa við
INTERNETIÐ
eða netið eins og
þú kýst að kalla
það. Allir sem
nota það fara
með sín fjar-
skipti á einn eða
annan hátt um
okkar kerfi og
við höfum af því
tekjur.
Upphaf eða endir?
Ég held líka, Jónas, að þú sért
allt of svartsýnn að halda þáð að
við séum núna á endasprettinum.
Þó við séum báðir famir áð eldast
er ég viss um að við, og ekki síst
unga fólkið sem er að feta sín
fyrstu spor á INTERNETINU,
erum varla farin af stað á þessari
nýju upplýsingahraðbraut, við
erum langt frá endasprettinum,
reynum að hitta fyrst á byrjunar-
hliðið.
„Eigum við ekki frekar að halda
áfram á þeirri braut sem við nú
ioksins erum farin að feta, að
draga sem mest úr ríkisafskiptum
á öllum sviðum, jafnvel vegagerð
líka?“
Mér líst ekkert á
þessa hugmynd þína
um að ríkisvaldið
fari að koma að þess-
um almennu fjar-
skiptakerfum. Eigum
við ekki frekar að
halda áfram á þeirri
braut sem við nú
loksins erum farin að
feta, að draga sem
mest úr ríkisafskipt-
um á öllum sviðum,
jafnvel vegagerð lika?
Ég held að með því
ýtum við undir sjálfs-
bjargarviðleitni sem
löngum hefur verið á
háu stigi hér á landi.
Um þrengslin á
netinu ætla ég ekki
að fjölyrða hér en sé
þó með því að skoða
upplýsingarnar hjá
Isnet að engin þrengsli eru þar
núna. Hitt finnst mér verra að þú
fullyrðir að við sinnum rekstrin-
um með hangandi hendi. Ég veit
að þetta er ekki rétt en hvernig á
ég að geta þurrkað út þann vírus
sem þú ert búinn að planta með
þessari órökstuddu fullyrðingu í
þínum pistli í einum máttugasta
skoðanamyndandi fjölmiðli lands-
ins?
Ég er eins og hrópandinn í eyði-
mörkinni, það heyrir
enginn til mín. En
fyrir þá sem áhuga
hafa á hinu sanna þá
geta þeir nálgast upp-
lýsingar sem sýna að
langtíma áreiðanleiki
sambandsins við út-
lönd er yfir 99%
Varasambönd
Auðvitað er hitt rétt
að strengurinn til út-
landa hefur bilað
meira en góðu hófi
gegnir. En gleymdu
því heldur ekki að
þrátt fyrir það eru
varaleiðir okkar það
margar fyrir almenna
talsímakerfið að not-
endur þess hafa sjald-
an orðið varir við
þessar bilanir. Vand-
ræði INTERNETSINS felast í því
að það hefur einungis eina leið til
útlanda og allt dettur út ef hún bil-
ar. Það eru tO ýmsar aðferðir til
að betrumbæta þetta ástand með
þeim kerfum sem fyrir hendi eru í
dag og án þess að leggja í mikinn
kostnað. Ein augljós væri til dæm-
is sú að netið veldi sjálfvirkt eina
eða fleiri samnetslínur (ISDN) til
útlanda ef aðalleiðin rofnar.
Jón Þóroddur Jónsson
Kjallarinn
Jón Þóroddur
Jónsson
yfirverkfræöingur hjá
Pósti og síma
Með og
á móti
„Halló Akureyri“-hátíðin
um verslunarmannahelgina
Magnús Már
Þorvaldsson,
framkvæmda-
stjóri „Halló
Akureyri11.
Rökin
einföld
„Rökin fyrir
því að halda
svona hátíð eru
einföld. Ef ein-
ungis er litið
til efnahags-
lega þáttarins
er sá munur nú
að við byggjum
upp gleði- og
skemmtibæ í
stað þess að
hér sé dauður
bær eins og var
um þessar
helgar áður.
Þetta hefur þýtt að þau fyrirtæki
sem fóru halloka þessar helgar
eru nú að taka inn mikla pen-
inga sem kemur þeim til góða og
öðmm íbúum bæjarins. í annan
stað emm við að ræða um mynd-
arlega fjölskylduhátíð sem mið-
ast ekki einungis við unglinga.
Við bjóðum upp á bestu mögu-
lega heilsugæslu og eftirlit þar
sem koma að aðilar eins og lög-
regla og hjálparsveitir, og í stað
þess að foreldrar séu í ótta um að
böm þeirra fari á útihátíðir út
um allt eru þau í bænum undir
góðu eftirliti. Ég vil taka það
fram að sá hópur sem að þessu
kemur, hagamunaaðilar i ferða-
þjónustu á Akureyri, hefur allan
tímann lagt sig fram um að
vinna í samvinnu við þá aðila
sem að þessu geta komið og nefni
ég þá slysadeild sjúkrahússins,
félagsmálastjóra, íþrótta- og
æskulýðsráð, lögreglu og héraðs-
lækni sem jafnframt er formaður
barnaverndarráðs Akureyrar-
bæjar.“
Sumt
fólk
hrætt
„Mér finnast
þessar hátíðir
oft hálfgerð
vandræði það
sem ég hef séð
frá þeim og
mér finnst
ekki eftirsókn-
arvert að kalla'
unglinga á Bi ir Snæ.
slikar skemmt- björnsson, pró-
amr. En sumir fastur á Akur.
vilja meina að eyrj
betra sé að
þeir séu þar
sem eitthvert eftirlit er. Þetta
þyrfti hins vegar að vera eitt-
hvað öðmvísi og reyna þarf að
sporna enn frekar við áfengis-
drykkju en gert er. Þetta hlýtur
að baka mörgum erfiðleikum því
fólk kærir sig ekki um hávaðann
sem þessu fylgir, t.d. við tjald-
svæðin. Og sumt fólk er hrætt
þegar hóparnir fara um bæinn
með öskrum og óhljóðum. Ég hef
sjálfur ekki farið inn á þessar há-
tíðir, hef bara séð þetta í sjón-
varpi og öðrum fjölmiðlum, en
margt fólk er hrætt við þetta og
telur þetta alls engan happafeng
fyrir bæinn, sérstaklega fólkið í
nærliggjandi húsum við tjald-
svæðin. Mér finnst að þeir sem
stofna til svona hátíða beri mikla
ábyrgð og verði að reyna að axla
hana betur en oft hefur verið.
Það er skelfilegt þegar unga fólk-
ið veltist um viti sínu fjær eins
og maður hefur oft séð á mynd-
um.“