Dagblaðið Vísir - DV - 28.09.1996, Blaðsíða 50

LAUGARDAGUR 28. SEPTEMBER 1996
58 kvikmyndir
K M Y
Stjörnubíó - Svaðilförin:
Reynsla sem aldrei gleymist
Sjálfsagt eru fáir leikstjórar jafn mistækir og Ridley
Scott, það er ótrúlega mikill munur á miili hans bestu
mynda; Alien, Blade Runner og Thelma and Louise, og
þeirra verstu; Black Rain og 1492: Conquest of Paradise.
Eitt eiga þó myndir hans sameiginlegt, það býr mikill
metnaður að baki þeim öllum og Svaðilforin (White Squ-
all) er engin undantekning að því leytinu. Hún verður
þó aldrei talin meðal betri mynda Scotts. En myndin hef-
ur samt yfir sér stórmyndarbrag og þegar hvirfilbylur-
inn skellur á seglskipið er um að ræða kvikmyndagerð
af bestu gerð, aðdragandinn er bara alltof langur.
í Svaðilförinni er sögð sönn saga um örlagríka ferð
skútunnar Albatross í byrjun sjöunda áratugarins.
Albatross var skólaskip sem lagði upp í ársferðalag með
þrettán nemendur og íjóra í áhöfn. Siglt var vítt og
breitt um Kyrrahafið. í lok ferðarinnar skellur á hvirfil-
bylur og fiórir nemar og tveir áhafnarmeðlimir farast.
Þetta er mikil örlagasaga og tilvalið efni í kvikmynd en Ridley Scott hefur kannski verið
í byrjun með of háleitar hugmyndir um að sem flestar persónurnar fengju að njóta sin.
Úr verður allt of langur aðdragandi og svo sannarlega er Svaðilforin ein af „löngu“ mynd-
unum sem hæglega hefði getað verið styttri. Oflengd myndarinnar felst fyrst og fremst í
fyrri hlutanum. Lokaatriðið, réttarhöldin yfir skipstjóranum, hefði mátt vinna betur, gera
mun beinskeyttari i stað þess að halla sér að melódramanu sem verður sykurhúðað í lok-
in.
Jeff Bridges hefur oft verið talinn vanmetinn leikari og satt er það að hann hefur verið
góður á annarri fiðlu í mörgum myndum. En hann er ekki rétti leikarinn í hlutverk skip-
stjórans, skipstórinn er hörkutól sem nemarnir virða og hræðast. Bridges nær aldrei að
sýna hörkuna á sannfærandi hátt en nær mun betri tökum á persónunni þegar innri
maðurinn kemur í ljós.
I heild er Svaðilfórin einstaklega áferðarfalleg kvikmynd, stórfengleg á köflum, kvik-
myndataka og tónlist góð og ferð Albatross er mikið drama. En það vantar snerpu í at-
burðarásina, allt of oft spyr maður sjálfan sig hvort eitthvað fari ekki að gerast.
Leikstjóri: Ridley Scott. Handrit: Todd Robinson. Kvikmyndun: Hugh Johnson. Tónlist: Jeff Rona.
Aðalleikarar: Jeff Bridges, Caroline Goodall, John Savage, Scott Wolf, Jeremy Sisto og Balthazar Getty.
Bönnuð börnum innan 16 ára. Hilmar Karlsson
Regnboginn - Hestamaðurinn á þakinu:
Vondir menn og kólera
Franski kvikmyndaleikstjórinn Jean-Paul Rappeneau
sækir enn efnivið til vinsælla franskra skáldverka. Sið-
ast var það Cyrano de Bergerac, sem úr var einstaklega
vel heppnuð mynd, hrífandi og skemmtileg, en nú er það
saga Jeans Gionos um riddarann á þakinu. Það hefði
vart verið á færi nema ofurmenna að jafna metin við
Cyrano, hvað þá að gera betur. Og það er allnokkur veg-
ur frá því að Rappenau takist það hér þótt myndin sé
hin vandaðasta í alla staði. Það sem vantar er neistinn
eða bálið sem þeim frábæra Gérard Depardieu tókst að
kveikja í Cyrano, sællar minningar.
Efniviður þessarar myndar er svosem nógu dramatísk-
ur. Ungur ítalskur uppreisnarmaður, Angelo, (Martinez),
alinn upp i byltingaranda og góðum siðum af móður
sinni, aðalskonunni, svo formfastur að stappar nærri fá-
ránleika, er á flótta undan flugumönnum Austurríkis-
keisara sem ræður öllu á Ítalíu norðanverðri. Þetta ger-
ist skömmu eftir 1830. Sögusviðið er suðaustanvert Frakkland þar sem kólerufaraldur
geisar og hefur kollvarpað tilverunni með tilheyrandi nomaveiðum og aftökum á blóra-
bögglum. Á flóttanum kynnist Angelo imgri konu, Pauline (Binoche), sem bíður vel mið-
aldra eiginmanns síns í húsi frænkna sinna en verður að yfirgefa bæinn vegna kóleru-
faraldursins. Saman halda ungmennin út á þjóðvegina þar sem þau lenda í miklum
hrakningum og mannraunum og með þeim kviknar eins konar ást áður en yfir lýkur.
Mynd þessi er fyrst og fremst stórkostleg umgjörð, hvort sem það er leikmyndin og bún-
ingamir og annað þeim tengt eða ægifagurt landslagið i Provence og við rætur Alpanna,
utan um sögu sem hafði alla burði til að verða hádramatísk en varð það ekki. Persónum-
ar, eins og þær em hér upp dregnar, eru ekki nóp spennandi til þess, meiri dýpt skort-
ir og það vantar neistann milli þeirra. Þar er sjálfsagt um að kenna bæði leikurum og
efninu sem þeir hafa milli handanna. Þetta er þó hin áferðarfallegasta mynd og tímanum
allvel varið við að horfa á hana.
Leikstjóri: Jean-Paul Rappeneau. Handrit: Rappeneau, Nlna Companeez og Jean-Claude Carriere. Kvikmyndataka:
Thierry Arbogast.
Leikendur: Olivier Martinez, Juliette Blnoche, Jean Yanne, Francois Cluzet, Pierre Arditi.
Guölaugur Bergmundsson
Háskólabíó - Keðjuverkun:
Áflótta
Leikstjórinn Andrew Davius vann sér virðingu allra
spennumyndafíkla þegar hann gerði The Fugitive, einkar
útsjónarsama og góða mynd sem hélt áhorfandanum í
spennu allan tímann. Davis tók sér smáhvíld frá spennu-
myndunum og gerði litla mynd á eigin vegum, Steal Big,
Steal Little, sem fór nánast beint á myndbandamarkað-
inn og þótti ekki merkileg smíði. Davis hefúr því sjálf-
sagt þótt öruggast að róa á örugg mið og virðist Keðju-
verkun (Chain Reaction) vera tilraun til að endurgera
The Fugitive, alla vega er aðalpersónan á flótta alla
myndina en nú bregður svo við að Davis nær ekki upp
sömu spennu aúk þess sem handritið að Keðjuverkun er
langt í frá að vera eins gott og í The Fugitive.
Hugmyndin um þann fjarlæga draum að vinna orku úr vatni er góðra gjalda verð en þvi
miður er sagan í kringum hugmyndina ekki nógu sterk, hvort sem litið er á hana frá
vísindalegu sjónarmiði eða mannlegu. Eftir að ungu vísindamennirnir, sem Keanu
Reeves og Rachel Weisz leika, eru orðin að skotmarki hjá bæði FBI og leynilegri sveit á
vegum CIA og eru lögð á flótta fara að myndast lausir endar í framvindu mála sem erfitt
er að sauma í eftir því sem liður á myndina. Það vantar ekki að nóg er um að vera og
myndin heldur uppi miklum hraða, þá eru einstaka atriði vel gerð og sýna að Davis er
góður fagmaður, en honum vantar getuna til að ná miklu úr litlu.
Það er alltaf að koma betur og betur í ljós að Keanu Reeves er mjög svo ofmetinn leik-
ari. í hlutverki hins verklagna Eddie Kasalivich er hann nánast eins og belja á svelli í
öllum áhættuatriðum og leikur hans er i heild bragðdaufur. Hin unga leikkona Rachel
Weisz kemst mun betur frá sínu og Morgan Freeman á ekki i erfiðleikum með að
skyggja á alla aðra í þeim atriðum sem hann leikur í þótt persónan sé ekki mjög sann-
færandi.
Leikstjóri: Andrew Davls. Handril: J.F.Lawlon og Michael Bortman. Kvikmyndataka: Frank Tidy. Tónlist: Jerry
Goldsmlth.
Aðallleikarar: Keanu Reeves, Morgan Freeman, Rachel Weisz og Fred Ward.
Hilmar Karlsson
Rhea Perlman í hlutverki körfuboltaþjálfarans segir liðsmönnum sínum hvernig spila skal.
Sunset Park í Stjörnnubíói:
Hvernig búa á til
gott körfuboltalið
Sunset Park, sem Stjömubíó hóf sýningar á í
gær, er um hressa stráka sem kunna að spila
körfubolta. Alla dreymir þá stóra drauma um
frægð og frama sem atvinnumenn. Strákamir
eru allir nemendur við Sunset Park High og
eru síður en svo ánægðir þegar það kemur í
ljós að þjálfari þeima er kona og það algjör trít-
ill. Það kemur þó í ljós að Phyllis Saroka, en
svo nefnist þjálfari þeirra, kann ýmislegt fyrir
sér og hún veit að það er ekki snilli einstak-
lingsins sem gildir í skólakeppninni sem
framundan er heldur er það liðið í heild.
I hlutverki Phyllis Saroka er Rhea Perlman
sem margir kannast við úr Staupasteini en þar
lék hún hina smávöxnu en kjaftforu þjónustu-
stúlku. Þá má geta þess að hún er einnig eigin-
kona Dannys DeVito. í hlutverkum strákanna
eru nýliðar í kvikmyndaleik er voru meðal
annars valdir vegna þess hversu snjallir þeir
em í körfuboltanmn. Perlman, sem segist lítið
vita um körfubolta, sagði að það hefði samt
verið auðvelt fyrir hana að leika Sardoka þar
sem hún veit heldur ekki mikið um körfubolta.
„Hún er eins og ég, veit að boltinn á að fara í
körfuna og að fyrir það fást tvö stig.“
Leikstjóri Sunset Park er Steve Gomer sem á
rætur sínar að rekja til leikhússins og starfaði
í mörg ár í New York og kenndi leik og leik-
stjóm í Princeton háskólanum áður en hann
hóf að leikstýra kvikmyndum. Fyrir kvikmynd
sína Fly by Night fékk hann verðlaun kvik-
myndagerðarmanna á Sundance- kvikmynda-
hátíðinni árið 1994.
-HK
ItTakesTwo í Bíóhöllinni:
í hamingjuleit
Steve Guttenberg og Kirstie Alley í hlutverkum sínum. í bakgrunninum
eru Olsen tvíburarnir.
It Takes Two er gam-
ansöm fjölskyldumynd
sem Sam-bíóin frum-
sýna í dag. Fjallar
myndin um fóstruna
Diane Barrows sem
þráir ekkert heitar en
að koma sér upp fjöl-
skyldu. Meðan hún
bíður eftir þeim eina
rétta vinnur hún á
munaðarley singj ahæli
í New York og hefur
tekið sérstöku ástfóstri
við hina níu ára gömlu
Amöndu. Hún vill ætt-
leiða hana og Amanda
vill einnig ólm verða
ættleidd af Diane en
þeir sem ráða segja að
hún verði að vera ætt-
leidd af fjölskyldu. Þeg-
ar Diane er eitt sinn á
ferðalagi með börnin
sín hittir Amanda
óvænt Alyssu og þeim
til mikillar undrunar
taka þær eftir þvi að
þær eru nákvæmlega eins. í ljós kemur að faðir
Alyssu, Roger Callaway, er forríkur ekkjumað-
ur sem býr einn og það hafði verið draumur
Alyssu eins og Amöndu að eignast fjölskyldu.
Þær stöllur sjá sér nú leik á borði að eignast
sömu foreldra. Þær skipta með sér hlutverkum
og byrja að undirbúa jarðveginn.
í hlutverkum Diane og Rogers eru Kirstie
Alley og Steve Guttenberg en í hlutverki stelpn-
anna eru tvíburamir Mary-Kate og Ashley 01-
sen en þær léku í mörg ár í einum vinsælasta
sjónvarpsþætti í Bandaríkjunum, Full House.
Þar léku þær til skiptis sama hlutverkið. Tví-
burarnir voru aðeins níu mánaða þegar þær
hófu leik í seríunni en voru orðnar níu ára
þegar serian endaði sitt skeið i fyrra. Gerðir
hafa verið sérstakir sjónvai-psþættir um tví-
burana og auk þess hafa þær leikið í mörgum
sjónvarpsmyndum. Tviburarnir hafa gefið út
tvær geislaplötur sem báðar hafa komist inn á
vinsældalista.
-HK