Dagblaðið Vísir - DV - 05.01.1999, Blaðsíða 12

12
ÞRIÐJUDAGUR 5. JANÚAR 1999
Spurningin
Lesendur
Hvernig fannst þér
áramótaskaupið?
Fanney Jónsdóttir nemi: Mér
fannst það ekkert sérstakt.
Steinunn Sveinsdóttir útivinn-
andi: Mjög skemmtilegt.
Kári Ragnarsson nemi: Frábært.
Adolf Lúðvíksson nemi: Ekkert
spes.
Bjargey Ingólfsdóttir nemi: Mér
fannst það betra en í fyrra.
Afgerandi sam-
staða ræður miklu
Herhvöt til aldraöra:
Afgerandi samstaða þeirra 30 þúsund landsmanna sem eru yfir sextugt get-
ur ráðið miklu um það hverjir veljast til setu á Alþingi næsta kjörtímabil.
Ellilífeyrisþegi skrifar:
Rétt fyrir jólin greiða alþingis-
menn atkvæði um það hversu ráða-
mönnum þóknast að skammta okk-
ur til lífsviðurværis á næsta ári, en
samkvæmt framlögðu fjárlagafrum-
varpi er lagt til að hækka bætur al-
mannatrygginga um 3,65%, og frí-
tekjumarkið einnig um sömu pró-
sentu 1. sept. 1999. - Sem sé; eftir
kosningar. Takið eftir því.
Hvað skyldu svo þessi 3,65% gera
margar krónur á mánuði á ellilaun-
in og tekjutrygginguna hjá ein-
hleypingi, sem fær t.d. um 25 þús.
kr. úr lífeyrissjóði? - Ellilífeyrir kr.
15.123 x 3,65% gerir kr. 552 í hækk-
un á mánuði, en eftir skatt standa
eftir hvorki meira né minna en 337
krónur. Það munar aldeilis um það!
Full tekjutrygging kr. 27.824 x
3,65% gerir 1016 krónur í hækkun á
mánuði, eftir skatt 620 krónur.
Hugsið ykkur! Hvort tveggja sam-
tals heilar 957 krónur á mánuði. Já,
það er reisn yfir þessu frá þeim full-
trúum fólksins á Alþingi íslendinga
sem telja þetta sæmandi. Og það i
þessu svokallaða góðæri sem sjálf-
umglaðir ráðamenn guma óspart af
í tíma og ótíma.
Nú er meira en tímabært að við,
aldraðir, forum sjálfir að gefa þess-
um málum meiri gaum en hingað til.
Forystumenn okkar í félögum aldr-
aðra virðast hugsa meira um afþrey-
ingarmálin en íjárhagslega afkomu
félagsmanna, en gamla fólkið þarf að
hafa efni á því að fara á skemmtan-
irnar og í ferðalögin. Ég fullyrði, að
það er mjög stór hópur aldraðra sem
hefur það ekki, og þarf að velta
hverri krónu milli handa sér til að
eiga fyrir lífsnauðsynjum.
Draga á úr því að tekjur maka ör-
yrkja skerði tekjutryggingu öryrkj-
ans, og er það hið besta mál, en eft-
ir því sem ætla má af umræðum á
þingi fyrir skömmu var ekki að
heyra á heilbrigðisráðherra að
breyta ætti þessu gagnvart ellilaun-
unum, sem þá væntanlega þýðir um
leið að öryrkinn lendir aftur i þess-
ari skerðingu þegar hann verður 67
ára. Eða hvað?
Ekki er ósennilegt að a.m.k. þing-
menn stjórnarandstöðu og e.t.v. þeir
huguðustu úr röðum stjórnarflokk-
anna freisti þess að fá fram ein-
hverjar breytingar á frumvarpinu,
t.d. með hækkun frítekjumarks
strax eða að á hluta lífeyrissjóðs-
greiðslna falli 10% skattur eins og
annan peningasparnað. Þessar
greiðslur eru ekkert annað en lög-
bundinn sparnaður launþegans í
gegnum tíðina, og sem hann er nú
að taka út - og hefur áður greitt
tekjuskatt af. Afgerandi samstaða
þeirra 30 þúsund landsmanna sem
eru yfir sextugt getur ráðið miklu
um það hverjir veljast til setu á Al-
þingi næsta kjörtímabil.
Á ráðherra að nota
valdið í eigin þágu?
Ólafur Guðmundsson skrifar:
Eina ferðina enn notar ráðherra
eða embættismenn aðstöðu sína til
að klekkja á annarri manneskju
sem ekki hefur sömu aðstöðu og
þeir. í krafti embættis síns segir
ráðherra að formaður Friðar 2000
sé óábyrgur maður vegna mót-
mæla hans við ráðherrann. Einnig
neitar ráðherrann að láta ráðu-
neyti sitt aðstoða hann og notar
embættið þannig í eigin þágu til að
hefna sín á honum. Það skýtur
skökku við að land eins og ísland
sem ætti að vera í fararbroddi í
heiminum fyrir friði á jörðu skuli
reyna að koma í veg fyrir að börn-
um í írak sé hjálpað. Milljónum
barna sem svelta og eru sjúk og
lyfjalaus. Ráðherrann ætti frekar
að hjálpa til, hann væri betri mað-
ur á eftir.
Einu megum við ekki gleyma.
Það voru Bandaríkjamenn og Bret-
ar sem komu Saddam Hussein til
valda og létu hann hafa vopn. Þeir
vita upp á hár hvað hann hefur
undir höndum af vopnum. Hann
var leppur þeirra til að berjast við
klerkastjórnina í íran. Og það var
markmið Breta og Bandaríkja-
manna að hann útrýmdi þeim.
Ekki tel ég að formaður Friðar
2000 sé friðarboðinn sem
Nostradamus spáði fyrir um. En
hann hefur hugsjón sem hann hef-
ur rétt til að framkvæma án ofbeld-
is. Enginn hefur rétt til að koma í
veg fyrir það.
Nýtt Lúxemborgarflug
- áfram að hætti Flugleiöa hf.
þjónusta
allan
Birgir Sigurðsson skrifar:
Margir voru að vona að senn birti
til í samgöngumálum okkar íslend-
inga um leið og Flugleiðir hf. hættu
flugi sínu til og frá Lúxemborg, með
því að nýr eða nýir aðilar tækju upp
þráðinn og byðu nú viðráðanleg far-
gjöld. En ónei. Flugfélag þeirra í
Lúxemborg, Luxair, ætlar að hefja
flug milli landanna en þó ekki fyrr
en í vor og aðeins yfir sumarið. Far-
gjöld verða í takt við þau er Flug-
leiðir buðu og markaðssetning verð-
ur í samvinnu við Flugleiðir að því
er kemur fram í frétt um málið.
Einnig verða brottfarartímar Luxa-
Fulltrúar Luxair og Flugleiða kynna flug milli íslands og Lúxemborgar. - Ekki
sú himnasending sem margir vonuðu, segir m.a. í bréfinu.
ir héðan á versta tíma sem hugsast
getur, ýmist að kvöldi til eða yfir
blánóttina, þannig að farþegar neyð-
ast til að kaupa hótel í Lúxemborg
eða bíða af sér nóttina á flugvellin-
um í Lúxemborg til að ná fram-
haldsferðum frá landinu.
Allt er þetta því að hætti Flug-
leiða hf. og enn hafa Flugleiðir und-
irtökin í samgöngum til og frá land-
inu og algjöra einokun á Amer-
íkuflugi. Verðlag á flugi héðan er
alltof hátt og er raunar ekki á færi
annarra en auðkýfinga eða hálauna-
manna að stunda ferðalög héðan -
nema með því að láta sér lynda
pakkaferðir til fyrir fram ákveðinna
staða. - Lúxemborgarflug hið nýja
er því ekki sú himnasending sem
margir höfðu vonað.
I>V
Ruglað þjóð-
skáld undir rúmi
Kristófer hringdi:
Ég horfði á sjónvarpsleikritið
Dómsdag á 2. jóladag. Það sem mér
blöskraði var lýsing höfundar á
þjóðskáldinu Einari Benediktssyni.
Og reiknaði ég fastlega með að ein-
hverjir létu í sér heyra vegna þess,
jafnvel einhverjir úr hópi ættingja.
Hinu áttaði ég mig ekki á strax, að
prestshjónin yrðu bitbein gagn-
rýnenda, en auðvitað er sú gagn-
rýni réttmæt. Hitt, að niðurlægja
eitt besta þjóðskáld okkar með því
að sýna það ýmist kolruglað liggj-
andi undir rúmi eða ganga fyrir
takmarkalausri víndrykkju er
meira en ég get sætt mig við. Ég
trúi ekki öðru en fleiri séu mér
sammála um þetta. - Myndin var
hins vegar vel gerð og að mörgu
leyti áhugaverð. Niðurlæging
helstu persónanna skemmdi hana
þó verulega.
Hlutabréfakaup-
in þungur baggi
Lára hringdi:
Ég heyrði frétt á Bylgjunni í há-
deginu þ. 29. des. sl. þar sem sagt
var frá því aö einhver brögð væru
að því að menn hefðu ekki leyst til
sín þau hlutabréf sem þeir hefðu
skráð sig fyrir og var Búnaðar-
bankinn tekinn sem dæmi. Ég held
að þetta eigi við miklu víðar. Menn
höfðu skrifað sig fyrir ákveðnum
upphæðum á hlutabréfakaupum
sem þeir sjá svo, við nánari
grennslan, að þeir ráða ekki við
fjárhagslega, ásamt annarri
greiðslubyrði. Hlutabréfakaupin
hygg ég verði mörgum þungur
baggi. Hugmyndin er góð en í því
stressi og óðagoti sem hér er spilað
upp urðu alltof margir slegnir ofur-
bjartsýni og sáust ekki fyrir er þeir
skráðu sig fyrir stóru upphæðun-
um, sem mörgum verður of stór
biti að kyngja.
Evran og ísland
K.Á. skrifar:
Senn kemur gjaldmiðillinn evra
til skjalanna sem gjaldmiðill í Evr-
ópulöndunum flestum. Ekki öllum
þó og ekki heldur hér á íslandi, því
miður. í löndum evrunnar munu
vextir lækka og öll viðskipti milli
landanna verða hagkvæmari og
auðveldari fyrir íbúana. Hér mun
sitja við það sama og áður; gjald-
eyrishungur, og nú aðallega eftir
evrunni, háan kostnað bankanna
og við munum dragast aftur úr á
flestum sviðum efhahagsmála. En
það er okkur mátulegt, við viljum
ekki gerast aðilar Evrópusam-
bandsins, ekki einu sinni ræða um
hvað okkur býðst þar. Og við vilj-
um heldur ekki knýja á um aðild
að tollabandalaginu NAFTA,
Bandaríkjanna, Kanada Mexíkó og
brátt annarra Ameríkuríkja. Við
viljum bara tátla hrosshárið okkar,
og það með gömlu aðferðinni, ber-
um höndunum. Enga tækni, enga
hagræöingu. Við erum séstök þjóð í
anda ísraelsmanna, sérstaklega út-
valin þjóð sem ekki hæfir að vinna
með öðrum.
Sóðaleg sjón-
varpsmynd
Eyþór skrifar:
Mér er til efs að nokkur heiðar-
leg fjölskylda hafi setið saman við
sjónvarpstækið til að horfa á mynd-
ina hans Hrafhs Gunnlaugssonar
27. des. Þarna var um slíkt óeðli að
ræða í framsetningu að ég var sá
eini af 6 manns sem entist til að
horfa á myndina til enda, eingöngu
til að geta orðið þess áskynja hve
mikinn óþverra Sjónvarpið býður
okkur þessum kúguðu þegnum sem
verða aö greiða fyrir Ríkissjón-
varpið. Ég spyr nú bara: Er enginn
á stofnuninni sem tekur ábyrgð á
svona efni? Hvar er t.d. útvarps-
stjórinn sem sendir okkur kveðjur
stofnunarinnar á gamlárskvöld,
eða aðrir yfirmenn Sjónvarps?
Þessi stofnun á sannarlega ekki
rétt á sér lengur, og alls ekki í
nauðungaráskrift.