Dagblaðið Vísir - DV - 08.05.1999, Blaðsíða 2

LAUGARDAGUR 8. MAÍ 1999 -ÍL>"\?r
2 t0éttjr
Landsþekktur vélsleöamaður stórslasaöist í sinni síöustu keppni:
Allt slitnaði i fætinum
- segir Finnur Aðalbjörnsson sem bíða þarf mánuðum saman eftir bata
DV, Akureyri:
„Ég var aö stökkva fram af palli,
var ekki á miklum hraða en mis-
reiknaði lendingxma vegna snjó-
blindu. Þess vegna var ég búinn aö
rétta úr fótunum og læsa hnjánum
þegar ég lenti og því fór sem fór,“
segir Finnur Aðalbjömsson, 32 ára
vélsleöamaður sem stórslasaðist í
vélsleðakeppni á Ólafsfirði um síð-
ustu helgi. Finnur, sem er bóndi á
Ytra-Laugalandi í Eyjaíjarðarsveit,
hefur um árabil verið einn af þekkt-
ustu vélsleðaköppum landsins,
hann hefúr keppt frá því hann var
um tvitugt, varð þrívegis íslands-
meistari fyrir nokkrum árum og
hefur allt fram á þennan dag verið í
fremstu röð og þótt ótrúlega mikill
keppnismaður.
„Þetta átti að verða mín síðasta
keppni á ferlinum og verður það al-
veg örugglega,“ sagði Finnur þegar
DV hitti hann á Fjórðungssjúkra-
húsinu á Akureyri í gærmorgun en
þá beið hann eftir því að verða flutt-
ur til Reykjavíkur þar sem hann
átti að gangast undir rannsóknir i
gær.
„Þegar sleðinn kom niður bogn-
aði hnéð á vinstra fæti í ranga átt
og því fylgdi gífurlegur sársauki. Ég
hafði verið í forystu en hugsaði
strax ekki um neitt annað en að
koma mér út úr brautinni svo ekki
yrði keyrt á mig. í fyrstu héldu
menn að ég væri fótbrotinn en svo
reyndist ekki vera. Ég fór úr liðnum
og það slitnaði nánast allt í fætinum
sem slitnað gat. Læknar hafa sagt
að það sé ekki hægt að gera neinar
aðgerðir á fætinum fyrr en eftir
margar vikur eða mánuði og ég
verð bara að taka því.
Það er alveg hryllilegt helvíti að
upplifa þetta í sinni síðustu keppni.
Þetta hefði þó getað gerst hvenær
sem Vcir og var engu um að kenna,
hvorki brautinni sem keppt var í né
neinu öðru. Maður verður bara að
taka þessu,“ segir Finnur. -gk
Eiturkokkteill í höfninni á Seyðisfirði:
Hreinræktaður
klaufaskapur
- segir bæjarstjóri
Rúmlega 500 lítrar af hráolíu
fóru í höfnina á Seyðisfirði í
fyrradag. Verið var að taka olíu á
kolmunnaveiðiskipið Bjama
Ólafsson AK og um leið að skipta
milli tanka. Það tókst ekki betur
en svo að út fossuðu rúmlega 500
lítrar af olíu. Þar er þó ekki öll
sagan sögð því að stuttu fyrr
sprakk blóðvatnslögn þegar verið
var að landa úr Sveini Benedikts-
syni stutt frá í höfninni og fór
heilmikið blóðvatn einnig í sjó-
inn. Blóðvatnsbrákin var einmitt
búin að dreifa sér að Bjarna
Ólafssyni þegar olían byrjaði að
fossa og úr varð sannkallaður eit-
urkokkteill sem var á svipstundu
búinn að breiða úr sér yfir allan
fjörðinn. Var það mjög ljót sjón að
sögn sjónarvotta
Óttast var um að æðarfugl
myndi lenda i eiturkokkteilnum
en laust var við allan fugladauða.
Veðurblíða
DV, Akureyri:
Akureyringar ganga að kjör-
borðinu í dag í góðu og björtu
veðri, hafi spár í gærkvöldi geng-
ið eftir.
í gær var besti dagur ársins á
Bæjarstarfsmenn og Björgunar-
sveitin ísólfur voru kölluð út til
að eiga við olíuna og einnig var
fenginn mengunarvamarbúnaður
frá Reyðarfirði auk þess búnaös
sem er til staðar á Seyðisfirði.
Hreinsunarmenn notuðu svokalla
botnfeflingarefni til þess að ná
tökum á ástandinu og voru þeir
að störfum í gæmótt og framund-
ir hádegi í gær.
„Þetta lítur ágætlega út núna,
sem betur fer var þetta ekki svart-
olía þannig að hún á að eyöast.
Samt er auðvitað ekkert gott að
þurfa að nota þetta botnfellingar-
efni, það er algjör óþverri líka, en
eina ráðið sem er til. Ástæðan fyr-
ir þessu öllu saman var auðvitað
hreinræktaður klaufaskapur en
þetta var afls ekki eins slæmt og
það hefði getað orðið,“ sagði Ólaf-
ur Sigurðsson bæjarstjóri í gær.
-hvs
á Akureyri
Akureyri. Undanfama daga hefur
hiti farið yfir 10 gráður en í gær
var „steikjandi sól“ og hitamælar
fóru í 15-17 stig. Þetta eru kær-
komin viðbrigði eftir langan vet-
ur og erfitt vor nyrðra.
-gk
Finnur á sjúkrahúsinu á Akureyri í gærmorgun, skömmu áður en hann var
fluttur til Reykjavíkur til rannsóknar. DV-mynd gk
Söngur sýslumannsins á ísafirði:
Stones gera hann
ekki vanhæfan
- segir Jón Thors í dómsmálaráðuneytinu
Ekkert er i kosningalögum eða
-reglum sem gerir menn vanhæfa
til setu í landskjörstjóm annað en
það að þeir fari sjálfir í framboð.
Jón Thors, skrifstofustjóri í dóms-
málaráöuneytinu, segir í samtali
við DV að Ölafur Helgi Kjartans-
son, sýslumaður á ísafirði, hafi
síður en svo gert sig vanhæfan til
áframhaldandi setu í yfirkjör-
stjórn með því að syngja Rolling
Stoneslög á samkomu sjálfstæðis-
manna á ísafirði í fyrradag.
Jón segir í samtali við DV að
samkvæmt 11. grein kosningalag-
anna sé aðeins eitt atriði sem geri
menn vanhæfa til setu í nefhdun-
um: Það er að fara í framboð.
Greinin hljóðar svo orðrétt: „Sá
sem á sæti í landskjörstjórn, yfir-
kjörstjóm eða undirkjörstjórn skal
víkja sæti ef
hann er í kjöri til
alþingis.“ Þetta
eru einu vanhæf-
isreglur kosn-
ingalaganna.
Kjörstjómar-
menn em kosnir
af Alþingi í sam-
ræmi við hlutfóll
flokkanna á Al-
þingi. Upphaf-
lega var Þórólfúr
Halldórsson kjör-
inn í yfirkjör-
stjórn í Vestfjaröakjördæmi. Hann
tók síðan sæti á framboðslista og
vék af þeim sökum úr stjóminni,
en Ólafur Helgi var skipaður í
hans stað.
-SÁ
Ólafur Helgi
Kjartansson,
sýslumaöur á
ísafiröi.
Eldur í
eldhúsi
Mikill eldur blossaði upp í eld-
húsi í íbúð við Skipasund í gær.
Hringt var í Slökkvilið Reykjavík-
ur kl. 17.20 og voru slökkviliðs-
menn skjótir á vettvang. Þegar
þeir komu að húsinu hafði
sprungið rúða í eldhúsinu og eld-
urinn logaði glatt. Þó reyndist
ekki erfitt að ráða niðurlögum
hans og breiddist hann lítið út.
Gífurlegur reykur hafði þó mynd-
ast og vom skemmdir af völdum
hans töluverðar. Þegar búið var
að slökkva eldinn var reykræst.
Ein kona var í íbúðinni þegar eld-
urinn blossaði upp og komst hún
ósködduð út úr húsinu.
-hvs
stuttar fréttir
Þrír umsækjendur
Þrír umsækjendur era um
stöðu forstjóra
flugstöövar
Leifs Eiríks-
sonar á Kefla-
víkm-flugvelli.
Þeir eru Ómar
Kristjánsson,
settur forstjóri,
og viðskipta-
fræðingamir Sigurður Jónsson
og Sigurður Karlsson.
Jafnræðisregta brotin
Stöð 2 var skylt samkvæmt út-
varpslögum að eiga sams konar
samtal við Kjartan Jónsson, tals-
mann Húmanistaflokksins, og
hún átti við forystumenn allra
annara stjórnmálaflokka sem
bjóða fram á landsvísu. Þetta var
álit útvarpsréttamefndar í tilefni
af kæm Húmanistaflokksins sem
telur að Stöö 2 hafi brotið jafn-
ræöisreglu samkvæmt útvarps-
lögum. Vísir.is greindi frá
Hjartaaðgerðir í Boston
Tryggingastofnun hefur samið
við Children’s Hospital um lægra
verð fyrir hjartaaðgerðir með
það fyrir augum að geta sent
þangað öll börn sem þurfa á
hjartaaðgerð að halda og ekki er
unnt að sinna á Landspítalanum.
RÚV sagði frá.
Flóttafólki hjáipað
Landsþekktir tónlistarmenn
ætla að leggja hjálparstarfi meðal
flóttafólks frá Kosovo lið með því
að hljóðrita og gefa Hjálparstarfi
kirkjunnar lag tileinkað þeim.
FBA spáir 3% veröbólgu
Fjárfestingarbanki atvinnu-
lífsins hf. spá-
ir að vísitala
neysluverðs
hækki um
0,27-0,32% á
milli apríl- og
maímánaðar.
Það jafngildir
3,3-3,9% verð-
bólgu á ársgrundvelli. Við-
skiptavefur VB á Vísi.is greindi
frá.
Stríðsglæpir
Hópur lögfræðinga frá mörg-
um löndum hefur lagt fram kæm
til Alþjóðadómstólsins fyrir hönd
Sambandsríkja Júgóslavíu gegn
öllum leiðtogum NATO, þar með
töldum Davíði Oddssyni forsætis-
ráðherra og Halldóri Ásgríms-
syni utanríkisráðherra. Vísir.is
greindi frá.
íslendingar kortaglaðir
íslendingar eiga heimsmet í
greiðslukortanotkun. Hér á landi
fer um 75% allra viðskipta í smá-
söluverslun fram með rafrænum
hætti. Þá greiða Islendingar fyrir
um 60% allrar einkaneyslu með
annað hvort debet- eða kredit-
korti, samanborið við aðeins 7%
í ríkjum Evrópusambandsins
(ESB). Viðskiptavefur VB á
Vísi.is greindi frá.
Deiliskipulag samþykkt
Deiliskipulag fyrir bamaspit-
ala á lóð Landspitalans í Reykja-
vík hefur verið samþykkt og því
er hægt að gefa út byggingarleyfi
á fundi byggingarnefndar næst-
komandi miðvikudag. RÚV
greindi frá.
Ölfar ráðinn
Úlfar Steindórsson viðskipta-
fræðingur var í dag ráðinn í
starf fram-
kvæmdastjóra
Nýsköpunar-
sjóðs atvinnu-
lífsins. Úlfar
er 42 ára að
aldri og hefur
tmdanfarin
þrjú ár verið
frcunkvæmdastjóri Union Is-
landia, dótturfyrirtækis SÍF í
Barcelona á Spáni.
-íbk/SÁ