Dagblaðið Vísir - DV - 27.01.2001, Blaðsíða 23

23
LAUGARDAGUR 27. JANÚAR 2001
PV _________________________________________________________________________________Helgarblað
Sársaukafull
og fyndin
Já, hamingjan eftir Kristján Þórð
Hrafnsson á Litla sviðinu
DV-MYND INGÓ
Höfundur og leikarar
„Bræðurnir standa fyrir ólíka sýn é lífið og tilveruna. Sá eldri er kröfuharður
og trúir því að hægt sé að takast kerfisbundið á við lífið. Sá yngri treystir
meira á innsæi sitt og tilfinningar. “ Baldur Trausti Hreinsson, Kristján Þórður
og Pálmi Gestsson.
Kristján Þórður Hrafnsson kom
við ljóðræna taug þjóðarinnar með
sonnettum sínum sem birtust í ljóða-
bókinni Jóhann vill öllum í húsinu
vel. 1 gær var á Litla sviði Þjóðleik-
hússins frumsýnt leikritið Já, ham-
ingjan eftir Kristján Þórð en þetta er
fyrsta leikrit hans í fullri lengd en
leikrit hans, Leitum að ungri stúlku,
var frumsýnt í Iðnó árið 1999. Hann
hefur ekki einungis fengist við eigin
sköpun því að síðustu ár hefur hann
fengist nokkuð við leikritaþýðingar
og þýddi til dæmis Abel Snorko býr
einn sem hlaut magnaðar viðtökur
þegar það var sett upp á sama Litla
sviði árið 1998.
Skýrar myndir
Já, hamingjan fjallar um tvo
bræður sem leiknir eru af Pálma
Gestssyni og Baldri Trausta Hreins-
syni. Leikstjóri verksins er Mel-
korka Tekla Ólafsdóttir sem leik-
stýrði einnig Ahel Snorko býr einn
og telur Kristján Þórður að reynsla
hennar þaðan nýtist mjög vel við
þessa uppsetningu.
Kristján Þórður segir að hann
hafi lengi gengið með hugmyndina
að verkinu í kollinum.
„Hugmyndin að vérkinu kviknaði
árið 1997 eftir að ljóðabókin Jóhann
vill öllum í húsinu vel kom út. Síð-
an hefur myndin verið að skýrast
og verkið smám saman tekið á sig
endanlega mynd. Á æfmgatímabil-
inu hef ég þróað það áfram með
leikurum og leikstjóra og finpússað
það.
Ég held að það hafi gert verkinu
gott hversu mikinn tíma það fékk til
að gerjast. Grunnhugmyndir verks-
ins þróuðust hver i sínu lagi og ég
hafði jafnvel hugsað mér að glíma
við þær hverja fyrir sig. Svo fann ég
leið til að steypa þeim saman."
Hvorugur málpípa höfundar
Eins og áður segir fjallar leikritið
um tvo bræður og samband þeirra.
Verkið gerist á rauntíma og fá
áhorfendur að fylgjast með átökum
þeirra: gamansaga sem yngri bróð-
irinn skrifar þar sem gert er grín að
sjálfshjálparbókum hefur ófyrirsjá-
anlegar afleiðingar.
„Spennan í verkinu liggur ekki
aðeins í atburðarásinni heldur
einnig í samræðunum. Undirtext-
inn, það sem bræðurnir segja ekki
og veigra sér við að segja, skiptir
líka miklu máli.
Bræðurnir standa fyrir ólíka sýn
á lifið og tilveruna. Sá eldri er
kröfuharður og trúir því að hægt sé
að takast kerfisbundið á við lífið. Sá
yngri treystir meira á innsæi sitt og
tilfinningar.“
Hvorum megin stendur Kristján
Þórður?
„Hvorugur bræðranna er málpípa
höfundar. Báðir hafa þeir ýmislegt
til síns máls.“
List orðsins
„Ég hóf rithöfundarferil minn á
því að yrkja ljóð og það gæti hafa
valdið þvi að ég er mjög meðvitaður
um að hafa textann þéttan og hnit-
miðaðan. Ég leitast við að koma
sem mestu til skila í sem fæstum
orðum. Það er góður skóli að glíma
við ljóðið. Sú staðreynd að ég hef
fengist við hið hefðbundna ljóðform
hefur haft áhrif á skrif mín fyrir
leikhús. Ég hugsa mikið um hrynj-
andi málsins og hljómfall."
Og Kristján Þórður vill hreyfa við
fólki.
„Ég hef þá trú að hægt sé að
hreyfa viö fólki með húmor; koma
því á óvart. Undrunin skiptir miklu
máli í leikhúsi. Og það er hægt að
koma fólki á óvart án þess að ganga
fram af því.
Ég hef mikla trú á leikhúsform-
inu, nálægð og lífi leikhússins. Leik-
ritin eru lifandi fyrir augum áhorf-
enda. Eitt af sérkennum leikhússins
er leikurinn með tungumálið. Leik-
hús er ekki síst list orðsins og til-
finninganna. Þar á maður mögu-
leika á að hreyfa við fólki með
tungumálinu."
■ ■■ og líka fyndin
Þjóðleikhúsið hefur úr íjölda
góðra leikara að velja og því ekki
mikil vandræði að velja tvo úr til að
leika bræður. Pálmi Gestsson og
Baldur Trausti Hreinsson gætu
reyndar verið bræður. Þeir eru báð-
ir dökkir yfírlitum, myndarlegir á
velli og svipmiklir leikarar.
„Baldur Trausti og Pálmi hafa
báðir það til að bera sem þarf til að
leika þessar persónur. Þeir hafa
mjög gott vald á kómik og dramatík.
Þeir smellpassa í hlutverkin og eru
geysilega færir leikarar sem gaman
hefur verið að vinna með. Textinn
lifnar í meðförum þeirra og þeir
þræða línuna milli gamans og al-
vöru þannig að sýningin verður ein-
læg, sársaukafull - og líka fyndin.
-sm
vel
Hvíldarstólar
Sófa
Vertu
•Húsgögn
•Lampar
•Indverskar smávörur
•Púðar
Rúmteppi og rúmfatnaciir
A merísk i
Glerborðog 4 stólar Indversbir skápar
Höfchgafla
hvíld/ur á nýju ári
•Lök - Pífulök o.fl.
•Rúmteppasett
•Rúmteppi
Nýtt
lcortatímabil
VærhrvoJr og púthr
SIÐASTIDAGUR *

Opið laugardaga
Mörkinni 4 • 108 Reykjavík
Sími: 533 3500 • Fax: 533 3510 • www.marco.is
Opið virka daga
frá 10:00 - 16:00
styðjum við bakið á
frá 09:00 - 18:00