Dagblaðið Vísir - DV - 26.10.2001, Blaðsíða 14

14
Útlönd
FÖSTUDAGUR 26. OKTÓBER 2001
I>V
REUTER-MYND
Varöturnlnrt rifinn
Breskur hermaöur mundar sig viö
aö rífa varöturn á Noröur-írlandi sem
gekk undir nafninu Romeo 101.
Brynvarðar her-
stöðvar rifnar
Breski herinn reif niöur nokkrar
brynvarðar stöðvar sinar á Norður-
írlandi í gær, í kjölfar yfirlýsingar
írska lýðveldishersins (IRA) um að
hann væri byrjaður að eyðileggja
vopnabúr sitt, hið stærsta sem neð-
anjarðarsamtök i Evrópu ráða yfir.
Þá sneru ráðherrar mótmælenda
í heimastjórn héraðsins aftur til
vinnu sinnar í gær. Þeir höfðu
einmitt gengið út í síðustu viku
vegna þrákelkni IRA við að afvopn-
ast.
Hættan á ofbeldi er þó ekki liðin
hjá á Norður-Irlandi, eins og sann-
aðist best í fyrrakvöld þegar tveir
menn með vélbyssu voru handtekn-
ir í útjaðri Belfast. Þeir eru taldir
tilheyra hópi lýðveldissinna sem er
á móti friðarferlinu.
Fiskurinn í hættu
vegna ríkisstyrkja
Alþjóðlegi náttúruverndarsjóður-
inn (WWF) segir að vegna mikilla
ríkisstyrkja til sjávarútvegs í heim-
inum sé mjög gengið á flskistofna og
það eigi sinn þátt i þeim ógöngum
sem fiskveiðar eru komnar í.
I skýrslu sem WWF birti í gær
kemur fram að ríkisstyrkirnir, sem
flestir séu duldir, nemi rúmum 1.500
milljörðum króna á ári. Samtökin
vilja að ríki heims komi sér saman
um endurskoðun þessara mála og
að það verði gert á vettvangi Heims-
viðskiptastofnunarinnar. Japanar
eru sakaður um hæstu styrkina, eða
rúma 200 milljarða króna.
Miltisbrandur rannsakaöur
Ekkert lát er á miltisbrandsplágunni í
Bandaríkjunum, en nýjustu tilfellin komu
upp hjá CIA og i utanríkisráöuneytiinu.
Smit hjá CIA og
í utanríkis-
ráðuneytinu
Starfsmaður í bandariska utan-
ríkisráðuneytinu, sem vinnur við
póstflokkun, hefur greinst smitaður
af miltisbrandi og mun bakterían
vera af mjög skæðum stofni að sögn
talsmanns ráðuneytisins. Ekki er
enn vitað hvernig maðurinn smitað-
ist, en hann mun nú á sjúkrahúsi
þar sem hann fær nauðsynlega með-
ferð. Póststofu ráðuneytisins hefur
verið lokað og allri póstdreifingu
hætt meðan málið er í rannsókn.
Þá var 1 morgun tilkynnt að einni
byggingu bandarísku leyniþjónust-
unnar CIA hefði verið lokað, eftir
að smit fannst þar í póstsendingu.
Slysið í Gotthard-göngunum:
Ellefu eru látnir og
128 manns saknað
ítölskum og svissneskum slökkvi-
liðsmönnum tókst loksins í morgun
að ná tökum á eldinum í Gotthard-
göngunum i svissnesku Ölpunum, eft-
ir að tveir flutningabílar lentu þar í
hörðum árekstri á miðvikudagsmorg-
un, með þeim afleiðingum að upp kom
eldur sem fljótlega varð að óvinnandi
eldhafl. Fljótlega var staðfest að tíu
manns höfðu farist í eldinum og átti
sú tala eftir að hækka í ellefu þegar
leið á daginn. Vegna aðstæðna, þar
sem göngin fylltust fljótlega af svört-
um reyk og óbærilegum hita, reyndist
erfitt að meta stöðuna, en eftir að um
300 metra kafli af loftklæðningu gang-
anna hafði fallið niður var talið að allt
að þrjátíu bílar hafi orðið undir
henni. Því var óttast að tala látinni
ætti eftir að hækka til muna og það
varð líka reyndin, því í morgun var
staðfest að alls 128 manns væri sakn-
að og lítil von um aö nokkur þeirra
fyndist á lífl.
Svissnesk yflrvöld lifa þó enn í von-
inni um að hluti þeirra sem saknað er
Svissneskur björgunarmaöur
Svissneskur björgunarmaður undirbýr
sig undir aö fara inn í Gotthard-göngin,
en mikill hiti og reykur hindruöu aö
mestu björgunarstörf þar til í morgun.
hafi i raun náð að bjarga sér út úr
göngunum, en tölur eru byggðar á til-
kynningum sem borist hafa frá að-
standendum f gegnum sima og hafa
því ekki verið staðfestar.
„Það er alls ekki um það að ræða að
128 manns sé saknað, heldur að fólk
hafi tilkynnt eða spurst fyrir um 128
manns sem hugsanlega gætu hafa ver-
ið i göngum þegar slysið varð,“ sagði
Michel Egger, talsmaöur svissneskra
samgönguyfirvalda, í morgun. „Við
getum þó staðfest að ellefu eru látnir,
en ómögulegt að gera sér grein fyrir
því hve margir eiga eftir að finnast,"
sagði Egger.
Þegar hafa verið borin kennsl á átta
þeirra látnu og er þar um að ræða
fjóra Þjóðverja, einn Frakka, einn
Lúxemborgara, einn ítalala og einn
frá Sviss.
Staðfest hefur verið að yfir 100 bíl-
ar hafi fundist í göngunum, þar af 15
flutningabílar, en aðstæður til björg-
unarstarfa eru enn mjög erfiðar sök-
um reyks og hita.
REUTER-MYND
Grænfriöungar með uppblásin dýr
Liösmenn Greenpeace-samtakanna komu uppblásnum dýrum fyrir í flutningaskipi frá Panama í höfninni í Marin á
noröurströnd Spánar. Dýrin eru fulltrúar sjö svæöa jaröar þar sem veriö er aö eyöileggja skóglendi.
Loftárásir á Kabúl í nótt:
Bin Laden talinn eiga
efni í kjarnorkusprengju
Breskir fjölmiðlar greindu frá því
i morgun að sádi-arabíski hryðju-
verkamaðurinn Osama bin Laden,
sem grunaður er um að hafa skipu-
lagt hryðjuverkaárásimar á Banda-
ríkin í síðasta mánuði, hefði komist
yflr kjarnakleyft efni sem hugsan-
lega væri hægt að nota til frekari
hryðjuverka.
Dagblaðið Times og sjónvarps-
stöðin Channel 4 höfðu eftir vest-
rænum leyniþjónustumönnum að
bin Laden hefði fengið efnin á ólög-
legan hátt frá Pakistan. Það er þó
huggun harmi gegn að bin Laden og
samtök hans ráða ekki yflr tækni til
að búa til kjarnorkusprengjur.
Bandarískar herflugvélar vörp-
uðu allt að tíu sprengjum á Kabúl,
höfuðborg Afganistans, í nótt. Sjón-
REUTER-MYND
Osama bin Laden
Sádi-arabíski hryöjuverkamaöurinn
er sagöur eiga efni til aö búa til
kjarnorkuvopn en ekki kunnáttuna.
arvottar og talibanastjórnin sögðu
að sjö manns hefðu týnt lífi.
Talibanar handtóku í morgun
einn helsta leiðtoga stjórnarand-
stöðunnar í útlegð þar sem hann
var að reyna að fá ættflokk
pashtúna til að safna liði gegn
stjómvöldum í Kabúl. Bandarískar
herþyrlur reyndu árangurslaust að
koma í veg fyrir handtökuna.
Leiðtoginn, Abdul Haq, sem gat
sér gott orð i baráttunni við sovéska
herinn á 9. áratug síðustu aldar,
reyndi að komast undan á hestbaki
en talibönum tókst að góma hann.
Hersveitir Norðurbandalagsins
sögðu í morgun að þær hefðu ekki í
hyggju að ráðast til atlögu gegn
Kabúl í bráð, þrátt fyrir loftárásir á
víglínur talibana við borgina.
Bush fær börnin í liðið
George W. Bush
Bandaríkjaforseti
hefur fengið skóla-
börn í lið með sér í
baráttunni gegn
hryðj uverkamönn-
um. Hann vill að
börnin komi þeim
boðum á framfæri
að Bandaríkin eigi
ekkert sökótt við múslíma með því
að eignast pennavini í löndum ís-
lams.
Dökkt útlit í Makedóníu
Boris Trajkovski Makedóníufor-
seti sagði í gær að friðarferlið í
landinu kynni að fara út um þúfur
nema albanski minnihlutinn féllist
á breytingar á friðarskilmálunum.
íranar vilja hjálpa
Iransforseti bauð í gær fram að-
stoð sína við að koma á laggirnar
nýrri ríkisstjórn í Afganistan.
Meira ofbeldi í Kasmír
Tuttugu manns hafa fallið í fjölda
sprenginga og átaka í indverska
hluta Kasmírs þar sem aðskilnaðar-
sinnar hafa aukið ofbeldisverk sín
að undanfórnu.
Soraya látin
Önnur eiginkona íranskeisara
heitins, Soraya Esfandiari Bakhti-
ari, fannst látin á heimili sínu í Par-
ís í gær. Hún var 69 ára.
Erfiðar ákvarðanir
Ráðherrar frá
Heimsviðskiptastofn-
uninni þurfa að taka
erfiðar ákvarðanir
um efnahagsmál
heimsins þegar þeir
koma saman í
Persaflóaríkinu Kat-
ar eftir hálfan mán-
uð, að sögn Mikes Moores, fram-
kvæmdastjóra WTO.
Aðskilnaður í strætó
Heittrúaðir gyðingar í ísrael hafa
sett á laggirnar sérstaka strætis-
vagnaþjónustu þar sem konur og
karlar eru aðskilin, í samræmi við
stranga túlkun helgra bóka þeirra.
Efnahagur ílægð
Ekki blæs byrlega i bandarísku
efnahagslífi um þessar mundir. I
síðasta mánuði fjölgaði atvinnulaus-
um og fasteignasala dróst saman.
Havel á batavegi
m Vaclav Havel Tékk-
i Jj landsforseti virðist
■ vera á batavegi eftir
L - að læknar hans gáfu
I - I honum ný sýklalyf
81 við krónískri berkju-
||l bólgu sem hann þjáist
af. Ekki verður annað
séð en að sótthitinn fari lækkandi.
Rannsóknin í fullum gangi
John Ashcroft, dómsmálaráð-
herra Bandaríkjanna, sagði í gær að
rannsóknin á hryðjuverkaárásun-
um á landið væri i fullum gangi.
Ekkert sannast á írak
Bandarískur þingmaður sagði í
gær að engar sannanir væru fyrir
því að Saddam Hussein íraksforseti
og stjórn hans tengdust hryðju-
verkaárásinni í september eða milt-
isbrandstilfellunum sem hafa komið
upp siðustu vikur.