Dagblaðið Vísir - DV - 26.10.2001, Qupperneq 26

30
FÖSTUDAGUR 26. OKTÓBER 2001
DV
♦ Tilvera
William berar boss-
ann fyrir austan
Lögregluyflrvöld í Singapore eru ekki
sátt viö þaö aö popparinn Robbie Willi-
ams beri það út aö hann hafi verið
sektaður fyrir þaö aö sýna beran boss-
ann á tónleikum í smáríkinu um síðustu
helgi. Williams mun hafa sagt áhorfend-
um frá þessu á tónleikum í Bangkok á
miövikudaginn og sagðist hafa verið
sektaður um 5700 dollara fyrir uppátæk-
iö. Talsmaður lögreglunnar segir þetta
ekki rétt og kannast ekki við að Willi-
ams hafi verið sektaður. Eftir að hafa
boriö aðdáendum sínum í Bangkok frétt-
irnar, gerði hann sér lítið fyrir og beraði
bossann aftur við mikinn fögnuð við-
staddra.
Clooney skammast
Leikarinn George Clooney hefur
gagnrýnt stéttasamband leikara, SAG,
fyrir að gera upp á milli manna hvað
varðar sektir fyrir brot á lögum sam-
bandsins. Um er að ræða þá Mario
Cecchini, Gerry Donato og Robert
Kalomeer, en þeir munu hafa tekið
þátt í gerð auglýsinga á meðan lög-
skipað auglýsingaverkfall var í gangi.
Clooney segir að Elizabeth Hurley og
Tiger Woods hafi sloppið með 100 þús-
und dollara sekt en þremenningamir
hins vegar verið reknir úr samband-
inu. Clooney viðurkenndi þó að refsa
ætti viðkomandi fyrir þessa yfirsjón,
en allir ættu að sitja við sama borð.
Shaquille O'Neal hefði til dæmis alveg
sloppið og mál hans aldrei verið tekið
fyrir.
Húmor og heilsa:
Skopleg orö og atvik eru
allt í kringum okkur
- segir Bjarni Jónasson heimilislæknir
DV-MYND E.ÓL.
Meö viljann aö vopni
Bjarni Jónasson læknir er meöal þeirra sem færa húmorinn á háskólastig og bendir á gildi hans fyrirgott heilsufar.
„Ég tel að húmor hafi mikið
gildi I störfum heilbrigðisstétta al-
mennt,“ segir Bjarni Jónasson
heimilislæknir en tekur fram að
málið snúist ekki um aö þessar
stéttir eigi að reyta af sér brand-
ara daginn út og inn, því allir
þreytist á því. „Aðalatriðið er að
reyna að framkalla bros og létta á
stemningunni, því það auöveldar
öll tjáskipti verulega,“ segir hann.
Bjarni kveðst þó ekki vera að
mæla með takmarkalausri léttúð.
Flestum séu það erfið spor að fara
til læknis og oft viti hvorki sjúk-
lingur né læknir til fulls hvað sú
heimsókn geti leitt af sér. Hvort
eitthvað alvarlegt sé á seyði eöa
ekki. Því sé viss spenna í loftinu.
„Hæfilegur húmor getur minnkað
þá spennu, aukið öryggiskennd
fólks og gert öll samskipti eðli-
legri,“ segir hann.
Húmorinn á háskólastig
Enda þótt Bjarni sé þarna að
tala um vissa tegund af skopi er
greinilegt að honum er fyllsta al-
vara með sínu máli. Sjálfur er
hann einn þriggja fyrirlesara á
námskeiðinu Húmor og heilsa sem
haldið er í dag í Endurmenntunar-
stofnun HÍ og ætlað heilbrigöis-
stéttum. Hann segir svokallað
læknaskop hafa verið í umræð-
unni síðustu ár og stofnuð hafi
verið læknaskopssamtök á Norð-
urlöndunum í janúar 1999, Nor-
disk selskap for medicins humor.
Starfsemi þeirra sé virk í fjórum
löndum, þar á meðal á íslandi - í
Fróndeildinni, eins og hún heitir.
„Nú er komið að því að færa
húmorinn á háskólastig og höfða
til heilbrigðisstétta í víðasta skiln-
ingi þess orðs,“ segir Bjarni og á
þar við námskeiöið sem Fróndeild-
in og Endurmenntunarstofnunin
halda í sameiningu. Aðspuröur
kveðst hann ekki vita tU að slíkt
námskeið hafi verið haldið á veg-
um háskólastofnunar áður. „Við
förum út í þetta með viljann að
vopni,“ segir hann og bætir viö:
„Viö fáum til okkar góðan gest frá
Noregi. Sá heitir Sven Svebak og
er prófessor við læknadeildina í
Þrándheimi, sálfræðingur og mik-
ill vísindamaður í húmorfræðum.
Sven fjallar um vísindalegar rann-
sóknir á húmor og hvernig hann
nýtist fólki sem streituvöm. Léttir
mönnum lífíð. Það er eintóm til-
hlökkun að fá aö heyra í honurn,"
segir Bjarni og bætir því við að
Pétur Pétursson, heilsugæslulækn-
ir á Akureyri, sé einnig með er-
indi á námskeiðinu, auk hans
sjálfs.
Ef sprengjan er fallin
Bjami er læknir á heilsugæslu-
stöðinni í Garðabæ og hefur starf-
aö þar í nær tuttugu ár. Skyldi
hann nota húmor á Garðbæingana
í lækningaskyni? „Ekki nema
ómeðvitað," svarar hann og bætir
við: „Skop á vissulega miklu greið-
ari leið þar sem heilbrigðisstarfs-
maðurinn og sjúklingurinn þekkj-
ast vel. Það er til dæmis ósjaldan
sem sjúklingur kemur inn til mín
með spaug á vörum.“ Bjarni segir
flesta hafa meðfædda kímnigáfu og
hjá þeim sem geri sér far um að
þroska þann þátt í fari sínu verði
húmorinn hluti af tjáningarform-
inu og eðlilegur þáttur í samskipt-
um. Hann viðurkennir þó að
stundum sé svo mikil alvara á
feröum í starfinu að grín og glens
sé alls ekki viðeigandi. Það versta
sem geti gerst af hálfu heilbrigðis-
starfsfólks sé að misstíga sig í beit-
ingu húmors. „Fátt er jafn erfitt og
að spóla til baka ef skopið er ekki
rétt tímasett og sprengjan er fall-
in,“ segir hann.
Jákvæðni gagnvart lækna-
skopi
Næst er Bjarni spurður hvort
hann eða aðrir hafi gert rannsókn-
ir á léttlyndi hér á íslandi og áhrif-
um þess á heilsuna. Hann nefnir
könnun sem gerð var á heilsu-
gæslustöðvum í Garðabæ og á Ak-
ureyri sumarið 1999, þar sem rúm-
lega 300 manns voru inntir eftir
áliti sínu á læknaskopi. „Þetta var
á þeim tíma sem orðiö læknaskop
var að komast í umræðuna. Um
80% þeirra sem svöruðu höfðu
heyrt á það minnst og meiri hlut-
inn var á því að skop væri til bóta
í samskiptum sjúklinga og lækna
ef aðstæðurnar leyfðu. Drjúgur
helmingur aðspurðra sagðist hafa
hitt lækni sem hefði spaugað í
samtali og kvaðst hafa kunnað því
vel,“ segir Bjami.
Gerum lífið bærilegra
Árið 2000 fór farandsýningin
Hláturgas 2000 á milli sjúkrastofn-
ana í landinu. Það voru íslenska
menningarsamsteypan art.is og
Glaxo Welcome, auk Fróndeildar
norrænu læknaskopssamtakanna
sem ýttu henni úr vör. Þetta voru
skopteikningar sem Bjarni segir
hafa hlotið verðskuldaða athygli
og fallið í góðan jarðveg. Á sýning-
unni hafi samskipti lækna og sjúk-
linga verið í brennidepli en aörar
stéttir innan heilbrigðisgeirans
þurfi líka að vera opnar fyrir þeim
gullmolum sem komi upp í starf-
inu á hverjum degi. „Skopleg orö
og atvik eru allt í kringum okkur,"
segir hann og bætir við: „Viö sem
störfum að heilbrigðismálum þurf-
um að gefa þeim gaum og nýta þau
til að gera lífið bærilegra, bæði
fyrir okkur sjálf og sjúklingana."
-Gun.
Hætti við að selja
Skartgripahönnuðurinn Stefano
Cantur, sem hannaði hálsmenið
glæsilega sem Nicole Kidman bar í
myndinni Moulin Rouge, hugðist selja
menið á uppboði hjá Christies í New
York, en hætti við á síðustu stundu,
rétt áöur en uppboðið átti að hefjast
þar sem hann gat ekki hugsað sér að
sjá á eftir því. Búist var við að þetta
glæsilega hálsmen, sem skreytt er
meö alls 1308 demöntum, myndi selj-
ast á allt að 660 þúsund pund, sem er
hæsta verð sem nokkurn tíma hefur
fengist fyrir skartgrip sem notaður
hefur verið í kvikmynd. Talsmaður
Christies sagðist vel skilja Cantur.
„Þetta er glæsilegur gripur sem hlýt-
ur að vera honum mjög kær.“
Tyggjóklessur hreinsaðar af gangstéttum
Strætó segir tyggjóklessum
stríð á hendur
Strætó bs. sagði tyggjóklessum á
gangstéttum stríð á hendur um-
hverfis skiptistöðvar fyrirtækisins
við Mjódd og Ártúnshöfða í tilefni
af íslensku dagsverki, átaki fram-
haldsskólanema sem fram fór mið-
vikudaginn 24. október sl. Auk þess
sem tyggjóklessum var skilað til
sinna heima, í ruslafotur, voru lóð-
ir stöðvanna hreinsaðar og almenn
tiltekt gerð á svæðinu.
Tiltektin tók ríflega 3 klukku-
stundir á hvorum stað. Að verki
loknu mátti sjá umtalsverða breyt-
ingu á umhverfi stöðvanna sem var
hreinlegt og þrifalegt, og laust við
tyggjóklessur. Á myndinni má sjá,
frá vinstri, þær Láru, Maríönnu, El-
ínu og Ágústu fjarlægja tyggjókless-
ur en þær eru nemendur við Borg-
arholtsskóla.
Þær stöllur fengu greitt fyrir gott
og þarft dagsverk og rennur féð til
byggingar iðnskóla fyrir stéttlaus
böm á Indlandi.
Vinkonur hreinsa tyggjóklessur
Á myndinni má sjá, frá vinstri, þær Láru, Maríönnu, Elínu og Ágústu fjaríægja tyggjóklessur en þær eru
nemendur viö Borgarholtsskóla.