Dagblaðið Vísir - DV - 16.11.2001, Blaðsíða 15

15
FÖSTUDAGUR 16. NÓVEMBER 2001
DV Skoðun

Spurning dagsins
Hvað langar þig að
fá í jólagjöf?
Þorvaldur Freyr Friöriksson
verslunarstjóri:
Ég vil bara aö Drottinn blessi lands-
menn meö friði og kærleik.
Sigursteinn Agnarsson verkamaöur:
Mig langar í hús í Grafarvogi.
Hafþór Elíasson nemi:
Mig langar í kastala í Edinborg.
Guömundur Kristjánsson
framkvæmdastjóri:
Ég myndi vilja nýtt og fallegt úr.
Elín Dröfn Einarsdóttir nemi:
Mig langar í föt úr Topshop.
Hrafnhildur Pálmadóttir húsmóöir:
Þaö væri gaman aö fá einhvern
fallegan skartgrip.
Þrjár snarpar sam-
fylkingarkonur
Bryndís Hlööversdóttir, Jóhanna Siguröardóttir og Margrét Frímannsdóttir alþm.
- Happafengur í efstu sæti Samfylkingarinnar?
Jóhannes Helgason
skrifar:
Það er ekki fjarri sannleik-
anum sem margt samfylking-
arfólk hefur haldið fram upp á
síðkastið þegar það segir, að
því flnnist forystusveit sam-
takanna ekki hafa verið nógu
sýnileg. í viðræðunefnd flokk-
anna sem ætla að freista þess
að standa saman að framboði
R-listans til borgarstjómar
hefur verið uppi ágreiningur
og þá aðailega vegna þess að
Samfylkingin lítur á sig sem
sterkustu uppistöðuna í R-list-
anum.Um næstu helgi verður
lögð á það mælistika innan
Samfylkingarinnar hve sterk
forystusveit hennar er til að
standast þá kenningu að sam-
tökin sé sterkasta uppistaðan í
R-listanum.
Leiðtogi Samfylkingarinnar hefur
heldur ekki verið mjög sýnilegur að
undanfomu og er skemmst að minn-
ast þess að hann hefur ekki verið til-
tækur til svara í ýmsum þeim málum
sem hæst ber hér, innanlands eða
utan. Þannig var hann ekki tiltækur
til að svara útspili og ákvörðun for-
sætisráðherra í vikunni varðandi
verkfallshótun flugumferðarstjóra.
Það hefur meira gustað frá þremur
Samfylkingarkonum, sem í raun
virðast uppistaða forystusveitar sam-
takanna, þótt þær fari vissulega með
löndum gagnvart leiðtoga sínum,
sem þær mæra, í allri hógværð þó,
þegar þeim er boðið á talþing fjöl-
miðlanna. Þær Bryndís Hlöðversdótt-
ir, Jóhanna Sigurðardóttir og Mar-
„Þcer eru því, umfram aðra
í forystusveit Samfylking-
arinnar sá happafengur
sem Samfylkingin á að
sameinast um í efstu sœti
þessa undarlega, en um leið
meira og minna óskrifaða
stjómmálafls hér. “
grét Frímannsdóttir eru það þríeyki
sem Samfylkingin hefur upp á að
bjóða sem forystuafl. Einkum þær
Bryndís og Jóhanna. Margrét dalaði
hins vegar veiulega eftir að mennta-
málaráðherra „berháttaöi" hana í
Silfri Egils sl. sunnudag í karpi um
hugmyndir R-listans um sölu
Perlunnar.
Eftir stendur þó að þessar þrjár
snörpu samfylkingarkonur eru þær
sem margir kjósendur fylkingarinn-
ar hljóta að líta til sem forystuafls i
fylkingunni. Bryndis Hlöðversdóttir,
sem er lögfræðingur að mennt, hefur
alla burði til að takast á við stjóm-
málaandstæðingana og Jóhanna Sig-
urðardóttir hefur langtímareynslu
sem nýtist henni í hveiju málinu á
fætur öðru, hefur t.d. beitt athyglis-
verðum rökum á Alþingi í skattamál-
um. Þær eru því, umfram aðra í for-
ystusveit Samfylkingarinnar, sá
happafengur sem Samfylkingin á að
sameinast um i efstu sæti þessa und-
arlega en um leið meira og minna
óskrifaða stjómmálafls hér.
Reykingabann á Litla-Hrauni
Pistili frá fanga
é Litla-Hrauni:
Fullyrða má að ég og samfangar
mínir erum ekki ýkja hrifnir af
þeirri reglugerð sem tók gildi 1.
nóvember. Ég á hér við reykinga-
bann í heimsóknarklefum. - Hér á
Litla-Hrauni reykja um 75% fanga.
Fangar reykja líkt og gerist úti í
þjóðfélaginu og það er staðreynd, og
ekkert er hægt að gera vilji fangi
ekki eða sé ekki tilbúinn til að
hætta. Við fangar eigum fjölskyldur
og vini sem reykja, og eru háðir
reykingum og sumir geta alls ekki
sleppt því. Þessi aðgerð, hið svokall-
aða reykingabann í heimsóknarklef-
um, sem ríkið hefur valið, hefur í
fór með sér hættulegan leik og á
ekki, að mínu mati, að eiga sér stað
í fangelsi.
Heimsóknarklefar á Litla-Hrauni
eru ekki eins og best verður á kos-
„Við fangar eigum fjöl-
skyldur og vini sem reykja
og eru háðir reykingum og
sumir geta alls ekki sleppt
því. Þessi aðgerð, hið svo-
kallaða reykingabann í
heimsóknarklefum, sem rík-
ið hefur valið, hefur í för
með sér hcettulegan leik og
á ekki, að mínu mati, að
eiga sér stað í fangelsi. “
ið, þeir eru of litlir, utan tveir stór-
ir heimsóknarklefar sem eru ágæt-
lega útbúnir. Það er því illt i efni ef
ráðast skal á fjölskyldur og vini
okkar og banna þeim reykingar í
heimsóknarklefunum, og hefur þær
afleiðingar að heimsóknargestir
verða pirraðir og skapvondir í
heimsóknum. Og það bitnar svo á
bæði fangavörðum og föngum. Þjón-
ar þetta afkáralega reykingabann þá
einhverjum tilgangi?
Og hvað gerist þegar fanginn hætt-
ir að fá heimsókn frá sínum nán-
ustu? Honum finnst hann vera ein-
mana og verður óhamingjusamur og
leiðist. Síðan dregst viðkomandi
hugsanlega út í fíkniefnaneyslu til
að finna sér hamingju, en sú gleði
stendur stutt. Og hvað tekur þá við?
Enn meiri neysla og harðari. En
kannski er þetta rétta leiðin fyrir yf-
irvöld til að koma því þannig fyrir
að fangar hætti að fá heimsóknir?
Reykingar eru ekki ólöglegar, en það
eru flkniefnin hins vegar. - Við fang-
ar höfum nú sent forstöðumanni
fangelsisins kvörtun í von um að
þetta fáist lagfært.
Jafnaðarflokkurinn?
Jóhann Geirdal, stórsamfylkingarmaður og
fyrrverandi formaður Alþýðubandalagsins, hefur
nú komið með tillögu fyrir landsfund um að
Samfylkingin breyti um nafn og kalli sig „Al-
þýðubandalagið“. Eflaust má til sanns vegar
færa að þetta sé ekki mjög frumlegt nafn og það
kemur kannski ekki heldur á óvart að þessi til-
laga skuli koma frá samfylkingarmanni sem
kemur úr gamla Alþýðubandalagsarminum. Ef-
laust þykir Jóhanni nafnið fagurt og eiga sér
merka sögu en Garra þykir heldur ótrúlegt að
gamlir eðalkratar eða síprjónandi kvennalista-
konur, sem komnar eru inn í helgidóm Samfylk-
ingarinnar, séu tilbúin að samþykkja þessa nafn-
gift á þeim stjórnmálaflokki sem þau ætla að
starfa í til frambúðar.
Jafnaðarmannaflokkurinn
En Jóhann er ekki einn með nafnatillögu.
Tveir góðir og gegnir kratar hafa nefnilega líka
lagt fram tillögu um nafnbreytingu. Þetta eru
þeir Guðmundur Árni Stefánsson og Lúðvík
Bergvinsson. Þeirra tillaga er að taka upp gamla
nafnið á Alþýðuflokknum, nema hvað þeir Guð-
mundur og Lúðvík fara örlitið fínna i þessi mál
en Jóhann þvi kratarnir leggja ekki til að flokk-
urinn taki upp nafnið „Alþýðuflokkurinn" held-
ur einungis síðari hluta gamla nafnsins sem var
,jafnaðarmannaflokkur íslands". Tillaga er því
um nafnið Samfylkingin - jafnaðarmannaflokkur
íslands. Vandinn við það er að margir gamlir al-
þýðubandalagsmenn eiga erfitt með að kyngja
því að þurfa sífellt að sætta sig við hina kratísku
lífssýn því nóg er nú að formaðurinn sé úr her-
búðum krata (en varaformaðurinn að vísu gam-
all aflaballi) svo nafnið sé nú ekki líka fengið hjá
krötunum.
Jafnaðarflokkurinn
En það er hið kvenlega innsæi í flokknum sem
skynjar hættuna sem hér kynni að leynast fyrir
flokkseininguna. Kannski ekki Kvennalistaelem-
entið sjálft en þó manne.skja sem ekki var langt
frá því. Hér er Garri að sjálfsögðu að vísa til
fyrrverandi framsóknarmaddömunnar Ástu
Ragnheiðar Jóhannesdóttur sem leggur til þriðja
nafnið sem kosið verður um á landsfundinum
um helgina. Ásta byggir hvorki á kratahefð né
allaballahefð heldur fer hún, eins og kötturinn,
sínar eigin leiðir. Ásta Ragnheiður sér auðvitað
að nauðsynlegt er að koma strax fram með mála-
miðlun þannig að ekki risi nú óþarfar ættbálka-
deilur út af nafninu. Hún leggur tfl nafnið Sam-
fylking - jafnaðarflokkurinn! Garri styður það
enda ljóst að Samfylkingin má ekki við því að
leysast upp í borgarastríði um nafnið á sínum
eigin flokki einmitt þegar flokkurinn ætlar að
sýna hvað hann er samheld-
inn og traustur! Garri
En hver tekur lifrina?
Tómir kjúklingar
Guörún Gísladóttir hringdi:
Ég kaupi stundum heila kjúklinga
hér þegar þeir eru á tilboðsverði, en
alls ekki annars. Það kemur mér á
óvart að ekki skuli fylgja lifrin eða
hálsinn eins og á að gera. Ég segi „á
að gera“, þvi það er alsiða í flestum
löndum að láta bæði lifur og háls
fylgja. Ég hef búið í Danmörku og í
Bandaríkjunum og í þessum löndum
myndi engin húsmóðir láta bjóða sér
slíka verslunarhætti sem þessa með
kjúklingana. Þetta eru einfaldlega
óprúttnir viðskiptahættir, hver svo
sem nýtir sér þetta.
Býr íslendingur hér?
Þorvaldur Ólafsson skrifar:
Þessa dagana les Þórarinn Eyijörð
útvarpssöguna „Býr íslendingur
hér?“ Og með þeirri röddu sem hæfir
svona sögu. Ótrúleg frásögn Leifs
heitins Mullers (í skrásetningu Garð-
ars Sverrissonar) um þjáningar hans
í fangabúðum Þjóðverja á stríðsárun-
um. Er nú nokkur furða þótt samtök
gyðinga noti hvert tækifæri sem þeim
gefst til að hafa uppi á þeim sem eftir
lifa og stóðu að helfór þeirri sem
Þjóðverjar stóðu fyrir á stríðsárun-
um? Kvikmyndir sem margar ef ekki
flestar eru framleiddar af gyðingum í
Hollywood og fjalla um þessar hörm-
ungar eru enn í fullu gildi. Þessi saga
á ekki að gleymast neinum.
Biskupinn og skjólstæðingurinn
Til hvers var þá valnefndin?
íslandsprestur ráðinn
Helga Stefánsdóttir skrifajj
Forstjóri Tryggingastofnunar verð-
ur nú að lúta biskupsvaldi, svo og val-
nefnd sem mælti með sérstökum um-
sækjanda í starf íslandsprests í Kaup-
mannahöfn. Ráðinn hefur verið sá
presturinn sem þóknanlegastur er
biskupi, enda tengjast guðsmennimir
með sambúðarferli íslandsprestsins
ytra. Það var því með öllu tilgangs-
laust fyrir Tryggingastofnunina að
andæfa embættisskipun sem var fyrir
fram ákveðin. Nú fellur það líka í
hlut biskupsins yfir íslandi að setja
sr. Þóri Jökul Þorsteinsson inn í emb-
ætti íslandsprests i Kaupmannahöfn.
Safnaðarfólk er beðið að fjölmenna
með börn sín við athöfnina sem lýkur
með kafFidrykkju í Jónshúsi. - Útláta-
laust af hálfu ríkisins vonandi.
Breti frá Nígeríu
Halldór Jórisson_hringdi:
í fréttum af fangelsun útlendings
fyrir stórfelld fjársvik má sjá mis-
munandi viðhorf fréttamiðla til máls
af svona toga. í Morgunblaðinu var
frétt um málið á þann veg að halda
mætti að svikarinn umræddi væri
einfaldlega það sem þar er sagt:
„breskur rikisborgari“. í öðrum fjöl-
miðlum segir að maður þessi sé
„breskur ríkisborgari af nígerískum
uppruna". Það rifjar svo upp að þar
sé um að ræða einn þeirra þeldökku
manna sem hér hafa verið á ferli að
plata og ólmast á viðskiptasviðinu
um nokkurt skeið. Mér finnst ástæðu-
laust að „fela“ uppruna þessa manns
þegar ávallt er getið þjóðemis manna
sem hér em handteknir fyrir eitt og
annað misferli.
DV| Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangið:
gra@dv.ls
Eða sent bréf til: Lesendasíða DV,
Þverholti 11, 105 Reykjavík.
Lesendur eru hvattir til aö senda mynd
af sér til birtingar með bréfunum á
sama póstfang.