Dagblaðið Vísir - DV - 18.09.2002, Blaðsíða 13

MIÐVIKUDAGUR 18. SEPTEMBER 2002
13
DV
Útlönd
Klofningur um írakstilboðið:
Bandaríkjamenn þrýsta enn
á um hernaðaraðgerðir
Hans Blix, yflrmaður vopnaeftir-
litsnefhdar Sameinuðu þjóðanna, hitti
fulltrúa íraskra stjómvalda á fundi í
New York í gær til að ræða nýtt tilboð
Iraka um skilyrðislaust vopnaeftirlit í
landinu og komust þar að samkomu-
lagi um að hittast aftur í Vínarborg
innan tíu daga til að ljúka samkomu-
lagi um framkvæmd eftirlitsins.
Sögðu írösku fulltrúarnir eftir fund-
inn að ekkert væri því til fyrirstöðu
að vopnaeftirlitsnefndin gæti hafið
störf strax og væri nefndin velkomin
til landsins hvenær sem er.
Bandarísk stjórnvöld hafa lýst
miklum efasemdum um þessi sinna-
skipti íraka um að hleypa vopnaeftir-
litsnefnd SÞ aftur inn í landið og lýst
því sem kænskubragði Saddams til
þess að vinna tíma og markmið hans
væri aðeins að flækja málið og koma
í veg fyrir að Öryggisráðið samþykki
nýja og harðari kröfugerð, eins og
Bandaríkjamenn hafa farið fram á.
Bush Bandaríkjaforseti varaði við því
í gær að Sameinuðu þjóðirnar létu
Colin Powell
Powell segir aö tilboö íraka komi
alls ekki til móts viö allar kröfur al-
þjóöasamfélagsins.
blekkjast af þessu sjónarspili íraka og
minnti á að Saddam hfefði áður
frestað, neitað og blekkt þjóðir heims,
varðandi vopnaeftirlit.
Bandarísk stjórnvöld halda því
áfram að þrýsta á um að Öryggisráðið
samþykki nýja kröfuályktun þar sem
hernaðaraðgerðum verði hótað verði
Irakar ekki við öllum kröfum, en ekki
aðeins varðandi vopnaeftirlit.
Colin Powell, utanríkisráðherra
Bandaríkjanna, sagði i gær að tilboð
íraka kæmi alls ekki til móts við allar
kröfur alþjóðasamfélagsins. „Við get-
um ekki tekið bréf upp á eina og kvart
síðu undirritað af utanríkisráðherr-
anum sem einhverja lokalausn á mál-
inu. Við höfum séð þá leika þennan
leik áður,“ sagði Powell og bætti við
aö málið snérist ekki aðeins um
vopnaeftirlit heldur líka afvopnun
sem í dag vegur mun þyngra. „Það er
líka mikilvægt að Öryggisráðið taki
málið fyrir áður en vopnaeftirlits-
nefndin heldur til íraks," sagði Powell
sem vill setja strangar kröfur og skil-
yrði um eftirlitið.
Rússar eru þó á öðru máli og segja
að engin þörf sé á nýrri kröfugerð eft-
ir að írakar samþykktu vopnaeftirlit-
ið. „Við þurfum nú að leggja alla
áherslu á að vopnaeftirlitið geti hafist
sem fyrst án allra hindrana," sagði
Igor Ivanov, utanríkisráðherra Rúss-
lands, í gær.
Það er því ljóst að klofningur er
kominn upp meðal þeirra fimm þjóða
sem hafa neitunarvald í Öryggisráð-
inu, en það eru auk Bandaríkjamanna
og Rússa, Frakkar, Bretar og Kínveij-
ar. Allir vita um afstöðu Breta, sem
styðja kröfu Bandaríkjamanna um
nýja kröfugerð, en Kínverjar taka
undir með Rússum og það gera
Frakkar einnig að mestu leyti.
Dominique de Villepin, utanríkisráð-
herra Frakklands, sagði að fara yrði
betur og í smáatriðum yfir tilboð
íraka í Öryggisráðinu en sér sýndist
að þar væri komið á móts við allar
helstu kröfur varðandi vopnaeftirlit.
Bæði fulltrúar Evrópusambandsins
og Kofi Annan, aðalframkvæmda-
stjóri SÞ, eru sammála Frökkum og
vilja fara gaumgæfilega yfir málið í
ráðinu.
REUTERSMYND
Kjarnorkuúrgangur undir eftirliti
Kjarnorkuandstæðingar og lögregla
fylgjast grannt meö flutningaskipinu
Pacific Pintail síöustu metrana til
hafnar á Bretlandi í gær.
Kjarnorkuúrgang-
urinn loks kom-
inn til Sellafield
Umdeildum farmi af geislavirk-
um úrgangi var skipað upp á norð-
anverðu Englandi í gær og hann sið-
an fluttur í kjarnorkuendurvinnslu-
stöðina í Sellafield. Mikil mótmæli
hafa verið höfð í frammi vegna úr-
gangs þessa, bæði á láði og legi.
Kjamorkuúrgangurinn, sem
hugsanlega væri hægt að nota til
vopnaframleiðslu, var upphaflega
sendur til Japans á árinu 1999. Jap-
anar neituðu hins vegar að taka við
honum eftir að sendandinn, breskt
ríkisfyrirtæki, viðurkenndi að hafa
falsaö skjöl um öryggisþætti.
Úrgangurinn var fluttur með
skipi frá Japan og fylgdi vopnað
skip með til að koma í veg fyrir að
misindismenn létu freistast.
CIA leitar að al-
Qaeda í Jemen
Bandaríska leyniþjónustan CIA
og Bandaríkjaher eru tilbúin að
hefja leynilegar aðgerðir í Jemen til
að elta uppi liðsmenn al-Qaeda sem
talið er að hafi flúið þangað frá
Afganistan, að sögn bandarísku
sjónvarpsstöðvarinnar ABC.
Hryðjuverkaforinginn Osama bin
Laden er af jemensku bergi brotinn.
Bandarískt herskip undan strönd
Jemens verður notað sem fljótandi
bækistöð fyrir hermenn sem komn-
ir eru til Afríkuríkisins Djíbútí. I
þeim hópi eru liðsmenn Delta-sér-
sveitanna sem sérhæfa sig í að
handsama eftirlýsta menn í öðrum
löndum. Þá hefur CIA einnig eigin
vopnaða sveit.
Bandarískir embættismenn hafa
af þvi vaxandi áhyggjur að Jemen
sé að verða griðland liðsmanna al-
Qaeda sem eru á flótta.
REUTERSMYND
Hliöiö opnaö upp á gátt
Suður-kóreskir hermenn opna hlið að vopnlausa beltinu sem hefur skiliö aö kóresku ríkin tvö í áratugi. Kóreuríkin
hófu í gær vinnu við að koma aftur á járnbrauta- og vegasambandi sín í milli og af því tilefni var nokkuö um dýröir.
Landamærí Kóreuríkjanna hafa oft veriö kölluö síöustu kalda stríös-landamærin sem enn eru viö lýöi.
Franskur rithöfundur fyrir rétti vegna ummæla um íslam:
Heldur fram að Kóraninn sé
síðri bókmenntir en Biblían
Franski rithöfundurinn Michel
Houellebecq sem kallaði íslam
„heimskulegustu trúarbrögðin“
þvertók fyrir það í réttarsal í gær að
hann hefði með því verið að æsa til
kynþáttafordóma. Hann hélt því
hins vegar fram að Kóraninn, helg
bók múslima, væri síðra bók-
menntaverk en Biblían. Hann hefði
lesið þrjár þýðingar á Kóraninum
og nokkrar bækur um hann.
Fjögur samtök múslima og frönsk
mannréttindasamtök höfðuðu mál á
hendur Houellebecq fyrir ummæli
hans um íslamstrú í tímaritsviðtali.
Rithöfundurinn sagði í þéttskipuð-
um réttarsalnum í París að hann
hefði fullan rétt á að gagnrýna trú-
arbrögö.
Málið gegn Houellebecq hefur
vakið mikla athygli og þykir um
margt minna á mál breska rithöf-
Michel Houellebecq
Höfundur Öreindanna telur sig hafa
fullan rétt til aö gagnrýna trúarbrögö.
undarins Salmans Rushdies, sem
klerkaveldið í íran dæmdi til dauða
á sínum tíma fyrir bókina Söngva
Satans vegna niðrandi umfjöllunar
um múslíma, að þeir töldu. I máli
Houellebecqs eigast við tjáningar-
frelsið og viðkvæmni í garð trúar-
bragða, á sama tíma og almenning-
ur á Vesturlöndum hefur vaxandi
áhyggjur af íslamstrú, i kjölfar
hryðjuverkaárásanna á Bandaríkin.
Houellebecq hafnaði því að vera
kallaður „kynþáttahatari sem er
andvígur múslímum", sagði að slík
viðurnefni þýddu ekki neitt. Þá sak-
aði hann ritstjóra bókmenntaritsins
Lire um að hafa snúið út úr orðum
sínum í viðtalinu sem birtist í fyrra.
„Hann tók því þannig að ég væri
með íslam á heilanum," sagði hinn
45 ára gamli Houellebecq. Dómur
verður kveðinn upp 22. október.
Bílamarkadurinn
Smiðjuvegi 46E
v/Reykjanesbraur
Kopavogi, simi -
567-1800
Löggild bíiasala
Opið laugardaga kl. 10-17
Opið sunnudaga kl. 13-17
Toyota Hi Lux D.Cab Turbo dísil,
árgerð 2001, vínrauður, ekinn 12
þús. km, 33“ dekk, áifelgur, topplúga,
brettakantar, stigbretti.
Verð 3.190. Bílalán 1.300 þús.
Kia Grand Sportage, árgerð 2001,
grænn, ekinn 37 þús. km, 5 gíra,
álfelgur, rafdr. rúður o.fl.
Verð 1.690 þús. Bílalán 1100 þús.
EINNIG:
Kia Sportage 2,0 '00, grænn, ek. 45
þús. km, 5 g., topplúga, allt rafdr.,
fjarst. samlæs. V. 1.350 þús.
2001, gullsans., ekinn 35 þús. km, 5
glra, dráttarkúla, rafdr. rúður, þakbog-
ar o.fl.
Verð 1.820 þús. Bilalán 1.320 þús.
Nissan Terrano 3000 Se, árgerð
1995, gullsans., ekinn 110 þús. km,
cruise control, vindskeið, toppgrind,
topplúga, dráttarkúla.
Verð 1.190 þús. Tilboð 850 þús.
Hyundai Starex dísil 4x4, árgerð
1999, grænn, ekinn 66 þús. km, 5
gíra, álfélgur, spoiler, simi, kastarar
o.fl.
Verð 1.750 þús. Tilboð 1.550 þús.
staðgreitt.
Einnig:
Hyundai Starex bensín, 4x4, árgerð
1999, vínrauður, ekinn 63 þús. km, 5
gira, álfelgur, kastarar, rafdr. rúður
o.fl.
Verð 1.550 þús Bílalán 970 þús.
Pontiac Sunfire, árgerð 1996, svar-
tur, ekinn 114 þús. km, 17“ álfelgur,
litað gler, spoiler.
Verð 790 þús. Tilboð 550 þús.
Suzuki Baleno, árgerð 1996, grænn,
ekinn 107 þús. km, 5 gíra, álfelgur,
rafdr. rúður.
Verð 430 þús.
BMW 520 iA, árgerð 1990, svartur,
ekinn 200 þús. km, sjálfsk., álfelgur,
litað gler, cd, dráttarkúla o.fl.
Verð 590 þús.
Dodge Grand Caravan Se, 3,3, 4x4,
árgerð 1995, grænn, ekinn 135 þús.
km, sjálfsk., álfelgur, rafdr. rúður,
rafstýrð sæti.
Verð 1.050 þús.