Dagblaðið - 14.11.1977, Blaðsíða 5

DAGBLAÐIÐ. MANUDAGUR 14. NOVEMBER 1977.
m
Frambjóðendur íprófkjöri sjálfstæðismanna:
FRIÐRIK SOPHUSSON STEFNIR HÁn
Hann átti tillögu um alþingispröfkjör sjálfstæðismanna á landsfundinum ffyrir átta árum
„Þaö er full alvara með þessu
framboði minu í prófkjörinu,"
spgði Friðrik Sophusson í viðtali
við DB í gær. „Þar ætla ég að
komast sem lengst og stefni með
því á þingsæti," bætti hann við.
„Stuðning minn fæ ég frá veru-
legum hluta ungra sjálfstæðis-
manna, sem ég hefi starfað með
um árabil. Framboð mitt grund-
vallast á þeim málum, sem við
höfum haft á stefnuská okkar,“
sagði Friðrik.
„Meðal þeirra mála, sem við
leggjum áherzlu á, er valddreif-
ing í þjóðfélaginu og nýsköpun
einkareksturs. Þetta er nátengt
því stefnumáli okkar að auka
verulega samdrátt í ríkisbúskapn-
um og baráttu gegn verðbólg-
unni.“
Þessi stefnumál ungra
sjálfstæðismanna hafa þegar hlot-
ið alkunnugt baráttuheiti: „Bákn-
ið burt“. Eins og rauður þráður í
öllum þessum málum er viðleitni
til þess að draga almennt úr ríkis-
umsvifum, sem hafa vaxið lát-
laust á fjölmörgum sviðum.
„Við viljum færa valdið frá rík-
inu til fólksins í landinu og stuðla
þannig að því, að sérhver ein-
staklingur geti staðið á eigin fót-
um, axli eigin ábyrgð en fái jafn-
framt að njóta verka sinna,“ sagði
Friðrik.
„Þetta er í rauninni stefna
Sjálfstæðisflokksins umorðuð af
ungu fólki í trausti þess, að hún
eigi hljómgrunn hjá stórum hópi
fólks í röðum sjálfstæðismanna,"
sagði Friðrik ennfremur.
Hann kvaðst með starfi sínu
hjá Stjórnunarfélaginu hafa
kynnzt og unnið með fólki úr öll-
um stéttum. Þar hefði hann unnið
að málum, sem varða bætta
stjórnun og rekstur fyrirtækja.
„Eg trúi því, að þannig sé hægt að
ná kjarabótum fyrir alla.“
, Friðrik telur nauðsynlegt að
auka tengsl atvinnulífs þjóðarinn-
ar og skólakerfisins og sporna
gegn því að þessir þættir einangr-
ist og fjarlægist hvor annan.
Gunnar Jónsson verzlunarmaður:
Friðrik Sohpusson.
FYRST OG FREMST TIL KYNNINGAR
en vonast til að komast á lista
„Ég hef verið í stjórn hverfafé-
lags Sjálfstæðisflokksins í Smá-
íbúða-, Bústaða- og Fossvogs-
hverfum og starfað á kosninga-
skrifstofu flokksins,“ sagði Gunn-
ar Jónasson verzlunarmaður.
„Fyrir þetta prófkjör hef ég ekki
haldið neina opinbera fundi, en
tala við mina vini og kunningja.'
Þetta er léttvægt miðað við þá
maskínu, sem er í gangi hjá ýms-
um, en ég hef engu að tapa. Eg er
ungur og á framtíðina fyrir mér
og framboð mitt er fyrst og fremst
til kynningar. En ég vonast engu
að síður til þess að komast á lista.
Min baráttumál eru kjördæma-
málið, þ.e. að tryggja Reykvíking-
um og íbúum Reykjaness jafnan
kosningarétt á við aðra. Þetta mál
hefur verið kæft niður af lands-
byggðarfulltrúum flokksins. Þá
er málið tafið hjá stjórnarskár-
nefnd. Þá eru það skattamál
verzlunarinnar, t.d. hafa kaupfé-
lögin leyfi til þess að leggja i
varasjóði af gróða, þar sem allt er
skattlagt hjá hlutafélögum og ein-
staklingum. Fyrirtækin mega
ekki sýna gróða. Þessi mismunum
er ósanngjörn.
Þá hef ég unnið að íþróttamál-
um og þar þarf margt aðlagat.d.
hátolla á íþróttavörum. Vandamál
aldaðs fólks þarf einnig að taka
Gunnar Jónasson verzlunarmað-
ur.
föstum tökum, þótt þær fram-
kvæmdir sem borgin stendur nú
fyrir séu til bóta.“ -JH.
Kristján Guðbjartsson innheimtustjóri:
„Skattlagning á
almenning komin
út íöfgar...”
Atvinnulífið þyrfti að gera mót-
tækilegt fyrir skólabókarþekk-
ingu og fræðslukerfið opnara
fyrir reyrtslu atvinnulífsins. Ef
ekki verður nú spyrnt við fótum,
telur Friðrik alvarlega hættu á að
þessir tveir veigamiklu þættir
þróist hver frá öðrum til óbætan-
legs tjóns fyrir báða og þar með
þjóðina alla.
Loks sagði Friðrik Sophusson:
„Breyta þarf opinberum rekstri
þannig að ryðja pólitíkusum út.
Burt með kommissara og pólitískt
úthlutunarvald eftirsóttra lífs-
gæða, sem allir menn eiga jafnan
rétt á að njóta.“
Friðrik Sophusson kom fyrstur
manna fram með tillögu um prqf-
kjör sjálfstæðismanna til al-
þingiskosninga á landsfundi
flokksins 1969. Nú reynir á það,
hvernig honum reynist yfirferðar
sú braut, sem hann öðrum fremur
ruddi með framsýnni tillögu ungs
manns.
Friðrik hefur opna kosninga-
skrifstofu og samstarfsmenn úr
röðum ungra sjálfstæðismanna.
Hann stefnir hátt. BS.
„Ég gekk í Heimdall fimmtán
ára gamall og var fljótlega kosinn
í fulltrúaráð Sjálfstæðisflokksins
í Reykjavík og hef átt þar sæti
síðan, einnig var ég fyrst kjörinn
fulltrúi flokksins á landsþing
hans, þegar ég var átján ára gam-
all,“ sagði Kristján Guðbjartsson
innheimtustjóri í viðtali við DB
en- hann tekur þátt í prófkjöri
sjálfstæðismanna í Reykjavík til
vals á fulltrúum á lista flokksins
til alþingiskosninga. „Síðan má
segja að ég hafi verið í stöðugu
starfi fyrir flokkinn, hef meðal
annars verið í stjórn Óðins og
verið ritari félagsins undanfarin
ár,“ sagði Kristján ennfremur.
„Þátttaka mín í prófkjörinu er
þess vegna af eigin áhuga á
stjórnmálum og ekki síður vegna
hvatningar félaga minna í Sjálf-
stæðisflokknum. Færi svo að mér
gæfist kostur á að beita mér fyrir
einhverjum málum, sem mér
finnast mikilsverð mundi ég fyrst
snúa mér að efnahagsmálunum.
Efnahagsstefnunni verður að
breyta og sú breyting þarf meðal
annars að byggjast á niðurskurði
opinberra framkvæmda.
Skattar bæði beinir og óbeinir
eru orðnir of háir, ég tel að þjóðin
þoli ekki svo miklar álögur.
Ríkisvaldið verður að ganga á
undan í sparnaði því ekki er stöð-
ugt hægt að þrengja að einstakl-
ingnum.
Einnig vil ég benda á að vextir
hækka nú stöðugt vegna verðbólg-
unnar. Þeir eru nú komnir mun
hærra en eðlilegt er að húsbyggj-
endur og aðrir þoli.
Þetta sýnir bezt að við verðum
að draga úr verðbólgunni og þar
verður eins og ég sagði áður, ríkið
að ganga á undan með niður-
skurði á framkvæmdum.
Réttlátari niðurröðun fram-
kvæmda í samgöngumálum er
Kristján Guðbjartsson.
einnig eitt þeirra mála sem ég
vildi koma á. Þar má taka sem
dæmi að ég tel að eðlilegra hefði
verið að tengja sjávarplássin á
Suðurlandi, Eyrarbakka og
Stokkseyri, við Þorlákshöfn með
brú yfir ölfusárósa fyrr en ráðizt
hefði verið i Borgarfjarðarbrúna.
Einnig mætti nefna, að heppi-
legra hefði verið að halda áfram
með Reykjanesbrautina nýju frá
Breiðholtshverfi til Hafnarfjarð-
ar áður en ráðizt var í að breikka
gamla Hafnarfjarðarveginn, sem
flýtt var, eftir að samgönguráð-
herra flutti heimili sitt til Garða-
bæjar.
Að síðustu vil ég nefna að nauð-
synlegt er orðið að draga úr út-
flutningsuppbótum á landbúnað-
arvörur.
Þar er einnig dæmi um hve
skattlagning á almenning er kom-
in út í miklar öfgar,“ sagði Kristj-
án Guðbjartsson að lokum.
-ÓG.
Rýmingarsala
á hiísgögnum
hljómborð undir plötuspilara, vegg-
hillur og samax skrifborð o.fl. eftir kl.
4 á daginn, laugardag til 4.
Hnsgag,ia’,ÍTius*ofa
Ólu Þ j'be gsso'iai'
Auðbrekku :iZ Kópavogi.