Dagblaðið - 14.11.1977, Blaðsíða 25

DAGBLAÐIÐ. MÁNUDAGUR 14. NÓVEMBER 1977.
r
Auðssöfnun
á Islandi
Undanfarin ár hefur
veröbólgan verið aðal-
umræðuefni manna á meðal, í
dagblöðum og í þingsölum hins
unga lýðveldis vors. En af
hverju er verðbólgan svona
mikil? Sitt sýnist hverjum um
það mál, en stjórnmála-
mennirnir virðast hvorki hafa
ráð eða vilja til að stöðva
þennan ófögnuð.
Ég undirritaður hef í nokkra
daga haft undir höndum bæk-
ur, sem alls ekki liggja á lausu
fyrir hinn almenna launþega til
aflestrar, þ.e.a.s. skatta- og út-
.svarsskrár 1977. Ég ætla að
leyfa mér að nefna nokkur
dæmi úr þeim lið skatta-
skrárinnar, sem lítið hefur
verið nefndur, þegar umræða
um verðbólgu á sér stað, en
gæti hins vegar verið sá
skaðvaldur, sem nú hristir
stoðir lýðveldisins Islands með
ófyrirsjáanlegum afleiðingum.
Mörg hundruð milljarðar
Þegar flett er upp í skatta-
skrám þessum og athugaður
liður, sem heitir
EIGNASKATTUR kemur ýmis-
legt í ljós, sem hinn ahnenni
launþegi hefur alls ekki látið
sér detta í hug, að væri til
staðar i þessu litla þjóðfélagi.
Því í ljós kemur að á Stór-
Reykjavíkursvæðinu og 1
Reykjaneskjördæmi eru fjöl-
margir einstaklingar sem eiga
eignir upp á 100 milljónir kr.
hver eða meira. 986 einstakling-
ar eiga 100-200 millj. kr. sem
gerir 135.7 milljarða kr. og 621
einstaklingur á yfir 200 millj.,
eða samtals 207.3 milljarða.
Þessir 1607 einstaklingar eiga
þannig samtals eignir upp á kr.
343 milljarða.
Þarf nokkurn að undra, þótt
erlendar skuldir hlaðist upp,
þegar ljóst er, hversu gífurleg-
ar upphæðir menn hafa getað
eignast hér á landi á stuttum
tíma því stór hluti þessara
manna hefur litlar sem engar
tekjur skv. skattaframtali. Það
er því umhugsunarefni fyrir
launþega, hvernig þetta gerist í
raun og veru.
Kjarni málsins er einmitt sá,
að við lesum um það í blöðum
dag eftir dag og ár eftir ár (og
sjáum dæmin alls staðar í kring
um okkur), að h'inir og þessir
hafi nánast engar tekjur og fái
jafnvel endurgreitt úr opinber-
um sjóðum, t.d gegnum barna-
bætur, en þessir sömu sjóðir
hrópa á meira fjármagn frá
þeim einstaklingum, sem
greiða sín tilskildu gjöld hverju
sinni með æ meiri þunga.
Það er ekki hægt að liða það
lengur, að braskaralýður vaði
hér uppi og neiti að taka þátt í
sameiginlegum kostnaði lands-
manna hverju sinni.
Ekki óhugi ó
lagfœringu
Það hlýtur að vera mikið að
hjá okkur, þegar fjöldi manna
sópar svona miklu fjármagni í
hirslur sinar, á sama tima og
alls staðar heyrist hrópað á
fjármagn til sameiginlegra
framkvæmda hjá ríki og
bæjarfélögum. Kæmi því
engum á óvart, þótt eitthvað af
þessum 343 milljörðum hefði
einmitt átt að vera í sjóðum
ríkis eða bæjarfélaga.
Gæti kannski sá hluti
söluskatts, sem ekki kemur
fram árlega, verið innifalinn í
þessum 343 milljörðum, sem
upp hafa safnazt hjá fyrr-
greindum einstaklingum?
Ég veit ekki betur en að um
hver áramót séu útistandandi
miklar fjárhæðir hjá ríkissjóði
og bæjarsjóðum um land allt
hjá skuldseigum mönnum. Því
er ekki óeðlilegt að áætla, að
þegar margirmilljarðatugireru
í umferð hverju sinni árlega án
Kjallarinn
Eiríkur Viggósson
stjórnunar á peningamarkaðin-
um að verðbólgan haldi
áfram að aukast og eigna-
mönnum fjölgi stöðugt næstu
ár.
Nú eru framundan miklar
sviptingar í þjóðmálum, því að
eins og menn vita eru tvennar
kosningar framundan, bæði til
sveitarstjórna og hins háa
Alþingis. Það virðist þurfa
miklar breytingar á Alþingi til
að koma skattamálunum í þann
farveg að sem flestir geti vel
við unað. Það er staðreynd, að
það þing, sem nú situr, hefur
engan áhuga á að lagfæra þau
ranglátu skattalög, sem hér eru
við lýði. Það virðist gleymast í
umræðum manna á meðal, að
skattar eru undirstaða allra
annarra málaflokka.
Að lokum þetta. Nú eiga
ungir menn, hvar í flokki sem
þeir standa að taka höndum
saman og moka flórinn áður en
það verður of seint.
Eiríkur Viggósson
matreiðslumaður.
-
Blaöburðarbörn
óskaststrax við:
TJARNARGÖTU
SUÐURGÖTU
SKAFTAHUB
MMBIABIÐ
Sími27022
Salir við öll
tækifæri
Sími 82200
ttHOfnEL#
JJ|
n
MMBLAOIB án ríkisstyrks
Nýjung:
Nónkex með
ciiLLiilaAi
Nónkex er heilhveitikex
hollt 09 gott,
enda Frónkex
KEXVERKSMIBJAN FRÓN