Dagblaðið - 01.12.1978, Blaðsíða 8

8
ÐAGBLAÐIÐ. FÖSTUDAGUR 1. DESEMBER 1978.
Norðlenzkir rauðsokkar vilja líka hátíð
Jafnrétti rætt
á laugardag
Rauðsokkar á Akureyri hyggjast
um helgina fylgja fordæmi félaga
sinna í Reykjavík og efna til hátíðar:
Stendur hún á milli klukkan 2 og 6 í
Sjallanum gamla og góða. Til skemmt-
unar verður margt af þvi sem var á
hátiðinni frá morgni til kvölds fyrir
skömmu í Reykjavík.
Flutt verður samfelld dagskrá um
samskipti kynjanna. Meðal annarra
syngja Stella Hauksdóttir frá Vest-
mannaeyjum, Jakob S. Jónsson og
Hjördís Bergsdóttir frá Reykjavík og
Kristín Á. Ólafsdóttir frá Akureyri.
Þá verður bókmenntakynning
Lesið verður úr óbirtum bókum m.a
eftir Auði Haralds, Normu Samúels
dóttur og Rögnu Steinunni Eyjólfs
dóttur verkakonu frá Vestmanna
eyjum.
Efnt verður til umræðna meðal
viðstaddra um jafnréttismál og Rauð-
sokkahreyfingin verður kynnt.
Aðgangseyrir er þúsund krónur
fyrir fullorðna en enginn fyrir börn í
fylgdmeðþeim. -DS.
Nýleg lög um erfðaf járskatt:
„Mistök sem þarf
aðleiðrétta”
- segir Húseigendaf élag Reykjavíkur
„Hækkun erfðafjárskattsins af fast-
eignum sl. sumar voru greinileg
mistök af hálfu löggjafans,” segir
efnislega i bréfi sem Húseigendafélag
Reykjavíkur hefur ritað Félagsmála-
ráðuneytinu.
1 bréfinu segir að i aðdraganda
frumvarps, sem Alþingi samþykkti
hafi alls ekki komið fram, að ætlunin
væri að leggja auknar byrðar á þá, sem
hljóta fasteignir i arf umfram þá, er
erfa annars konar verðmæti.
Eins og erfðafjárskattur er eftir að
áðurgreind lög komu til framkvæmda
hefur hann hækkað „óheyrilega".
Dæmi er tekið í bréfi Húseigenda-
félagsins. Miöað er við fjögurra her-
bergja íbúð, sem maki og/eða börn
erfa. Samkvæmt matinu frá 1971 er
íbúðin talin 2 milljón króna eign. Eftir
hækkunina 1976—1977, 5.5 falt og
hækkunina 1977, 34%, er sama íbúð
rnetih á tæplega 15 milljónir króna.
Fyrir breytinguna hefði erfðafjár-
skattur numið kr. 170 þús., en eftir
breytinguna nemur hann kr.
1.294:000.00.
Skorar Húseigendafélagið á félags-
málaráðuneytið að láta nú þegar bera
fram á Alþingi breytingartillögu við
lögin um erfðafjárskatt. Þróun siðustu
ára í löggjöfinni sé mistök. Þau eigi og
þurfi nauðsynlega að leiðrétta.
-BS.
Ekkert rætt um
sölu Bifrastar
„Það er nákvæmlega ekkert að
gerast I viðræðum við aðra aðila í sam-
bandi við okkar skip,” sagði Þórir
Jónsson, stjórnarformaður í Bifröst I
viðtali við DB. Hann bætti við: „Við
eigendurnir þurfum fyrst að hittast og
ræðast við, ef eitthvað slíkt er fram
undan.”
Lausafregnir slá úr og í um hugsan-
leg kaup Eimskipafélags tslands hf. á
m/s Bifröst. Samkvæmt framansögðu
er ekki einu sinni verið að ræða við
Eimskip um viðskipti þessa dagana.
DB er kunnugt um að Bjarni
Magnússon (íslenzka umboðssalan)
hefur verið erlendis í rúma viku, og
eftir því sem bezt er vitað í Nígeríu.
Hann er einn hluthafa í Bifröst hf.
Fleiri ákvarðanir þarf að taka en að
selja skip í útgerð og er m.a. beðið
heimkomu Bjarna, sem er í stjórn
Bifrastar, til viðræðna um málefni
félagsins.
-B.S.
Eins og mvndin sýnir hefur eldurinn orðið svo magnaður að framhlið brúarinnar bráðnaði hreinlega.
DB-mynd: Sv. borm.
Dagfari líklegast
endurbyggður
—eldsupptök enn ókunn
Loðnuskipið Dagfari, sem brann mjög
aftan til fyrir mánuði og var dreginn log-
andi til Patreksfjarðar, er nú kominn til
Hafnarfjarðar og bíður þess að
ákvarðanir verði teknar um framtíð
þess.
Skv. upplýsingum Tryggingar hf. er
félaginu ekki enn ljóst hvað olli ikveikj-
unni, en væntir bráðlega skýrslna um
málið frá rannsóknaraðilum.
Þótt ekki hafi enn verið tekin endan-
leg ákvörðun um hvað gert verður við
þetta 500 tonna skip er talið liklegt að
það verði endurbyggt. Það sem gefur
þeirri skoðun m.a. byr undir vængi er að
aðalvél skipsins mun vera heil. Að visu
komst i hana sjór svo nauðsynlegt
verður að taka hana í sundur og lagfæra
skemmdir af þeim völdum. Hún mun
ekki hafa skemmzt af eldi, þótt eldurinn
hafi fyrst komið upp i vélarrúminu. -G.S.
RAGNARÖK
og f/eira í auglýsingu
okkar í sjónvarpinu í kvö/d.
VERIÐ VIÐBÚIN 1 ■
| sýningartími aðeins 30 sekúndur PRENTHÚSIÐ - Barónsstíg 11B — Sími26380