Dagblaðið - 01.12.1978, Blaðsíða 17

DAGBLAÐIÐ. FÖSTUDAGUR 1. DESEMBER 1978.
100 milljónir króna í endur-
byggingu Tjarnarborgar
— þangað flutti Hannes Hafstein úr Ráðherrabústaðnum 1909
Viðgerðin á Tjarnarborg kostaði kr.
104 milljónir ef reiknað er til verðlags í
dag. Rétt og skylt er að taka strax
fram að réttara er að segja að endur-
bygging hússins hafi kostað ofan-
nefnda fiárhæð.
Tjarnarborg, sem nú heitir, er nr. 33
við Tjarnargötu i Reykjavík. Hannes
Hafstein ráðherra lét reisa húsið eftir
teikningum Rögnvalds Ólafssonar.
Húsið var byggt 1909.
Þarna hafði Sumargjöf barnaheimili
um áratuga skeið. Nú er þarna barna-
heimili rekið af borginni. 107 börn eru
þarna i gæzlu dag hvern. Forstöðu-
maður er nú Lóa S. Leósdóttir. Er
auðséð að hún reynir að vera ekki
eftirbátur Elinar Torfadóttur sem
veitti barnaheimilinu forstöðu um
langt skeið með sérstökum myndar-
brag og við miklar vinsældir bæði
barna, foreldra og starfsliðs.
Fasteignamat hússins var í gær kr.
9.397.000,00. Það er í dag sem næst
13 milljónum króna. Viðgerðin eða
endurbygging hússins kostaði
66.786.025.00 og tók um það bil þrjú
ár. Eins og fyrr segir eru það rúmlega
100 milljónir króna ef reiknað er til
gildisbreytinga peninga til þess sem
verða myndi í dag.
í skýrslu um endurbygginguna segir
m.a.: Við athugun á ofangreindum
kostnaði er vert að hafa í huga að
framkvæmdir eru unnar jafnframt
rekstri hússins. Þá segir að þetta hafi
bagað talsvert, ekki sízt við fram-
kvæmdir innanhúss.
Tekið skal fram að samstarf við
starfsfólk hússins hefur verið til fyrir-
myndar og tilhliðrunarsemi þess eins
mikil og hægt hefur verið að fara fram
á,efekki meiri.
Skipt var um járn og pappa á þaki
og veggjum, gert við klæðningar bita í
veggjum og sperrur, vatnsbretti,
gerekti, gluggapósta og karma.
Timburviðgerðir voru annars all-
miklar, mestar undir gluggum og i
kringum þá. Rifinn var bráðabirgða-
uppgangur á gólfi, svo og svalir og
komið fyrir nýjum bitum fyrir svala-
gólf. Girðing með Tjarnargötu var
endurnýjuð.
Gluggarammar voru þéttir og rúður
kíttaðar uþp eftir þörfum. Þá fór fram
endurmúrhúðun kjallaraveggja og svo
margt fleira að ekki er hægt að telja
þaðupp meðgóðumóti.
Þó má geta þess að hurðir og listar
voru skafin upp og allt gert eins likt
því sem upphaflega var og unnt
reyndist.
Þegar húsið var reist var staðsetning
þess meðal annars miðuð við hag-
ræðið af þvi að frárennsli var út í
Tjörnina. Nú þurfti að sjálfsögðu að
miða við lögn út I götu þegar skipt var
„Ég er nú bara að klæða hana 1 ullarbuxur i kuldanum.”
um hreinlætistæki. Nú eru þarna
klósett og vaskar við hæfi barna, eins
og vera ber.
Nýjar rósettur hafa verið gerðar í
loft og listar hafðir eins og þeir voru í
upphafi. Þetta er að talsverðu leyti
handunnið. Áður var unnt að fá þetta
erlendis frá, fjöldaframleitt.
Húsið er sem sagt orðið mjög likt
því sem það var nýsmíðað 1909 þegar
Hannes Hafstein flutti úr Ráðherra-
bústaðnum yfir götuna. Þarna hefur
búið sómafólk, meðal annarra Lárus
Fjeldsted hæstaréttarmálaflutnings-
maður og hans fjölskylda. Tjamar-
gatan var embættis- og heldrimanna-
gata. Hún verðskuldar upprifjun og
látnir ibúar hennar og lifandi, þótt það
bíði betri tíma.
Nú er föndurherbergi í kolageymslu
Hannesar Hafstein. Á þurrklofti hans
i risinu gæti orðið hlýlegt athvarf fyrir
félagssamtök fóstra.
Ef reiknaður er kostnaður við
endurbyggingu og viðgerð á þeim
hluta hússins, sem nú er notaður fyrir
barnaheimili, reynist kostnaður vera
nokkru minni en væri I nýbyggðum
leikskóla, eða um 730 þúsund krónur
fyrir hvert barn.
Nú er húsið friðað. Það verður því
áfram þar sem það var byggt. Þegar
Reykjavikurborg keypti húsið var því
aldrei ætlað að standa lengi. Það var
gert ráð fyrir því að rífa það, keypt til
niðurrifs. Alltaf var þó þörfin fyrir
barnaheimili svo brýn að úr því varð
aldrei. Hins vegar varð áformið um að
rífa húsið til þess að aldrei var neitt
gert fyrir það. Það var látið rotna og
grotna. Þess vegna hefur viðgerð eða
endurbygging orðið kostnaðarsöm.
Mun sitt sýnast hverjum um þá
meðferð skattpeninganna að verja
þeim til að gera upp gamalt hús. Það'
ersvoannaðmál.
Margir hafa lagt hönd að verki við
endurnýjun Tjarnarborgar. Húsið er
aftur orðið bæjarprýði og verður það.
Leifur Blumenstein bygginga-
fræðingur var aðalhönnuður endur-
byggingarinnar.
Byggingadeild borgarverkfræðings
hefur séð um verkið og haft umsjón
með því að mestu leyti.
-BS.
Meira að segja berir loftbitar eru eins og nýir
BUÐIN HLAÐIN
af nýjum úrvalsborðum
Sjónvarps-
og
stereó-borð
Opið í kvöld
til kl. 8.
Laugardag
til kl. 4.
Sófaborð
Teborð
Saumaborð
Húsgagnaverzlun
Reykjavíkur hf.
Innskots-
borð
Brautarholti 2
Símar 11940- 12691