Dagblaðið - 21.01.1980, Qupperneq 2

DAGBLAÐIÐ. MÁNUDAGUR21. JANÚAR 1980.
2
r
Anægjan eyðilögð:
Eru kvikmyndahúsin
adeins fyrir skríl?
Freygerður Kristjánsdóllir skrifar:
Ég fer oft i kvikmyndahús og hef
oft ánægju af, en allt of oft eru
myndirnar eyðilagðar fyrir þorra
gestanna af óþroskuðum unglingum
eða óþroskuðu fullorðnu fólki, oftast
drukknu. Ekkert eftirlit virðist vera
með sölum húsanna og fólk veigrar
sér við að sækja dyraverði, því að
það uppistand getur eyðilagt
myndina engu siður en skrílslætin.
Í Regnboganum á miðju síðasta ári
sótti ég loks dyravörðinn eftir að
hafa reynt að einbeita mér að mynd-
inni þrátt fyrir að í sætunum fyrir
aftan mig væru 4 menn að blanda
með tilheyrandi flöskuglamri og
Raddir
lesenda
yfirlýsingum um gæði drykksins. Þar
að auki fannst þeim myndin greini-
lega ekki við sitt hæfi og létu athuga-
semdir sinar dynja á fólkinu i
kringum sig. Dyravörðurinn stóð sig
illa í sínu starfi og reyndi að semja
við þessa menn. Þegar þeir höfðu
lofað að hafa kyrrt um sig hvarf
dyravörðurinn út úr salnum.
Mennirnir fjórir tilkynntu mér þá að
mér yrði einfaldlega komið fyrir
kattarnef ef ég hætli ekki að skipta
mér af þessu. Ég fór aftur frani að
sækja dyravörð, en það fór á fyrri
veg og héldu menn þessir áfram
drykkjulátum sínum það sem eftir
var myndarinnar.
Stuttu siðar fór ég i Austurbæjar-
bió og þar var sama ástandið, læti og
hamagangur i örfáum gestanna var
að eyðileggja ánægjuna fyrir öllum
hinum. í þetta skipti leitaði ég dyrum
og dyngjum að dyraverðinum í
langan tima án þess að finna hann.
Loks fékk ég þær upplýsingar i
miðasölunni að dyravörðurinn va:ri
farinn og kæmi ekki aftur í bráð. Ég
reyndi að fylgjast með myndinni
þrátt fyrir lætin, en gafst fljótlega
upp og fór, og það gerðu fleiri í þetta
skipti.
Enn fór ég i Austurbæjarbíó að sjá
jólamyndina en ekki var langt liðið á
sýninguna þegar unglingahópur
byrjaði framiköll og athugasemdir
um ástaratriði I myndinni. Nokkrir
biógestir reyndu að fá unglingana til
að hætta, en gekk litið, fengu aðeins
svívirðingar að laununr og vakti það
mikinn hlátur hjá skrilnum. Ég lét
mig hafa það að sitja undir þessu og
var þess minnug hvernig siðast hafði
farið þegar ég leitaði að dyraverðin-
um. Þegar 10 minútur voru eftir af
myndinni kom starfsstúlka í bíóinu
inn i salinn og stóð hún í tröppunum
það sem eftir var myndarinnar en lét
háreysti unglinganna alveg afskipta-
lausa. Loksins lauk þessari þolraun
og mér leið orðið eins og ég hefði
setið á púðurtunnu alla myndina. Ég
spurði stúlkuna hvers vegna hún
hefði ekkert gert í málinu. Hún sagði
„Þau æsast bara upp.” Ég spurði um
dyravörðinn og hún sagði að hann
hefði verið niðri alla sýninguna.
Hvers ciga venjulegir kvikmynda-
húsgestir að gjalda? Er ekki kominn
Bréfritari gagnrýnir framkomu unglinga 1 kvikmyndahúsunum.
DB-mynd RagnarTh.
tími til að kvikmyndahúsin fari að
hugsa sig um og reyni að láta dyra-
verði eða annað starfsfólk sitt vinna
fyrir laununum? Einhver hlýtur að
eiga að gæta reglu í sölum þessara
húsa.
Það eru flest kvikmyndahúsin
undir þessa sök seld. Ég vil biðja
kvikmyndahúsastjóra Reykjavikur
að sjá að sér. Ef til vill hætti ég og
fleiri að sækja sýningar þeirra áður
en langt liður. Ég held ekki að það
borgi sig að reka húsin aðeins fyrir
skrilinn sem eyðileggur hverja kvik-
myndasýninguna af annarri. Ef
harkalega væri tekið á þeini sem ekki
kunna að haga sér innan um aðra og
þeim meinaður aðgangur að kvik-
myndahúsunum, eða þeim hent út
þegar þeir brjóta af sér, held ég að sú
góða regla myndi smátt og smátt
komast á að i kvikmyndahúsunum
væru stjörnurnar á tjaldinu en ekki
frammi í sal.
SÁÁ gerir kraftaverk
Úr sjónvarpsmyndinni Feigðarflug.
Sjónvarpsmyndin Feigðarflug:
Fróðleg mynd
og spennandi
Imba skrifar:
Viljið þið gera svo vel að koma
þakklæti á framfæri til sjónvarpsins
fyrir ágæta mynd sem birtist á
skjánum fýrir nokkru. Það var
Feigðarflug, sem sýnt var mánu-
daginn 7. janúar. Þetla var afar
fróðleg mynd og spennandi og virtisl
vandvirknislega gerð. Það verður
ekki af Bretum skafið að þeir frani-
leiða marga prýðilega þætti af þessu
tagi.
Myndin Feigðarflug hafði margvís-
legan lærdóm að flytja, m.a. hversu
árvekni í starfi er mikilvæg, ekki
aðeins meðal þeirra sem fljúga um
loftin blá eftir leiðsögn flugum-
ferðarstjóra, heldur okkar allra sem
lifum í tæknivæddum heimi. Hafi
sjónvarpið þökk fyrir sýninguna!
(Góðir þættir eru stundum endur-
sýndir. Mér finnst Feigðarflug þess
virði).
Annars sýnist mér dagskrá sjón-
varpsins bera þess vott að ráðamenn
þar i bæ reyni eflir föngum að gera
sem flestum til hæfis í efnisvali handa
imbakassanum.
Eina ósk hef ég fram að færa varð-
andi birtingu dagskrár sjónvarpsins í
blöðunum. Hún er sú að ásamt
islenzku heiti hvers dagskrárliðar
verði einnig nefnt erlenda heitið ef
um útlent efni er að ræða. Þetta
hefur verið gert við biómyndirnar, en
mætti gjarnan vera við allt efni frá
útlöndum. Maður gluggar oft i
sjónvarpsdagskrár í erlendum
blöðum, les umsagnir o.fl., og þá er
gott að geta séð í dagskrá islenzka
sjónvarpsins í blöðunum hér þegar
eitthvað af slíku „kunnugu” efni sem
vakið hefur athygli okkar rekur á
fjörur islenzka sjónvarpsins.
Móðir skrifar:
Ég fylltist velliðan og gleði þegar
ég las í blaðinu i dag að SÁÁ ætlar að
færa starfsemi sina til fanga á Litla
Hrauni. Ég er ekkja og missti
manninn minn langt fyrir aldur vegna
ofdrykkju hans. Tveir synir mínir
hafa verið í fleiri ár á Litla-Hrauni til
samans heldur en þeir dvöldu hjá
mér. En ég er ekki bitur lengur. Ég
hef fengið að sjá dóttur mína og
þriðja son minn bjargast úr víti
áfengisins fyrir tilstilli SÁÁ. Einnig
hef ég fengið að sjá bróður minn og
náfrænda verða albata á ný. Ég held
að enginn geti gert sér grein fyrir
hvað þetta hefur breytt lífi okkar
allra. Ég veit að Hilmar postuli
Helgason, en ég kalla hann það alltaf
i huganum, mun gera jafnmörg
kraftaverk á Litla-Hrauni eins og
hann hefur gert alls staðar annars
staðar. Guð blessi hann og allt starfs-
fólk SÁÁ.
Hilmar Heigason.
ÚrSALA
^—•— I
Gerið reyfarakaup
aö Laugavegi 44

40 — 80%
verólækkun
■