Dagblaðið - 21.01.1980, Blaðsíða 31
DAGBLAÐIÐ. MÁNUDAGUR 21. JANÚAR 1980.
(i
Utvarp
31
Sjónvarp
D
ÚTVARPSSAGAN - útvarp kl. 21,45:
Sólon íslandus í tilefni
afmælis Davíös Stefánssonar
í kvöld hefst lestur nýrrar útvarps-
sögu, Sólon islandus eftir Davíð
Stefánsson frá Fagraskógi. Sagan er
flutt í tilefni þess að 85 ár eru frá
fæðingu Davíðs. Sólon íslandus er
um ævi Sölva Helgasonar en hann
var og er frægasti umrenningur sem
Davíð Stefánsson frá Fagraskógi.
uppi hefur verið á íslandi.
Sölvi Helgason fæddist á Fjalli i
Skagafirði árið 1820. Hann varð'
snemma landshornamaður og varð
hekktur fyrir ýmsa óknytti. Sölvi var
í betrunarhúsi i Kaupmannahöfn í
þrjú ár. Hann var orðlagður fyrir
sjálfhælni og þóttist hafa betra vit en
aðrir á ýmsu.
Hann var gæddur listrænum
gáfum eins og sjá má af myndum
hans og skreytingum sem varðveittar
eru eftir hann. Sölvi orti einnig mikið
og skrifaði. Það hafa fleiri skáld en
Davíð Stefánsson skrifað um Sölva
og má þar nefna Elinborgu Lárus-
dóttur. Ennfremur orti Bólu-
Hjálmar frægt kvæði um hann.
Bókina Sólon íslandus skrifaði
Davíð á árunum 1930—40. Bókin
kom út 1940og var sagan fyrst lesin í
útvarpi fyrir 22 árunt af Þorsteini Ö.
Stephensen. Það er sami lestur sem
nú verður fluttur í tilefni afmælis
skáldsins eins og áður er sagt.
Þorsteinn Ö. Stephensen les söguna
Sólon íslandus.
BÆRINN OKKAR — sjónvarp kl. 21,15:
KOSTULEG ÁST
„Leikritið segir frá tveimur eldri
ógiftum systrum. Þær leigja manni
nokkrum sem kemur í bæinn og
verða báðar skotnar i honum og hann
i þeim,” sagði Kristrún Þórðardóttir
um fyrstu myndina af sex brezkum
sjónvarpsleikritum sem sjón-
varpið sýnir i kvöld. Myndirnar eru
allar sjálfstæðar, byggðar á smásög-
um eftir Charles Lee.
„Manninum er alveg sama hvor
konan er og þau ákveða að kasta upp
teningi um hvora konuna hann á að
velja,” sagði Kristrún Þórðardóttir
ennfremur. „Teningurinn lendir á
rönd og þá ákveða þær að maðurinn
fari burt i smátima og sjá hvaða
stefnu hjarlað tekur.
Á meðan maðurinn er að heiman
rífast þær systur um alla hluti og
ákveða að þegar maðurinn komi til
baka skuli sú sem hann hefur ákveðið
að eiga hafna honum,” sagði
Kristrún.
„Myndin er skemmtileg og vel
leikin. Ég mundi ekki segja að þetta
væri grín heldur miklu fremur kostu- okkar og er a dagskrá sjónvarpsins
leg mynd”. Leikritið nefnist Bærinn kl. 21,15 eða á eftir iþróttum.
Maðurinn sem elskar systurnar tvær i leikriti kvöldsins i sjónvarpi.
UM
HELGINA
I guðanna bænum, hættið að
stæla „Johnny Carson”
Þegar ég sá að á dagskrá
sjónvarpsins á föstudagskvöld var
„silfurbrúðkaups" þáttur frásænska
sjónvarpinu fannst mér það ekki
beinlínis tilhlökkunarefni. En þegar
ég sá að Svend Bertil Taube var
meðal þeirra sem fram áttu að koma,
var ég tilbúin að biða i gegnum langt
og leiðinlegt prógramm.
Aldrei þessu vant kom sænska
sjónvarpið, og reyndar einnig það
islenzka, mér skemmtilega á óvart.
Hátiðaþættirnir voru alveg sér-
staklega góðir og skemmtilegir og
sennilega með betra skemmtiefni sem
komið hefur fram á hinum islenzka
skjá.
Á laugardagskvöld hóf göngu sina
nýr þáttur í sjónvarpinu. Stjórn-
andinn Hildur Einarsdóttir, var starfi
sínu fyllilega vaxin, en hins vegar
finnst mér þetta „Johnny Carson”
fyrirkomulag alveg út í hött. Það er
ekki nóg að stjórnandinn geti talað
og komið skemmtilega fyrir.
Viðmælendurnir verða einnig að vera
frambærilegir. Aðeins tveir af fimm
gátu talizt í þeim hópi, þ.e. lög-
fræðingurinn Jón Oddsson og söng-
konan Helga Möller. Hvar skyldi hún
nú hafa verið niðurkomin þegar
fegurðarsamkeppnin fór fram? —Ég
sá ekki hvaða erindi „myndlistar-
maðurinn átti í þennan sjónvarpsþátt
— nema ef vera skyldi að fæla fólk
frá tækjunum með þessu hræðilega
væli sem heyrðist þegar hann skóp
„listaverkið sitt”.
Mér finnst líka alveg út i hött að
leika plötur og láta þá er syngja þar
syngja bara í þykjustunni í
sjónvarpinu! Það er nauðsynlegt að
hafa lifandi hljómsveit í skemmti-
þáttum og nógir hljómlistarmenn eru
til starfans.
Bíómyndin á laugardaginn var
sannarlega í anda hinna gömlu og
góðu. Að hugsa sér að Deborah Kerr
skyldi geta fengið bæði klippingu,
permanent og lagningu inni i miðri
Afriku þegar hún var orðin leið á
siða, slétta hárinusínu!
Laugardagsþátturinn um líf
læknanna i Kóreustriðinu er alveg
stórkostlega skemmtilegur. Ef ég
mætti ráða væri einhver slíkur þáttur
á hverju einasta kvöldi.
Þættirnir sem koma á eftir
Húsinu á sléttunni eru alveg sérlega
fróðlegir og skemmtilegir. Það er nú
meira hve þulurinn er mælskur.
Dálitið þótti mér hann illa að sér í
„íslandssögunni” i gær þegar hann
sagði að Grænland hefði hætt að
vera grænt í kringum 1250! Ég hef
alltaf haldið að Grænlandi hafi verið
valið þetta nafn af allt annarri á-
stæðu en að það væri beinlinis
grænt!
Bryndísi tókst vel upp i barna-
timanum eins og jafnan áður. Litla
sænska myndin fannst mér hálf
bjánaleg frá uppeldislegu sjónarmiði.
Það hefði átt að sýna að Nína litla
fengi skantmir fyrir að hella úr skólp-
fötunni á nýþvegið eldhúsgólfið.
Satt að segja hálf sofnaði ég yfir
brezka skáldinu og fannst sá þáttur
varla til þess að halda athyglinni við
efnið.
-A.Bj.
Milton Friedman. Hann þykir hæði orðheppinn og fyndinn en ekki eru allir á eitt sátt-
ir um kenningu hans.
MILT0N FRIEDMAN
— sjónvarp kl. 21,40:
Nóbelsverðlauna-
hafinn umdeildi
„í þessum þætti er viðtal við Milton
Friedman sem sænskur blaðantaður
átti við hann, er hann tók við nóbels-
verðlaununum í hagfræði 1976. Þeir
ræða að mestu um efnahags- og stjórn-
ntál en Friedman hefur mjög ákveðnar
og sérstæðar skoðanir,” sagði Bolli
Bollason, annar þýðandi myndarinnar,
Milton Friedman situr fyrir svörum,
sem sjónvarpið sýnir í kvöld kl. 21,40.
Þýðandi á móti Bolla er Bogi Arnar
Finnbogason. Bogi Arnar kemur i stað
sænsks þuls og les hann því textann
fyrir framan myndavélina.
Milton Friedman fékk nóbelsverð-
laun í hagfræði 1976. Hann þykir bæði
afturhaldssamur og íhaldssamur.
Hefur hann nt.a. verið bendlaður við
herforingja í Chile. Efnt var til mót-
ntælagöngu í Svíþjóð þegar Friedntan
voru afhent verðlaunin. Eru margir, og
þá sérstaklega vinstrisinnaðir, mjög á
móti honum og hans kenningunt.
í myndinni er m.a. sýnt frá þessunt
mótmælagöngum. Þar ber einnig á
gónta afskipti hans af Chile, Iramtið
Evrópu og vaxandi þrótt Asíuþjóða.
-F.l.A.
MORGUNSTUND BARNANNA
— útvarp kl. 9.05 í fyrramálið:
Kalli og Lotta
i sveitasælunni
Morgunstund barnanna er ætluð yngstu börnunum og er þvi tilvalið að birta þessa
mynd af litlu hnátunni til að minna krakkana á morgunstundina i fyrramálið.
DB-mynd Hörður.
„Þessi saga fjallar um systkinin
Kalla og Lottu sent eru sex og þriggja
ára. Þau búa i sveit og sagan lýsir
viðskiptum þeirra við dýr og ntenn,”
sagði Kristján Guðlaugsson í samtali
við DB.
Kristján byrjaði i morgun að lesa
þýðingu sína á sögunni Veröldin er full
af vinum eftir Ingrid Sjöstrand i
morgunstund barnanna.
„Sagan lýsir síðan lifi þessara barna i
sveitinni. Foreldrar þeirra eru ekki
bændafólk heldur menntafólk sem
flutzt hefur burt úr borginni,” sagði
Kristján ennfremur.
„Höfundurinn, Ingrid Sjöstrand, er
virtur barnabókahöfundur í Svíþjóð og
hefur skrifað margar bækur um þessi
sömu börn. Hún skrifaði bókina Kalli
sem lesin var hér í útvarpi fyrir
nokkrum árum. Er þaðsami strákurinn
og er i bókinni Veröldin er full af
vinum.”
Annar lestur sögunnar verður I fyrra-
málið kl. 9,05 og verða lestrarnir alls
fimmtán. -FI.A.
Kristján Guðlaugsson byrjaði i morgun
lestur þýðingar sinnar á sögunni
Veröldin er full af vinum eftir Ingrid
Sjöstrand.