Dagblaðið - 21.05.1981, Page 8
DAGBLAÐIÐ. FIMMTUDAGUR 21; MAÍ 1981.
I
Erlent
Erlent
Erlent
Erlent
I
Jóhannes Páll annar páfí
hefur ferdazt meira en
nokkur fyrirrennari hans
Jóhannes Páll páfi annar hcilsar Hiro-
hito Japanskeisara er hann sótti Jap-
ani heim fyrir skömmu.
Hann talar oft um sig sem „son
Póllands” og minnist oft á „móður-
land okkar”. Hann ræðir gjarnan
um hina löngu og ströngu sjálf-
stæðisbaráttu Póllands og þúsund
ára samband þjóðarinnar og
kaþólsku kirkjunnar.
Sjálfur hefur hann tekið sér stöðu
sem leiðandi siðferðisrödd í efnum
allt frá pyntingum og afvopnun til
ógnana sem stafa af visindum
nútimans.
Fljótlega kom í Ijós eftir að Pól-
verjinn Karol Wojtyla settist á páfa-
stól að hann mundi ekki setjast í
helgan stein þar með. 1 árslok 1979
hafði hann þegar ferðazt til Póllands,
Bandaríkjanna, Dóminíska lýðveldis-
ins, Mexikó, Bahama-eyja, trlands
og Tyrklands. Árið eftir bættust
eftirtalin lönd á listann: Brasilía,
Zaire, Kongó, Kenya, Efri-Volta,
Ghana, Filabeinsströndin, Frakkland
og Vestur-Þýzkaland. Á þessu ári
hefur hann heimsótt Pakistan,
Filippseyjar, Guam, Japan og
Alaska.
Páfinn talar fjölmörg tungumál
reiprennandi og þar á meðal ítölsku.
Hann vann því fljótlega hug og
hjörtu ftala og lagði sig enda fram
um að kynnast þeim. Þegar hann
hefur ekki verið á ferðalögum
erlendis er hann tiðum í förum um
Italíu og kemur þar fram sem biskup-
inn í Róm.
Karol Wojtyla fæddist 18. mai
1920 i Wadowice nærri Krakáw í Pól-
landi. Á skólaárunum vann hann í
grjótnámu. Faðir hans var verka-
maður og síðar liðsforingi í pólska
hemum. Móðir hans dó þegar hann
var aðeins níu ára gamall.
Er hann hafði verið vígður til
prests 1. nóvember 1946, þá 26 ára
gamall, var hann sendur til Rómar í
þrjú ár til frekara náms. Er hann
sneri aftur til Póllands starfaði hann
sem aðstoðarprestur víða um landið
við mjög erfið skilyrði, sem stjórn
Kommúnistaflokksins, sem þá var
nýtekin við völdum, setti mjög mark
sittá.
Hann var afkastamikiil kennari og
rithöfundur og lærði að tala ítölsku,
þýzku, ensku, spænsku, rússnesku og
latínu. Málakunnátta hans birtist
meðal annars í því að hann mælti
jólakveðjur sínar árið 1978 á 24
tungumálum og árið eftir gerði hann
enn betur er hann setti kveöjur sínar
fram á 35 mismunandi tungumálum.
Hann varð aðstoðarbiskup i
Krakáw árið 1958 og biskup 1964.
Þremur árum síðar gerði Páll páft
sjötti hannað kardínála.
Víst er að kaþólska kirkjan hefði
ekki mátt við því að missa svo
öflugan talsmann sem Jóhannes Páll
II. páfier.
Þessi hraustlegi og sterkraddaöi
maður, Karol Wojtyla fyrrum
kardínáli í Krakáw í Póllandi, varð
fljótlega vinsælasti páft síðari tíma.
Milljónir manna hafa gert sér ferð til
að fá litið auglit páfans á ferðalögum
hans um heiminn.
Jóhannes Páll páfi annar hefur af
mikilli mælsku talað einarðlega gegn
mannréttindábrotum, fordæmt mis-
skiptingu auðs og gefið sér tíma til að
sinna fátækum, sjúkum og börnum.
Hann hefur sakað stórveldin um
að láta sér nægja að tala um frið á
sama tíma og þau halda áfram víg-
búnaðarkapphlaupi sínu. Hann hefur
talað um rétt allra manna til að lifa
án hungurs.
Hafi skoðanir páfans á þjóðfélags-
málum þótt framsæknar þá hefur
hann að sama skapi valdið þeim von-
brigðum sem vilja sjá breytingar á
kenningu kirkjunnar. Hann hefur
varað við því að reynt sé að koma á
þjóðfélagslegum breytingum með of-
beldi og hann hefur sagt prestum að
blanda sér ekki í stjórnmál.
Á sviði fjölskyldumála hefur hann
verið íhaldssemin uppmáluð og
haldið fast við bann kirkjunnar við
takmörkun barnsfæðinga, hjóna-
skilnuðum, fóstureyðingum og fjöl-
kvæni.
Páfinn hefur stutt við bakið á
hinni óháðu verkalýðshreyfingu í
Póllandi. Hann sagði verkamönnum
á sykurekru á Filippseyjum aö verka-
menn hefðu rétt til að sameinast í
frjálsum samtökum. En hann bætti
því við að ofbeldi og stéttabarátta
,,geti ekki skapað réttlæti þar sem
forsendan sé eyðilegging og mann-
fyrirlitning”.
Jóhannes Páll páfi hefur ekki reynt
að leyna því að hann er stoltur af
þjóðerni sinu. Hann er fyrsti páfinn í
fjórar aldir sem ekki er ftali og fyrsti
Pólverjinn í sögunni sem sezt á páfa-
stól.
Fáífnn hel'ur látið málefni barna til sin taka. Myndin er tekin í helmsókn páfans til Póllands.
Á þeim þrjátíu mánuðum sem Jó-
hannes Páll páfi annar hefur setið á
páfastóli hefur hann þegar ferðazt
meira um heiminn en nokkur fyrir-
rennara hans. Hann hefur notað
persónutöfra sína til að styrkja
kirkjuna og boða trú hennar.
Jóhannes Páll II. páft, sem nú er
nýorðinn 61 árs, hefur vakið athygli
fyrir dugnað sinn og að því er virðist
óþrjótandi úthald á ferðalögum víðs
vegar um heiminn. Sem dæmi um
ferðalög hans má nefna mikla sigur-
för hans til heimalands síns, Pól-
lands, heimsókn til Bandaríkjanna,
ferð um Suður-Ameríku þar sem
flestir íbúanna eru rómversk-
kaþólskrar trúar og ferð allt austur til
Japans en þar í landi hefur kristin trú
aldrei átt umtalsverðu fylgi að fagna.
Frá því hann var kjörinn páfi 16.
október 1978, þá 58 ára gamall, hefur
páfinn fengið orð fyrir að gæða
embætti páfa nýju lífi með pesónu-
töfrum sínum, líkamsþrótti, hrein-
skilni og mikilli tungumálakunnáttu.
Páfanum hefur verið sýnt banatilræði á Péturstorgi.