Dagblaðið - 09.09.1981, Page 4

DAGBLAÐIÐ. MIÐVIKUDAGUR 9. SEPTEMBER 1981.
Súrt og gott úr „tilraunaeldhúsi” DB:
NOTFÆRIÐ YKKUR
ÓDÝRA GRÆNMETIÐ
Viö fundum ekki sellerffræ, þannÍR aö viö notuðum selleriflögur i staðinn. Þaö
gefur auðvitað sama bragðið en er samt öðruvísi.
Undanfarið hefur grænmetið verið
selt á mjög hagstæðu verði og hafa
húsmæður væntanlega notfært sér
það. Við tókum okkur til um helgina
og bjuggum til tvenns konar „pikl-
es”. Annar var sinnepspikles og
hinn svokallað relish, svipað eins og
Dalsgarðs relishið sem við vorum
með fyrir nokkrum árum. —
Hafiðallt
við höndina
Áður heldur en hafizt er handa um
sultun, hvort heldur er grænmetis eða
ávaxta, verður að byrja á því að at-
huga hvort allt, sem þarf að nota, er
fyrir hendi. Það er mjög bagalegt í
miðju kafi að vanta eitthvað sem er
mjög áríðandi. Þetta á ekki síður við
um bakstur, eins og t.d. jólabakstur-
inn. En þetta vita auðvitað allar
gamalgrónar húsmæður. Þá er einnig
gott að huga að niðursuðuglösunum
og þvo þau og hafa tilbúin til notkun-
ar þegar það sem í þau á að fara er til-
búið.
Relishið
Þegar búið er til relish er allt græn-
metið saxað eða skorið niður mjög
smátt. Við gerðum það í Moulinex
kvörninni okkar en áður en hún kom
til sögunnar notuðum við hreinlega
venjulega handsnúna hakkavél.
Hægt er að nota nánast „allt”
grænmeti í relish. Við notuðum
agúrkur, græna, rauða og gula pap-
riku, venjulegan lauk, gulrætur og
hvítkál. í upphaflegu uppskriftinni
eru grænir tómatar en við áttum þá
ekki svo við slepptum þeim. Við
gátum heldur hvergi fengið rauðar
paprikur þannig að við keyptum eitt
glas af rauðri búlgarskri papriku í
strimlum og notuðum hana í staðinn
fyrir ferska. Það tókst mjög vel.
Lögurinn er búinn til úr eftirfar-
andi:
4 bollar edik
2 bollar vatn
1/2 tsk. turmerik
1 msk. sellerífræ (korn)
2 msk. sinnepsfræ
6 bollar sykur
Byrjið á að hreinsa grænmetið í
köldu vatni. Því næst er vatnið látið
leka vel af. Flysið agúrkurnar og
Svona eru sinnepsfræin. Þau eru mjög góð og alveg ómissandi f relishið.
DB-myndir Sigurður Þorri.
Þegar smátt skorið grænmetið i relishið hefur legið i vatnsbaði i cinn sólarhring er
látið siga af því vatnið I sigti.
Skerið grænmetið, sem nota á í sinn-
epspiklesinn, f ámóta stóra bita og
látið liggja f saltvatni I einn sólarhring.
Hver tegund verður aö vera i sér skál.
skerið í bita sem henta í grænmetis-
kvörnina. Gætið þess að allt fari ekki
í mauk með því að vinna það of lengi
í kvörninni. Grænmetið er síðan látið
í skál og þegar búið er að saxa það
hæfilega smátt er góður hnefi af
grófu salti látinn út í og þetta látið
standa á köldum stað í einn sólar-
hring. Þá er grænmetið látið í sigti og
látið leka af því, það mesta.
Daginn eftir er lögurinn soðinn.
Edikið ásamt vatninu og sykri látið í
pott og suðan látin koma upp.
Kryddið og loks grænmetið látið út í
löginn og látið sjóða i þrjár mínútur
(það er í rauninni ekki nema rétt
aðeins augnablik).
Við höfum áður sagt frá piklesupp-
skrift þar sem átti að nota sellerífræ.
Við gátum ekki fundið þau þá og
heldur ekki nú og notuðum í staðinn
selleríflögur. Það gefur rétt bragð en
ekki er það samt alveg eins og það á
að vera.
Nú er relishið tilbúið og látið í
tandurhrein glös. Látið smjörpappír,
vættan í rotvarnarefni ofan á glasið
og bindið smjörpappír eða plast yfir.
Gott er að geyma pikles og annað
niðurlagt grænmeti á köldum stað.
Svona pikles er hægt að nota ein-
tóman með steik. Hann hentar einnig
mjög vel í kaldar sósur eins og t.d.
remúlaði-sósu. Betra er að láta vökv-
ann renna af honum áður en honum
er blandað saman við mayonaise og
sýrðan rjóma.
V