Dagblaðið - 09.09.1981, Blaðsíða 27

DAGBLAÐIÐ. MIÐVIKUDAGUR 9. SEPTEMBER 1981.
Ci
27
Utvarp
Sjónvarp
D
SAGAN: „NÍU ÁRA OG EKKINEITT” EFTIR JUDY BLUME - útvarp kl. 17.20:
Saga fyrir alla aldurshópa —- Um afbrýðisemi systkina
Þrjár nýjar sögur eru nú lesnar i út-
varpinu. Þriðji lestur miðdegissög-
unnar, Brynju, verður í dag, útvarps-
sagan Rlddarinn er klukkan 21.30 og
annar lestur sögunnar Níu ára og ekki
neitt er klukkan 17.20.
Bryndís Viglundsdótttir les þýðingu
sína á síðastnefndu sögunni.
Höfundurinn er þekktur bandarískur
rithöfundur, Judy Blume, og er hvað
frægust fyrir sinn létta og leitandi máta
í skrifum sínum. Hún hefur hlotið
mörg verðlaun og hafa kennarasamtök
víða um lönd mælt með bókum
hennar. Sérstaklega tekur Judy fyrir
hvers konar félagslegar aðstæður og
lýsir vel hugarástandi barna gagnvart
skilnaði, dauðanum, afbrýðisemi o.fl.
Sagan Niu ára og ekki neitt fjallar
um afbrýðisemi systkina og ýmisleg
vandamál sem geta komið upp innan
fjölskyldunnar. Pétri, níu ára strák,
finnst litli bróðir sinn voðalegt
leiðindadýr. Eftir að litli bróðir kom til
skjalanna finnst Pétri sem hann hafi
algjörlega fallið í skuggann. Helzt vildi
hann geta skipt á honum og sætum,
loðnum hundi, enda getur litli, sem er
þriggja ára, fátt annað gert en að
skemma og eyðileggja.
Mörg börn þjást af þessari afbrýði-
semi sem segir til sín þegar nýtt
systkini kemur i heiminn. Sagan lýsir
þvi skemmtilega hvernig Pétri líður og
þótt hún sé sögð frá sjónarhóli lítils
barns á hún ekki síður erindi við full-
orðna. Krakkar hlusta á þessa sögu
með mikilli ánægju og fullorðnir eru
yfirleitt einnig hrifnir af henni, þó þeir
skynji söguna öðruvísi en börnin. En
kannski eimir ennþá eftir af þessari
gömlu afbrýðisemi hjá þeim sem eru
komnir af bernskuskeiði- og þess vegna
ekki úr vegi fyrir fullorðna að velta
þessari sögu fyrir sér.
-LKM.

Bryndis Viglundsdóttir, skólastjóri þroskaþjálfaskólans, les þýðingu sina úr sögunni
Niu ára og ekki neitt eftir Judy Blume.
Óeiröirnar í Bretlandi stóðu samfellt i 11 kvöld. Þá varð stundarhlé á þeim unz þær blossuðu upp aftur i Brixton-hverfinu í
London. Þessi mynd sýnir lögreglu berjast við blökkumenn f Brixton.
ÓEIRÐIRNAR Á BRETLANDI - sjónvarp kl. 22.10:
í 11 kvöld samf leytt
logaði allt í óeirðum
í stórborgunum
Sem kunnugt er af fréttum urðu
miklar óeirðir í Englandi í júlímánuði
í sumar en um þær fjallar brezk
sjónvarpsmynd sem sýnd verður í
kvöld. Óeirðirnar hófust að kvöldi
hins 4. júlí í Southall-hverfinu í
London og þaðan breiddust þ‘ær til
Liverpool kvöldið eftir. Aðalvett-
vangur óeirðanna þar var
blökkumannahverfið Toxteth sem er
að mestu leyti byggt blökkumönnum.
Óeirðirnar breiddust fljótlega til
fleiri borga og urðu einnig miklar í
Leicester og Manchester. í 11 kvöld
samfleytt geisuðu óeirðir á götum
borga og bæja í Englandi en loks 15.
júli varð hlé á þeim. Það stóð ekki
lengi, þvi strax daginn eftir blossuðu
óeirðirnar aftur upp í Brixton-
hverfinu i London eftir að lögregla
hafði gert húsleit í nokkrum húsum
þar.
Orsakir óeirðanna eru taldar hið
slæma efnahagsástand í Bretlandi.
Mikið atvinnuleysi er meðal blökku-
manna og annars litaðs fólks en það
var einmitt það fólk sem fyrir ó-
eirðunum stóð. Einkum er at-
vinnuleysi mikið meðal ungs fólks,
sums staðar vel yfir 50%. I Liverpool
er t.d. atvinnuleysið gífurlegt og
sömu sögu er að segja úr mörgum
helztu stórborgum Bretlands.
Aðrar orsakir óeirðanna eru
tortryggni í garð lögreglunnar, slæmt
ástand í mennta- og húsnæðismálum
litaðs fólks og síðast en ekki sízt
kynþáttaofstæki sem stjórnmála-
flokkar á borð við National Front
hafa á stefnuskrá sinni. Er talið
fullvist að æsingamenn úr þeirra
röðum hafi hvatt blökkumenn til
óeirða og jafnvel hrundið þeim af
stað sums staðar.
Víða kom til átaka milli hvítra og
svartra unglinga og fjöldi
lögreglumanna og annarra særðist í
óeirðunum. Þá varð mjög mikið
eignatjón og má sem dæmi nefna að
Toxteth-hverfið í Liverpool var eins
og eftir stórskotaárás, svo algjör var
eyðileggingin.
í myndinni er einnig rætt við lög-
reglumenn, nokkra óeirðaseggi og
stjórnmálamenn.
Þýðandi myndarinnar og þulur er
Gylfi Pálsson.
-AS.
KARPOV TEFLIR GEGN KARPOV
—sjónvarp kl. 20.40:
Lítið rætt um
heimsmeist-
araeinvígið
— og Korchnoj ekki nef ndur á nafn
„Það er sovézkur blaðamaður sem
ræðir við Karpov og vini hans og kunn-
ingja og meðal þeirra sem koma við
sögu eru eiginkona Karpovs, Irina, Tal
og Kasparov,” sagði Hallveig Thor-
lacius en hún er þýðandi myndarinnar
Karpov teflir gegn Karpov sem sýnd
verður í sjónvarpi í kvöld.
Brugðið er upp myndum frá fæðing-
arbæ Karpovs í Úralfjöllum og sagt frá
því hvar hann hefur alið manninn á
lífsferli sínum.
Karpov segir frá hugrenningum
sínum um skákina en hann telur að sem
heimsmeistari eigi hann að tefla á sem
flestum og sem sterkustum skákmótum
en ekki að draga sig i hlé eins og sumir.
Ekki sagðist Hallveig vita hvort Sovét-
menn væru hér að skjóta á Fischer en
sagðist ekki telja það ólíklegt.
Lítið er rætt um heimsmeistaraein-
vígið í skák sem fram fer á næstunni en
þar eigast við Korchnoj og Karpov. Tal
minnist að vísu aðeins á það en Korch-
noj er ekki nefndur á nafn.
-SA.
Frá einvigi þeirra Karpovs og Korchnojs um réttínn tíl að skora á Bobby Fischer, þá-
verandi heimsmeistara i skák, árið 1974. Þá var Korchnoj ennþá sovézkur þegn og
tefldi undir fána Sovétrfkjanna. Karpov sigraði f einviginu og varð sfðan heimsmeist-
ari án þess að þurfa að tefla við Fischer sem var sviptur titlinum fyrir að neita að tefla
samkvæmt reglum FIDE, alþjóðaskáksambandsins.
SÍMI í MÍMIER10004
FJÖLBREYTT OG SKEMMTILEGT
TUNGUMÁLANÁM.
VIDEOU
Video — Tæki — Filmur
Leiga — Sala — Skipti
Kvikmyndamarkaflurinn — Simi 15480.
Skólavörðustig 19 (Klapparstígsmegin).
KVIKMYNDIR