Dagblaðið - 09.09.1981, Page 9
DAGBLAÐIÐ. MIÐVIKUDAGUR 9. SEPTEMBER 1981.
(I
Erlent
Erlent
Erfent
Erlent
3
Judy Davis er söngkennari stórstirnanna:
Þegar Janis Joplin náði
sér á strik, söng hán á
við heilan mormónakór;
— segirDavis
Judy Davis veit fullvel að hún getur
aldrei. slegið í gegn sem söngkona.
Þegar hún lét taka úr sér hálskirtlana
19 ára að aldri gerðist það óhapp að
svæfingarvökvi lak á raddbönd hennar
og rödd hennar er fyrir bragðið há og
skerandi. En þetta aftrar Judy ekki frá
því að þjálfa aðra söngvara og sem slík
er hún mikils metin. Barbra Streisand
og Jerry Garcia geta borið vitni um
hæfileika hennar til þess starfa, en þau
hafa bæði sótt tíma hjá Judy.
Meðal annarra söngvara sem Judy
hefur leiðbeint má nefna Grace Slick og
Jefferson Starship, Peter, Paul & Mary
og Janis Joplin.
Judy kennir í stóru stúdíói í Oakland
í Kaliforníu og 150 söngvarar eru á
hverju námskeiði. Þeir sækja tíma einu
sinni í viku en tímarnir eru 15 á hverju
námskeiði. Judy leggur mesta áherzlu á
að kenna söngvurunum rétta öndun
enda segir hún að til að söngvari geti
sungið verði hann að þekkja undir-
stöðuatriði öndunar.
Eddie Money var nýlega i læri hjá
Judy en pilturinn sá þurfti að hafa fyrir
því að komast að hjá Judy. Hann kom
nefnilega 20 mínútum of seint í fyrsta
tímann og fyrir bragðið neitaði Judy að
kenna honum. „Komdu aftur næsta
ár,” sagði Judy við Eddie. En Eddie
var ekki á þeim buxunum og elti Judy
út á götu. Þar lagðist hann fyrir framan
bíl hennar og neitaði að fara fyrr en
hún féllist á að taka hann í tíma. Judy
kaus heldur að kenna pilti söng en aka
yfír hann úti á götu og varð Eddie
Money himinlifandi yfir þeim mála-
lokum.
Að mati Judy Davis er Donna
Summer bezta poppsöngkona dagsins i
dag en hún er einnig mikill aðdáandi
Pavarottis þótt hún sé ekki hrifin af
óperusöng. Liza Minelli er einnig hátt
skrifuð hjá henni þótt Judy finnist hún
ekki sérstök söngkona. ,,En hún er
listamaður af guðs náð,” segir Judy.
Af þeim sem Judy hefur leiðbeint er
hún mest hrifin af Barbru Streisand og
Janis Joplin. Um Barbru segir Judy:
Henni mistekst aldrei og hún væntir
þess að aðrir leggi sig einnig alla fram.
Janis Joplin varð rugluð af allri frægð-
inni en þegar hún náði sér vel á strik
hefði hún getað bundið enda á söng-
feril Mormónakórsins,” segir Judy
Davis.
Judy segir tilvonandi stórstirnum til.
Maraþonhlaup vorualftfram tilsiðustu ára eingönguþreytt af karlmönnum
en nú hafa konur hafið þátttöku i þeim, þótt ekki só áður vitað um neina átt-
ræða sem tekið hefurþátt i maraþonhlaupi.
Áttræð kona í
maraþonhlaupi
Fyrir Ruth Rothfarb skipti engu máli
hvort hún sigraði eða ekki í alþjóðlega
maraþonhlaupinu fyrir konur, sem ný-
lega var haldið í Ottawa, Kanada.
Aðalatriðið fyrir hina áttræðu konu
var að vera með í hlaupinu en hún var
elzt þeirra er tóku þátt í því.
Ruth hljóp hlaupið á fimm og hálfri
klukkustund, en sigurvegarinn kom í
mark á tveimur klukkustundum, 36
minútum og 45,9 sekúndum. Ruth varð
fjórða síðust og varð himinlifandi með
þann árangur en vegalengdin, sem
hlaupin var, var 42,3 km.
Hún byrjaði að skokka fyrir 14
árum, 66 ára að aldri, og ástæðan var
sú að gigtin ætlaði hana lifandi að
drepa. Siðan hefur hún skokkað flesta
daga og hefur hlotið sjö gullverðlaun á
íþróttamóti öldunga. Hún tók m.a.
þátt í ólympiuleikum öldunga í Los
Angeles í sumar og meistarakeppni öld-
unga á Nýja Sjálandi.
Sinatra óánœgöur með
„ viðtal” við sig:
Heimtar 10
milljónir í bœtur
Frank Sinatra hefur höfðað 10 milljóna
dollara skaðabótakröfur á hendur banda-
ríska vikuritinu The Star fyrir grein sem birt-
ist í blaðinu 18. ágúst. The Star auglýsti
greinina sem einkaviðtal við Sinatra, en hann
hefur lýst því yfir að svo hafi aideilis ekki
verið. Hann hafi aldrei átt viðtal við blaða-
mann frá blaðinu heldur sé greinin í vikurit-
inu samsuða af efni úr hinum og þessum
tímaritum og dagblöðum um allan heim og
krydduð með tilvitnunum í Sinatra frá blaða-
mannafundi sem hann hélt með meira en 50
blaðamönnum. Fundur þessi var haldinn í
tilefni af hljómleikaferðalagi Sinatra um
Suður-Afríku.
Blindir söfnuðu 518.000 kr.
Á sjóskíðum yfir Ermarsund
Nigel Verbeek frá London og nýlega hið merka afrek að
Gerald Price frá Manchester, standa á sjóskíðum yfir Ermar-
sem báðir eru blindir, unnu
«C
Hattur ríður hrossi seglr i Hávamál-
um en að blindir standi ó sjóskiðum
er hvergi nefnt Stúlkan hór 6 mynd-
inni hefurþó fulla sjón, eftir þ ví sem
vlð bext vitum, en hundur hennar
getur staðið með hennl á skíðunum.
Ekki amalegur hundurþað.
sundið. Þeir voru tcepar fjórar
klukkustundir að fara hina 53
km löngu leið frá Dover til
Boulogne í Frakklandi.
Félagarnir söfnuðu jafnvirði
um 518.000 kr. með þrekvirki
sínu en Verbeek sagði við
komuna til Frakklands að þeir
hefðu svo sannarlega þurft að
hafa fyrir þessu. „ Við þurftum
að halda jafnvægi allan tímann
án þess að hafa minnstu hug-
mynd um hvernig öldurnar
brotnuðu og hvort við værum
að fara inn í kjölfar skipa. ”