Dagblaðið - 09.09.1981, Blaðsíða 11

DAGBLAÐIÐ. MIÐVIKUDAGUR 9. SEPTEMBER 1981.
11
„Hætt við að viðvörunin hafi
komið of seint”
— segir Sigurður Ólafsson, f ormaður heilbrigðisnef ndar
Akraness
„Ég hafði í raun enga hugmynd um
hversu slæmt vatnið var fyrr en Heil-
brigðiseftirlit ríkisins hafði samband
við mig eftir sýnistöku í sl. viku,” sagði
Sigurður Ólafsson, formaður heil-
brigðisnefndarinnar á Akranesi. ,,Það
varð því úr, i ljósi þeirra niðurstaðna
sem lágu fyrir, að við beindum þeim
tilmælum til fólksins að það syði
vatnið áður en af neyzlu yrði”.
Ferð fólk eftir þeim tilmælum?
„Það er vafalítið persónubundið
eftir hverjum og einum en hinn al-
menni bæjarbúi gerir það vafalítið
ekki. Hins vegar þekki ég til fólks, sem
hefur soðið sitt neyzluvatn í mörg ár,”
sagði Sigurður. „Sjálfur hef ég alltaf
drukkið vatnið og aldrei orðið meint
af,” bætti hann við.
Hversu strangt hefur eftirlit með
vatninu verið undanfarið?
„Hér hefur reynar enginn heil-
brigðisfulltrúi verið á annað ár en
það stendur nú til bóta. Hann sá áður
um sýnatöku, en tæknideild bæjarins
hefur séð um þessa hlið málanna
síðan.”
Er vatnið núna verra en það hefur
verið?
„Það er í rauninni nokkuð erfitt að
svara því, en okkur þótti full ástæða til
að vara fólk við eftir að þessara gerla
varð vart”.
Var fólk ekki búið að drekka þetta
vatn í nokkra daga áður en viðvörunin
kom?
„Það er hætt við að svo hafi verið. í
kjölfar rigninganna fyrir skemmstu var
geysilega mikið yfirborðsvatn í fjallinu
og því er hætt við að það versta sé nú
afstaðið.”
-SSv.
„Fékk óþægindi í
maga af vatninu”
— segir Egill Egilsson, eigandi veitingahússins Stillholts
,,Við látum okkar viðskiptavini ekki
fá vatn hér úr krananum án þess að
gera þeim grein fyrir því ófremdar-
ástandi, sem ríkir í neyzluvatnsmálum
hér á staðnum,” sagðis Egill Egilsson,
eigandi veitingahússins Stillholts, er
DB menn bar að garði.
„Okkur er frjálst að nota vatnið við
alla matarvinnslu enda e.t.v. ekki svo
ýkja mikil hætta á ferðum þar.sem um
rennandi vatn er að ræða. Ég er ekki
héðan af Akranesi og hef reyndar
aðeins búið hér í 3 ár. Mér fannst vatn-
ið hérna strax vera vont ogfékk meira
aði segja óþægindi í maga fyrst eftir að
ég kom hingað. Eftir það hef ég ekki
drukkið vatnið öðru vísi en að sjóða
það og ég sýð meira að segja vatnið
„Drekk aldrei vatnið hér,” segir Egill
Egilsson, veitingamaður.
ofan í hundana mína,” sagði hann.
„Það er ekkert gamanmál að eiga við
mengað vatn. Ég lenti eitt sinn í þvi er
ég var á varðskipi að við fengum illa
mengað vatn, sem tekið var á ísafirði.
Mönnum varð meira og minna
bumbult og okkur var fyrirskipað að
halda strax til næstu hafnar og snerta
ekki frekar á vatnsbirgðum skipsins.
Ég tek því, að fenginni reynslu, enga
áhættu í sambandi við neyzluvatniði”
sagðiEgilI. -SSv.
"J
'
Séð inn eftir Akrafjalli. Berjadalsá sem er uppistaðan I neyzluvatni Skagamanna,
rennur eftir miðri mynd. Mengað yfirborðsvatnúr hliðunum, beggja vegna árinnar,
blandaðst siðan uppsprettuvatninu og spiilir þvi.
r
„ÞURFUM AÐ SJOÐA100
11 r r
LITRA AF VATNIA DAG”
—segir Steinunn Siguröardóttir, hjúkrunarforst jóri
Fjórðungssjúkrahússins á Akranesi
„Við héldum stuttan fund i morgun
og á honum var ákveðið að sjóða allt
það vatn, sem fer til neyzlu á sjúkra-
húsinu,” sagði Steinunn Sigurðardótt-
ir hjúkrunarforstjóri við DB í gær.
„Vatn hefur ekki verið soðið áður það
ég veit á sjúkrahúsinu en okkur fannst
það vera eðlilegt, a.m.k. núna fyrst um
sinn”.
Hversu mikið magn er hér .um að
ræða?
„Við reiknuðum það lauslega út í
dag að það þyrfti a.m.k. um 100 lítra á
dag, þannig að þetta er talsvert
umstang. Það verður að sjóða allt
vatnið í eldhúsinu og dreifa því síðan á
hverja deild fyrir sig”.
Hefur orðið vart við óeðlilega háa
tíðni magakveisa undanfarið?
„Ekki held ég að svo hafi verið. Það
er auðvitað alltaf eitthvað um slíkt en
ég held ekki að það hafi aukizt neitt
undanfarið. Hins vegar var það dálítið
skemmtileg tilviljun að naer allir þeir
sem við buðum vatn að drekka í
morgun spurðu hvort búið væri að
sjóða það þannig að greinilegt er að
fólki stendur ekki á sama,” sagði
Steinunn. -SSv.
„Mér hefur aldrei oröið meint af vatninu,” segir Sigurður Ólafsson, formaður
heilbrigðisnefndar Akraness.
„Meiri háttar
vandamál að
bægja fugl-
inum f rá”
segir Ágúst Sveinsson, verkst jóri
hjáHBogCo
„Við megum ekkert vatn nota hér
við fískvinnsluna án þess að
klórblanda það. Klórinn verður að vera
a.m.k. 5 prómill, en síðast í gær var
tekið sýni hjá okkur og þar kom í ljós
að við vorum með 8 prómill klór-
blöndu í vatninu.” sagði Ágúst Sveins-
son, verkstjóri í fyrstihúsi Haraldar
Böðvarssonar og Co.
„Ég vil hins vegar segja það að ég
drekk aldrei vatnið hérna úr
krönunum. Hins vegar er það eitt það
fyrsta sem ég geri þegar ég kem til
Reykjavíkur að fá mér vatn að drekka.
Ég er utanbæjarmaður, frá Grundar-
firði, og í sjálfu sér ekki neitt sérstöku
vatni vanur þaðan, en það er mun verra
hérá Akranesi”.
Ágúst taldi að rekja mætti viðbjóð-
inn í vatninu beint til svartbaksins.
„Hann á erfiðara um vik en áður við
fæðuöflun þannig að hann étur verri
úrgang en áður. Ágangur er svo mikill í
fuglinum að hann steypir sér í
hundraðavís yfir bílana hjá okkur
þegar þeir eru að koma hingað til að
losa. Það er meiriháttar mál oft á
tíðum að bægja honum frá,” bætti
hann við.
Þá fannst Ágústi það ekki vera beint
gæfuleg ráðstöfun að planta niður
skreiðarhjöllum alveg við fjallsræt-
urnar þegar unnið hefði verið að því
skipulega mörg undanfarin ár að
útrýma þeim í nágrenni bæjarins.
-SSv.
verkstjóri hjá HB og Co.