Ársrit Ræktunarfélags Norðurlands - 01.01.1934, Side 32

34
10—15 tegundir af þessuna jurtaflokki, en allur fjöld-
inn af þessum tegundiun hefur engri fótfestu náð í
gróðurríki landsins, en finnast sem slæðingur á einum
eða örfáum stöðum. Þó hefur ein af þessum tegundum
náð mjög mikilli útbreiðslu, en það er hvítsmárinn, er
virðist geta vaxið hér við mjög breytileg skilyrði, svo
að segja í alskonar jarðvegi og við mjög mismunandi
rakaskilyrði.
Eins og áður hefur verið drepið á, er það eitt af
höfuðskilyrðunum fyrir því, að hagkvæmur árangur
fáist af ræktun belgjurta, að viðeigandi stofnar af
rótarbakteríum séu í jarðveginum, en þar sem gróður-
ríki landsins er svo fátækt af belgjurtum, er lítillar
fjölbreytni að vænta í þessum efnum. Þó er mjög
sennilegt, að sá stofn af rótarbakteríunni, sem mynd-
ar æxli á rótum hvítsmárans, sé álíka útbreiddur og
hvítsmárinn sjálfur; dreg eg þá ályktun af því, að
hvar sem eg hefi athugað rætur hvítsmárans, hefi eg
ávalt fundið æxli á þeim. Ekki veit eg hvort hið sama
gildir um aðrar þær belgjurtir, sem hér finnast viltar,
en þó svo sé, þá er útbreiðsla þeirra svo lítil, að slíkt
hefur enga verulega þýðingu fyrir ræktun þeirra yf-
irleitt. Það má því telja víst, að smitun með viðeig-
andi stofnum af rótarbakteríu, sé skilyrði fyrir vexti
flestra þeirra belgjurta, er getur komið til mála að
rækta hér.
Strax á fyrstu árum tilraunastarfseminnar hér á
landi er reynt að rækta hér ýmsar erlendar belgjurtir,
en allar þessar tilraunir mishepnuðust að mestu eða
öllu leyti. Reynt er þó með belgjurtir altaf öðru hvoru
í tilraunastöðvunum, og 1921 er sáð mörgum tegund-
um og afbrigðum af belgjurtum, bæði í Gróðrarstöð
Búnaðarfélag íslands í Reykjavík og í gróðrarstöð
Ræktunarfélags Norðurlands á Akureyri. Á Akureyri