Ársrit Ræktunarfélags Norðurlands - 01.01.1934, Side 65

67
ar til lestrar og fljótt líða úr minni. Engu að síður ei*
að finna í þessari skýrslu meira og minna ákveðin
svör við ýmsum þeim spurningum, sem hljóta að
vakna hjá bóndanum i hinu daglega starfi hans við
ræktun jarðarinnar, notkun áburðar o. s. frv. og þar,
sem skýrslunni fylgir sérstakt efnisyfirlit, er auðvelt
að finna hvert einstakt atriði, sem hún fjallar um. Eg
skal nú reyna að skýra þetta nokkru nánar.
Unanfama daga hefur Útvarpið birt auglýsingu um
verð á tilbúnum áburði. í auglýsingu þessari eru tald-
ar 3 tegundir af hreinum köfnunarefnisáburði, Kalk-
saltpétur með 15,5% köfnunarefni á kr. 17.40 100 kg.
Brennisteinssúrt ammoniak með 20,6% köfnunarefni
á kr. 17.40 100 kg. og Kalkammonsaltpétur með 20,5%
köfnunarefni á kr. 20.00 100 kg. Miðað við köfnunar-
efnisinnihald er Brennisteinssúra ammoniakið lang ó-
dýrast en Kalksaltpéturinn dýrastur. En er nú köfn-
unarefnið jafn verðmætt í þessum áburðartegundum ?
Hvað segja tilraunimar?
í efnisyfirlitinu á bls. 96, í Ársriti Rf. Nl. 1933,
finnum við: Samanburð á mismunandi tegundum
köfnunarefnisáburðar, undir kafla A. II. lið 3a og sjá-
um, að niðurstöður þessara tilrauna er að finna á bls.
39—41. Ef við svo athugum töfluna neðst á bls. 40,
sjáum við, að eftir 5 ára samanburð hefur gildistala
Brennisteinssúrs ammoniaks orðið 106.3, þegar kalk-
saltpétur er settur sem 100, með öðrum orðum:
Brennisteinssúra ammoniakið hefur gefið heldur betri
árangur en kalksaltpéturinn. Taflan á bls. 39, sem
líka er frá 5 ára tilraun, sýnir hinsvegar, að í þeirri
tilraun hefir Brennisteinssúra ammoniakið reynst dá-
lítið lakara en Noregssaltpétur. Sú ályktun, sem dreg-
in er af þessum tilraunum og finst efst á síðu 41,
hljóðar þannnig:
5*