Ársrit Ræktunarfélags Norðurlands - 01.01.1941, Blaðsíða 26
28
hverju ári. Lánast það dálítið misjafnlega, en þó oftar
sæmilega vel, ef ekkert sérstakt óhapp kemur fyrir. í sum-
ar voru græðlingarnir komnir vel á veg. Það ættu fleiri
að gera, sem langar til að eignast ribs og aðra runna, að
setja græðlinga sjálfir, því efni í nokkra græðlinga er oft
hægt að fá á vorin.
Trén blómstruðu heldur seint, og ekkert mjög mikið,
þó varð vöxtur á trjáplöntum góður í haust.
Ribs og sólberjarunnar blómstruðu vel og báru með
mesta móti af vel þroskuðum berjum. Einnig þroskaðist
líka dálítið af hindberjum og jarðarberjum.
Trjáfræi var sáð sem venjulega, og var sumt af fræinu
héðan úr stöðinni.
Látnar voru burtu plöntur bæði af trjám og jurtum.
Óþrifa gætti mjög lítið á trjánum í sumar.
Blóm. Af blómum var minna framan af sumrinu, en
við hefði mátt búast í svo góðu tíðarfari, og eru fleiri en
ein ástæða til þess.
Fyrst og fremst er það, að ekki er orðið eins gott að
rækta blóm í stöðinni, þegar trjágróðurinn er orðinn
svo stór, eins og meðan allt var lítið. Það er ekki alltaf
gott að rækta tré og blóm hvað innan um annað, því það
sannast þar: „Hver, sem á stærstan og sterkastan hramm,
hann steypir þeim veikari og smærri.“
Önnur ástæðan er sú, að óvanalega mikið dó af fjöl-
ærum blómaplöntum í vetur, af sumum tegundum dó
hver einasta planta, t. d. prímúlur rauðar og hvítar, þær
fóru allar, sömuleiðis Russel lúpínur, og einnig mikið af
Aquilegíu, Bellis Beata o. fl. Það er eins og þessar plöntur
hafi vantað snjóinn til að skýla sér með.
Bergenía stóð sig alveg prýðilega, blómstraði vel og
mikið, og það blómstruðu líka margar fleiri fjörærar
plöntur vel, þegar fram á sumarið kom.
Sumarblómin blómstruðu mörg vel, og sum ágætlega,