Frjáls verslun - 01.12.1942, Síða 29

í Fljótshlíð
„Fögur er hlíðin'*, sagði Gunnar á Hlíðarenda, þegar hann var út-
lægur gerr og varð að hverfa af landi burt. En seiðmagn Hlíðarinnar var
svo mikið að Gunnar kvaðst aftur hverfa mundu og hvergi fara. —
Margar aldir eru liðnar frá því Gunnar sneri aftur — en fegurð Fljóts-
hlíðar er enn sú sama: grænar grundir, hamrabelti með stuðlabergs-
myndunum, hvikir lækir, og óteljandi fossar, er falla niður hlíðarnar.
En þetta er aðeins fegurðin á aðra hlið, á hina gnæfir mjallhvítt hjálm-
hvel Eyjafjallajökuls yfir byggðina, hátt og ögrandi, tígulegt og svip-
þrungið. Andspænis teygja snarbrattir tindar og klettasnasir Tind-
f jallajökuls sig til himins, en á milli þeirra blasir Þórsmörk við sjónum
manns í tröllauknum formum og töfrandi litum. Enginn, sem dvelur
til langframa í Fljótshlíð. mun því furða sig á orðum og gerðum Gunn-
ars á Hlíðarenda, er hann vildi heldur bíða hel en hverfa frá þessum'
undurfögru heimkynnum sínum.
FRJÁLS VERZLUN
29