Frjáls verslun - 01.02.1961, Blaðsíða 14

Guðni Þórðarson:
Island sem lerðamannaland
íslendingum eru ásköpuð þau örlög að búa í
landi, sem ríkt er af miklum náttúrutöfrum og
sérkennilegri fegurð. Þess vegna verður tæpast hjá
því komizt, að landið verði fyrr eða síðar eftirsótt
ferðamannaland, hvort sem okkur kynni að líka
það betur eða verr, — og ekki munu þeir margir,
sem í alvöru vilja banna útlendingum til landsins
að koma í erindum fróðleiks og skemmtunar. Hitt
er sönnu nær, að íslendingar hafa ekki síður en
aðrar þjóðir fulla þörf fyrir að drýgja þjóðartekjur
sínar með gjaldeyri, er erlendir ferðamenn flytja
inn í landið.
Ferðaþjónusta er stöðugt vaxandi atvinnugrein
um víða veröld. Þó er þessi atvinnuvegur alls ekki
gamall sem slíkur. Það er ekki nema ein öld síðan
ferðafólk fór til dæmis að flykkjast suður til Blá-
strandar Frakklands við Miðjarðarhaf, og segja má
að með tilkomu járnbrauta á lengri vegalengdum
fari skemmtiferðalög á megin-
landi Evrópu fyrst verulega að
færast í vöxt. Flugvélin færði
ferðalöngum svo ný tækifæri til
að víkka sjóndeildarhringinn á
auðveldan hátt. Þannig var ís-
landsferð frá Evrópulöndum á
síðustu öld líkari könnunarferð
til ókunnra ævintýraslóða en
sléttri og felldri sumarleyfis-
ferð um meginlandið. Slík
ferðalög voru mikið fyrirtæki
og dýrt á þeim tímum.
Nú er öldin önnur. ísland er
í þjóðbraut flugsamgangna milli
liins gamla og nýja heims, og
skcmmtifcrðalög til íslands að
sumarlagi eru ekki dýrari en
svo fyrir meginlandsbúa Evr-
ópu, að auðvelt er flestum með
miðlungstekjur að veita sér. Þetta eitt, ásamt mörgu
öðru, gerir það að verkum að Island verður sótt
heim af vaxandi fjölda skemmtiferðafólks, jafnvel
þó landsmenn sjálfir sitji auðurn höndum og hafist
ekki að í þessum efnum.
Varðandi þróun ferðamála er fróðlegt að líta til
frænda okkar á Norðurlöndum. Þar hafa einkum
Danir og Norðmenn komið á fót svo myndarlegri
starfsemi á sviði ferðamála, að móttaka erlendra
ferðamanna er þar orðin atvinnuvegur á borð við
aðalbjargræðisvegi þjóðanna. Því er spáð, að Danir
hafi senn meiri gjaldeyristekjur af ferðamanna-
straumnum til landsins en útflutningi smjörs, eggja
og flesks, sem talið er að staðið hafi undir þjóðar-
búskap Dana fram til þessa.
Hið danska ævintýri í ferðamálum er þeim mun
lærdómsríkara fyrir það, að Danmörk er land, sem
frá náttúrunnar hendi hefir ekki mikla fjölbreytni
Við Laxfoss í Borgarfirði. í baksýn: Baula, Grábrók og Hraunsnefsöxl
14
FBJÁLS VERZLUN