Frjáls verslun - 01.12.1968, Síða 17

FRJAL5 VERZLUN
9
En Tómas hefur gripið víðar
niður. „Einu sinni lenti ég í því,
að gerast hlut.hafi í togaraútgerð",
segir hann. „Þetta var í lok fyrra
stríðsins og félagið hét Hilmir. Við
áttum einn togara en útgerðin
gekk illa og félagið varð gjald-
þrota. Þá tókum við okkur til 19
ábyrgðarmenn félagsins og söfnuð-
um nýju hlutafé og með sam-
stilltu átaki okkar og liðveizlu
góðra manna var stofnað nýtt fé-
lag, hlutafélagið Njáll, um rekst-
ur togarans. Lenti ég í fyrstu
stjórn þess. Þetta lánaðist, en þeg-
ar félagið var komið á traustan
grundvöll vorum við tveir úr
stjórninni, Guðmundur Ólafsson í
Nýjabæ og ég, orðnir þreyttir á
útgerð og seldum okkar hluta í
félaginu. Síðan hef ég hvergi kom-
ið nálægt útgerð“.
„Einu sinni lenti ég líka í því,
að kaupa Þingeyrar ásamt fleiri
mönnum“, heldur Tómas áfram.
„Þingeyrar voru þá stórbýli og fé-
lagar mínir í kaupunum voru:
Pétur Magnússon, fyrrum ráð-
herra, Júlíus Guðmundsson, Helgi
Bergs og Guðmundur Kristjáns-
son.
Þingeyrar áttu þá veiðirétt í
Víðidalsá og Þingeyrarkvíslum og
létum við stunda laxveiðar í án-
um og fluttum laxinn út til Eng-
lands. Jörðina leigðum við til á-
búðar.
í byrjun seinna stríðsins seld-
um við svo jörðina aftur. Þá hafði
verið myndað stangaveiðifélag um
Víðidalsá og sáum við okkur ekki
fært að halda laxabúskapnum
áfram“.
— Ert þú laxveiðimaður, Tóm-
as?
--Já, ég hef löngum haft gam-
an af laxveiðum og má segja, að
þær séu eina sportið, sem ég hef
stundað um æfina.
— 0 —
Tómas Tómasson hefur auk alls,
sem að framan er getið, látið mikið'
að sér kveða í félagsmálum. Hann
hefur verið félagi í Félagi ís-
lenzkra stórkaupmanna frá upp-
hafi og féhirðir þess í 19 ár. Á
þessu ári var Tómas kjörinn heið-
ursfélagi Félags íslenzkra stór-
kaupmanna.
Tómas var einn af stofnendum
Iðnrekendafélags íslands og átti
sæti í fyrstu stjórn þess félags.
Hann er félagi í Iðnaðarmannafé-
laginu og var eitt ár varaformað-
ur þess og um langt árabil var
hann formaður styrktarsjóðs iðn-
aðarmanna.
Dýraverndunarfélag íslands
hefur einnig fengið að njóta starfs-
krafta Tómasar, en hann hefur
verið félagi í því allt frá stofnun;
gegndi gjaldkerastöðu þess á tíma-
bili og hefur nú í mörg ár verið
varaformaður félagsins.
Ræðismaður Eistlands á íslandi
var Tómas frá árinu 1935 og þar
til Rússar lögðu Eistland undir sig.
Tómas Tómasson hefur verið
sæmdur stórriddarakrossi íslenzku
Fálkaorðunnar.
— 0 —
Tómas Tómasson er tvíkvænt-
ur. Fyrri kona hans var Ingibjörg
Hjartardóttir og eignuðust þau
fjögur börn. Þrjú barnanna dóu
ung, en elzta dóttirin, Valgerður,
giftist Bjarna Benediktssyni, nú
forsætisráðherra. Valgerður and-
aðist eftir skamma sambúð.
Síðari kona Tómasar er Agnes
Jónsdóttir Bryndal og hafa þau
eignazt þrjú börn; eitt dó i æsku,
en tveir synir, Tómas Agnar og
Jóhannes Heimir, eru nú upp
komnir og starfa við fyrirtæki föð-
ur sins.
— ð —
Það er orðið áliðið dags, þegar
við Tómas erum hér komnir í sam-
tali okkar. Úti blása vindar, en í
stofunni er loftið blandið keim
tveggja tíma, sem á einni starfs-
ævi eru orðnir skarpar andstæður
í okkar þjóðfélagi.
Tómas hallar sér aftur á bak í
stólnum. Á skammri dagsstundu
hefur líf hans og starf til þessa
flögrað hjá, þó aðeins það, sem
mestu máli skiptir. Án efa rifjast
nú upp fyrir honum ýms atriði,
sem kannski aldrei verða fest á
blað, en eru þó án efa þess virði.
Þannig kveður sagan upp sinn
dóm.
Og Tómas segir mér frá merk-
um draumum, sem hann hefur
dreymt um ævina. Allir hafa þeir
boðað honum tíðindi, góð eða ill
eftir aðstæðum. „Ég er trúaður
maður“, segir Tómas. ,,Mín trú
grundvallast á því, að ég hef fund-
ið handleiðslu Guðs í öllu mínu
lífi“.
Gerkerin. Ölgerðin Egill Skallagrímsson hefur framleitt úrvals bjór.