Frjáls verslun - 01.06.1976, Blaðsíða 53

Skoðunarferðir
frá Höfn:
Fastar ferðir
um
nágrennið
Annar ungur Reykvíkingur
Vígsteinn Vernharðsson hefur
einnig flutzt til Hafnar með
fjölskylduna. Vígsteinn vann
fyrir sunnan sem leiðsögumað-
ur og bílstjóri í senn áður en
hann fluttist austur.
Hann sagði blaðamanni FV
að eystra hefði vantað reglu-
bundnar ferðir frá flugvellin-
um þegar flogið væri.
— Sigurður sveitastjóri sýndi
þessu máli mikinn áhuga og
einnig allur almenningur sem
ég talaði við.
— Ég fékk mér því 22 manna
bíl og er byrjaður á þessu, sagði
Vígsteinn.
— í júní byrja ég svo á föst-
um fimm tíma ferðum með
ferðafólk um nágrennið. Ekið
vei'ður um Höfn og segi ég frá
sögu staðarins, þá verður ekið
að Geitafelli og Hoffellsjökli,
þar fær fólk tækifæri til að
stíga fæti sínum á skriðjökul.
Þá ek ég einnig upp Almanna-
skarð í Lónhéraði en þar er
mikið útsýni. Þarna er frá
nægu að segja allt aftur til
landnámsaldar. Það geta allir
farið í þessar ferðir og verða
þá að hafa samband við hótelið
á staðnum.
— Hugmyndin að þessum
ferðum varð til vegna þess að
ferðafólk sem kemur hingað
með FÍ og fer síðan með rút-
unni suður daginn eftir, getm'
sáralítið nýtt þann tíma sem
það er hér til gagns. Árni hótel-
stjóri lagði því hart að mér að
fara út í þetta.
— Það eru Kynnisferðir á
Loftleiðum sem annast fyrir-
greiðslu í ferðirnar fyrir mig,
sagði Vígsteinn að iokum.
Verzlunin Lilla:
Verzlar með barnaföt
hannyrðavörur og skart-
gripi
í nýja íbúðahverfinu á Höfn
hefur ung reykvísk húsmóðir,
Guðrún Erla Baldvinsdóttir,
ráðist í það að opna bamafata-
verzlunina Lillu að Hrísbraut
2. Hún sagði blaðamanni FV að
ekki væri liægt að segja hvern-
ig þetta gengi, því hún byrjaði
á þessu um áramótbh
Endar næðu að vísu saman
en hún hefði ekki treyst sér til
að borga sér kaup, enda skipti
það ekki öllu máli, þar sem hún
væri að skapa sér vinnu og á-
nægju með þessu.
Guðrún sagðist versla með
barnaföt, hannyrðavörur og
skartgripi.
— Mörgum konum fannst ég
vera út úr þegar ég byrjaði en
nú eru þær ekkert að setja það
fyrir sig enda allar á bíl. Svo
verður þetta líka stórfínt hugsa
ég, þegar uppbyggingu hverfis-
ins er lokið, sagði Guðrún.
— Aðalvandamálið er að
hitta á heildsala fyrir sunnan
sem kaupfélagið hefur ekki ver-
ið í sambandi við.
Nú er ég hins vegar að fá
fallegar vörur frá nýrri verzlun
i Reykjavík, Traffic.
Það ber ekki mikið á sam-
keppni hér, þetta er líkt og fyr-
ir sunnan, konur kaupa þar sem
þeim finnst vera fallegar og
góðar vörur.
Um verðlagninguna sagði
Guðrún að lokum, að hún
reyndi að hafa hana svipaða og
verslanirnar í Reykjavík þrátt
fyrir flutningskostnað. Þá sér
fólk að það þarf ekki að bíða
með að kaupa hlutina þar til
það á leið suður.
Guðrún
Erla
Baldvins-
dóttir í
verzlun
sinni.
FV 6 1976
53