Frjáls verslun - 01.06.1979, Síða 15

\
framleiðslumagn. Gerö hefur verið
rekstraráætlun fyrir árið 1979 og
eru horfur góðar, ef ekki verða
óvæntar breytingar í markaðsmál-
um og verðlagsþróun. Fundurinn
ákvað að leita samþykkis hluthafa
um aukningu á hlutafé Dyngju upp í
24 milljónir króna. Kaupfélag Hér-
aðsbúa hefur nú samþykkt hluta-
fjáraukninguna fyrir sitt leyti.
Þrengsli há nú starfseminni, en
nokkuð mun úr rætast, því að um
þessar mundir er verið að taka í
notkun um 100 fermetra viðbótar-
húsnæði, sem prjónastofan fær í
framhaldi af því húsnæði sem hún
hefur nú. Á fundinum var ákveðið
að bæta vélakostinn, en geta má
þess að Dyngja hefur verkefni við
prjónaskap fyrir saumastofur í ná-
grenninu, og eru prjónavélarnar
fullnýttar og hefst ekki undan. Auk
þeirrar starfsemi, sem hér er getið,
er prjónað úr gerviefnum, og er sú
starfsemi að Útgaðri á Egilsstöðum
og sér Ólafur Sigurðsson um þann
hluta starfseminnar. Nú er verið að
vinna peysur fyrir Rússlandsmark-
að í Dyngju, og er það nægilegt
verkefni fram á mitt ár, en nægileg
verkefni eru framundan þegar því
lýkur. Hjá Dyngju vinna nú um 40
manns.
Hreinsibúnaður í
álverinu
Um miðjan maí sl. var tekinn í
notkun fyrsti áfangi hreinsibúnaðar
í álveri (slenzka Álfélagsins í
Straumsvík. Er hér um að ræða
hreinsun á afsogslofti frá 40 kerum,
þ.e. 1 /7 af öllum kerum álversins.
Hreinsikerfi þetta byggist aðal-
lega á eftirgreindum þrem megin-
atriðum:
1) Lokun rafgreiningakeranna
með kerþekjum.
2) Afsogsrörfyrir kerreykinn.
3) Hin eiginlega hreinsistöð.
Auk þess er ýmiss hjálparbúnað-
ur nauðsynlegur, svo sem sérstak-
ur súrálsflutningakrani, hjálpar-
skautbrú og tölvubúnaður til tölvu-
stýringar á framleiðslunni, loft-
þjöppustöð og spennistöð. Mark-
mið það, sem sett var við hönnun
hreinsibúnaðar fyrir verksmiðjuna,
var annars vegar að bæta and-
rúmsloftið í kerskálunum með lok-
un rafgreiningarkeranna og hins
vegar að draga úr mengun frá
verksmiðjunni til samræmis við
óskir yfirvalda.

Kalda boröid
í Blómasalnum
Bjóðið viðskiptavinum í kalda borðið í hádeginu
eða upp á fjölbreyttan matseðil í Blómasal.
Munið hin vinsælu skemmtikvöld með dagskrám
tileinkuðum ýmsum þjóðlöndum nær og fjær og
girnilegum sérréttum.
Verið velkomin í gistingu og mat
HÓTEL
LOFTLEIÐIR
13