Frjáls verslun - 01.12.1980, Síða 9

Hver verður
ríkur af
Búðardals
leir?
Á Búðardalsleirinn eftir að
færa Dalamönnum góðar
tekjur? Tæplega á næstu
árum, en margt bendir til
þess að í leirnum felist þó-
nokkrir framleiðslu og at-
vinnumöguleikar. Um er að
ræðá sjávarleir i Hvamms-
firði og er áætlað að unnt sé
að vinna þar um 40 milljónir
tonna.
Sá er galli á gjöf jarðar að
Búðardalsleirinn er gróf-
kornóttur og vandmeðfarinn
í vinnslu og styrkleikinn er
ekki mikill. Hugsanlegt er þó
að bæta megi eiginleika
hans með hreinsun og
blöndun, þannig að hann
verði hentungur í múrsteina
og gróft byggingarefni.
Framleiðslukostnaður yrði
hins vegar hár vegna þessa
og því erfið samkeppni við
önnur byggingarefni. Hins
vegar ætti samkeppnisað-
staðan að vera góð gagn-
vart erlendum múrsteinum,
sem einstaka sinnum hafa
verið fluttir inn, vegna lægri
flutningskostnaðar.
Heimamenn hafa stofnað
félag um rannsóknir á Búð-
ardalsleirnum og hefur
nefnd á vegum Fram-
kvæmdastofnunar ríkisins
hvatt til þess að þessum
um rannsóknum verði fylgt
eftir.
Nýr formaður
hagfræðinga
Tryggvi Pálsson, for-
stööumaður hagfræði- og
áætlanadeildar Landsbanka
íslands, var nýlega kjörinn
formaður Félags viðskipta-
fræóinga og hagfræðinga.
Tekur hann við því embætti
af Brynjólfur Bjarnasyni,
framkvæmdastjóra Al-
menna bókafélagsins. Aðrir
í stjórn með Tryggva eru:
Björn Björnsson, Kjara-
rannsóknarnefnd, varafor-
maður, Páll Bragi Kristjóns-
son, IBM, ritari, Kirstín
Flygering, Félagi iðnrek-
enda, gjaldkeri, Gunnlaugur
M Sigmundsson, fjármála-
ráðuneyti, formaður kjara-
nefndar, Pétur J. Eiríksson,
Frjálsu framtaki, formaður
fræðslunefndar og Þórður
Friðjónsson, forsætisráðu-
neyti, meðstjórnandi
Hörmung á
hörmung ofan
Tilraunir Sjónvarpsins til
að gæta hlutleysis koma
stundum illa niður á áhorf-
endum. Eitt dæmi eru blað-
urþættir sem samviskusam-
lega hefur verið skipt á milli
kandídata frá hverjum
flokki.
Þetta byrjaði með hörmu-
lega leiðinlegum þætti Vil-
borgar Harðardóttur (Abl.)
um fjölskyldupólitík. Jón
Steinar Gunnlaugsson, lög-
fræðingur (S) fylgdi í kjöl-
farið með enn leiðinlegri og
verr gerðan þátt um hvort
væri einhver munur á
stjórnmálaflokkunum.
Jón Baldvin Hannibals-
syni (A) tókst svo að vera
leiðinlegri en þau bæði til
samans, með þætti um
verkalýðshreyfinguna. Oss
er tjáð að Magnús Bjarn-
freðsson vofi nú yfir þjóð-
inni, fyrir hönd framsóknar-
flokksins.
Oss er ennfremur tjáð,
oss til mikillar skelfingar, að
þessir fulltrúar flokkanna
eigi að halda áfram að
skipta því á milli sín að halda
uppi landsföðurlegum
fræðsluþáttum í sjónvarps-
sal.
Þetta ætti aö varða við
lög.
9