Frjáls verslun - 01.03.1982, Side 31

„Þegar þessi nýja tækni verður
að fullu nýtt, geri ég ráð fyrir að
um 90% af öllum afgreiðslum í
útibúinu fari tram hjá gjaldkera,
þannig að viðskiptavinir geta
snúið sér beint til hans, t.d. með
víxiltilkynningar eða sparisjóðs-
bækur, í stað þess að fara f hinar
einstöku deildir fyrst, eins og
venja er nú.“
Hraðkassi
Hraókassi veröur í afgreiðslunni
til að spara viðskiptavinum tíma og
fyrirhöfn. Þar verður boðið uþp á
skjóta afgreiðslu t.d. á gíróseðlum
eða við skipti á ávísunum. í kjallara
verður sérstök öryggisgeymsla,
þar sem koma má verðmætum
munum í geymslu, t.d. meðan á
ferðalagi stendur.
Bjami Magnússon, útibússtjóri,
fyrir framan hina nýju bankabygg-
ingu í Mjóddinni. Húsið er hið ný-
stáriegasta, álklæit að utan.
Þetta sagði Bjarni Magnússon,
útibússtjóri Landsbanka islands í
Mjóddinni í Breiðholti en það útibú
tekur til starfa í ágúst í nýbygg-
ingu, sem bankinn er að reisa.
Bjarni hefur verið í tveggja mán-
aða námsferð í Danmörku og
Þýskalandi, þar sem hann kynnti
sér einmitt nýjungar í bankaþjón-
ustu og afgreiðsluháttum með
aukinni tölvunotkun.
Þetta nýja útibú Landsbankans
er við Álfabakka 10. Jarðhæð
hússins er 685 fermetrar. Þar
verður veitt alhliða bankaþjón-
usta, svo sem innlána-, útlána-, og
gjaldeyrisþjónusta með nútíma-
legra sniði en tíðkast hefur hér á
landi til þessa.
,,Við ætlum að veita eins fjöl-
þætta þjónustu og framast er
unnt," sagði Bjarni Magnússon.
„Útibúið mun veita alla hefö-
bundna þjónustu en auk þess
byrddum við upp á ýmsum nýj-
ungum.“
Ráðgjöf í
einkafjármálum
Þegar teikningar af afgreiðslu-
sal eru skoðaðar vekur það strax
athygli að meðfram annarri lang-
hliðinni eru borð og stólar í litlum,
aðskildum einingum. Þarna munu
ráögjafar útibúsins hafa aðsetur
og leiðbeina viðskiptavinunum.
Þannig geta viðskiptamenn tyllt
sér niður hjá ráögjöfunum og rætt
um fjármál sín og viðskipti. Bank-
inn getur hjálpað til að leggja á
ráðin um ávöxtun sparifjár og fjár-
mögnun framkvæmda. Upplýsing-
ar verða veittar um bankalán,
vaxtakjör og endurgreiðslu og
menn verða aðstoðaðir við gerð
fjárhagsáætlana. Væntanleg lán
má síðan ræða við starfsmenn úti-
búsins án þess aö bíða þurfi eftir
viðtali við útibússtjóra.
Vaxandi þjónustu-
og verslanasvæði
Breiðholtsútibú Landsbankans í
Mjóddinni mun þjóna fleirum en
Breiðholtsbúum. Greið leið er að
útibúinu úr austurhluta Kópavogs
og allt frá Sundahöfn. Og þar sem
bein braut er síðan fyrirhuguð
suðurtil Garðabæjar, Hafnarfjarð-
ar og Suðurnesja fram hjá Álfa-
bakka má ætla að þeir, sem eiga
heima eða stunda vinnu í austur-
hluta Reykjavíkur og Kópavogs
notfæri sér þjónustu Breiðholts-
útibúsins. Mjóddin verður framtíð-
ar þjónustu- og verslunarsvæði
fyrir Breiðholtshverfin og ná-
grannabyggðir. Þar verða opin-
berar stofnanir eins og heilsu-
gæsla, félagsmiðstöð og bóka-
safn, kirkja, lögreglustöö og
skiptistöð strætisvagna. Ennfrem-
ur ýmsar valvöruverslanir, þannig
að mikill fjöldi fólks mun daglega
eiga þar leið um til viðskipta við
þessi fyrirtæki og stofnanir.
Söluskrifstofa
Flugleiða
Athyglisverð nýjung er, að í
Breiðholtsútibúi Landsbankans
munu Flugleiðir opna söluskrif-
stofu um leið og útibúið tekur til
starfa. Þar verður veitt alls kyns
ferðaþjónusta, farskráning og far-
seðlaútgáfa, en á sama stað geta
menn svo í sömu ferð keypt
ferðamannagjaldeyri með því að
ganga nokkra metra að af-
greiðsluborðum bankans.
Bjarni Magnússon, útibússtjóri í
Breiðholtsútibúinu, starfaði áður
um 10 ára skeið sem útibússtjóri í
Múlaútibúi Landsbankans. Skrif-
stofustjóri verður Brynjólfur Þ.
Brynjólfsson, sem áður var úti-
bússtjóri á Bíldudal. Starfsmenn
verða alls um 20, þar af fimm ráð-
gjafar.
31