Frjáls verslun - 01.03.1982, Side 41

þótt ótrúlegt megi virðast, mun
hærra hlutfall en hverfatengdu
miðstöðvarnar Austurver og
Glæsibær, sem hafa næst hæsta
hlutfall þeirra er versla beint frá
heimili. Samkvæmt þessu eru
stórinnkaup eins og í Hagkaupum
gerð akandi frá heimili og einnig er
augljóst að allar þessar verslanir
njóta tilfallandi viðskipta þeirra,
sem versla frá vinnustað.
Austurver
Nærþjónusta er stór þáttur í
verslunarviðskiptum í Austurveri,
er sjá má af því að þriðjungur af
úrtakinu báöa dagana kom frá
innan við 500 metra fjarlægð frá
versluninni, miðað við 18%, sem er
meðaltal allra sex stórverslan-
anna. Austurver fær ekki, sam-
kvæmt úrtakinu, fleiri viðskiptavini
úr fjarlægari hverfum á föstudegi
en á miðvikudegi, öfugt við flestar
hinar stórverslanirnar.
Tiltölulega fáir sem búa í norð-
urbænum og í úthverfunum Árbæ
og Breiðholti versla í Austurveri,
miðað við önnur hverfi. Einnig eru
viöskiptavinir frá grannsveitarfél-
ögunum tiltölulega fáir, 13% af úr-
taki, nema helst frá Kópavogi.
Þeir sem versla frá vinnustað,
koma flestir úr gamla bænum á
leið til heimilis austar í borginni.
Einnig verslar tiltölulega margt af
starfsfólki Borgarspítalans í Aust-
urveri.
Hvað er farið á marga
verslunarstaði?
Um 72% þátttakenda sögðust
aðeins koma við á þessum tiltekna
verslunarstað í verslunarferðinni.
Hagkaup og Vörumarkaðurinn
voru með hæst hlutfall viðskipta-
vina, sem sögðust vera að koma
frá öðrum verslunarstað, eða ætla
á fleiri verslunarstaði í leiðinni.
Markaðssvið
stórverslana
Fyrir allar sex stórverslanirnar í
könnuninni voru kortlögð heimil-
isföng eða vinnustaðir þátttak-
enda í könnuninni, þ.e. hvar þeir
versluðu. Verður hér á eftir í stuttu
máli gerð grein fyrir markaðssvið-
um hinna einstöku stórverslana,
sem könnunin tók til.
Hagkaup
Hagkaup er hinn dæmigerði
stórmarkaður með mjög vítt mark-
aðssvið og því tiltölulega fáa við-
skiptavini frá næstu íbúðarhverf-
um. Hagkaup er bæði með lang
hæst hlutfall af hinum sex stór-
verslunum af viðskiptavinum bú-
settum utan höfuðborgarsvæðis-
ins (31% af heildarúrtaki), og hæst
hlutfall af viðskiptavinum úr
grannsveitarfélögum Reykjavíkur
(26% af úrtaki innan höfuðborgar-
svæðisins). Tiltölulega fleiri utan-
bæjarmenn versla í Hagkaupum í
miðri viku en um helgar. Innan
Reykjavíkur koma tiltölulega fæst-
ir viðskiptavinir Hagkaupa úr
Vesturbænum. Ekki er marktækur
munur á dreifingu viðskiptavina á
miðvikudegi og föstudegi. Eins og
áður hefur komið fram versla til-
tölulega fáir af viðskiptavinum
Hagkaupa frá vinnustað, miðað
við hinar stórverslanirnar. Flestir
sem versla frá vinnustað í Hag-
kaupum, koma frá nærliggjandi
vinnustöðum í Ármúla- og Skeifu-
hverfinu.
Glæsibær
Mun stærri hluti viðskiptavina á
föstudeginum kemur úr fjarlægurn
hverfum en á miðvikudeginum,
þ.e. Glæsiþær er meiri helgarinn-
kaupa verslunarstaður en Austur-
ver. Stór hluti viöskiptavina kemur
úr norðurbænum, Langholts-,
Voga- og Heimahverfum, innan
500 metra fjarlægðar, sérstaklega
á þetta við um úrtakið á miðviku-
deginum. Glæsibær er ekki meir
sóttur heim af íbúum grannsveit-
arfélaga Reykjavíkuren Austurver,
um 12 % af úrtaki, og hefur því ekki
víðara markaðssvið en Austurver.
Þeir sem versla frá vinnustað í
Glæsibæ, koma f'estir frá vinnu-
stöðum í Gamlabænum, við Suö-
urlandsbraut og í Ármúlahverfi.
41