Frjáls verslun - 01.03.1982, Page 88

leiðari
Bæta ber aðstöðu
fyrir íslenskt ferðafólk í eigin landi
Forsvarsmenn í sveitartjómarmálum og leiðtogar
landshlutasamtakanna eru loks að vakna til lífsins og átta
sig á því að ferðamálastarfsemi heima í héraði getur gefið
nokkuð í aðra hönd og orðið undirstaða að atvinnutæki-
færum fyrir fjölda manna á viðsjárverðum tímum, þegar
landsfeður og forystumenn atvinnulifs í landinu leggja
hausinn í bleyti og reyna að átta sig á því hvemig íslenskt
athafnalif geti tekið á móti nýliðum á vinnumarkaði á
komandi tímum.
íslensk ferðaútgerð er ekki ný af nálinni. Hún hefur
hins vegar tekið stökkbreytingum á síðustu áratugum
vegna aukinna samgangna og tíðari heimsókna erlendra
ferðamanna hingað til lands. Þessi þáttur ferðamála-
starfseminnar hefur gengið nokkuð í öldum eftir ástandi
efnahagsmála í nágrannalöndum beggja vegna hafsins,
veðurfar á norðurhveli og ekki síst ástæðum hér á landi
hverju sinni.
Við höfum að undanförnu verið minnt á það, hvernig
óvissa á vinnumarkaði innanlands, hefur lamandi áhrif á
þessa þjónustugrein, hvemig verkfallshótaniri á Islandi
orka sem hvatning til hins erlenda ferðafólks um að leita
eitthvað annað. Yfirvofandi vinnustöðvun síðustu vik-
urnar hefur spurtst víða um lönd og haft hin skaðlegustu
áhrif á afkomu allra þeirra fjölmörgu fyrirtækja, sem
treysta á viðskipti hinna útlendu gesta á nokkrum vikum
yfir hásumarið. Það mun taka drjúgan tíma og kostar
verulega fyrirhöfn að vinna upp aftur þann markað, sem
þannig hefur verið spillt með heimabúnum meðulum.
Ástæða er til að fagna þeim áhuga, sem orðið hefur vart
á ferðamálum í mörgum byggðarlögum landsins. Nú ætla
menn að taka til hendinni, stofna ferðamálafélög lands-
hlutanna og ráða feðamálafulltrúa til að vinna að skipu-
lags- og kynningarmálum. Opinber yfirvöld á borð við
sveitarstjómir hafa sýnt þessum málum lítinn sem engan
skilning á liðnum árum. Af þeirra hálfu og þorra al-
mennin^s hefur gætt undarlegs skeytingarleysis í garð
þessarar atvinnugreinar og er ekki örgrannt um að þeir,
sem verið hafa í forystu um að treysta undirstöður hennar
hafi verið álitnir kynlegir kvistar. Þeir hafa allavega ekki
fundið þann hljómgrunn sem að réttu lagi ætti að vera
fyrir hendi, þegar hlutlægt er lagt á mikilvægi málsins.
Þess vegna hlýtur starf ferðamálafélaga og starfsmanna
þeirra að beinast fyrst í stað að innlendum yfirvöld-
um,stofnunum, ráðum og nefndum, sem áhrif hafa á
uppbyggingu atvinnulífsins, þar með þessarar greinar. í
þeim tilgangi að vinna málum skilning og stuðning sem
flestra verður að leggja áherslu á aukin tækifæri fyrir
íslendinga sjálfa til að ferðast um landið, aðstöðu fyrir
innlenda ferðamenn til að njóta skoðunarferða í eigin
landi á hinum ýmsu árstímum.
Ferðamálaráð íslands hefur beint hvatningu til ís-
lendinga um að kynnast eigin landi. Með þessu undir-
strikar ráðið að ferðaútgerð á íslandi snýst ekki ein-
vörðungu um að taka á móti útlendum túristum. Áhugi á
ferðalögum innanlands fer tvímælalaust vaxandi. Að-
staða fjölskyldna til að veija frítíma sínum á ferð um
landið og til að njóta hvíldar og endumæringar á orlofs-
stöðum hefur stórum batnað. Aðbúnaður fyrir þessa
feðalaga í hinum ýmsum landshlutum er líka skárri nú en
áður. Þó má gera miklu betur, og vonandi verður það
þ-ungamiðjan í þeirri nýju hreyfingu fyrir eflingu ferða-
útgerðar, að hvetja fslendinga til að kynnast eigin landi
og skapa þeim tækifæri til að njóta skíkra feða til fulls
með betri skilyrðum á feðamannastöðum.
84