Frjáls verslun - 01.02.1994, Síða 65

Innanlands hlaða menn helst batteríin með því að fara á skíði í páskafríinu,
dvelja í sumarbústöðum eða liggja einfaldlega í leti heima hjá sér.
SAFARÍ í TÚNIS
Meðal nýjunga, sem nú standa til
boða, eru ferðir til Túnis sem Sam-
vinnuferðir-Landsýn standa fyrir. Að
sögn Helga Péturssonar hjá SL er
töluverð þátttaka í þessa ferð sem
verður farin um páskaleytið og stend-
ur yfir í fimmtán daga. Fyrir ævin-
týramenn er ýmislegt í boði en þeir
geta tekið á rás að safaríhætti inn í
eyðimerkur um borð í opnum Land-
róverum eða með því að klöngrast
upp á kameldýr.
GOLF- OG SKÍÐAFERÐIR
Golf- og skíðaferðir eru í miklu
uppáhaldi og yfirleitt er sama fólkið á
ferð í þeim tilvikum. Golfferð á veg-
um Samvinnuferða-Landsýnar seldist
upp á skammri stundu en minna er
þar á bæ um skíðaferðir á þessum
tíma. Að sögn Guðrúnar Sigurgeirs-
dóttur hjá Úrvali Útsýn njóta páska-
ferðir til Bretlandseyja mikilla vin-
sælda og má þar nefna ferðir til Edin-
borgar og Manchester. Hún kvað
Flórída einnig njóta nokkurra vin-
sælda, ef til vill ekki síst fyrir fjölda
golfvalla á svæðinu, og alltaf fer nokk-
ur fiöldi á skíði, einkum til Austurríkis
á vegum Úrvals-Útsýnar. Þá njóta
Kanaríeyjar alltaf vinsælda í kringum
páskana.
Að sögn starfsmanna Flugleiða
njóta skíðasvæðin á ísafirði, Akureyri
og Dalvík mestrar hylli um páskana
hér innanlands. Engin sérstök páska-
tilboð eru þó í gangi en félagið býður
pakkaferðir yfir veturinn.
LONDON, AMSTERDAM
OG LÚXEMBORG
Þá eru tónleikaferðir til London að
verða æ vinsælli. Þá hafa ferðir til
Amsterdam ávallt notið vinsælda um
páskana. Loks er vinsælt að taka bíl á
leigu í Lúxemborg og aka til skíða-
svæða í Frakklandi eða Austurríki.
Páskamir eru tiltölulega snemma
þetta árið og því ætti nægur snjór að
vera til staðar.
HÁLENDISFERÐIR
OG SUMARBÚSTAÐIR
íslenska hálendið er ævinlega vel
sótt af útivistarfólki sem fer þá um
hálendið á jeppum og vélsleðum. En
þeir sem ekki hafa augastað á fjarlæg-
um slóðum eða hálendisbrölti, hafa úr
ýmsu að velja. Má þar nefna sumar-
bústaði, hvort tveggja í einkaeign
sem og í eigu orlofssjóða starfs-
mannafélga. Sumarbústaðir njóta
raunar mikilla vinsælda um páskana
enda sífellt algengara að bústaðir séu
heilsársbústaðir og notaðir yfir helgar
allan veturinn. Ásókn í bústaði starfs-
mannafélaga er áberandi mikil um
páskana og komast færri að en vilja.
Flestir leggja af stað í fríið eftir
vinnu á miðvikudeginum fyrir páska.
En aðalatriðið er auðvitað, hvort sem
starfsmenn eru á ferð og flugi eða
slaka á heima hjá sér, að hlaða batter-
ín og koma endumærðir til vinnu eftir
páskana.
65