Helgarpósturinn - 02.02.1995, Blaðsíða 12

12
MORGUNPÓSTURINN SKOÐUN
FIMMTUDAGUR 2. FEBRÚAR 1995
Utgefandi
Ritstjórar
Fréttastjórar
Framkvæmdastjóri
Auglýsingastjóri
Miðill hf.
Páll Magnússon, ábm
Gunnar Smári Egilsson
Sigurður Már Jónsson
Styrmir Guðlaugsson
Kristinn Albertsson
Örn ísleifsson
Setning og umbrot
Filmuvinnsla og prentun
Morgunpósturinn
Prentsmiðjan Oddi hf.
Verð í lausasölu kr. 195 á mánudögum
og kr. 280 á fimmtudögum.
Áskriftarverð er kr. 1.300 á mánuði fyrir tvö blöð í viku.
Þeir sem greiða með greiðslukorti fá 100 króna afslátt.
í byrjun
kosningabaráttu
Óhamingju vinstri flokkanna verður flest að vopni þessa dagana, -
og að sama skapi hamingju Sjálfstæðisflokksins.
Vinstri flokkarnir allir, síst þó Framsóknarflokkurinn, virðast inná
við þjakaðir af sundurlyndi og deilum um nánast alla skapaða hluti.
Gildir þar einu hvort um er að ræða málefnin sjálf eða skipan manna á
framboðslista - allt verður að upphlaupsefni innan flokkanna.
Alþýðuflokkurinn fer þarna fremstur meðal jafningja og sýnist lán-
leysi hans engan endi ætla að taka. Síðasta dæmið er tilvísunarkerfið
margumtalaða. Þar ræðst Sighvatur Björgvinsson fram með miklu of-
forsi en litlum rökum, og er ekki annað sýnna en hann verði kýldur
kaldur með allan málatilhúnaðinn. Gera verður ráð fyrir, að Sighvatur
hafi gert þetta með vitund og vilja þingflokksins, sem kemur þó fyrir
lítið, því sjálfur varaformaður flokksins og fyrrum heilbrigðisráðherra
hefur snúist þversum í málinu gegn eigin ráðherra!
Alþýðubandalagið hefur gengið í gegnum talsverðar hremmingar
víða um land við uppstillingu framboðslista, - ekki síst á Austurlandi
og í Reykjavík, þar sem áhöld eru um hvort flokkurinn hafi gleypt
BSRB eða BSRB hafi gleypt flokkinn. Þetta, ásamt stofnun Þjóðvaka,
hefur leitt til þess að ýmsir Alþýðubandalagsmenn hafa tekið hatt sinn
og staf og kvatt flokkinn. Athyglisvert er, að flestir þungavigtarmenn,
sem hafa horfið á braut, eru úr hópi dyggustu stuðningsmanna for-
mannsins, Ólafs Ragnars Grímssonar. Hann á raunar í hinu mesta
basli þessa stundina við að ná sáttum um framboðslista flokksins í sínu
eigin kjördæmi.
Það hefur sömuleiðis gengið á ýmsu hjá Kvennalistanum við að
koma saman framboðslistum og eitthvað hefur kvarnast úr flokknum í
kjölfarið - til viðbótar þeim tolli, sem Þjóðvaki tók. Djúpstæðara
vandamál fýrir Kvennalistann er hins vegar sú staðreynd, að málefna-
staða hans virðist með einhverjum hætti hafa horfið og þar með lífs-
neistinn, og nú síðast fýlgið, ef marka má skoðanakannanir.
Þjóðvaki fékk byr undir báða vængi í byrjun, en brotlenti að sumu
leyti í sjálfu flugtakinu. Á landsfundi Þjóðvaka um síðustu helgi kom
nefnilega í ljós, að það sem fylgismenn flokksins eiga fyrst og fremst
sameiginlegt er óánægja með hina flokkana og hrifning af Jóhönnu.
Það dugar skammt þegar lítil samstaða er um stefnuna í mikilvægustu
málum og stór hluti flokksmanna með svo erfiða skaphöfn, að hann
strunsar á dyr um leið og andar á móti.
Framsóknarflokkurinn stendur skást að vígi af vinstri flokkunum og
virðist að mestu laus við hatrammar innri deilur, ef frá eru talin nokk-
ur brotthlaup í tengslum við uppstillingu framboðslista og persónulegt-
hnútukast í prófkjörsbaráttu.
Þá sjaldan þessir flokkar geta litið upp úr innri átökum gera þeir
harða hríð hver að öðrum, og það er eins og þeir hafi gleymt sínum
höfuðandstæðingi - Sjálfstæðisflokknum, sem fitnar eins og púkinn á
fjósbitanum. Þar á bæ gera menn það sem er pólitískt klókast í stöð-
unni, - ekkert. Formaður flokksins gengur einfaldlega um með vatns-
fötu og slekkur litla elda, sem kvikna í flokknum hér og þar, til dæmis í
Hafnarfirði, löngu áður en þeir geta orðið að báli. Þeir sem þessa dag-
ana gera sér vonir um alvarlegan ágreining í Sjálfstæðisflokknum
vegna kvótakerfisins verða trúlega fyrir vonbrigðum. Einn dyggur
sjálfstæðismaður komst svona að orði: „Við fáum að rífast um þetta í
nokkrar vikur, en svo ræður Davíð“.
Það stefnir sem sé í afar þægilega kosningabaráttu íyrir Sjálfstæðis-
flokkinn, - hann getur alveg látið vera að taka klára afstöðu til erfiðra
mála á borð við kvótakerfi, landbúnað og Evrópusamband, og samt
unnið sigur í kosningunum.
Þetta er ágætt fyrir Sjálfstæðisflokkinn, en verra fyrir þjóðina, sem á
heimtingu á því að vita hvert stærsti stjórnmálaflokkurinn stefnir í
þessum málum.
Páll Magnússon
Pósturinn
Vesturgötu 2, 101 Reykjavík,
Sími 552-2211 fax 552-2311
Bein númer: Ritstjórn: 552-4666, símbréf: 552-2243 Tæknideild: 552-4888
Auglýsingadeild: 552-4888, símbréf: 552-2241 Dreifing: 552-4999
Fréttaskotið: 552-1900 Smáauglýsingar: 552-5577
Skrifstofa Morgunpóstsins er opin mánudaga til föstudaga frá 9:00 til 17:00
Dreifingar- og áskriftardeild er opin mánudaga og fimmtudaga
frá 8:00 til 19:00, aðra virka daga frá 9:00 til 17:00
Auglýsingadeild er opin mánudaga og fimmtudaga frá 9:00 til 18:00,
aðra virka daga frá 9:00 til 17:00
Smáauglýsingadeildin er opin frá 9:00 til 17:00 virka daga,
til 21:00 á þriðju- og miðvikudögum og milli 13:00 og 21:00 á sunnudögum.
ndi fyrir alla
<kur hentar!
Unimæli
viktmnar
Ekki kjósa okkur!
„Krakkarnir eru ábyrgari en þessir
menn.“
Svanfríður varaformaður
um samherja sína.
Öll erum við framsóknar-
menn inn við beinið
„Það gerir ekkert til þótt við Haukur
séum ekki í sama flokki, því ég
er mesti framsóknarmaðurinn
í Sjálfstæðisflokknum og hann
er mesti sjálfstœðismaðurinn í
Framsóknarflokknum."
Halldór Blöndai rolluráðherra.
Þar eru peningamir
og völdin
„Ég heffengið ágœta kynningu inn-
an þess sem ég kalla „hið menning-
arlega umhverfi“.
Einar Már nýríki.
Björt mey og hrein
„Eg hef aldrei verið í
Alþýðubandalaginu“
Guðrún Jónsdóttir sex flokka maki.
Austurland, það er ég
„Ástœðan fyrirþví að égsagði mig
úr stjórn Alþýðusambands Austur-
lands er sú að mér mislíkaði af-
greiðsla á gagnmerkri tillögu sem ég
flutti innan stjórnarinnar
Hrafnkell A. Jónsson héraðshöfðingi.
Nýjar áherslur með nýju fólki
„Goðsögnin um hina sterku fjármálastjórn
Sjálfstœðisflokksins rann sitt skeið á enda þeg-
ar blákaldur veruleikinn um viðskilnað flokks-
ins í Reykjavík þrengdi sérfram í dagsljósið nú
í vor. „Við tökum bara lán“, var lausnarorð
sjálfstœðismanna. “
Goðsögnin um hina sterku fjár-
málastjórn Sjálfstæðisflokksins
rann sitt skeið á enda þegar blá-
kaldur veruleikinn um viðskilnað
flokksins í Reykjavík þrengdi sér
fram í dagsljósið nú í vor. „Við tök-
um bara lán“, var lausnarorð sjálf-
stæðismanna og skuldir borgarinn-
ar jukust úr 4.5 milljörðum króna í
árslok 1990, í 12.4 milljarða í árslok
1994. Þessi skuldasöfnunarleið var
mörkuð af sjálfstæðismönnum og
nú kemur það í hlut Reykjavíkurl-
istans að leita nýrra leiða. Með
fyrstu fjárhagsáætlun nýs meiri-
hluta Reykjavíkurlistans eru fyrstu
afgerandi skrefin stigin í þá átt. Það
sem einkennir fjárhagsáætlunina er
uppstokkun og endurmat á flestum
sviðum og bjartsýnn framkvæmda-
vilji án þess þó að fallið sé í þá
gryfju að reyna að gera allt fyrir
alla.
Skólar og leikskólar
Framkvæmdir í dagvistarmálum
og skólamálum aukast verulega frá
því sem verið hefur en það voru
einmitt þessir tveir málaflokkar
sem Reykjavíkurlistinn lagði höf-
uðáherslu á í kosningabaráttunni
síðastliðið vor. Framlög til stofn-
kostnaðar leikskóla verða tvöföld-
uð á þessu ári, eða aukin úr 223.5
mkr. í 450 mkr. Gert er ráð fyrir að
á árinu munu um 350 ný heilsdags-
rými bætast við á leikskólum borg-
arinnar. Framlög til skólabygginga
hækka úr 445 í 830 mkr. Er það
staðföst ætlun nýja meirihlutans að
koma í veg fyrir að takmörkuð
þjónusta við barnafólk í skólum og
leikskólum borgarinnar þurfi að
vera kosningamál í næstu kosning-
um. Þetta eru einfaldlega mála-
flokkar sem eiga að vera í góðu
horfi hjá borginni okkar.
Þrátt fýrir stórt skerf í uppbygg-
ingu í þessum málaflokkum og ný-
breytni í þjónustu, er ekki gert ráð
fyrir þeim miklu nýju lántökum
sem hingað til hafa tíðkast. Sú lán-
taka sem lögð er til í fjárhagsáætl-
uninni er nær einvörðungu til
komin vegna skuldbreytinga á eldri
langtímalánum og fyrirætlana um
að lækka yfirdrátt borgarsjóðs í
Landsbankanum.
Þungavigtin
BIngibjörg
SÓLRÚN
GíSLADÓTTIR
borgarstjóri
Ný vinnubrögð
Eitt af áherslumálum Reykjav-
íkurlistans er að stuðla að opnari og
Iýðræðislegri stjórnarháttum í
borginni og tryggja að allar leik-
reglur í kerfinu séu skýrar og öllum
aðgengilegar þannig að geðþótta-
ákvarðanir ráði ekki úthlutun gæða
og verkefna.
Ný vinnubrögð hafa verið tekin
upp á ýmsum sviðum og eru í far-
vatninu á öðrum. Úthlutun leigu-
íbúða og annarra gæða frá skrif-
stofu borgarstjóra hafa verið af-
numin, samþykktar nýjar vinnu-
reglur um val á arkitektum, úttekt
verið gerð á útboðs- og innkaupa-
málum og starfsemi og starfshættir
fjölmargra borgarstofnana verið til
skoðunar í þeim tilgangi að auka
skilvirkni og hagkvæmni í rekstri.
Holræsagjald
í umhverfismálum leggur Reykj-
avíkurlistinn mikla áherslu á að
gert verði átak í hreinsun strand-
lengjunnar en í þeim efnum stend-
ur Reykjavíkurborg andspænis
gríðarlegum verkefnum rétt eins og
önnur sveitarfélög á landinu. Verð-
ur ekki séð hvernig þau eiga að ráða
við það verkefni án sérstakrar
gjaldtöku í formi holræsagjalds og
án stuðnings frá ríkinu í einhverju
formi. Hvergi er það eins augljóst
og í umhverfismálum að syndir
feðranna koma niður á börnunum
og nú er komið að þeim synda-
gjöldum. Af þeim sökum tók
Reykjavíkurlistinn þá erfiðu pólit-
ísku ákvörðun að leggja á holræsa-
gjald, rétt eins og flest önnur sveit-
arfélög á landinu.
Á vegum borgarverkfræðings-
embættisins hefur verið unnin
áætlun um holræsaframkvæmdir
til næstu 12 ára og þar kemur fram
að heildarkostnaður við nýbygg-
ingar aðalræsa, rekstur og viðhald
eldri holræsa, ásamt afborgunum af
lánum, muni verða samtals 8.440
mkr., eða rúmar 700 mkr. að með-
altali á ári. Sum árin meira en önn-
ur minna. Holræsagjaldið verður
hins vegar 550 mkr. á ári.
Holræsagjaldið hefur, eins og við
var að búast, verið gagnrýnt talsvert
af sjálfstæðismönnum. Við í
Reykjavíkurlistanum höfum aftur á
móti kosið að taka þann pólitíska
slag sem þessum álögum fylgja,
minnug þess að kemur að skulda-
dögunum. Skuldasöfnun í dag er
skattlagning á morgun. I talnasam-
anburði má svo geta þess að hol-
ræsagjaldið gefur um 550 mkr. í
borgarsjóð, en á fyrstu fimm mán-
uðum síðasta árs, mánuðinn fýrir
kosningar, námu aukafjárveitingar
í borgarráði 633 mkr. Állar þessar
krónur voru teknar að láni. Nú er
þessari skuldasöfnunarleið Sjálf-
stæðisflokksins lokið og ný og
ábyrgari leið verið mörkuð af
Reykj avíkurlistanum.
Þungavigtarmenn eru meðal annars: Árni Sigfússon, Geir H. Haarde, Halldór Ásgrímsson, Ingibjörg Sólrún Gisladóttir, Jóhanna Sigurðardóttir,
Jón Erlendsson Jón Steinar Gunnlaugsson, Óskar Magnússon, Páll Kr. Pálsson, Svavar Gestsson, Ögmundur Jónasson, Össur Skarphéðinsson.