Morgunblaðið - 17.01.2001, Side 18

AKUREYRI
18 MIÐVIKUDAGUR 17. JANÚAR 2001 MORGUNBLAÐIÐ
Stjórnandinn sem
leiðtoginn á nýrri öld
Atvinnuþróunarfélag Eyjafjarðar og Símenntunarmiðstöð
Eyjafjarðar, í samstarfi við Starfsþróunarfyrirtækið
Skref fyrir skref,
boða til hádegisverðarfundar
á Fosshótel KEA
fimmtudaginn 18. janúar
kl. 12:00 til 13:30.
Frummælandi
Hansína B. Einarsdóttir
forstjóri
Skref fyrir skref.
Stjórnandinn sem leiðtoginn á nýrri öld
- Breytingar í starfs- og samkeppnisumhverfi
- Leiðtogahugsun
- Að glíma við þversagnir
- Mikilvægir þættir í fari leiðtoganna - hverjir ná árangri
Fundurinn er opinn öllum þeim sem áhuga hafa á stjórnun
og stjórnunaraðferðum.
Verð kr. 1.000, innifalinn léttur hádegisverður.
Skref fyrir skref ehf. er starfsþróunarfyrirtæki sem hefur frá árinu 1989 starfað við
rannsóknir, ráðgjöf, starfsþróun og stjórnun fyrir fyrirtæki og stofnanir um land allt.
Skráning hjá Atvinnuþróunarfélagi Eyjafjarðar (benedikt@afe.is) eða í síma 460 5700
og hjá Símenntunarmiðstöð Eyjafjarðar (simey@simey.is) eða í síma 460 5720.
LANDAÐUR afli hjá Hafnasamlagi
Norðurlands á síðasta ári, þ.e. á Ak-
ureyri, Grenivík og Hjalteyri, nam
um 85.000 tonnum, sem er um 25.000
tonnum meiri afli en árið 1999 og um
16.000 tonnum meiri en árið 1998. Af
þessum stöðum er langmestum afla
landað á Akureyri og uppsjávarfiski,
síld og loðnu, er aðeins landað í
Krossanesi á Akureyri.
Árin 1996 og 1997 barst þó mun
meiri afli á land hjá Hafnasamlaginu
en síðustu þrjú ár, rúmlega 96.000
tonn árið 1996 og tæplega 92.000
tonn árið 1997. Á þessu tímabili mun-
ar mestu í löndun á loðnu en árið
1996 bárust um 70.000 tonn af loðnu á
land á Akureyri en um 38.000 tonn í
fyrra. Þá var meira landað af frystum
fiski á Akureyri í fyrra en árin á und-
an en bolfiskaflinn er svipaður á milli
áranna 1999 og 2000 en var þó heldur
meiri í fyrra. Síld hefur verið landað
á Akureyri síðustu fjögur ár, mest í
fyrra eða um 16.500 tonnum.
Skipakomum
fjölgaði á milli ára
Á síðasta ári voru skipakomur á
Akureyri 854, heldur fleiri en árið áð-
ur en mun færri en árið 1998. Komur
fiskiskipa voru 438 árið 2000, komur
vöruflutningaskipa 229 og komur
skemmtiferðaskipa 33. Skipakomur
vegna viðgerða og viðlegu voru 132 á
síðasta ári. Árið 1999 voru skipakom-
ur til Akureyrar 839 en 943 árið áður.
Samdráttur hefur orðið í vöru-
flutningum með skipum til og frá Ak-
ureyri enda hefur það færst í vöxt að
flutningafyrirtækin flytji vörur milli
landshluta með bílum. Í fyrra námu
vöruflutningar með skipum til og frá
Akureyri rúmlega 156.600 tonnum
en árið áður rúmlega 200.000 tonn-
um. Á síðustu árum hefur komum
vöruflutningaskipa jafnframt fækkað
nokkuð.
Landaður afli hjá Hafnasamlagi Norðurlands
Aflinn í fyrra mun meiri
en árin tvö þar á undan
Morgunblaðið/Kristján
Akureyrskir frysti- og ísfisktogarar báru heldur meiri afla að landi á
Eyjafjarðarhöfnum á síðasta ári en undanfarin ár.

       

           

 

 
 









                    

!






 "
GUÐJÓN Valur Sigurðsson
handknattleiksmaður var kjörinn
íþróttamaður KA fyrir árið 2000
en útnefningin fór fram á hinum
árlega KA-degi í KA-heimilinu sl.
sunnudag. Guðjón Valur var ekki
viðstaddur útnefninguna þar sem
hann var að keppa með íslenska
landsliðinu á Spánarmótinu í
handknattleik.
Júdókappinn Vernharð Þor-
leifsson hafnaði í öðru sæti að
þessu en Vernharð var valinn
íþróttamaður KA og Akureyrar
árin tvö þar á undan. Í þriðja
sæti að þessu sinni varð svo
handknattleikskonan Ásdís Sig-
urðardóttir.
Guðjón Valur, sem gekk til liðs
við KA árið 1998, hefur átt sæti í
öllum yngri landsliðunum í hand-
knattleik og þá hefur hann átt
sæti í A-landsliðinu frá árinu
1998. Guðjón Valur var valinn
íþróttamaður sinnar heimasveit-
ar, Seltjarnarness, árið 1999 og
leikmaður Íslandsmótsins það ár
og þá var hann valinn handknatt-
leiksmaður ársins af HSÍ fyrir
árið 2000.
Vernharð varð Íslandsmeistari
í mínus 100 kg flokki á síðasta ári
og vann sigur á opna sænska
mótinu í júdó. Hann tók einnig
þátt í Evrópumóti og fleiri opnum
mótum í Evrópu en náði ekki jafn
góðum árangri þar. Hann er í 12.
sæti á afrekalista Evrópu.
Ásdís hefur leikið handknatt-
leik með KA frá unga aldri og
vakti snemma athygli fyrir góðan
leik. Hún spilar nú með unglinga-
og meistaraflokki og hefur átt
sæti bæði í yngri landsliðum og
A-landsliði Íslands.
Á KA-deginum kynntu ung-
menni í hinum ýmsu deildum
íþróttir sínar fyrir gestum, auk
þess sem öllum var boðið upp á
veglegar kaffiveitingar.
Morgunblaðið/Kristján
Helga Steinunn Guðmundsdóttir, formaður KA, t.h., ásamt Atla
Hilmarssyni, þjálfara handknattleiksliðs KA, sem tók við viður-
kenningu Guðjóns Vals Sigurðssonar, Vernharð Þorleifsson júdó-
maður og Halldór Ingi Kárasaon, sem tók við viðurkenningu unn-
ustu sinnar, Ásdísar Sigurðardóttur.
Guðjón Valur
íþróttamaður KA
VETRARÞOL lífvera var við-
fangsefni ráðstefnu íslenskra sér-
fræðinga sem haldin var á Akur-
eyri nýlega en þar var fjallað um
það hvernig lífverur geta haldið lífi
eða hvernig þær drepast í vetr-
arkuldum. Heiti ráðstefnunnar var
Líf og dauði undir frostmarki –
rannsóknir á þoli lífvera við stýrð-
ar aðstæður.
Flutt voru 10 erindi sem snerust
um vetrarþol trjáplantna og tún-
gróðurs og einnig frostþol sitkalús-
ar. Voru þarna kynntar niðurstöð-
ur íslenskra rannsókna, sem eink-
um hafa verið stundaðar á
Kalstofunni á Möðruvöllum. Fram
kom að breytileiki er mikill í frost-
þoli trjáplantna og eru miklir
möguleikar á að beita ódýru og
skjótvirku forvali með frostþols-
prófunum á efniviði trjáplantna í
stað þess að bíða eftir að náttúran
velji réttu einstaklingana, sem oft
getur tekið mörg ár. Einnig var
greint frá því hvaða áhrif áburður
og skygging hefðu á frostþol trjá-
plantna í uppeldi. Þá var fjallað um
kalskemmdir í túnum en þar er
einkum um að ræða svellkal og
voru kynntar rannsóknir á þoli
vallarfoxgrass og hvítsmára.
Svellkal er talsvert flókið fyr-
irbæri en þegar hefur safnast tals-
verð þekking á þessu sviði sem
ætti að vera mögulegt að beita í
baráttu við kalskemmdir. Þar sem
á öðrum sviðum er þó margt
órannsakað og er vonast til að
hægt verði að beita nýrri tækni við
að draga úr tjóni af vetrar-
skemmdum.
Kalstofa opnuð á ný
Þar ætti Kalstofan á Möðruvöll-
um að koma í góðar þarfir, en að
loknum erindaflutningi fóru ráð-
stefnugestir út í Möðruvelli þar
sem Kalstofan var enduropnuð
með nýjum og bættum tækjabún-
aði. Rannsóknastofnun landbúnað-
arins og Mógilsá – rannsóknastöð
skógræktar skipulögðu ráðstefn-
una og standa sameiginlega að
uppbyggingu Kalstofunnar á
Möðruvöllum og munu á næstu ár-
um vinna að rannsóknum þar. Má
segja að einn þáttur ráðstefnunnar
hafi verið að leiða saman til sam-
vinnu sérfræðinga í jarðrækt og
skógrækt, en á báðum sviðum er
vetrarþolið afar mikilvægt til að
geta stundað atvinnuveginn með
góðum árangri.
Ráðstefnuna sóttu fimmtíu og
fimm manns.
Ráðstefna um líf og dauða undir frostmarki
Frostþol trjáplantna
er mjög misjafnt
LÖGREGLAN á Akureyri fékk
tilkynningu um vatnsleka í íbúð í
fjölbýlishúsi við Skarðshlíð 6 kl.
6.45 í gærmorgun. Þar hafði
vatnslanga í uppþvottavél rifnað
og vatn flætt um gólf íbúðarinn-
ar. Heldur kalt og blautt var því
fyrir heimilisfólkið að fara fram
úr. Slökkviliðið á Akureyri var
kallað út og sáu slökkviliðsmenn-
irnir um að hreinsa vatn af gólf-
um.
Talsverðar skemmdir urðu á
gólfefnum og einnig skemmdust
innanstokksmunir nokkuð. Þá lak
vatn niður í geymslur í kjallara.
Vatnsleki í fjölbýlishúsi við Skarðshlíð
Slanga í upp-
þvottavél rifnaði