Morgunblaðið - 30.01.2001, Síða 4

FRÉTTIR
4 ÞRIÐJUDAGUR 30. JANÚAR 2001 MORGUNBLAÐIÐ
Til sölu Audi A4 turbo 1800
5 gíra nýskráður 10.03. 1999
ekinn 15.000 km leðurinnr.,
sóllúga, álfelgur og geisla-
spilari Ásett verð 2140,000
SÆNSKUR háskólanemi, Erik
Kropf, sem kleif Esjuna á sunnudag-
inn, óskaði eftir aðstoð björgunar-
sveita um kvöldið þar sem hann taldi
sig ekki geta komist niður af fjallinu
án aðstoðar. Maðurinn hringdi í
Neyðarlínuna skömmu fyrir kl. 21.
Björgunarsveitarmenn úr Björg-
unarsveitinni Kyndli í Mosfellsbæ
voru sendir honum til aðstoðar,
ásamt leitarhundi. Svæðisstjórn
Slysavarnafélagsins Landsbjargar
stjórnaði aðgerðum. Nokkru fyrir
miðnættið gengu björgunarsveitar-
menn fram á manninn á hábungu
Esjunnar.
Erik Kropf er skiptinemi við
Listaháskóla Íslands. Í viðtali við
Morgunblaðið í gær sagðist Erik
hafa lesið sér til um fjallgöngur á
Esjuna. Í ferðamannabæklingum
stæði jafnan að gangan væri auð-
veld. Hann hafi ekki áttað sig nægi-
lega vel á því að það ætti við göngur
að sumarlagi. Hann hóf gönguna um
kl. 14.30 og var kominn upp rúmlega
klukkustund síðar. „Á uppleiðinni
gerði ég mér grein fyrir því að ég
gæti ekki farið sömu leið niður. Ég
taldi hinsvegar að ég gæti komist
annars staðar niður af fjallinu,“
sagði Erik. Á korti sem hann var
með voru sýndar nokkrar gönguleið-
ir niður. Þær reyndust hinsvegar all-
ar svo hálar að hann treysti sér ekki
niður. Erik hringdi í Neyðarlínuna
skömmu fyrir kl. 21. Þá var orðið
mjög rökkvað og Erik sá ekki fram á
að komast niður af sjálfsdáðum.
Hann beið björgunarsveita og
gekk um á hábungunni til að halda á
sér hita og beið björgunarsveitar-
mannanna sem hringdu reglulega í
hann á leiðinni upp. Ekkert amaði að
Erik, hann var vel búinn að öðru
leyti en því að skóbúnaður hans var
ekki ætlaður til fjallgangna að vetri
til.
Davíð R. Gunnarsson, sem er í
svæðisstjórn Slysavarnafélagsins
Landsbjargar, segir aðstæður hafa
verið erfiðar efst í fjallinu, klaki og
snjór. Það hafi því verið hárrétt við-
brögð hjá Erik að óska eftir aðstoð.
Björgunarsveitarmennirnir notuðu
sigbúnað og öryggislínur til að koma
manninum niður.
Fjallgöngumaður í vandræðum á Esjunni
Komst upp á fjallið en
ekki niður af því aftur
TALIÐ er að um 370 tonn af laxi hafi
drepist vegna brennisteinsvetnis í
botni fiskeldisstöðvar Rifóss í Keldu-
hverfi um miðjan þennan mánuð og
nemur tjónið að minnsta kosti um 70
milljónum króna.
Að sögn Guðmundar Þórarinsson-
ar, stjórnarformanns Rifóss, voru
um 450 tonn af laxi í stöðinni þegar
eitrunin kom upp. Hann segir ljóst
að brennisteinsvetni drap fiskinn en
ekki liggi enn fyrir hvers vegna það
myndaðist. „Við vitum að brenni-
steinsvetni myndast á botni lónsins
en ekki nákvæmlega á hvaða stöð-
um, né í hve miklum mæli. Nú eru að
hefjast frekari rannsóknir á því.“
Hann segir að eldi verði haldið
áfram í lóninu, að því gefnu að
ástæður laxadauðans finnist og hægt
verði að koma í veg fyrir slíkt. „Við
eigum fulla stöð af seiðum sem eiga
að fara í kvíar með vorinu og það
þýðir að þá eigum við nógan fisk í tvö
ár. Þetta er hins vegar gífurlegt
áfall. Nú eru um 80 til 100 tonn af
fiski eftir í lóninu til slátrunar á
þessu ári. Árgangurinn sem settur
var út síðastliðið vor er hins vegar
allur dauður og þá eigum við engan
fisk til slátrunar seint á þessu ári eða
því næsta.“
Guðmundur segir ekki fordæmi
fyrir sams konar fiskdauða í lóninu.
„Hins vegar var gerð rannsókn á líf-
ríki lónsins 1979 sem þó tengdust
ekki sérstaklega fiskeldi. Í skýrslu
um þessara rannsókn er hins vegar
vitnað til munnmæla, þar sem segir
að á árum áður hafi verið mikil kola-
veiði í þessum lónum. Í upphafi 7.
áratugarins hvarf kolinn algerlega
og þá kunni enginn skýringar á því.
Vel má vera að það hafi verið af sömu
orsökum og laxinn drapst nú. Þetta
fyrirbrigði er hins vegar þekkt í
stöðuvötnum og það má vel kalla lón-
ið nokkurs konar stöðuvatn, þó að í
því sé frárennsli til sjávar og í því
gæti flóðs og fjöru,“ segir Guðmund-
ur.
Um 370 tonn af laxi drápust hjá Rifósi í Kelduhverfi
Tjónið talið nema
70 milljónum króna BORUN Selfossveitna eftir heituvatni efst í Laugardælalandi, við
Ósabotna, bar árangur í gær
þegar 800 metra djúp hola, sem
unnið hefur verið að í hálfan
mánuð, gaf um 50 sekúndulítra af
75–80 gráðu heitu vatni við
prufudælingu. „Þetta er mikið
magn af vatni með góðum hita og
þarna virðist vera sjálfstætt jarð-
hitakerfi sem tengist ekki því
svæði sem við höfum verið á við
Þorleifskot í Laugardælaland-
inu,“ sagði Ásbjörn Blöndal
veitustjóri.
Selfossveitur, sem þjóna
byggðinni á Selfossi, Eyrarbakka
og Stokkseyri ásamt dreifbýlinu í
Sandvíkurhreppi hinum gamla,
hafa borað 5 prufuholur við Ósa-
botna og unnið að rannsóknum á
svæðinu. „Með þessu aukna vatni
getum við lengt endingu aðal-
svæðisins við Þorleifskot auk
þess sem þetta er mjög verðmætt
fyrir byggðina sem fer ört vax-
andi,“ sagði Ásbjörn. Hann sagði
til viðmiðunar að hámarksnotkun
veitunnar á frostadögum væri
180 sekúndulítrar og meðalnotk-
unin væri 90–100 sekúndulítrar.
„Þetta er því mjög heillavæn-
leg niðurstaða, öryggi veitunnar
verður mun meira með því að við
fáum aukið varaafl. Við erum
núna með nokkrar stórar holur
sem við byggjum á og lendum í
erfiðleikum ef ein þeirra dettur
út,“ sagði Ásbjörn Blöndal, veitu-
stjóri Selfossveitna.
Heitt vatn finnst
nálægt Selfossi
Selfossi. Morgunblaðið.
Morgunblaðið/Sigurgeir Jónasson
LÖGREGLAN í Vestmannaeyjum
hefur í sinni vörslu einstaklega
spakan smyril. Eins og sést á mynd-
inni fer vel á með Pétri Steingríms-
syni og smyrlinum þar sem hann
gæðir sér á hamborgara úr munni
Péturs.
Pétur og
smyrillinn
spaki
JARÐSKJÁLFTI af stærðinni
3,4 stig á Richter mældist í
Vatnajökli klukkan eitt í fyrri-
nótt. Að sögn Þórunnar Skafta-
dóttur, jarðfræðings á jarðeðl-
issviði Veðurstofu Íslands, voru
upptök skjálftans um 6 kíló-
metra austur af Hamrinum á
vestanverðum jöklinum.
„Það eru oft skjálftar á þessu
svæði en þá smærri,“ sagði Þór-
unn. „Þessi var í stærra lagi.“
Ekki mældust skjálftar á
svæðinu gærdag og sagði Þór-
unn að skjálftinn um nóttina
væri ekki vísbending um að
stærri skjálfti væri í vændum.
Um eðlilegar jarðhræringar
hefði verið að ræða. Hún sagð-
ist ekki vita til þess að fólk hefði
orðið vart við skjálftann enda
hefðu upptök hans verið langt
frá allri byggð.
Jarðskjálfti
mældist í
Vatnajökli