Morgunblaðið - 03.02.2001, Blaðsíða 1

28. TBL. 89. ÁRG. LAUGARDAGUR 3. FEBRÚAR 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 3. FEBRÚAR 2001
SAMBÚÐ Indverja og Pakistana
hefur batnað í kjölfar jarðskjálft-
anna í síðustu viku og ræddust þeir
Atal Bihari Vayjpayee, forsætisráð-
herra Indlands, og Pervez Musharr-
af, sem fer fyrir herforingjastjórn-
inni í Pakistan, við í síma í gær. Þeir
munu ekki hafa talað saman fyrr.
Starfsmenn Rauðakrossfélaganna
í Danmörku, Finnlandi og Þýska-
landi hafa komið á fót tjaldbúðum
með 310 sjúkrarúmum fyrir fórnar-
lömb jarðskjálftanna í borginni Bhuj
í Indlandi. Mikið berst nú af hvers
kyns neyðargögnum til þeirra staða
sem verst urðu úti og er framlag trú-
flokka og frjálsra félagasamtaka af
ýmsu tagi í landinu orðið meira en
stjórnvalda. Dreifing hjálpar-
gagnanna tekst á hinn bóginn misvel
vegna skorts á skipulagi og yfir-
stjórn og hafa sum svæði orðið út-
undan.
Búið er að finna um 15.000 lík í
rústunum eftir skjálftann sem var
um 7,7 stig á Richter-kvarða. Að
sögn stjórnvalda í Nýju-Dehlí fórust
allt að 35.000 manns í jarðskjálftun-
um en tölur um manntjónið eru enn
afar óáreiðanlegar.
Alþjóðlegt hjálparstarf vegna
náttúruhamfaranna er orðið mjög
umfangsmikið. Pakistanar hafa tekið
þátt í að alþjóðlegu aðstoðinni við
Indverja en þjóðirnar hafa eldað
grátt silfur frá því að þær hlutu sjálf-
stæði um miðja síðustu öld. Hefur
þrisvar komið til styrjalda milli
þeirra. Musharraf, sem rændi völd-
um 1999, átti frumkvæði að símtal-
inu í gær og sagði talsmaður Vayjpa-
yees að hershöfðinginn hefði tjáð
Indverjum „samúð sína vegna mann-
tjónsins mikla“ í Gujarat.
Sambúð Pakistans og Indlands batnar í kjölfar jarðskjálftans
Musharraf tjáir Ind-
verjum samúð sína
Bhuj, Islamabad, Anjar. AFP, AP.
Reuters
Múslímastúlkur í borginni Adhemabad í Indlandi fara með bænir í gær
en þá var vika liðin frá jarðskjálftanum.
ELLEFU mánaða stanslausri leit
leyniþjónustumanna að hinum 74
ára gamla Alfred Sirven, fyrrver-
andi aðstoðarforstjóra franska
olíufélagsins Elf, lauk í gær í Tag-
aytay á Filippseyjum. Höfðu þeir
rekið flóttann fram og aftur um
eyríkið. Um tíma notaði Sirven
vegabréf látins Frakka á flótt-
anum. Leikurinn barst um tuttugu
borgir, pálmalundi, nautabúgarða
og jafnvel inn í rækjuverksmiðjur.
„Ég gefst upp,“ sagði Sirven sem
sat einn í stofu sinni og hélt á vín-
glasi er mennirnir tíu ruddust inn.
Þeir voru vopnaðir rifflum, hagla-
byssum og skammbyssum þar sem
þeir höfðu búist við að Sirven léti
verði gæta sín.
Sirven sést hér með filipps-
eyskum embættismönnum í Man-
ila á leið í flugvél sem flutti hann
áleiðis til Frakklands í gær. Hann
er grunaður um að hafa dregið
sér um 400 milljónir dollara, nær
35 milljarða króna, úr sjóðum Elf
og tengist málið meintri spillingu
Rolands Dumas, fyrrverandi utan-
ríkisráðherra Frakklands, og ást-
konu hans.
Reuters
Eltingarleik lokið
FORSÆTISRÁÐHERRA Dana,
Poul Nyrup Rasmussen, segir þá
ákvörðun Færeyinga að ganga til
þjóðaratkvæðis um fullt sjálfstæði
eigi síðar en árið 2012 setja sam-
skipti þjóðanna í alvarlega stöðu.
Færeyska landstjórnin ákvað í
fyrrakvöld að kosið yrði um fjögurra
liða tillögu sem kveður m.a. á um að
dregið verði jafnt og þétt úr fjár-
framlagi Dana til eyjanna á tíu árum.
Nyrup Rasmussen hefur ítrekað
lýst því yfir að ákveði Færeyingar að
stefna að sjálfstæði, njóti þeir fjár-
hagsaðstoðar Dana að hámarki í
fjögur ár. Segir hann ákvörðun Fær-
eyinga vekja ýmsar fjárhagslegar og
stjórnskipulegar spurningar og
skapa alvarlega stöðu í samskiptum
þjóðanna. Stjórnin mun funda með
Færeyjanefnd þingsins í byrjun
næstu viku og leggja fram greiningu
á þeim stjórnarsfarlegu spurningum
sem ósk Færeyinga um sjálfstæði
vekur. Leggur forsætisráðherrann
áherslu á að það séu íbúar Færeyja
sem taki ákvörðun um tengsl Dan-
merkur og Færeyja.
Landstjórnin segist telja tillöguna
rétt skref fyrir Færeyinga í átt að
fullu sjálfstæði en tveir stærstu
stjórnarandstöðuflokkarnir segja
hana munu verða til þess að svipta
Færeyinga velferðinni. Þá mælist
þetta skref Færeyinga illa fyrir á
danska þinginu. Peter Duetoft, for-
maður Færeyjanefndar danska
þingsins, segist ekki fá séð að danska
þjóðin eigi að borga þjóð sem vill
vera sjálfstæð og telur hann tillögu
landstjórnarinnar illa grundaða.
Þjóðaratkvæði
í Færeyjum
Varað við
„alvarlegri
stöðu“
Kaupmannahöfn. Morgunblaðið.

Færeyingar taki/26
LÍKLEGT er, að sjávarborð
eigi eftir að hækka allmikið
vegna þess, að stór jökull á
vestanverðu Suðurskauts-
landinu þynnist hratt. Er
ekki vitað hvers vegna en
hugsanlega er um að kenna
gróðurhúsaáhrifunum svo-
kölluðu.
Í grein eftir breska vísinda-
menn, sem birtist í vísinda-
tímaritinu Science í gær,
segja þeir, að jökullinn á
Pine-eyju, sem er á við hálfa
Evrópu að stærð, muni fljóta
upp eftir 600 ár. Er hann um
2.400 metra þykkur og meira
en helmingur hans undir
sjávarmáli.
Jökullinn á Pine-eyju hefur
lengi verið notaður sem eins
konar mælir á þær breyting-
ar, sem eiga sér stað á Suð-
urskautslandinu, en hann
geymir svo mikið vatn, að
bráðnaði hann allur myndi
sjávarborð í heiminum hækka
um fimm metra.
Suður-
skautsjökull
að bráðna
London. Daily Telegraph.
TÖLVUPÓSTNOTENDUR í heim-
inum greiða alls um 10 milljarða
dollara, um 870 milljarða króna, í
tengikostnað fyrir að taka óumbeð-
ið við svonefndum ruslpósti, að því
er segir á vefsíðu Evrópusambands-
ins (ESB) í Brussel. Ætlunin er að
reyna að stemma stigu við slíkum
sendingum þegar lög um tölvu-
vernd verða endurskoðuð.
Mikið er um að fyrirtæki í
Evrópu og Bandaríkjunum sendi
notendum tölvupóstþjónustu aug-
lýsingar inn á netföngin án þess að
spurt sé leyfis.
Frits Bolkestein, sem fer með
málefni innri markaðarins í fram-
kvæmdastjórn ESB, segir að fyr-
irtæki sem notfæri sér Netið geti
með núverandi tækni sent alls hálf-
an milljarð klæðskerasaumaðra
auglýsinga inn á valin netföng dag-
lega.
„Hægt er að selja fyrir stórfé
upplýsingar sem teknar eru saman
um einstaklinga með því að fylgjast
með netnotkun þeirra og samt sem
áður vita margir áskrifendur að
netþjónustu ekkert um það hvað
mikil þróunin á þessu sviði er og
hvað hún hefur í för með sér ... Við
stefnum að því að ýta undir að net-
þjónusta dafni án þess að grafið sé
undan rétti einstaklinga til einka-
lífs.“
Reglur um vernd gagnvart rusl-
póstinum eru mismunandi í ríkjum
ESB. Sums staðar, þ.á m. í Þýska-
landi, Danmörku og Finnlandi, þarf
að biðja fólk leyfis áður en fyrirtæki
sendir auglýsingar inn á netfangið.
Evrópusambandið
Aðgerðir
gegn rusl-
tölvupósti
HLUTFALL atvinnulausra jókst í
4,2% í Bandaríkjunum í janúar og er
það nú meira en verið hefur í sextán
mánuði. Að undanförnu hafa bíla-
verksmiðjur og fleiri stórfyrirtæki
sagt upp þúsundum manna.
Verð féll á hlutabréfamörkuðum
vestra í gær og dollarinn lækkaði
nokkuð gagnvart evrunni. Hagvöxt-
ur í Bandaríkjunum mældist 1,4% á
síðasta fjórðungi liðins árs og hefur
þá talan verið leiðrétt í samræmi við
hefðbundnar árstíðasveiflur. Hefur
vöxturinn minnkað mjög í landinu
tvo síðustu mánuði og að sögn Alans
Greenspans seðlabankastjóra er
hugsanlegt að hann sé nú nær eng-
inn. Vextir voru lækkaðir um hálft
prósent í vikunni til að reyna að
hleypa aftur lífi í hagkerfið.
Sumir sérfræðingar óttast að tíu
ára samfellt vaxtarskeið í Bandaríkj-
unum, hið lengsta í sögu þjóðarinn-
ar, sé á enda. Aðrir álíta að miklar
vaxtalækkanir seðlabankans muni
duga til að stöðva niðursveifluna.
Bandaríkin
Atvinnuleysi
eykst
Washington. AP.
♦ ♦ ♦