Morgunblaðið - 15.02.2001, Blaðsíða 4

FRÉTTIR
4 FIMMTUDAGUR 15. FEBRÚAR 2001 MORGUNBLAÐIÐ
SÍMINN-GSM stöðvaði í gær fjölda-
sendingar í gegnum vit.is, virðisauk-
andi þjónustu Símans-GSM frá Síma-
happi.com til símnotenda þar sem
tilkynnt var um Valentínusarvinning í
símanúmeri símahappdrættisins. Að
sögn Agnars Más Jónssonar, fram-
kvæmdastjóra sölu- og markaðssviðs
Símans, var þjónustan misnotuð af
símahappdrættinu en um 3.000 sím-
notendur höfðu fengið smáskilaboðin
áður en sendingarnar voru stöðvaðar.
Símanum hafði þá borist talsverður
fjöldi ábendinga og kvartana vegna
sendinganna, enda stóðu símnotend-
ur í þeirri trú að Síminn væri að senda
skilaboðin. Síminn sendi frá sér
fréttatilkynningu vegna málsins í gær
þar sem fram kom að SMS-skilaboðin
tengdust Símanum að engu leyti og
væru ekki send út með vitund og vilja
Símans. Harmaði fyrirtækið að við-
skiptavinir þess hefðu orðið fyrir
óþægindum en fjöldasendingar af
þessu tagi köstuðu rýrð á SMS-þjón-
ustu.
Í smáskilaboðunum sem fólk fékk
sent í gær kom eftirfarandi fram: „Til
hamingju Jón. Þú átt Valentínusar-
vinning í síma 907-2500, frítt út að
borða fyrir ástina þína, milljónapott-
ur.“
Ekki getið um 990 króna
gjald fyrir símtalið
Þegar hringt var í fyrrgreint núm-
er biðu þau skilaboð að símtalið kost-
aði 990 krónur. Óánægja fólks snerist
ekki síst um að ekki væri getið um 990
krónurnar strax með smáskilaboðun-
um.
Ástþór Magnússon, forsvarsmaður
símahappdrættisins, sagði aðspurður
um þetta atriði að upplýsingar um
verðið hefðu verið sendar út en vegna
takmarkaðs stafafjölda sem hægt
væri að senda með smáskilaboðum,
hefði aftasti hluti textans orðið útund-
an. Þetta hefði hann ekki uppgötvað
fyrr en í gær. „Okkur þykir það leitt
að það hafi dottið út orð aftan af text-
anum,“ sagði Ástþór. Hann sagði
einnig að ekki hefði verið hætta á því
að símnotendur yrðu rukkaðir um 990
krónurnar strax og þeir hringdu í
númerið enda gæfist þeim kostur á að
skella á þegar sjálfvirk rödd tilkynnti
um kostnaðinn. „Það fara engin sím-
töl í gegn nema hjá þeim sem vilja
borga,“ sagði hann.
Agnar Más Jónsson hjá Símanum
sagði að aflokinni rannsókn innan
kerfis Símans, að skilaboðatextinn,
sem sendur var í gegnum SMS-kerfið
hjá Símanum hefði hvorki verið
styttri né lengri en sá sem birtist að
endingu á GSM-gluggum viðtakenda.
160 slög komast fyrir í smáskilaboð-
um og sá kvóti hefði ekki verið full-
nýttur í fjöldasendingum símahapp-
drættisins. M.ö.o. hefði því verið pláss
til að skrifa meira.
Aðspurður um viðtakendaskrána
sagði Ástþór að hún innihéldi fólk á
póstlista símahappdrættisins. Á vef
þess væri hægt að skrá símanúmer,
hvort heldur væri eigið númer eða
annarra. Vefnotendur hefðu skráð sín
eigin númer og í sumum tilvikum
númer annarra sem þeir þekktu og
þannig hefði skráin orðið til. Þegar
borin var undir hann sú athugasemd
að sum símanúmerin hefðu verið á
skránni í óþökk rétthafanna, sagði
Ástþór að sér væri ókunnugt um slíkt.
Sagði hann að fjöldi viðtakenda hefði
ennfremur ekki verið mikill, e.t.v.
nokkur hundruð manns.
Agnar Más Jónsson sagði ekki ljóst
hversu stór viðtakendaskráin hefði
verið í heild sinni, en ljóst væri að hún
næði yfir a.m.k. 3.000 manns. „Okkur
finnst óeðlilegt að viðskiptavinir okk-
ar verði fyrir ónæði af völdum Síma-
happs.com, sem er á engan hátt við-
komandi Símanum-GSM,“ sagði
Agnar. „Þess vegna voru fjöldasend-
ingarnar stöðvaðar. Auk þess eru
þær upplýsingar sem koma fram í
skilaboðunum mjög misvísandi. Ást-
þór Magnússon hefur heimildir til að
reka happdrættið, en við munum
engu að síður ræða við hann og fara
yfir þessi mál með honum.“
Kvartað til Landssímans vegna Valentínusarskilaboða SímaHapps.com
3.000 manns fengu skilaboð
áður en Síminn greip inn í
KRISTINN H. Gunnarsson, þing-
flokksformaður Framsóknarflokks-
ins og varaformaður sjávarútvegs-
nefndar Alþingis, kveðst hafa fengið
mikil og sterk viðbrögð við hug-
myndum sínum um innköllun afla-
heimilda og endurúthlutun þeirra á
jafnréttisgrundvelli. Hyggst Krist-
inn vinna þessari tillögu fylgi innan
sjávarútvegsnefndar og einnig innan
Framsóknarflokksins, en flokksþing
hans verður haldið í næsta mánuði.
Hugmyndir sínar setti Kristinn
fram við utandagskrárumræðu um
skýrslu Auðlindanefndar á Alþingi á
þriðjudag. Við sömu umræðu hafn-
aði annar þingmaður Framsóknar-
flokksins, Páll Pétursson félags-
málaráðherra, hugmyndum um
veiðigjald en kvaðst geta fallist á
einhverja útgáfu af fyrningarleið-
inni.
Kristinn segir að afstaða þeirra
Páls sýni að innan Framsóknar-
flokksins sé ríkur vilji til breytinga á
stjórn fiskveiða. Ljóst sé að við nú-
verandi ástand verði ekki unað og
leggur hann til ákveðnar hugmyndir
til þess að rétta hlut landsbyggðar-
innar og þeirra einstaklinga sem vilji
stunda sjósókn en eigi ekki fúlgur
fjár til þess að leigja kvóta.
„Ég er þeirrar skoðunar að skyn-
samlegast sé að hluti veiðiheimild-
anna sé á forræði sveitarfélaga,“
segir Kristinn og telur að vel megi
hugsa sér að innkalla t.d. um þriðj-
ung til fjórðung veiðiheimildanna,
3–5% á ári, og veita sveitarfélögum
til úthlutunar í heimabyggð. Slík
endurleiga verði bundin skilyrðum
um atvinnustarfsemi í viðkomandi
sveitarfélagi og ætti þannig að verða
til þess að tryggja stöðu byggðarlag-
anna.
Kristinn segir að fyrst í stað sé
ekki raunhæft að innkalla allar veiði-
heimildir með þessum hætti, enda
geri hann sér grein fyrir því að svo
umfangsmiklar breytingar taki tíma.
Hins vegar sé ráð að byrja smátt og
eftir fimm til átta ár hafi það skilað
sér í endurúthlutun fjórðungs allra
veiðiheimilda til fólksins í landinu á
jafnréttisgrundvelli.
Hyggst beita sér
innan sjávar-
útvegsnefndar
Hugmyndir Kristins H. Gunnars-
sonar um innköllun aflaheimilda
GÓÐ GÖNGUFERÐ er heilsubót hin besta og ekki síð-
ur skemmtileg leið til að kynnast umhverfi sínu betur.
Nokkrir kátir krakkar úr Kársnesskóla fóru í eina slíka
umhverfisrannsóknarferð með kennurunum sínum og
var hver gjóta og sprunga skoðuð gaumgæfilega. Eitt-
hvað þótti grjótið við Kópavogskirkju erfitt yfirferðar
enda skín einbeitnin úr hverju andliti og hvert einasta
skref er tekið að vandlega yfirveguðu ráði.
Morgunblaðið/Kristinn Ingvarsson
Eitt skref í einu
ELLEFU tilboð bárust í rík-
isjörðina Kvoslæk í Fljótshlíð í
útboði Ríkiskaupa í gær. Þetta
var í annað sinn sem útboðið fór
fram en í því fyrra í janúar
sl.var öllum tilboðum, 48 að
tölu, hafnað þar sem þau þóttu
of lág að mati eiganda jarðar-
innar.
Hæsta tilboð þá var 17, 5
milljónir króna en hæsta tilboð
í endurteknu útboði í gær kom
frá Magnúsi Leopoldssyni fast-
eignasala, eða upp á 24,4 millj-
ónir króna.
Magnús sagði við Morgun-
blaðið að hann hefði boðið í
jörðina í eigin nafni, ekki í um-
boði annars kaupanda. Hann
sagði að ef ríkið tæki tilboðinu
mundi hann gaumgæfa fram-
haldið og hvernig eigninni yrði
ráðstafað. Magnús sagði þetta
góða jörð í fallegu umhverfi,
sem hann hefði hrifist af í skoð-
unarferð sinni, en Kvoslækur í
Fljótshlíð þekur 90 hektara auk
60 hektara aðildar í nærliggj-
andi og óskiptu landi.
Ríkisjörðin Kvos-
lækur í Fljótshlíð
Hæsta boð
24 milljónir
LÖGREGLUMENN við reglu-
bundið eftirlit við Stórhöfða um
eittleytið í fyrrinótt veittu bifreið
athygli sem stóð á bifreiðastæði.
Talsvert hefur verið um innbrot í
hverfinu. Því hugðust lögreglu-
mennirnir því kanna bifreiðina
frekar. Þegar þeir nálguðust hana
var bifreiðinni ekið greitt á brott.
Lögreglumennirnir hófu þá eft-
irför. Bifreiðinni var ekið greitt
um Vesturlandsveg, Ártúnsbrekku
og Reykjanesbraut að því að talið
er á 120–130 km hraða. Á gatna-
mótum Reykjanesbrautar og
Breiðholtsbrautar var bifreiðinni
gekið gegn rauðu ljósi. Skömmu
síðar stökk farþegi út úr bifreið-
inni og hljóp út í móa. Skömmu
síðar var bifreiðin stöðvuð á Breið-
holtsbraut og hljóp ökumaðurinn
þá á brott. Lögreglumennirnir
hlupu hann hins vegar fljótlega
uppi og handtóku.
Í bifreiðinni fannst mikið magn
af ætluðu þýfi.
Reyndu
að stinga lög-
regluna af
♦ ♦ ♦