Morgunblaðið - 15.02.2001, Qupperneq 14

HÖFUÐBORGARSVÆÐIÐ
14 FIMMTUDAGUR 15. FEBRÚAR 2001 MORGUNBLAÐIÐ
UM áramótin voru formlega
stofnaðar tvær nýjar kirkju-
sóknir á höfuðborgarsvæðinu,
í samræmi við ákvörðun
kirkjuþings frá því í vetrar-
byrjun í fyrra. Þetta eru
Vallasókn í Hafnarfirði, sem í
raun er þó vinnuheiti eins og
er og gæti tekið breytingum,
og Grafarholtssókn í Reykja-
vík. Þegar fram líða stundir
munu hinar nýju sóknir
mynda ný prestaköll, en eru
fyrst um sinn innan vébanda
móðurprestakallanna.
Vallasókn tilheyrir m.ö.o.
Hafnarfjarðarprestakalli til 1.
júlí 2002, en myndar eftir það
Vallaprestakall, Kjalarness-
prófastsdæmi, og Grafar-
holtssókn tilheyrir Árbæjar-
prestakalli til 1. júlí 2003, en
myndar eftir það Grafarholts-
prestakall, Reykjavíkurpró-
fastsdæmi eystra.
Í lok janúar boðaði kirkju-
ráð til samráðsfundar vegna
stofnunar umræddra kirkju-
sókna með aðilum sem málinu
tengjast.
Í samtali við Morgunblaðið
sagði Guðmundur Þór Guð-
mundsson, lögfræðingur
kirkjuráðs, að kirkjustjórnin
væri að fara nýjar leiðir með
því að mynda nýjar sóknir
fyrr en verið hefur og skipu-
leggja starfið frá upphafi. Ný-
mæli væri hvernig staðið væri
að stofnun sóknanna, þ.e. að
stofna þær á undan presta-
köllunum. Þetta væri í fyrsta
skipti sem kirkjuþing nýtti
vald sitt til að mynda nýjar
sóknir. Kirkjuráð hefði jafn-
framt ákveðið að styðja við
bakið á sóknunum og þeim
kirkjulegu stjórnvöldum sem
að því koma og hefjast handa
þegar í stað að undirbúa hið
kirkjulega starf.
„Í Vallasókn í Hafnarfirði
er talið að gætu orðið 7.500-
10.000 manns og í Grafar-
holtssókn 5.000-6.000 manna
hverfi. Þó hafa yfirvöld ekki
nákvæmar upplýsingar um
þetta og ekki heldur um hraða
uppbyggingar og þróun
mannfjölda í sóknunum. Hug-
myndir eru jafnvel uppi um að
innan sóknarmarka Grafar-
holtssóknar yrði e.t.v. hverfi
sem nefnist Hallar. Sóknin
gæti því orðið 10.000 manna
byggð eða meira. Með hlið-
sjón af íbúatölum og þróun
þarf því fljótlega að huga að
stofnfundi, þ.e. aðalsafnaðar-
fundi, og kosningu fimm
manna sóknarnefndar, sem
sitji til loka núverandi tíma-
bils, þ.e. til aðalsafnaðarfund-
ar árið 2003,“ sagði Guðmund-
ur Þór. „Einnig er nauðsyn-
legt að skapa þarna lágmarks-
aðstöðu. Hugsanlegt er að
gera þjónustusamning við
„fyrrverandi“ sóknarnefndir.
Svo þyrfti einnig að ræða við
hlutaðeigandi skólayfirvöld
og sveitarfélög í þessu samb-
andi. Á samráðfundinum kom
fram, að sanngjarnt væri að
stefna að því að hinar nýju
sóknir fengju greiðslur vegna
sóknarmanna sem þar hafa
búið frá stofnun nýju sókn-
anna, þótt þær lögum sam-
kvæmt skuli renna til fyrri
sókna á árinu 2001. Kirkjuráð
mun beita sér fyrir uppgjöri
og samkomulagi vegna þessa
síðar á árinu eða í byrjun
næsta árs.“
Ákveðið var að stefna að því
í Vallasókn að halda aðalsafn-
aðarfund og kjósa sóknar-
nefnd í vor, ef unnt er, enda
þegar nokkur fjöldi manna
búsettur í sókninni. Hvað
varðar Grafarholtssókn, þarf
líklegast að bíða fram á næsta
haust eða jafnvel lengur til að
unnt verði að halda aðalsafn-
aðarfund og kjósa sóknar-
nefnd, þar eð uppbygging
hverfisins er skemmra á veg
komin en í Vallasókn, að sögn
Guðmundar Þórs.
Tvær nýjar kirkjusóknir stofn-
aðar á höfuðborgarsvæðinu
Hafnarfjörður/Grafarholt
BORGARYFIRVÖLD hafa
ákveðið að úhluta lóðum fyrir
samtals 555 íbúðir á austur-
og vestursvæði Grafarholts á
þessu ári, en hverfið, sem er
hið nýjasta innan borgar-
markanna, hefur byggst hratt
og eru hús þar mörg hver orð-
in fokheld. Ágúst Jónsson,
skrifstofustjóri borgarverk-
fræðings, sagði að lóðunum
yrði úthlutað um leið og nýtt
deiliskipulag yrði tilbúið.
Borgaryfirvöld úthlutuðu
lóðum fyrir 622 íbúðir í vest-
urhlutanum í fyrra og hafa
þau ákveðið að nota sömu að-
ferð við úthlutunina nú og þá
var gert.
Við úthlutun á lóðum á
þessu nýja byggingarsvæði í
Grafarholti verður farin sú
leið að óska eftir tilboðum í
lóðirnar fyrir fjölbýlishús, tví-
býlishús og raðhús. Hins veg-
ar verður sótt um einbýlis-
húsalóðirnar á hefðbundinn
hátt og síðan dregið úr inn-
komnum umsóknum hjá
sýslumanni. Síðan fá lóðarhaf-
ar að velja sér lóð í þeirri röð
sem þeir verða dregnir út.
Að sögn Ágústs er ráðgert
að nýtt deiliskipulag fyrir
svæðið taki gildi innan
skamms. Hann sagði að
skipulagið hefði þegar verið
samþykkt af borgarráði, en að
Skipulagsstofnun hefði gert
ákveðnar athugasemdir við
það. Hann sagði að borgar-
skipulag væri nú að bæta úr
því sem stofnuninni hefði þótt
áfátt, en að ekki hefði verið
um alvarlegar athugasemdir
að ræða.
4.500 til 5.000
manna byggð
Gert er ráð fyrir 1.651 íbúð í
Grafarholti eða um 4.500 til
5.000 manna byggð. Ágúst
sagði að hverfinu væri í meg-
indráttum skipt í tvo hluta. Í
vesturhlutanum væri gert ráð
fyrir 900 íbúðum og að þar af
ætti eftir að úthluta lóðum
fyrir 278 þeirra. Í austurhlut-
anum væri hins vegar gert
ráð fyrir 751 íbúð. Hann sagði
að þar væri lögð áhersla á fjöl-
býli og fremur þétta byggð,
en 669 íbúðir yrðu í fjölbýlis-
húsum og 45 í raðhúsum. Þá
yrðu byggð 37 einbýlishús.
Eins og kom fram að ofan
er ráðgert að úthluta lóðum
fyrir 555 íbúðir á þessu ári, en
þegar því verður lokið hefur
öllum lóðum í vesturhlutanum
verið úthlutað og lóðum fyrir
277 af 751 íbúð í austurhlut-
anum.
Borgaryfirvöld samþykkja að halda áfram uppbyggingu í Grafarholti


 




 


   






 


 

 








 


   
 

  

 

!"! 
#

$

Lóðum fyrir 555
íbúðir verður út-
hlutað á þessu ári
Grafarholt
ORKUVEITA Reykjavíkur
hefur keypt 4.534 hektara
lands við Hjallatorfu og
Þóroddstaði á Suðurlandi,
en um 650 hektarar af því
tilheyra háhitasvæði Heng-
ilsins, sem er með öfl-
ugustu háhitasvæðum
landsins. Kaupverðið var
um 90 milljónir króna, en
jarðirnar teygja sig frá Ölf-
usi og að Þrengslum.
Horft til
framtíðar
Að sögn Ásgeirs Mar-
geirssonar, aðstoðarfor-
stjóra Orkuveitunnar, eru
kaupin hluti af uppbygg-
ingu fyrirtækisins, en
stækkun höfuðborgarsvæð-
isins og aukin orkuþörf
kallar á aukna orkufram-
leiðslu.
„Við erum að horfa til
framtíðar með þessum
kaupum, ekki bara tíu,
tuttugu eða þrjátíu ár fram
í tímann heldur lengra,“
sagði Ásgeir, en Orkuveit-
an hyggst nýta orkuna á
svæðinu sem varmaorku og
til rafmagnsframleiðslu.
Fyrir um ári keypti
Orkuveita Reykjavíkur
Hitaveitu Þorlákshafnar
fyrir um 350 milljónir
króna en kaupunum fylgdu
4.335 hektarar lands, sem
að hluta til er á há-
hitasvæði Hengilsins.
Auk þessara tveggja
reita á Orkuveita Reykja-
víkur land við Kolviðarhól,
Ölfusvatn og Nesjavelli.
Ásgeir sagði að á þessu
stigi væri ekki ráðgert að
kaupa fleiri jarðir á svæð-
inu, enda ætti Orkuveitan
þegar ansi mikið land þar.
Rannsaka svæðið í
kringum Skíðaskálann
í Hveradölum
Orkuveitan ver árlega
um 100 milljónum króna til
rannsókna á jarðhitasvæð-
um og sagði Ásgeir að í
sumar stæði til að rannsaka
svæðið í kringum Skíða-
skálann í Hveradölum.
„Menn verða að hafa vað-
ið fyrir neðan sig og rann-
saka fyrir virkjanir með
góðum fyrirvara.“
Orkuveitan, sem er
stærsta veitufyrirtæki
landsins, annast dreifingu
á raforku til notenda í
Reykjavík, Kópavogi,
Garðabæ, Seltjarnarnesi og
Mosfellsbæ.
Meginhluti raforkunnar
er keyptur frá Lands-
virkjun en nokkur hluti
hennar er unninn úr orku-
verum fyrirtækisins.
Orkuveitan vinnur jarð-
varma beint úr jörðu í Mos-
fellsbæ og Reykjavík, en
einnig jarðgufu í
Nesjavallavirkjun.
Orkuveitan annast dreif-
ingu á heitu vatni til not-
enda í Reykjavík, Kópavogi
og Garðabæ, en auk þess er
Mosfellsbæ selt heitt vatn í
heildsölu.
Orkuveitan aflar kalds
vatns úr borholum í Heið-
mörk og dreifir því til not-
enda í Reykjavík.
Auk þess selur Orku-
veitan Kópavogi,
Seltjarnarnesi og Mos-
fellsbæ kalt vatn í heild-
sölu.


 


      


%









   !

" #

$
 "
%




# &&

& 
 '(

) (*

( +    (
,-
!.!

$'

'(
&  & 
 '(

) (*

(( ,

 
-

!..

" 
#
Orkuveita Reykjavíkur kaupir jarðir fyrir 90 milljónir króna á og við háhitasvæði Hengilsins
Stækkun höfuðborgarsvæðisins
kallar á aukna orkuframleiðslu
Reykjavík
FRÆÐSLUYFIRVÖLD í
Reykjavík hyggjast ekki
miðstýra skólaárinu í grunn-
skólum Reykjavíkur.
Fræðsluráð samþykkti sam-
hljóða á fundi sínum á
mánudaginn að virða frelsi
skólanna til að nýta þann
sveigjanleika sem felst í ný-
legum kjarasamningi við
kennara og fær hver skóli
því ráðið hvenær skólárið
hefst og hvenær því lýkur.
Samkvæmt þessu má búast
við því að skólar byrji mis-
snemma á haustin og hætti
missnemma á vorin. Einnig
geta skólarnir ráðið því
hvort þeir taka vetrarfrí.
Í bókun meirihluta
fræðsluráðs kemur fram að
aukinn sveigjanleiki sé í
takt við stefnumótun
fræðsluráðs um sjálfstæði
skóla og því telji ráðið rétt
að virða frelsi þeirra til að
stýra þessum sveigjanleika,
svo lengi sem það sé gert í
eðlilegu samráði við for-
eldraráð og í samræmi við
skólanámsskrá.
Samræmi milli skóla-
dagatala systkina
Fræðsluráð telur hins
vegar óhjákvæmilegt að
skólar, sem starfa að heild-
stæðu grunnskólanámi nem-
enda úr einstökum borgar-
hlutum, samræmi starfstíma
sinn þannig að samræmi sé
milli skóladagatala systkina.
Þá hvetur fræðsluráð
skólana til þess að nýta
virka daga sem eru lög-
bundnir frídagar nemenda
sem undirbúningsdaga
kennara á starfstíma skóla.
Skólar ráða hvenær
skólaárið hefst
Reykjavík
Fræðsluráð eykur
sjálfstæði grunnskólanna