Morgunblaðið - 15.02.2001, Side 58

FRÉTTIR
58 FIMMTUDAGUR 15. FEBRÚAR 2001 MORGUNBLAÐIÐ
Rollin Limp Bizkit
Love Dont Cost A Thing Jennifer Lopez
Spit It Out Slipknot
Dont Tell Me Madonna
Stan Eminem & Dido
Last Resort Papa Roach
Gravel Pit Wu Tang Clan
Road Trippin Red Hot Chili Peppers
Man Overboard Blink 182
Dadada Ding Dong & Naglbítarnir
My Generation Limp Bizkit
Farðu í röð Botnleðja
Testify Rage Against the Machine
Lítill fugl 200.000 Naglbítar
Trouble Coldplay
My Love Westlife
Independent Women Destiny’s Child
Shiver Coldplay
Again Lenny Kravitz
Dont Mess With My Man Lucy Pearl
Vikan 14.02. - 21.02
http://www.danol.is/stimorol
BRAUTSKRÁNING nemenda á
haustönn í Fjölbrautaskólanum við
Ármúla fór fram við hátíðlega at-
höfn í Borgarleikhúsinu 10. febr-
úar. Sölvi Sveinsson skólameistari
setti athöfnina og Bogi Ingimarsson
aðstoðarskólameistari gerði grein
fyrir skólastarfi haustannar.
Í máli hans kom m.a. fram að
u.þ.b. 800 nemendur stunduðu nám
í skólanum á haustönn. Hann ræddi
um áhrif verkfalls kennara á skóla-
starfið. Þá greindi hann frá meg-
inþáttum starfseminnar á haustönn,
þróunarstarf í tengslum við nýjar
námsbrautir, stofnun símennt-
unarmiðstöðvar, þjónustukannanir,
erlend samstarfsverkefni o.fl.
Framundan er 20 ára afmælishátíð
skólans. Verður afmælisins minnst
með margvíslegum hætti á þessu
ári.
Frá skólanum útskrifuðust að
þessu sinn 58 nemendur. Nýstúd-
entar voru 48 og þar af útskrifuðust
flestir af félagsfræðibraut, eða 27,
og 17 af náttúrufræðibraut. Hæstu
einkunn á stúdentsprófi hlaut Sal-
óme Elín Ingólfsdóttir. Af starfs-
menntabrautum útskrifuðust 10
nemendur, 5 sjúkraliðar, 3 lyfja-
tæknar og 2 nuddarar.
Að venju hlutu margir nemendur
viðurkenningu fyrir góðan náms-
árangur og framúrskarandi störf í
þágu nemenda. Þóra Leifsdóttir ný-
stúdent ávarpaði samkomuna fyrir
hönd nýstúdenta.
Í útskriftarræðu lagði skóla-
meistari út af aldarafmæli Tómasar
Guðmundssonar skálds og sér-
staklega kvæði hans Hótel Jörð. Þá
fór hann nokkrum orðum um kom-
andi afmælisár og hvað gert verður
til tilbreytingar af því tilefni.
Við athöfnina söng hópur kvenna
úr Borgarkórnum undir stjórn Sig-
valda Kaldalóns. Einnig söng Árni
Guðmundsson bassasöngvari tvö
lög við undirleik Jóns Sigurðssonar.
Morgunblaðið/Jón Svavarsson
Hluti útskriftarnemenda frá Fjölbrautaskólanum við Ármúla.
Fjölbrautaskólinn
við Ármúla braut-
skráir 58 nemendur
PARKINSONSAMTÖKIN á Ís-
landi halda félags- og fræðslu-
fund í safnaðarheimili Áskirkju,
laugardaginn 17. febrúar kl. 14.
Dr. Sigurlaug Sveinbjörns-
dóttir segir frá niðurstöðum úr
erfða- og faraldsfræðilegum
rannsóknum hér á landi. Þessar
rannsóknir eru talsvert langt
komnar, en þeim er þó ekki lok-
ið.
Rannsóknin er tvíþætt, annars
vegar faraldsfræðilegt viðtal og
skoðun og hins vegar erfðarann-
sókn og blóðsýni sem dr. Sig-
urlaug tekur sjálf. Seinni rann-
sóknin er samstarf við Íslenska
erfðagreiningu. Þessi rannsókn
tekur 60 mín. og þess skal getið
að sjúklingar ráða hvort þeir
fara í aðra eða báðar rannsókn-
irnar, segir í fréttatilkynningu.
Á fundinum í Áskirkju getur
Bryndís einnig gefið tíma í sam-
ráði við dr. Sigurlaugu sem verð-
ur á staðnum. Eftir fyrirlestur
dr. Sigurlaugar verða kaffiveit-
ingar, bingó o.fl.
Fræðslufundur á vegum
Parkinsonsamtakanna
HUGVIT heldur í dag, fimmtudag,
hugbúnaðarnotendaráðstefnu á
Grand Hóteli frá kl. 9 til 15. Fyr-
irkomulagið verður þannig að fyrir-
lestrar verða samtímis í þremur söl-
um allan daginn. Samtals verða
þetta því 18 fyrirlestrar.
Fyrirlestrarnir eru af ýmsu tagi
og eru bæði ætlaðir almennum not-
endum, stjórnendum og tæknimönn-
um. Fjallað verður um hugbúnaðar-
kerfi sem bæði falla að Lotus Notes-
og Microsoft-vörum. Dagskrá ráð-
stefnunnar er að finna á www.hug-
vit.is.
Ráðstefnan er öllum opin í gegn-
um skráningu á vef Hugvits,
www.hugvit.is.
SAMTÖKIN Barnaheill og Barna-
verndarstofa standa fyrir ráðstefnu
um meðferð ungra gerenda kynferð-
islegs ofbeldis gegn börnum og hafa
í því sambandi fengið dr. Richard C
Beckett, breskan sálfræðing og sér-
fræðing á þessu sviði, til að miðla af
þekkingu sinni og reynslu. Dr. Bec-
kett, sem er sérfræðingur í klínískri
sálfræði og réttarsálfræði, hefur
unnið að þessum málum í áraraðir
og hefur ásamt samstarfsfólki sínu
rannsakað börn sem beita kynferð-
islegu ofbeldi. Dr. Beckett og sam-
starfsfólk hans hafa einnig leitað
leiða til að greina þau börn sem eru
líkleg til að endurtaka verknaði af
þessu tagi og sett fram hugmyndir
um hvernig best sé að haga meðferð
þeirra. Hann hefur haldið fjölda fyr-
irlestra og skrifað vísindagreinar
um þessi efni.
Á ráðstefnunni mun dr. Beckett
gera grein fyrir faraldsfræðilegum
upplýsingum um fjölda ungra ger-
enda, hvað það er sem þeir eiga
sammerkt, viðbrögð samfélagsins
við brotunum, möguleikum þeirra til
að nýta sér meðferð og kynna helstu
aðferðir í meðferð þeirra. Markmið-
ið með ráðstefnunni er að opna um-
ræðuna um málefni ungra gerenda
og er öllum opin sem áhuga hafa.
Dr. Beckett mun tala á ensku.
Ráðstefnan verður haldin í dag,
fimmtudaginn 15. febrúar, og hefst
kl. 9. Skráning fer fram á skrifstofu
Barnaheilla.
Í fréttatilkynningu segir: „Á und-
anförnum árum hefur verið mikil
umræða um börn sem beitt hafa
verið kynferðislegu ofbeldi svo sem
hvernig best sé að taka á málum
þeirra, hvaða aðstoð þau þurfi að fá
o.fl. Þegar mál þessara barna eru
skoðuð kemur í ljós að nokkur hluti
gerendanna eru sjálf börn, börn
sem þurfa aðstoð og einnig skýr
skilaboð um alvarleika og afleiðing-
ar þessara brota. Í rannsókn sem
unnið er að á Barnaverndarstofu um
málefni barna sem hafa orðið fyrir
kynferðislegu ofbeldi hér á landi
kemur fram að yfir 20% meintra
gerenda eru yngri en 18 ára. Þetta
er í samræmi við niðurstöður er-
lendra rannsókna auk þess sem þar
kemur fram að almennt sé árangur
af meðferð kynferðisbrotamanna
betri eftir því sem gerandinn er
yngri þegar hann gengst undir
hana.“
Kynferðislegt ofbeldi
og ungir gerendur
Ráðstefna fyrir
hugbúnaðar-
notendur
♦ ♦ ♦