Morgunblaðið - 28.02.2001, Qupperneq 41

BRÉF TIL BLAÐSINS
MORGUNBLAÐIÐ MIÐVIKUDAGUR 28. FEBRÚAR 2001 41
Reiðhjól sem samgöngutæki
Frá Öldu Jónsdóttur:
UMFERÐIN í Reykjavík og ná-
grenni er orðin það mikil að fljót-
legra er í flestum tilfellum að hjóla í
vinnuna eða taka strætó og jafnvel
sameina þetta tvennt. Nýlega var
Miklabrautin endurbætt fyrir bíla-
umferð en svo virðist sem einn dag-
inn hafi verið ákveðið að taka saman
og fara. Verktakar hurfu af svæðinu
þrátt fyrir að stígar meðfram Miklu-
brautinni séu flakandi sár og ekki
auðvelt fyrir gangandi eða hjólandi
að komast leiðar sinnar.
Höfum við í Íslenska fjallahjóla-
klúbbnum bent á að nauðsynlega
vantar hjólastofnstíga milli sveitar-
félaga á höfuðborgarsvæðinu og inn-
an Reykjavíkur, t.d. meðfram
Kringlumýrarbrautinni og Miklu-
brautinni. Ætti að setja hjólastíga
meðfram fjölförnum vegum og útbúa
staðla sem taka mið af fjölda bíla á
dag og umferðarhraða (ef fjöldi bíla á
dag fer yfir ákveðna tölu yrði settur
hjólreiðastígur meðfram veginum).
Einnig þarf að huga að hjólastíg-
um milli þéttbýlisstaða úti á landi þar
sem fólk getur auðveldlega notað
hjólið sem sitt samgöngutæki. Árleg-
ar talningar sýna að sífellt fleiri nota
hjólið sem samgöngutæki og spara
með því að kaupa annan bíl á heimilið
og halda líkamlegu formi í góðu
ástandi í leiðinni. Hér á höfuðborg-
arsvæðinu búa yfir 60% þjóðarinnar
og auðvelt að komast á milli staða á
hjóli ef hjólastígar eða hjólavegir og
hjólastofnstígar væru með í skipu-
laginu. Þá er hægt að létta aðeins á
bílaumferðinni sem hlýtur að teljast
jákvætt ef tekið er tillit til markmiða
stjórnvalda, t.d Staðardagskrá 21,
Álaborgarsáttmálanum og Reykja-
vík heilsuborg. Ekki verður Reykja-
vík að heilsuborg þó að byggð sé
sundlaug og líkamsræktarstöð?
Er ég alveg sammála nauðsyn þess
að þessar byggingar rísi enda löngu
tímabært að byggja sundlaugina.
Hins vegar eru göngustígarnir góðir
í Laugardalnum þó að oft sé þar mik-
ið af fólki og því ekki alltaf gott að
hjóla en vona ég að meira verði lagt
upp úr því að bæta hjólastíga að
þessari nýju byggingu í stað þess að
leggja bílastæði alveg upp að dyrum
heilsuræktarinnar svo að fólk geti
frekar hjólað eða gengið á staðinn.
Finnst mér að Reykjavíkurborg
verði frekar heilsuborg ef tekst að fá
almenning til að hreyfa sig meira og
tel ég hjólreiðar hiklaust einn af þeim
þáttum sem fólk hefur áhuga á að
stunda meira ef aðstaðan væri betri.
Ekki þarf nema þessa góðviðrisdaga
í vetur til að sýna hvað hjólin voru
fljótt tekin úr geymslunni og heilu
fjölskyldurnar tóku sér hjólatúra
ekkert síður en göngutúra á göngu-
stígunum.
Erum við hjólreiðamenn að reyna
að hjóla eftir þessum stígum sem eru
fyrst og fremst hannaðir fyrir gang-
andi umferð og víða eru stígarnir
orðnir það vinsælir að umferð hjól-
andi og gangandi á engan veginn
saman, þar sem þröngir stígarnir
rúma ekki umferðina. Margir hjól-
reiðamenn nenna ekki að hjóla eftir
göngustígunum, bæði vegna annarr-
ar umferðar þar og eins eru þeir
margir svo hlykkjóttir að leiðin verð-
ur miklu lengri en ella. Heldur hjóla
þeir úti á götu þar sem reyndar hjól-
andi umferð á að vera samkvæmt
umferðarlögum. Í 39. grein umferð-
arlaga stendur: „Hjólreiðamaður
skal hjóla hægra megin á akrein
þeirri sem lengst er til hægri…“. Síð-
ar í sömu grein stendur að „Heimilt
er að hjóla á gangstétt og gangstíg,
enda valdi það ekki gangandi vegfar-
endum hættu eða óþægindum. Hjól-
reiðamaður á gangstétt eða gangstíg
skal víkja fyrir gangandi vegfarend-
um“.
Þetta sýnir svo ekki verður um
villst að hjólreiðamenn eiga að hjóla
á götunum þó svo að margir bílstjór-
ar og reyndar lögreglumenn líka viti
það ekki. Myndi ég mæla með því að
Umferðarráð kynni þeim sem taka
ökuprófið þessi réttindi hjólreiða-
manna betur en nú er gert. Margir
bílstjórar vita hreinlega ekki að hjól-
reiðafólk á að vera úti á götu sam-
kvæmt umferðarlögum.
ALDA JÓNSDÓTTIR,
formaður Íslenska
fjallahjólaklúbbsins.
Sífellt fleiri nota hjólið sem samgöngutæki og spara með því að kaupa
annan bíl á heimilið og halda sér í góðu formi að auki.
Morgunblaðið/Ómar
Á MIÐJU sl. ári voru stofnuð sam-
tök útgerðarmanna bátaflotans,
undir nafninu Landsamband ís-
lenskra fiskiskipaeigenda, skamm-
stafað LÍF. Þess misskilnings gætti
strax, að hér væri um samtök kvóta-
lausra útgerða að ræða. Erfiðlega
hefur gengið að breyta þessari röngu
ímynd þessara samtaka, aðallega
vegna tregðu fjölmiðla á að fjalla um
þau málefni sem að okkar viðhorfum
lúta.
Markmiðið með stofnun þessara
samtaka var, og er, að vinna að sam-
eiginlegu markmiði útgerða hinna
hefðbundnu vertíðarbáta. Málefni
þeirrar tegundar útgerðar hafa mjög
verið fyrir borð borin undanfarna
áratugi. Ber staða þessara útgerða,
innan stjórnkerfis fiskveiða, glöggt
dæmi um það.
Þrátt fyrir þessa erfiðleika, hefur
markvisst verið unnið að framgangi
málefna er lúta að undirstöðuþáttum
svona samtaka. Þannig hefur verið
unnið að því að koma á fót umhverfi
greiðslumiðlunar tryggingasjóðs-
gjalda fyrir félagsmenn LÍF. Er það
svo vel á veg komið að skráðir félags-
menn LÍF geta frá og með 1. mars
nk. látið 6% greiðslumiðlunargjald
sitt renna í gegnum greiðslumiðlun-
arkerfi LÍF. Reikningur þess er:
1150-26-53380. Gert verður upp af
þessum reikningi mánaðarlega,
þannig að innborguð upphæð út-
gerðar, færist til tryggingafélags á
fyrri helmingi næsta mánaðar á eft-
ir. Jafnframt fá útgerðarmenn yfirlit
um innborganir nýliðins mánaðar og
dreifingu þess fjár.
Rétt fyrir s.l. áramót, óskaði und-
irritaður eftir að LÍF fengi gerðan
kjarasamning við samtök sjómanna,
þ. e. Farmanna- og fiskimannasam-
bandið, Vélstjórafélagið og Sjó-
mannasambandið. Umleitan þessari
hefur ekki verið hafnað, en þessum
aðilum finnst félagsmenn okkar vera
helst til fáir til að gera sérstakan
kjarasamning. Það er í sjálfu sér við-
horf út af fyrir sig, en á ekki að geta
sett félagsmenn LÍF í þá stöðu að
þurfa að taka á sig verkfall, vegna
þrjósku annarra samtaka útgerðar-
manna, sem ekki vilja gera kjara-
samninga fyrir bátaflotann. Þær
kröfur sem fram hafa komið, eru
ekki óviðráðanlegar bátaflotanum.
Helstu átakafletir virðast lúta að
rekstri úthafsskipa. Samtök sjó-
manna hafa lýst sig reiðubúin til
gerðar skammtímasamnings. Að
mínu mati á að ná slíkum samningi
um helstu atriði og skapa með því
svigrúm til raunhæfrar vinnu til var-
anlegrar lausnar á þeim atriðum sem
í kröfum sjómanna felast. Ljóst er t.
d. að fiskverð hlýtur að vera sameig-
inlegt áhugamál útgerðarmanna
báta, jafnt og sjómanna. Þess vegna
ættu þessir aðilar að geta unnið vel
saman að lausn þeirrar deilu.
Ágætu útvegsmenn! Óðum nálg-
ast sá dagur sem verkfall hefur verið
boðað gegn félagsmönnum LÍÚ.
Ekki er enn farið að boða til aðgerða
gegn félagsmönnum LÍF, því vilja-
yfirlýsing okkar um gerð kjarasamn-
ings liggur enn fyrir hjá samtökum
sjómanna.
Mikilvægt er, að fá sem fyrst
heildaryfirsýn yfir þann fjölda báta
sem hyggjast verða aðilar að kjara-
samningi LÍF. Því bið ég þá útgerð-
armenn, sem ekki eru þegar með, en
hafa áhuga fyrir að taka þátt í upp-
byggingu bátaútgerðarinnar, og þar
með komast hjá verkfalli, að hafa
samband hið fyrsta.
Síminn á skrifstofu LÍF er: 568 28
28, FAX 568 28 30. GSM sími for-
manns er 864 04 31.
Stöndum saman og byggjum upp:
LÍF fyrir bátaflotann.
GUÐBJÖRN JÓNSSON,
formaður LÍF.
Bréf til útgerðar-
manna bátaflotans!
Frá Guðbirni Jónssyni:
Viltu prófa
nýtt lífsmunstur?
Þyrstir þig í nýja reynslu og ævintýri?
Viltu læra nýtt tungumál?
Ingólfsstræti 3 2. hæð sími 552 5450 www.afs.is
Viltu alþjóðlega menntun?
Meiri víðsýni? Meira sjálfstraust?
Ertu á aldrinum 15 - 18 ára?
Erum að taka við umsóknum til
fjölmargra landa.
Ársdvöl, hálfsársdvöl og sumardvöl
Umsóknarfrestur vegna brottfara í júní
til september 2001, rennur út á bilinu
15. mars - 15. apríl. Fer eftir löndum.
Alþjóðleg fræðsla
og samskipti
Nánari upplýsingar hjá Helgu Magg
í símum 585 4113 og 585 4140 netfang helgamagg@uu.is
Úrvals bændaferð með Friðriki G. Friðrikssyni
LÚXUSFERÐ Á LÁGU VERÐI
Páskaferð á slóðir Rómverja, víkinga, skálda, sjómanna og
Bítlanna 14. - 22. apríl 2001. (Ath. Aðeins 3 virkir dagar!).
Flogið verður beint til Blackpool, sem er við Írlandshaf og ein mesta skemmti- og ferðamannamiðstöð
Englands. Blackpool og Liverpool, borg Bítlanna, verða skoðaðar. Heimsóknir Liverpoolbúa til
Blackpool eru í miklu uppáhaldi.
Ein mesta náttúruperla Englands, The Lake District, liggur skammt undan, en þangað sækja Bretar
mikið í fríum sínum. Þar verður gist í tvær nætur í Ambleside, og farið bæði í lestarferð og siglingu á
Windermerevatninu. Eftir að hafa skoðað Lake District er haldið til York eða Jórvíkur eins og víkingarn-
ir nefndu staðinn. Þar má sjá stórkostleg mannvirki frá dögum Rómverja og síðar víkinga. Út frá York
verða hafnar- og fiskimannabæirnir Hull og Grimsby heimsóttir, en til þess að komast þangað þarf að
fara yfir brú, sem til skamms tíma var lengsta hengibrú veraldar.
Innifalið í ferðinni er morgunverðarhlaðborð allan tímann, 5 kvöldverðir, flugvallarskattar, skoðunar-
ferðir og fararstjórn.
Verð á mann í tvíbýli kr 69.500 (aukagjald v. einbýlis kr 15.000)
Örfá sæti laus
Mörkinni 3, sími 588 0640G
læ
si
le
ga
r
gj
af
av
ör
ur Skál kr. 6.300
Opið mán.-fös. frá kl. 12-18.
Lau. frá kl. 11-14.
Cranio-nám
Norðurland / Akureyri
28. 04 — 3. 05. 2001
Thomas Attlee, DO, MRO, RCST
College of Cranio—Sacral Therapy
Félag höfuðbeina og spjaldhryggsjafnara
www.simnet.is/cranio
422 7228, 699 8064, 897 7469
Þumalína, Pósthússtræti 13
Meðgöngufatnaður
til hvunndags og spari.
Póstsendum.