Morgunblaðið - 11.04.2001, Blaðsíða 2

FRÉTTIR
2 MIÐVIKUDAGUR 11. APRÍL 2001 MORGUNBLAÐIÐ
8 SÍÐUR
Sérblöð í dag www.mb l . i s
Afturelding og KA í
undanúrslitum/C2
Grindvíkingar fara til
Aserbaídsjan/C1
4 SÍÐUR
Í VERINU í dag er m.a. fjallað um þátttöku Íslendinga í
sjávarútvegi í Malasíu, útflutning á þorski til Bret-
lands og hremmingar togarans Baldurs Árna RE í hafís
við Nýfundnaland.
Morgun-
blaðinu í
dag fylgir
blaðið
„Vika bók-
arinnar
2001“.
INGIBJÖRG Pálma-
dóttir heilbrigðis- og
tryggingaráðherra
segist hafa tekið þá
ákvörðun fyrir um
hálfum mánuði að
óska eftir að láta af
ráðherraembætti. Hún
ætlar líka að hætta
þingmennsku. Hún
segist hafa áhuga á að
takast á við ný verk-
efni.
„Ég er búin að vera
heilbrigðisráðherra í
sex ár og er raunar
búin að vera í þessu
embætti samfleytt
lengur en nokkur ann-
ar. Ég hef kynnst mörgum heil-
brigðisráðherrum á ferli mínum.
T.d. hafa á þeim tíma sem ég hef
verið ráðherra setið fimm heil-
brigðisráðherrar í Danmörku.
Starfsaldur minn sem heilbrigð-
isráðherra er því orðinn langur
hvort sem ég horfi til nágranna-
landanna eða forvera minna hér á
landi.“
Ingibjörg veiktist í vetur þegar
hún fékk aðsvif í beinni sjón-
varpsútsendingu. Hún sagði að
ákvörðun sín um að hætta tengd-
ist ekki veikindunum. „Ég fékk
góðan og fljótan bata og lifi eins
og blómi í eggi. Ég er nú ekki enn
orðin gömul kona og hef áhuga á
að finna mér nýja vinnu. Mig
langar til að spreyta mig á nýjum
verkefnum.“
Ingibjörg sagði að
hún hefði fyrir
nokkru tekið
ákvörðun um að
gefa ekki kost á sér
í næstu alþing-
iskosningum. Hún
sagðist telja gott að
sá sem tæki við af
sér fengi tækifæri
og tíma til að kynna
sig í kjördæminu.
Ingibjörg sagðist
þakklát fyrir að
hafa fengið tækifæri
til að starfa í heil-
brigðisráðuneytinu.
„Þetta er afar krefj-
andi ráðuneyti en
um leið mjög gefandi. Í þessu
ráðuneyti erum við að fjalla um
verkefni sem snúa að manneskj-
unni frá vöggu til grafar. Þessi
þjónusta kemur við alla og af
þeim sökum er hún viðkvæmari
en önnur þjónusta sem við veitum.
Þess vegna tel ég mikilvægt að
þessi samfélagsþjónusta sé veitt
óháð efnahag fólks og það er það
sem ég hef leitast við að hafa að
leiðarljósi í starfi mínu. Mér
finnst mikils virði að um það hef-
ur verið sátt,“ sagði Ingibjörg.
Ingibjörg er 52 ára gömul. Hún
var kjörin á þing fyrir Framsókn-
arflokkinn á Vesturlandi árið
1991 og tók við embætti heil-
brigðis- og tryggingaráðherra
1995. Hún var áður um langt
skeið bæjarfulltrúi á Akranesi.
Magnús Stefánsson, fram-
kvæmdastjóri Sjúkrahússins á
Selfossi, sest á Alþingi þegar Ingi-
björg hættir, en hann sat á Al-
þingi á síðasta kjörtímabili.
Ekki hefur verið tekin ákvörð-
un um hver tekur við heilbrigð-
isráðuneytinu. Þingflokkur fram-
sóknarmanna kemur saman til
fundar á morgun og er gert ráð
fyrir að ríkisráðsfundur verði nk.
laugardag og þá taki nýr heil-
brigðisráðherra formlega við
embættinu. Eins og Morgunblaðið
sagði frá í frétt í gær er talið lík-
legast að Jón Kristjánsson, þing-
maður Austfirðinga og formaður
fjárhagsnefndar Alþingis, verði
valinn til að taka við embættinu.
Engar breytingar í ráðherra-
liði sjálfstæðismanna
Davíð Oddsson forsætisráð-
herra er staddur í Brussel. Hann
sagði í samtali við blaðamann
Morgunblaðsins í gær að ekki
yrðu gerðar neinar breytingar á
ráðherraliði sjálfstæðismanna að
þessu sinni. Aðspurður hvort
mögulegt væri að það yrði gert
innan tíðar svaraði Davíð því til
að hann og Halldór Ásgrímsson,
formaður Framsóknarflokksins,
hefðu rætt um það á sínum tíma
að þeir myndu velta fyrir sér
mögulegri uppstokkun um og eft-
ir mitt kjörtímabil. „Þó að við höf-
um ekki farið yfir það síðan er
það alltaf opið,“ sagði Davíð.
Ingibjörg Pálmadóttir hættir sem heilbrigðisráðherra
„Langar að spreyta mig
á nýjum verkefnum“
Ingibjörg
Pálmadóttir
„FRAMSÓKNARMENN í Reykja-
vík telja eðlilegt að setja fram þá
kröfu að þingmaður úr Reykjavík
verði ráðherra nú þegar Ingibjörg
Pálmadóttir hættir sem heilbrigðis-
ráðherra,“ sagði Guðjón Ólafur
Jónsson, formaður fulltrúaráðs
framsóknarfélaganna í Reykjavík.
Guðjón Ólafur sagði að það væri
eftirsjá að Ingibjörgu sem hefði
staðið sig vel þau sex ár sem hún
hefði gegnt ráðherraembætti.
„Ég tel að ef þingmaður úr
Reykjavík verður ráðherra sé það til
þess fallið að efla fylgi Framsókn-
arflokksins í kjördæminu, en á því
þurfum við að halda.“
Taldar eru mestar líkur á að Jón
Kristjánsson taki við af Ingibjörgu.
Guðjón Ólafur sagði að ef það gengi
eftir yrðu allir þrír þingmenn flokks-
ins í norðausturkjördæminu ráð-
herrar. Flokkurinn myndi hins veg-
ar ekki eiga neinn ráðherra í
Reykjavík, stærsta kjördæmi lands-
ins.
Vilja að ráðherra
komi úr Reykjavík
FORELDRAR þriggja barna hafa
lagt fram kæru á hendur rúmlega
þrítugum karlmanni vegna meintra
kynferðisbrota hans gegn börnun-
um. Þau eru þriggja og fjögurra
ára gömul, tvær telpur og drengur.
Samkvæmt upplýsingum frá lög-
reglu barst kvörtun vegna ölvaðs
manns í Breiðholti mánudaginn 2.
apríl síðastliðinn. Þegar lögreglan
var að svipast um eftir manninum
barst önnur tilkynning. Að þessu
sinni var tilkynnt að karlmaður
hefði áreitt börn kynferðislega í
stigagangi fjölbýlishúss.
Lögreglan handtók manninn fyr-
ir utan húsið en hann var mjög ölv-
aður.
Maðurinn sat í gæsluvarðhaldi
frá 3.–9. apríl. Lögreglan segir að
rannsókn málsins sé langt komin
og að málsgögn verði brátt send til
ákæruvaldsins.
Lögreglan segir manninn ekki
hafa hlotið dóm fyrir kynferðis-
brot.
Kærður fyrir kynferð-
isbrot gegn börnum
TVÆR konur deildu með sér að-
alvinningi þegar dregið var í
Happdrætti Háskóla Íslands í
gærkvöldi.
Þar sem báðar áttu miða með
aðalvinningsnúmeri kvöldsins deila
konurnar með sér níu milljónum
króna en þar sem önnur konan átti
tvo miða með númerinu happasæla
fékk hún sex milljónir króna í sinn
hlut. Hún er búsett í Breiðholti í
Reykjavík en hin, sem hlaut
þriggja milljóna króna vinninginn,
býr á Seltjarnarnesi.
Deila með sér hæsta
vinningi í Happdrætti HÍ
NOKKUR brögð eru að því að
fiskiskipum sé haldið til veiða
þrátt fyrir verkfall sjómanna.
Kristinn Arnar Pálsson, formaður
verkfallsnefndar sjómannasamtak-
anna, segir að margir telji sig í
rétti til þess og gefi á því ýmsar
skýringar.
Kristinn segir að í lok verkfalls-
ins verði tekið saman hve brotin
eru mörg og hvers eðlis þau eru.
Til dæmis geti verið misjafnt hvort
brotið sé á öllum þrennum sjó-
mannasamtökunum í einu. Sekt
fyrir hvert brot er 311 þúsund
krónur og sé brotið á öllum sam-
tökunum í einu sé sektin því sam-
tals rúmar 930 þúsund krónur.
„Það eru brögð að því að verið
sé að setja í land sjómenn og ráða
aðra í staðinn, gjarnan fjölskyldu-
meðlimi eða eigendur. Það er ólög-
legt því þar er verið að ganga í
störf sjómannanna. Einnig eru
dæmi um að útgerðarmenn reyni
að skrá málamyndaeignarhlut á
skipverja og telji sig þannig vera í
rétti til að halda skipinu til veiða.“
„Kaldhæðnin er síðan sú að LÍÚ
hefur sett verkbann á umbjóðend-
ur sína og þegar útgerðarmenn róa
eru þeir um leið að brjóta á eigin
félagi,“ segir Kristinn.
Hann segir að í verkfallinu, sem
frestað var hinn 19. mars sl. og
stóð í þrjá daga, hafi sektar-
greiðslur til verkfallsbrjóta numið
á bilinu 10 til 12 milljónum króna.
Sjómenn segja
marga róa í
verkfallinu
MENNTASKÓLINN á Akureyri bar sigurorð af Versl-
unarskóla Íslands í Morfís, Mælsku- og rökræðukeppni
framhaldsskólanna sem fram fór fyrir troðfullu Há-
skólabíói í gærkvöldi. Sigurinn var nokkuð öruggur því
munurinn á liðunum nam 212 stigum, MA fékk 1.487
stig en Verslunarskólinn 1.275. Ræðumaður kvöldsins
kom jafnframt úr liði MA, Hjálmar Stefán Brynjólfs-
son, og hlaut hann þar með titilinn ræðumaður Íslands.
Morgunblaðið/Jón Svavarsson
MA sigraði í Morfís