Morgunblaðið - 24.07.2001, Blaðsíða 6

FRÉTTIR
6 ÞRIÐJUDAGUR 24. JÚLÍ 2001 MORGUNBLAÐIÐ
Skólavörðustíg 7, RVÍK, Sími 551-5814
Stærsta töskuverslun landsins
Mikið úrval af vönduðum
ferðatöskum
á hjólum
Ferðatöskur-Handtöskur
-Mikið úrval- Verð frá kr.1400.-
kr. 8000.- kr. 7000.- kr. 6000.- kr. 5200.-
kr. 3900.- / kr. 4900
Í FLJÓTU BRAGÐI virðist sem
myndin sé tekin á Spánarströnd,
en ef betur er að gáð sést að þetta
er Ylströndin í Nauthólsvík. Í
jafngóðu veðri og var í Reykjavík
á sunnudaginn þykir upplagt að
nýta sér þessa fyrirtaksaðstöðu
og eyða deginum á ströndinni.
Ekki skemmir fyrir ef boltinn er
með í för og lék fólkið á myndinni
strandblak af kappi. Engum sög-
um fer þó af hvernig litlu hnát-
unni gekk að hitta boltann yfir
netið.
Morgunblaðið/Jim Smart
Strandblak í Reykjavík
RÍKISSAKSÓKNARI hefur
ákært karlmann á sextugsaldri
fyrir að ráðast ítrekað á kínversk-
an karlmann á fimmtugsaldri,
meðal annars með því að aka á
hann í bílageymslu í Hamraborg í
Kópavogi í fyrrasumar.
Þess er krafist að maðurinn
verði dæmdur til refsingar.
Alls er maðurinn ákærður fyrir
fimm atriði.
Í fyrsta lagi fyrir að hafa föstu-
daginn 7. júlí 2000 ýtt fórnarlamb-
inu upp að vegg og hert að hálsi
hans þannig að hann missti með-
vitund, féll í gólfið og hlaut m.a.
heilahristing. Þetta á að hafa gerst
í nuddstofu í Kópavogi sem fórn-
arlambið starfaði á ásamt fyrrver-
andi eiginkonu ákærða.
Í öðru lagi fyrir að hafa aðfara-
nótt laugardagsins 5. ágúst 2000
ráðist að manninum á nuddstof-
unni, gripið um og beygt aftur
þumalfingur hægri handar hans
með þeim afleiðingum að fingurinn
tognaði.
Þá er maðurinn ákærður fyrir
eignaspjöll með því að hafa aðfara-
nótt laugardagsins 19. ágúst 2000
kastað steini í útidyrahurð nudd-
stofunnar með þeim afleiðingum
að rúða brotnaði.
Maðurinn er einnig ákærður
fyrir líkamsárás og brot gegn
vopnalögum. Sá atburður á að hafa
gerst laugardaginn 19. ágúst 2000
og er honum gefið að sök að hafa
haft í vörslu sinni rafmagnsstuð-
byssu og gefið fórnarlambinu raf-
stuð með þeim afleiðingum að
hann féll þar niður nokkrar tröpp-
ur.
Í fimmta lagi er maðurinn
ákærður fyrir líkamsárás með því
að hafa ekið bifreið á mikilli ferð í
bifreiðageymslu í Hamraborg í
Kópavogi þann 20. ágúst 2000
þannig að bifreiðin lenti á fórn-
arlambinu með þeim afleiðingum
að hann marðist og hlaut yfir-
borðsáverka á mjöðm og læri.
Fórnarlambið fer fram á tæpa
eina og hálfa milljón króna í bæt-
ur.
Karlmaður á sextugsaldri
ákærður fyrir líkamsárásir
Réðst ítrekað á
kínverskan karl-
mann og braut
gegn vopnalögum
Skurðstof-
um og gjör-
gæslu lokað
vegna fjöl-
ónæmra
baktería
SKURÐSTOFUM og gjörgæslu á
Landspítala við Hringbraut var
lokað í gær fyrir skipulögðum
skurðaðgerðum, þar sem fjölónæm
baktería (klasakokkar) fannst hjá
starfsmanni við venjubundið eft-
irlit. Lokanirnar standa yfir í tvo
daga.
Starfsmaðurinn, sem um ræðir,
hefur verið við afleysingar á spít-
alanum en starfar jafnan erlendis.
Á meðan lokað er verða teknar
ræktanir frá starfsfólki og sjúk-
lingum til þess að kanna hvort
bakterían hafi náð að dreifa sér.
Ekki er vitað hvort hún hafi þegar
valdið sýkingum á spítalanum.
Fjölónæmir klasakokkar geta
valdið spítalasýkingum sem erfitt
er að meðhöndla, en þeir eiga ekki
að valda heilbrigðum einstakling-
um vandkvæðum. Í vetur tókst
mjög vel að hefta útbreiðslu sams
konar bakteríu á Landspítala við
Hringbraut.
TVEIR sænskir úti-
vistarmenn og náttúru-
lífsljósmyndarar leggja
í dag af stað frá Íslandi
til Grænlands þar sem
þeir hyggjast dvelja í
14 mánuði, fjarri
mannabyggðum. Þar
ætla þeir að taka ljós-
myndir og kvikmyndir,
ásamt því að skoða og
fylgjast með ýmsum
náttúrufyrirbærum.
Annar þeirra, Svante
Lysen, kom hingað til
lands fyrir fáeinum
dögum en hinn, Oscar
Anderson, kom í gær-
kvöld og var ætlunin að leggja af stað
með flugi til Grænlands snemma í
morgun, en farangur þeirra og vistir
voru send með skipi.
Svante Lysen sagði í samtali við
Morgunblaðið að þeir verði með
bækistöð í litlu húsi á svæði rétt
norður af Scoresbysundi, en þaðan
muni þeir fara í fjölmargar styttri og
lengri ferðir.
„Við ætlum að byrja á því að skoða
okkur um á sjálfu Scoresbysundinu
og munum sigla um það á kajökum
og gúmmíbátum áður en allt frýs,
sem er einhverntímann í október. Þá
munum við reyna að ferðast sem
mest um á hundasleða sem við tökum
með okkur,“ sagði Lysen.
Fá rafmagn frá sól og vindi
og veiða sér til matar
Hann sagði að þeir tækju með sér
ýmsar nauðsynjar, en ætli sér svo að
afla sjálfir alls þess sem þeir þurfa
umfram það sem þeir taka með sér í
upphafi. „Við erum með
batterí sem sólar- og
vindorka hleður. Þann-
ig fáum við rafmagn í
þau tæki sem við þurf-
um að nota. Við getum
því notað rafmagnsljós
þegar við eigum nóg
rafmagn, en annars
munum við að mestu
notast við kerti og olíu-
lampa. Við tökum með
okkur vistir, en munum
veiða okkur kjöt og fisk
sem verður uppistaðan
í fæðu okkar. Svo veið-
um við auðvitað handa
hundunum líka.“
Einstakt tækifæri
Þetta er í þriðja sinn sem Lysen
leggur upp í för af þessu tagi, en
hann dvaldi eitt sinn 14 mánuði í
óbyggðum Norður-Kanada og aðra
14 mánuði nálægt Svalbarða.
Þeir félagar munu senda myndefni
af náttúrulífi til sænskrar sjónvarps-
stöðvar á meðan á dvöl þeirra stend-
ur og að lokinni dvölinni stendur til
að gefa út eitthvað af því efni sem
þeir ætla sér að vinna á staðnum.
Lysen segir að förin sé þó fyrst og
fremst farin í því skyni að njóta nátt-
úrunnar.
„Við höfum báðir brennandi áhuga
á náttúrunni og í þessari ferð fáum
við einstakt tækifæri til að fylgjast
náið með lífríkinu og veðrabrigðum.
Við fylgjumst með þeim breytingum
sem árstíðirnar hafa í för með sér,
hvernig dýrin haga sér og allt er
þetta mjög spennandi og áhugavert,“
segir Lysen.
Dvelja 14 mán-
uði í óbyggðum
Grænlands
Svante Lysen.
Tveir
14 ára á
stolnum
bíl
TVEIR 14 ára drengir voru
stöðvaðir af lögreglu í Breið-
holti um klukkan hálfníu í gær-
morgun en þeir höfðu strokið af
meðferðarheimilinu á Hvítár-
bökkum í Borgarfirði í fyrri-
nótt, stolið bíl og ekið til
Reykjavíkur.
Að sögn lögreglu voru dreng-
irnir ölvaðir og höfðu sennilega
ekið út af á leiðinni því bíllinn
var talsvert skemmdur. Þá eru
þeir grunaðir um að hafa brot-
ist inn í sumarbústaði og stolið
áfengi.
Lögreglu var tilkynnt um
einkennilegt ökulag bíls í
Breiðholti laust fyrir klukkan
hálfníu. Þegar lögreglan kom á
staðinn og hugðist stöðva för
drengjanna óku þeir bílnum
upp á göngustíg við Hamra-
stekk í Breiðholti, fóru úr bíln-
um og reyndu að stinga af. Lög-
reglan hljóp þá uppi og kom
þeim í vörslu barnaverndaryf-
irvalda.
STJÓRNENDUR Landspítala – há-
skólasjúkrahúss hafa þegar tekið til
greina þær athugasemdir sem Um-
boðsmaður Alþingis setti fram í
nýlegu áliti sínu á ráðningu deildar-
stjóra Hreiðursins á kvenlækninga-
sviði vorið 2000. Þetta segir Anna
Stefánsdóttir, hjúkrunarforstjóri og
staðgengill forstjóra, í samtali við
Morgunblaðið.
Ein fjögurra ljósmæðra sem sóttu
um stöðuna kvartaði til umboðs-
manns yfir ófullnægjandi rökstuðn-
ingi á ráðningunni og taldi að framhjá
sér hefði verið gengið. Umboðsmaður
Alþingis gagnrýndi spítalann fyrir að
hafa ekki veitt umræddum umsækj-
anda leiðbeiningar um rétt hans til að
fá ráðninguna rökstudda, en gagn-
rýndi ráðninguna ekki að öðru leyti.
„Við munum gera starfsmönnum
almennt grein fyrir þeirra rétti í þeim
bréfum sem við skrifum til þeirra,
meðal annars rétt þeirra til rökfærslu
varðandi ráðningar. Í samráði við lög-
fræðing okkar verður einnig tekin
upp ákveðin regla varðandi bréfaskrif
til þeirra sem ekki hafa verið ráðnir í
stöður á vegum spítalans,“ segir
Anna.
Í álitinu beindi umboðsmaður Al-
þingis þeim tilmælum til spítalans að
endurskoða texta erindisbréfs hjúkr-
unarforstjóra um framsal á valdi for-
stjóra. Anna segir erindisbréf allra
framkvæmdastjóra spítalans sam-
hljóða og textinn sé stöðugt í endur-
skoðun. Hún á von á að þeirri endur-
skoðun verði nú flýtt í samræmi við
álit umboðsmanns.
Anna Stefánsdóttir hjúkrunarforstjóri Landspítala – háskólasjúkrahúss
Athugasemdir umboðs-
manns teknar til greina