Morgunblaðið - 24.07.2001, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 24. JÚLÍ 2001 VERÐ Í LAUSASÖLU 165 KR. MEÐ VSK.
STJÓRN Lífeyrissjóðs starfsmanna ríkisins
(LSR) er ekki einhuga um þátttöku sjóðsins í
samstarfi fjárfesta um rekstur og uppbyggingu
álvers á Reyðarfirði og verður hann því að
óbreyttu ekki með í samstarfi nokkurra stærstu
lífeyrissjóða landsins um könnunarviðræður við
lánastofnanir vegna Reyðarálsverkefnisins.
Eins og skýrt var frá í Morgunblaðinu í fyrra
mánuði stóð til að sex stærstu lífeyrissjóðir
landsins sameinuðust um starfshóp til að vinna
að áætlun og greinargerð um fyrirhugað álver á
Reyðarfirði til að leggja fyrir stjórnir sjóðanna.
Kom fram í máli Þorgeirs Eyjólfssonar, for-
stjóra Lífeyrissjóðs verslunarmanna, sem fer
fyrir starfshópnum, að hafa þurfi hraðar hend-
ur, því ætlunin sé að segja af eða á um hvort
ráðist verður í stóriðju á Austurlandi í félagi við
Norsk Hydro þegar upp úr næstu áramótum.
Engin formleg afstaða hefur verið tekin til
Reyðarálsverkefnisins af stjórn LSR, sem er
einn öflugasti lífeyrissjóður og þar með fjár-
festir landsins, en samkvæmt heimildum Morg-
unblaðsins var vikið að hlutverki starfshóps
framkvæmdastjóranna á síðasta stjórnarfundi
fyrir nokkrum dögum. Var þar kynnt það sjón-
armið fulltrúa launagreiðenda, þ.e. fjármálaráð-
herra f.h. ríkisins, að æskilegt væri að sjóðurinn
færi í könnunarviðræður án nokkurra skuld-
bindinga ásamt öðrum sjóðum. Fulltrúar starfs-
manna kynntu hins vegar á móti þau sjónarmið
að engar forsendur væru á þessu stigi fyrir
slíku og málið væri ekki þannig vaxið að ástæða
væri til þess að taka formlega afstöðu til þess
sem fjárfestingarkosts.
Ögmundur Jónasson, formaður stjórnar líf-
eyrissjóðsins, staðfesti þetta í gær en tók fram
að lengra hefði málið ekki komist. „Það var ekki
meirihluti fyrir því innan stjórnarinnar að fara í
þessar könnunarviðræður og þannig stendur
málið,“ sagði hann.
Þorgeir Eyjólfsson vildi ekkert segja um mál-
ið í gær. Þeir lífeyrissjóðir sem aðild eiga að
starfshópnum eru Lífeyrissjóður verslunar-
manna, Lífeyrissjóðurinn Framsýn, Sameinaði
lífeyrissjóðurinn, Lífeyrissjóður sjómanna og
Lífeyrissjóður Norðurlands. Það eru fram-
kvæmdastjórar sjóðanna sem eiga sæti í starfs-
hópnum fyrir þeirra hönd og eiga að afla nægi-
legra upplýsinga á næstu vikum og mánuðum til
að í haust og vetur verði hægt að taka end-
anlega ákvörðun.
Starfshópur stærstu lífeyrissjóðanna um þátttöku í Reyðarálsverkefninu
Lífeyrissjóður starfs-
manna ríkisins ekki með
ÍSLENDINGAR líta á sig sem full-
gilt aðildarríki og taka þátt í um-
ræðum og atkvæðagreiðslum á árs-
fundi Alþjóðahvalveiðiráðsins í
London samkvæmt því, að sögn Stef-
áns Ásmundssonar, þjóðréttarfræð-
ings og formanns íslensku sendi-
nefndarinnar.
Í gær hafnaði ársfundurinn með
naumum meirihluta aðild Íslands að
ráðinu, vegna þess fyrirvara Íslands
að það sé ekki samþykkt fyrri ákvörð-
un ráðsins um að leyfa engar hval-
veiðar í hagnaðarskyni. Í kjölfarið var
Íslendingum boðið að vera áheyrnar-
fulltrúar án atkvæðisréttar. Íslenska
sendinefndin taldi það algerlega óvið-
unandi, „því við lítum á okkur sem
fullgilda aðila og fjöldi ríkja er sam-
mála okkur í því“, segir Stefán. Í máli
hans kemur fram að Ísland er ekki
lesið upp í nafnakalli í atkvæða-
greiðslum en fulltrúar Íslands til-
kynni áður hvernig þeir ætli að kjósa.
„Við tökum þátt í umræðum og at-
kvæðagreiðslum eins og við getum,“
segir hann og bætir við að í raun sé
haldið tvöfalt bókhald yfir atkvæða-
greiðslur á fundinum. „Annars vegar
um það sem meirhlutinn álítur að sé
niðurstaðan og hins vegar um það
sem minnihlutinn heldur að sé nið-
urstaðan,“ segir hann.
Að sögn Stefáns er ástandið á fund-
inum mjög ruglingslegt og það geti
varla varað lengi. „Við vonum bara að
menn leiðrétti þau mistök sem þeir
hafa gert,“ segir hann.
Árni M. Mathiesen sjávarútvegs-
ráðherra segir að það séu vissulega
vonbrigði með mörg evrópsku ríkin
að þau skuli vera svo öfgasinnuð í
hvalveiðimálum að þau láti sig ekki
varða rétt og rangt. Hann segir að
stuðningur Frakklands, Sviss og
Austurríkis hafi komið á óvart en
mikil vonbrigði hafi verið að Svíþjóð
og Finnland skyldu snúast gegn Ís-
landi.
Ársfundur Alþjóðahvalveiðiráðsins
Teljum okkur
fullgilda aðila

Aðild Íslands/27

Rétt eða rangt/27
ÁRNI Johnsen keypti hrein-
lætistæki út á beiðni frá Ístaki
hf. Þetta staðfesti Páll Sigur-
jónsson, forstjóri Ístaks, í sam-
tali við Morgunblaðið í gær.
Tækin voru flutt í geymslu
Þjóðleikhúskjallarans í Gufu-
nesi ásamt þéttidúk að beiðni
Árna Johnsen.
Páll vildi að öðru leyti ekki
tjá sig um málið á meðan það
væri í rannsókn. Fyrirtækið
hefði þó ekkert að fela og ljóst
að starfsmenn þess hefðu ekki
gert neitt rangt.
Keyptar
fyrir
beiðni
frá Ístaki
UNNIÐ er að undirbúningi stofn-
unar nýs íslensks olíufélags. Ætl-
unin er að leggja áherslu á sölu á
gasolíu. Fyrirtækið mun væntan-
lega hafa aðstöðu í Helguvík í
Reykjanesbæ, hjá Tankabúi Helgu-
víkur sem þar hyggst byggja
olíutanka og leigja út.
Jón Gunnar Aðils, forsvarsmaður
hópsins sem unnið hefur að und-
irbúningi nýja olíufélagsins í hálft
annað ár, segir að innlendir aðilar
standi að málinu en með hugsan-
legri þátttöku erlendra. Jón Gunnar
segist ekki geta upplýst nánar um
málið vegna þess að eftir sé að
ganga frá samningum.
Vonast hann til að mál skýrist á
næstu vikum og að hægt verði að
hefja starfsemi um áramót.
Undirbúa
stofnun nýs
olíufélags

Byggja fimm geymslutanka/15
ÖKUÞRJÓTAR hafa væntanlega
hugsað sig um tvisvar áður en þeir
brutu umferðarreglur á gatnamót-
um Hringbrautar og Miklubrautar í
gær. Tveir fílefldir lögreglumenn
voru þá að störfum við eina af rauð-
ljósamyndavélum borgarinnar.
Ekki er þó þörf á að hafa lög-
reglumenn á vöktum á vélunum til
að smella af þegar bíl er ekið yfir á
rauðu heldur eru vélarnar al-
sjálfvirkar.
Morgunblaðið/Rax
Myndatökur
af ökuþrjótum
Á SÍÐASTA ári gerðist það í fyrsta
sinn að notkun bifreiðaflota lands-
manna á olíuafurðum fór fram úr
notkun fiskiskipa að því er fram kem-
ur í eldsneytisspá orkuspárnefndar
sem birt var í gær. Hlutur bifreiða í
olíunotkun nam 43 prósentum en
hlutur fiskiskipa 42 prósentum. Þá er
því spáð að hlutur flugsamgangna
aukist mjög á næstu 30 árum og nái á
endanum í fyrsta sæti. Spáin gerir ráð
fyrir fimm prósenta aukningu í olíu-
notkun innanlands til ársins 2030 en
að hún tvöfaldist nánast í millilanda-
flutningum með aukningu sem nemur
80 prósentum.
Hefur lítil áhrif á
skuldbindingar þjóðarinnar
Þorkell Helgason orkumálastjóri
sagði á kynningarfundi í Orkustofnun
að þrátt fyrir þessa miklu aukningu á
millilandaflutningum hefði það lítil
áhrif á skuldbindingar þjóðarinnar
varðandi losun gróðurhúsaloftteg-
unda því þeir væru enn sem komið er
undanskildir í alþjóðasamningum, svo
sem í Kyoto-sáttmálanum.
Bílafloti fram
úr fiski-
skipaflota

Mikil aukning/bls. 10
SAMKVÆMT áætlun fæðingar-
deildar Landspítala – háskólasjúkra-
húss munu allt að 300 börn fæðast á
deildinni í ágúst. Þar hefur aldrei áð-
ur verið tekið á móti svo mörgum
börnum á einum mánuði.
Guðrún G. Eggertsdóttir yfirljós-
móðir segir að reynist áætlunin rétt
verði vissulega mikið álag á starfs-
fólki.
Áætlun um fjölda fæðinga er
byggð á fjölda þeirra kvenna sem
sækja mæðraskoðun á höfuðborgar-
svæðinu og talan er ljós með um
þriggja mánaða fyrirvara.
„Ég hef alltaf furðað mig á því í
starfi mínu hvað þetta er jafnt í raun
og veru,“ segir Guðrún. Það sé í raun
undarlegt að fjöldi fæðinga skuli
ekki sveiflast meira eftir mánuðum
en raun ber vitni.
Síðustu ár hefur fjöldi fæðinga á
ári að jafnaði verið í kringum 2.800
en í fyrra voru þær um 3.000. Þá
urðu fæðingar á einum mánuði flest-
ar um 270. Guðrún segir ekkert
benda til þess að fæðingar á þessu
ári verði umfram meðaltal.
Aðspurð um ástæður þess að í
ágúst stefnir í metfjölda fæðinga í
einum mánuði segir Guðrún ástæð-
una m.a. þá að fæðingardeildin á
Heilbrigðisstofnun Suðurnesja sé
lokuð frá 1. júlí til 7. ágúst og dregið
hafi verið úr starfsemi fæðingar-
deildarinnar á Selfossi.
Fæðingardeild Landspítalans
Stefnir í metfjölda
fæðinga í ágúst