Morgunblaðið - 25.08.2001, Side 4

FRÉTTIR
4 LAUGARDAGUR 25. ÁGÚST 2001 MORGUNBLAÐIÐ
BRETINN, sem stöðvaður var með
tæplega sex kíló af hassi í ferðatösku
sinni í Leifsstöð 8. júlí sl., hélt fast
við framburð sinn fyrir dómi í gær
um að einhver eða einhverjir hefðu
komið hassinu fyrir í ferðatöskunni
án þess að hann yrði þess var. Sækj-
andi vísaði þessum framburði á bug
sem fráleitum og krafðist þess að
maðurinn yrði fundinn sekur um að
hafa flutt inn hassið í þeim tilgangi
að selja það. Hann benti m.a. á að
það væri ósennilegt í meira lagi að
Bretinn hefði ekki orðið þess var að
ferðataska hans þyngdist skyndilega
um sex kíló, um þriðjung af heild-
arþyngd töskunnar.
Fyrir rétti kom fram að Bretinn
hafði afplánað dóm í Bretlandi vegna
fíkniefnamisferlis árið 1994. Hann
sagði að hann hefði í kjánaskap fall-
ist á að geyma 20 kíló af marijúana
fyrir annan mann. Frá 1994 hafi
hann forðast öll vandræði.
Kom í maí og aftur í júlí
Bretinn dvaldi hér á landi í um
viku í maí sl. Ástæðuna fyrir því að
hann kom aftur í júlí, sagði hann
einkum vera þá að í fyrri ferðinni
hefði honum ekki tekist að komast í
hvalaskoðun. Í síðari ferðinni hafi
verið ætlunin að bæta úr því. Bret-
inn kom til Íslands frá Noregi. Hann
sagði að ákvörðun um ferðalagið til
Íslands hafi verið tekið í skyndingu
en miðinn til Íslands frá Noregi var
keyptur með eins dags fyrirvara. Þá
hafði hann dvalið í um viku í Ósló.
Þegar Hjalti Pálsson, sem sótti
málið fyrir hönd lögreglustjórans í
Reykjavík, spurði hann að því hverj-
ir hefðu vitað um ferð hans til Ís-
lands sagði hann að hótelstarfsmenn
í Ósló og þrír menn sem hann hitti á
bjórhátíð hefðu haft vitneskju um
það. Þá hefðu foreldrar vitað um
ferðir hans frá Noregi til Bretlands.
Hins vegar hafi hann ekki látið unn-
ustu sína vita. Hann gat þó ekki úti-
lokað að fleiri hafi vitað um ferðir
hans.
Aðpurður hvenær honum þætti
líklegast að fíkniefnunum hefði verið
komið fyrir sagðist hann telja að það
hefði verið á hótelinu í Ósló en þar
geymdi hann töskuna í afgreiðslunni
í um tvær klukkustundir. Ekkert
væri þó útilokað, efnunum hefði
jafnvel getað verið komið fyrir í
Bretlandi án hans vitneskju.
Bretinn tók reyndar fram að
minni hans hefði aldrei verið gott
Sækjandi spurði hann þá hvernig
stæði á því að hann gæti lýst ferðum
sínum í svo miklum smáatriðum eins
og kom fram í lögregluskýrslu, sagði
maðurinn að hann myndi sumt vel
en annað ekki.
Reif miða af töskunni
Þegar maðurinn var stöðvaður af
tollverði á Keflavíkurflugvelli fannst
á honum miði sem límdur hafði verið
á töskuna til að gefa til kynna hvað
hún væri þung, eða alls 24 kíló.
Aðspurður hvers vegna hann tók
miðann af, sagðist maðurinn telja að
ella hefði verið hætta á ruglingi þeg-
ar hann flygi til baka auk þess sem
miðinn hefði vakið athygli hans.
Þetta taldi sækjandi ótrúverðugt og
mun líklegra væri að með þessu
hefði hann ætlað að draga úr líkum á
að tollverðir stöðvuðu hann.
Bretinn sagðist hafa tekið eftir því
að farangur í töskunni hafi verið úr
lagi genginn en framburður tollvarð-
arins sem stöðvaði hann var á annan
veg. Tollvörðurinn sagði þvert á
móti hafa veitt því athygli hve
snyrtilega var pakkað í ferða-
töskuna. Eftir að tollvörðurinn hafði
tæmt töskuna reif hann tauefni í
botni töskunnar. Þar komu í ljós
pakkningar sem voru vafðar inn í
brúnt límband og reyndust innihalda
sex kíló af hassi.
Rannsóknarlögreglumaður, sem
var viðstaddur þegar efnin voru tek-
in úr töskunni, sagði þeim hafa verið
afar haganlega fyrir komið og litið
hefði út sem saumar í botni tösk-
unnar hefðu verið upprunalegir.
Þetta taldi sækjandi sýna fram á að
talsverðan tíma hefði tekið að koma
efnunum fyrir.
Sveinn Andri Sveinsson, hrl., verj-
andi Bretans, hafnaði því að Bretinn
hlyti að hafa tekið eftir því að taskan
hans hefði þyngst um sex kíló. Þá
væri alls ekki hægt að útiloka að
hassinu hafi verið komið fyrir áður
en hann fór frá Bretland og spurði
hvers vegna lögreglan hefði ekki afl-
að gagna um þyngd töskunnar við
brottför þaðan. Þrátt fyrir að við
fyrstu sýn væru skýringar Bretans
ótrúverðugar væri ekki þar með
sagt að þær væru ósannar. Vel gæti
hugsast að fíkniefnasmyglarar hefðu
komið hassinu fyrir í ferðatöskunni
og síðan ætlað að nálgast efnin á Ís-
landi. Dómnum væri enda ljóst að
aðstæður á Keflavíkurflugvelli væru
með þeim hætti að hver sem er gæti
séð hvort hann hefði komið til lands-
ins. Eigendum fíkniefnanna væri í
lófa lagið að senda lýsingu á Bret-
anum til Íslands og láta fylgjast með
ferðum hans eftir það.
Dómur fellur í næstu viku.
Breti sem handtekinn var með hass í Leifsstöð neitar sök fyrir héraðsdómi
Varð ekki var við
að taskan þyngdist
um sex kíló
GRÍÐARSTÓR beinhákarl kom í
netin hjá Hjördísi NS 92, nánast við
bryggju á Bakkafirði á dögunum.
Var hann á milli 8 og 10 metrar á
lengd. Fannst skipverjum þetta víst
hálfgerður ódráttur, þar sem ekk-
ert væri hægt að nýta kvikindið og
netin voru öll uppsnúin á eftir. Tók
það Stefni Magnússon skipstjóra og
Hafþór Elíasson drjúga stund að
greiða netin.
En ólán eins er ánægja annars,
unga sem aldna dreif að til að skoða
ófreskjuna og fannst ungviðinu það
sérlega spennandi. Leikskólinn
greip auðvitað tækifærið og fór í
vettvangsferð. Var búið að segja
börnunum að sumir hákarlar væru
hættulegir og þá vildu þau skiljan-
lega vita hvort þetta væri „sumir
hákarlar“. En beinhákarlar til-
heyra víst ekki þeirri tegund.
Morgunblaðið/Áki Guðmundsson
Hafþór Elíasson stendur á flikkinu.
Risahákarl í netin
Það sést vel á sporði hákarlsins,
sem hann Guðmundur Hlífar
liggur hjá, að hann er engin
smáræðisskepna. Mun sporður-
inn vera um 1,5 m í þvermál.
legar aðgerðir. Hins vegar sé
mikilvægt að menn hafi fyrirvara
á til hvaða aðgerða verði gripið,
meðal annars með tilliti til þess að
skotveiðimenn skipuleggi sínar
veiðar með góðum fyrirvara.
Mögulegt að menn færi
sig meira yfir í heiðargæs
Siv segir að almennt sé talið að
um 30% nýliðun sé í stofnum á
borð við grágæsastofninn og að
veiðin sé nálægt því hlutfalli.
Ljóst sé því að veiðin sé komin að
einhvers konar mörkum. Hún
bendir á að á sama tíma sé stofn
heiðargæsarinnar mjög stór og
minna sé veitt af henni en grá-
gæs.
„Það má benda á að heiðar-
gæsastofninn er í hámarki núna
með um 230 þúsund fugla. Það er
því líka möguleiki að menn geti
fært sig yfir í veiðar á heiðar-
gæs,“ segir Siv. Hún segir raun-
hæft að þessi möguleiki verði
skoðaður í nefndinni.
Í Morgunblaðinu í gær kom
fram í máli Sigmars B. Hauks-
sonar að flestir skotveiðimenn
veiddu tiltölulega fáa fugla en
nokkrir veiðimenn tiltölulega
marga. Ljóst væri því að ein-
hverjir stunduðu gæsaveiðar í at-
vinnuskyni. Í skoðanakönnun sem
Skotveiðifélag Íslands gerði með-
al félagsmanna og greint var frá í
gær kemur fram að mikill meiri-
hluti félagsmanna er hlynntur því
að banna sölu á gæs í verslanir og
veitingahús.
Ráðherra segir bæði sjónarmið
eiga rétt á sér. Hins vegar sé
spurningin sú hvort hugsanlega
þurfi að stemma stigu við veiðinni
og þá með hvaða hætti.
Að sögn Sivjar verður haldinn
fundur hér á landi í lok september
þar sem íslenskir og breskir að-
ilar munu ræða framtíð sameig-
inlegra stofna grágæsar, heiðar-
gæsar og blesgæsar.
SIV Friðleifsdóttir, samgöngu-
ráðherra, segir að búið sé að
skipa nefnd sem muni skoða
vandlega til hvaða aðgerða þurfi
að grípa gegn hugsanlegri ofveiði
á grágæs ef niðurstaðan verði á
annað borð sú að grípa þurfi til
einhverra aðgerða vegna veið-
anna. Nefndin tekur til starfa um
þessar mundir og segir ráðherra
mikilvægt að málið verði skoðað
ofan í kjölinn en að engar ákvarð-
anir verði teknar á þessu veiði-
tímabili. Formaður nefndarinnar
er Sigmar B. Hauksson, formaður
Skotveiðifélags Íslands.
„Þessi nefnd mun væntanlega
skoða grágæsa- og rjúpustofn en
þetta eru þeir stofnar sem fækk-
að hefur í,“ segir Siv. Hún bendir
á að stofnstærð þessara fugla
sveiflist á milli ára.
Grágæsastofninn var
í hámarki árið 1990
„Grágæsastofninn var í há-
marki árið 1990 með 115 þúsund
fugla þannig að það er eðlilegt að
hann sveiflist niður. Grágæsin er
á válista í dag en það er ekki þar
með sagt að það þurfi að grípa til
aðgerða. Menn verða hins vegar
að skoða stofninn vel og hvernig
honum reiðir af og hvernig þróun-
in er.“
Siv segir að engar tillögur hafi
komið frá Náttúrufræðistofnun
Íslands um að grípa þurfi til að-
gerða á þessari stundu. Hins veg-
ar sé mjög vel fylgst með grá-
gæsastofninum.
„Það er varla hægt að fylgjast
betur með stofninum. Hann er
bæði vaktaður mjög nákvæmlega
og eins höfum við góðar upplýs-
ingar um veiðiálagið vegna veiði-
kortakerfisins. Þannig að það er
miklu betur fylgst með stofninum
í dag heldur en nokkurn tímann
áður.“
Siv segir mikilvægt að nefndin
gefi sér tíma til að skoða mögu-
Nefnd fjallar
um framtíð
grágæsa-
stofnsins
SLÖKKVILIÐ, lögregla og sjúkra-
lið voru í viðbragðsstöðu á Reykja-
víkurflugvelli í gær vegna tilkynn-
ingar um leka í glussakerfi
íhjólabúnaði Fokkervélar Flugfélags
Íslands á leið frá Kulusuuk í Græn-
landi. Í vélinni voru 33 manns að
meðtaldri áhöfn. Samkvæmt til-
kynningu til Slökkviliðs höfuðborg-
arsvæðisins úr flugturninum í
Reykjavík var bilunin ekki það alvar-
legs eðlis að hún hefði áhrif á flug-
hæfni vélarinnar. Vélin lenti heilu og
höldnu um klukkan 14.47.
Flugstjórn á Reykjavíkurflugvelli
fékk fyrstu tilkynningu um lekann
kl. 14.25 frá flugumsjón Flugfélags
Íslands. Þá átti vélin 70 mílur eftir að
Reykjavíkurflugvelli. Strax var haft
samband við Almannavarnir ríkisins
samkvæmt venju þegar bilanatil-
kynningar berast frá flugvélum með
fleiri en 15 manns um borð. Einnig
var rannsóknarnefnd flugslysa gert
viðvart og lögregla og slökkvilið sett
í viðbragðsstöðu.
Flugmenn vélarinnar töldu lekann
ekki hafa áhrif á læsingarbúnað hjól-
anna heldur höfðu þeir vissar efa-
semdir um hvort unnt væri að stýra
vélinni þegar hún væri lent.
Viðbragðs-
ástand vegna
bilunar
í flugvél
ÍBÚÐARHÚS á Þórshöfn skemmd-
ist talsvert í eldsvoða seinnipart mið-
vikudags. Húsið var mannlaust þeg-
ar kviknaði í og urðu ekki slys á fólki,
en fjögurra manna fjölskylda býr í
húsinu. Talið er að kviknað hafi í út
frá sjónvarpi og hefur lögreglan á
Þórshöfn tildrög eldsvoðans til rann-
sóknar.
Eldsins varð vart þegar einn
heimilismanna kom heim um kl.
16.30 á miðvikudag og gerði ná-
granni hans Slökkviliði Þórshafnar
strax viðvart. Tveir slökkviliðsmenn
fóru inn í húsið og réðu niðurlögum
eldsins með tveimur handslökkvi-
tækjum. Mestu skemmdirnar urðu í
því herbergi sem eldurinn kom upp í,
en að sögn Henrýs Más Ásgrímsson-
ar slökkviliðsstjóra eru talsverðar
skemmdir af völdum hita og reyks
um allt húsið og það því óíbúðarhæft.
Íbúðarhús
skemmdist í
eldsvoða
♦ ♦ ♦