Morgunblaðið - 25.08.2001, Side 6

FRÉTTIR
6 LAUGARDAGUR 25. ÁGÚST 2001 MORGUNBLAÐIÐ
ÞAÐ var mikið um að vera í grunn-
skólum höfðuborgarinnar og sjálf-
sagt víðar í gær þegar skólar voru
settir og börnin mættu í fyrsta sinn
í haust. Allajafna var eldri börnum
og unglingum gert að mæta fyrst,
klukkan níu um morguninn, en síð-
an smáyngdust börnin sem að
streymdu fram eftir degi. Sjö ára
börnin komu síðust en allajafna er
fyrstu bekkingum, sem eru að
mæta í allra fyrsta sinn, gert að
mæta í dag eða strax eftir helgina
og þá til viðtals og í fylgd foreldra.
Ósáttir en mættir snemma
Gylfi, Snorri og Hólmgrímur
voru allir að byrja í 8. bekk Austur-
bæjarskóla í gær. Þeir hafa allir
verið í skólanum áður en Snorri
segist ekki hafa verið í fyrra, þá
hafi hann verið í Noregi. „Það
leggst illa í mig að byrja í skól-
anum,“ sagði Gylfi aðspurður og
ekki var laust við að hinir strák-
arnir tækju undir það með honum,
en þeir voru engu að síður með
fyrstu unglingunum til að mæta í
sínum árgangi, heilum 15 mínútum
á undan áætlun. Það sem þeir settu
helst fyrir sig var lenging skólaárs-
ins sem gerir það að verkum að
skólahald hefst nú viku fyrr en áður
hefur verið.
Læra að reikna í vetur
Í Vesturbæjarskóla voru sjö og
átta ára börn að mæta í skólann
þegar blaðamann og ljósmyndara
bar að garði. Þær Gunnhildur og
Sóley féllust á að láta mynda sig og
segja hvað þeim fyndist um að vera
nú að byrja sinn annan vetur í skól-
anum. Stelpurnar sögðust báðar
vera sex ára gamlar og ekki eiga af-
mæli fyrr en í desember og voru
með það alveg á hreinu að þær
væru sko að fara í annan bekk og
hlökkuðu mikið til, enda hafi verið
gaman í skólanum í fyrra. Í fyrra
sögðust þær hafa lært að lesa en
voru ekki meira en svo vissar um
hvaða vísdóm annan ætti bjóða
þeim í vetur. Eftir dálitla umhugs-
un þóttust þær nú samt vita að þær
ættu að læra að reikna. „Það er
bara allt skemmtilegt,“ sagði Sóley
og því samsinnti Gunnhildur þegar
þær voru spurðar hvort þær ættu
sér ekki uppáhaldsviðfangsefni í
skólanum.
Flottir frændur
og æskuvinir
Utan dyra, í Vestubæjarskóla,
voru frændurnir og æskuvinirnir
Sölvi og Emil sem fyrr um morg-
uninn byrjuðu í 5. S. Sölvi verður
bráðum tíu en Emil varð tíu ára í
mars og segjast þeir hafa verið
vinir síðan í sex ára bekk. Þeir hafi
samt líka vitað hvor af öðrum fyrir
þann tíma því með þeim væri
skyldleiki og einhver samgangur á
milli fjölskyldna þeirra. „Það er
gaman að byrja aftur í skólanum en
samt fúlt að sumarfríið hafi verið
stytt,“ sagði Emil og Sölvi tók undir
það. Þeir félagar þóttust muna tím-
ana tvenna í Vesturbæjarskóla og
sögðu að skemmtilegast hafi verið í
sex ára bekk því þá hafi verið svo
miklar framkvæmdir á skólalóðinni
og gaman að leika sér úti. „Já, þá
var lóðin sko flott!“ sagði Sölvi.
Besti skóli í heimi
Þeir frændurnir sögðu að skólinn
væri sá besti í heimi. „Hann er sér-
stakur og skemmtilegri en aðrir
skólar, hef ég heyrt af krökkum
sem eru annars staðar. Við gerum
alls konar nýja hluti hér í skólanum.
Til dæmis er oft val í síðasta tíma
og við ráðum hvort við förum í
stærðfræði, tölvu, sögustund, móð-
urmál eða kubba eða dýr,“ sagði
Emil og Sölvi tók undir með honum.
Sérstaklega þótti Sölva skyn-
samlegt hvernig gætt væri að því að
skipst væri á hver mætti velja fyrst.
„Tölvan er nefnilega vinsælust og
annars mundu alltaf sömu krakk-
arnir fá að fara í tölvu,“ sagði hann.
Mikið líf var á fyrsta skóladeginum í grunnskólunum í gær
„Fríið hefði mátt
vera lengra“
Gunnhildur (t.v.) og Sóley voru alveg galvaskar að byrja í 2. bekk Vesturbæjarskóla.
Morgunblaðið/Þorkell
Drengurinn brosmildi heitir Alexander og var ásamt félögum sínum í 3.
bekk í Vesturbæjarskóla í fyrstu kennslustund vetrarins.
Sölvi og Emil sögðu Vesturbæjarskólann bestan því þar væri boðið uppá margar nýjungar.Gylfi, Snorri og Hólmgrímur voru sammála um að sumarfríið væri allt of stutt.
TÖLUVERÐRA breytinga er að vænta á
skólahaldi í Reykjavík í vetur að því er fram
kom á blaðamannafundi Fræðslumiðstöðvar
Reykjavíkur í gær. Skólasetning er nú viku fyrr
á ferðinni enda hefur skóladögum verið fjölgað
um 10 og þá hefur bæði nemendum og kenn-
urum fjölgað nokkuð í grunnskólum borgarinn-
ar. Þá segir Sigrún Magnúsdóttir, formaður
fræðsluráðs Reykjavíkur, að hún efist um að
meiri aukning á fjármagni til skólastarfsins hafi
áður átt sér stað á milli ára, en fjárveitingar
hafa verið auknar um 1,8 milljarða króna, eða
um 28,2 prósent, en hún sat fyrir svörum ásamt
Gerði G. Óskarsdóttur fræðslustjóra.
Sigrún segir umfang skólarekstursins mikið.
„Þetta er risavaxinn málaflokkur og er með um
10 milljarða veltu í heild sinni. Það er rekst-
urinn, byggingarnar og búnaður. Svo má jafn-
vel bæta við fjórða liðnum sem er viðhald,“
sagði Sigrún. Þá kom fram að skipting fjár-
magnsins á milli skólanna hefur breyst því í
stað þess að miða við fjölda bekkja í hverjum
skóla, eins og áður var gert, er nú miðað við
fjölda nemenda. „Svo komum við einnig að vissu
marki til móts við litla skóla með með fastri fjár-
hæð sem allir skólar fá úthlutað,“ áréttaði Gerð-
ur. Stærstur hluti fjármagnsaukningar til skól-
anna segir Gerður að fari í launagreiðslur
samkvæmt nýjum kjarasamningi kennara og
þakkar hún þeirri kjarabót, auk átaksins
„Veldu kennslu – veldu Reykjavík“ hversu vel
hefur gengið að manna skólana í ár. Eins kom
fram að allir skólar hafi aukið fé til umráða í
stjórnun og reiknað sé með kostnaðaraukningu
upp á allt að 160 milljónum króna. Þetta segir
Sigrún að sé mikið framfaraskref því mikil
aukning hafi verið á verkefnum stjórnenda,
bæði hvað varði fjármál og samstarf við for-
eldra.
Fleiri börn frá útlöndum en áður
„Áætluð fjölgun grunnskólanema er hátt á
fjórða hundrað milli ára,“ sagði Gerður og tiltók
að um tveir þriðju hlutar fjölgunarinnar væru
náttúrulegir og svo kæmu einnig til aðflutning-
ur frá landsbyggðinni og frá útlöndum. Fram
kom að á þessu ári koma í fyrsta sinn í skólana
fleiri börn frá útlöndum heldur en af lands-
byggðinni „Stór hluti af þeim hópi er íslensk
börn sem flutt hafa til útlanda en eru nú að snúa
aftur heim,“ sagði hún.
Í haust taka tveir nýir grunnskólar til starfa,
Ingunnarskóli í Grafarholti og Víkurskóli við
Hamravík, auk Hlíðarhúsaskóla á lóð Vestur-
hlíðarskóla sem er nýtt sérúrræði fyrir börn og
unglinga með alvarlegar atferlistruflanir og
geðraskanir. Gerður segir áætlun um einsetn-
ingu skóla ganga hratt fyrir sig. „Álftamýrar-
skóli og Ártúnsskóli verða einsetnir nú í haust
og eru þá einungis fjórir skólar af 40 tvísetnir í
Reykjavík. Næsta haust verða svo allir einsetn-
ir,“ sagði hún.
Vandkvæði með skóladagvistun
Fram kom á fundinum að enn muni nokkur
vandkvæði á að fá skóladagvistun fyrir öll börn,
en þó mismikil eftir borgarhverfum. Gerður
segir ástandið vera verst í vesturbæ og í mið- og
austurbæ þar sem mikil ásókn sé í skóladagvist-
un. „Í vesturbænum þarf dagvistun fyrir allt að
70 prósent barna meðan talan fer niður í 20 til
40 af hundraði í sumum öðrum hverfum,“ sagði
hún og tiltók að það væri í höndum hvers og eins
skóla hvernig unnið væri úr þessum málum.
Fram kom að sums staðar hafi verið brugðið á
það ráð að bjóða bara upp á dagvistun fyrir
börn í fyrsta til þriðja bekk. Gerður sagði að
skólarnir stæðu þarna frammi fyrir sama vanda
og sjúkrahúsin sem ekki fá fólk í umönnunar-
störf vegna þess hve launin eru lág. „Það er hins
vegar mín óskhyggja um framtíðina að vinnu-
umhverfið þróist í þá átt að foreldrar geti tekið
börnin sín heim klukkan þrjú á daginn,“ skaut
Sigrún Magnúsdóttir inn.
Hluti af nýbreytni í skólastarfinu er fram-
leiðslueldhús sem koma á upp í öllum grunn-
skólum borgarinnar og taka þrjú til fjögur slík
til starfa strax í haust. Stefnt er að því að þau
verði í nánast öllum skólum haustið 2002. „Í
Fossvogsskóla hefur t.a.m. verið komið upp að-
stöðu sem getur nýst sem kaffihús utan al-
menns skólatíma,“ sagði Sigrún. Þá kom fram
að kennsluhættir séu að breytast með aðstoð
tölvutækni og áhersla verði lögð á notkun upp-
lýsingatækni í kennslu. „Í því sambandi má
nefna að í ár bætast 662 tölvur við tölvukost
skólanna og verða þá 10 nemendur um hverja
tölvu og einn og hálfur kennari um hverja kenn-
aratölvu,“ sagði Gerður og bætti við að þessi
fjöldi væri í meira lagi en keyptar hafi verið inn
einhver hundruð tölva á ári hverju síðustu ár.
„Við stefnum á næstu tveimur til þremur árum
á að fimm nemendur verði um hverja tölvu og
hver kennari hafi sína eigin tölvu,“ sagði hún.
Stóraukið fjár-
magn til grunn-
skóla borgarinnar