Morgunblaðið - 25.08.2001, Qupperneq 16

AKUREYRI
16 LAUGARDAGUR 25. ÁGÚST 2001 MORGUNBLAÐIÐ
ÓÐINN Svan Geirsson, versl-
unarstjóri Bónuss á Akureyri,
sagði að verslunin væri þessa
dagana að selja heila ferska
kjúklinga frá Holtakjúklingum
á 389 kr. kílóið og það væri jafn-
framt besta verðið sem í boði
væri. Fyrstu afurðir Íslands-
fugls fóru á markað í gær, í
verslanir í Reykjavík og á Ak-
ureyri.
Í frétt í Morgunblaðinu í gær
kom fram í máli Auðbjörns
Kristinssonar framkvæmda-
stjóra Íslandsfugls að aðeins
yrði boðið upp á heila kjúklinga
til að byrja með og á verði sem
menn hefðu ekki séð áður á
ferskum fugli.
Hagkaup auglýsir í Morgun-
blaðinu í gær ferska kjúklinga
frá Íslandsfugli á kr. 399 kílóið
eða 10 krónum hærra en Bónus
býður kjúklinga frá Holtakjúk-
lingum á.
Óðinn Svan sagði að Bónus
hefði oft verið að selja ferska
kjúklinga undir 400 krónum kg
og á dögunum voru ferskir
kjúklingabitar til sölu í Bónus á
359 kr. kg.
Óðinn Svan sagði að það væri
stefna Bónuss að vera ódýrastir
„og þess vegna erum við t.d. 10
krónum ódýrari núna.“ Hann
sagði að enn væri ekki til kjúk-
lingur frá Íslandsfugli í Bónus á
Akureyri. „Við fáum hann
örugglega inn til okkar líka og
verðum þá ódýrari en aðrir.“
Kjúklingar
boðnir með
afslætti
BALDVIN Valdemarsson hefur ver-
ið ráðinn framkvæmdastjóri Slipp-
stöðvarinnar á Akureyri og hefur
hann þegar tekið til starfa.
Slippstöðin á og rekur alhliða ný-
smíða- og þjónustuver á Akureyri fyr-
ir sjávarútveg, matvælaiðnað, einkum
fiskvinnslu og byggingariðnað.
Baldvin er 42 ára gamall. Hann
lauk prófi í útgerðartækni frá Tækni-
skóla Íslands 1980 og prófi í viðskipta-
fræði frá Háskóla Íslands 1988. Hann
var áður framkvæmdastjóri hjá Sól-
Víking.
Slippstöðin á Akureyri
Baldvin Valde-
marsson fram-
kvæmdastjóri
VEGAGERÐIN hefur óskað eftir
tilboðum í rekstur tveggja ferja á
Eyjafirði. Annars vegar er um að
ræða rekstur Grímseyjarferju en um
er að ræða ferjuleiðina Dalvík–
Grímsey–Hrísey með ferjunni Sæ-
fara. Tímabilið sem um ræðir er frá
árinu 2002 til 2004.
Samskip hafa séð um rekstur Sæ-
fara síðustu ár eða frá því síðasta út-
boð fór fram.
Þá mun Vegagerðin einnig bjóða
út rekstur Hríseyjarferjunnar Sæv-
ars sem siglir milli Hríseyjar og Ár-
skógssands. Reksturinn er boðin út
á tímabilinu frá næstu áramótum og
til loka árs 2004.
Ferjurekstur
boðinn út
FJÓRÐA aðalráðstefna Samtaka
um landbúnað á Norðurslóðum
(Circumpolar Agricultural Associa-
tion: CAA) verður haldin á Ak-
ureyri í næstu viku, en hún er á
vegum Stofnunar Vilhjálms Stef-
ánssonar, Rannsóknastofnunar
landbúnaðarins og fleiri aðila inn-
an nýstofnaðrar Íslandsdeildar
CAA.
Ráðstefnan ber heitið Legacy
and Vision in Northern Agricult-
ure og er ætlað að beina athygli að
samspili sögu og menningar við
undirstöðu landbúnaðarins og þeim
möguleikum til sóknar á nýrri öld
sem í því felst. Þátttakendur verða
rúmlega 100, flestir frá aðildarríkj-
um Norðurskautsráðsins (átta tals-
ins). Búist er við að ráðstefnan
skapi mikilvæga umræðu og aukin
samráð milli vísindamanna og
hagsmunaaðila í landbúnaði á
norðurslóðum. Frá því að CAA
samtökin voru stofnuð árið 1992
hafa aðalráðstefnur hennar farið
fram á þriggja ára fresti og verið
haldnar í Whitehorse í Yukon fylki
Kanada, Tromsø í Noregi og í
Anchorage, Alaska. Núverandi for-
seti samtakanna er Þorsteinn
Tómasson, forstjóri Rannsókna-
stofnunar landbúnaðarins, en að-
setur þeirra er við Stofnun Vil-
hjálms Stefánssonar og ritari er
Jón Haukur Ingimundarson.
Ráðstefna
um landbúnað
AÐSÓKN að Menntaskólanum á
Akureyri er mjög mikil í vetur og
hafa nemendur ekki verið fleiri í
heilan áratug. Alls verða 630 nem-
endur í fullu námi við skólann og þar
af 190 nýnemar á fyrsta ári. Þá er
heimavistin fullsetin en þar verða
165 nemendur og þufti að neita
nokkrum hópi nemenda um heima-
vist.
Nokkur undanfarin ár hefur fjöldi
nemenda við skólann verið um og
jafnvel undir 600 en fjöldi nemenda
þetta skólaárið er nærri því sem var
þegar nemendur voru flestir í dag-
skóla. Þegar við skólann var öld-
ungadeild og kvöldskóli fór heildar-
tala nemenda hins vegar allt að 750.
Þetta kemur fram á heimasíðu MA.
Vel hefur gengið
að ráða kennara
Þar kemur jafnframt fram að vel
hafi gengið að ráða kennara til
starfa og fullráðið í öll störf. Kenn-
arar við skólann eru 51 talsins og
aðrir starfsmenn um 30.
Í vetur býður MA nemendum á
fyrsta og öðru ári að skrá sig í sér-
staka fartölvubekki. Í slíkum bekkj-
um verður notast við fartölvur í
kennslu og námi og búa kennarar
sig sérstaklega undir slíka kennslu
og er jafnframt miðað við að allir
nemendur í þessum bekkjum hafi
fartölvu til umráða.
Menntamálaráðherra hefur sam-
þykkt tillögur ráðgjafanefndar um
styrki til þróunarverkefna í fram-
haldsskólum og voru MA veitir
styrkir til fjögurra verkefna.
GSM-símar sem náms-
og kennslutæki
Verkefnin eru: breytt kennsluum-
hverfi í efnafræði, dreifinám í MA og
grenndarkennsla í íslensku. Loks er
verkefnið Í sambandi, samnýting
þrennra samskiptamiðla í námi og
kennslu en það er tilraunaverkefni
sem felur í sér að nota GSM-síma
sem náms- og kennslutæki ásamt
samskiptaforriti og tölvupósti.
Menntaskólinn á Akureyri verður
settur mánudaginn 17. september
kl. 9.00 en busar verða teknir inn í
samfélag nemenda föstudaginn 21.
september.
Nemendur við MA ekki
verið fleiri í áratug
VÍÐA í Eyjafjarðarsveit, bæði
austan og vestan Eyjafjarðarár,
hafa verið skipulagðir byggingar-
reitir fyrir íbúðarhús og þá að-
allega einbýlishús en einnig fyrir
sumar- og orlofshús. Um er að
ræða svæði þar sem byggingarlóðir
eru tilbúnar til úthlutunar og svo
svæði þar sem skipulagsvinna er
enn í gangi.
Í landi Brúarlands hefur verið
skipulagt lítið íbúðarhúsahverfi,
Brúnahlíð, með átta einbýlishúsa-
lóðum og í Fosslandi hefur verið
deiliskipulagt svæði fyrir fimm ein-
býlishús. Á jörðinni Kaupangi er í
undirbúningi breyting á aðalskipu-
lagi og í framhaldi af því verður
gert deiliskipulag nýs íbúðarhverf-
is með 11 íbúðarhúsum. Á Leifs-
stöðum hefur verið skipulagt svæði
fyrir frístundabyggð og reynist
áhugi fyrir hendi er ætlunin
stækka skipulagssvæðið og bæta
þar við lóðum fyrir íbúðarhús. Öll
þessi svæði eru austan Eyjafjarð-
arár.
Að vestan eru einnig nokkur
byggingarsvæði. Í Reykárhverfi II
á Hrafnagilssvæði hafa fyrstu
fimm einbýlishúsalóðirnar verið
auglýstar til umsóknar en í heild
gerir skipulagstillaga ráð fyrir 21
íbúð á svæðinu, í einbýlis-, par- og
raðhúsum. Við Hrafnagilsskóla hef-
ur verið skipulagt hverfi fyrir 12
íbúðir í fyrsta áfanga og er fyrsta
raðhúsið af fjórum risið þar en það
er Trésmíðaverkstæði Sveins Heið-
ars ehf. sem byggir raðhúsin og
býður fullbúnar til kaups.
Þá er unnið að deiliskipulagi
jarðarinnar Kropps, vestan megin
árinnar, en þar er ætlunin að út-
hluta lóðum fyrir einbýlis-, sumar-
og orlofshús á næsta ári.

Íbúðarlóðir skipulagðar
UM 30 manns fóru í átta tíma Héðins-
fjarðarferð sl. miðvikudag. Það voru
einstaklingar frá Ólafsfirði og Siglu-
firði, m.a. bæjarstjórar og bæjar-
fulltrúar, fulltrúar frá Vegagerðinni,
Náttúruverndarsamtökum, Skipu-
lagsstofnun og landeigendum í Héð-
insfirði. Þá var einn þingmaður í för,
Kristján Möller frá Siglufirði.
Tilgangur ferðarinnar var að sýna
viðkomandi aðilum aðstæður í Héð-
insfirði og sjá staðina þar sem fyr-
irhugaðir gangamunnar munu verða.
Óhætt er að segja að allir hafi orðið
einhvers vísari, en Héðinsfjörður hef-
ur verið frekar lokaður í áranna rás
og umferð í lágmarki. Þarna eru hins
vegar nokkrir sumarbústaðir sem
eigendur nýta yfir sumartímann.
Þegar mest líf var í Héðinsfirði voru
sjö bæir í byggð og íbúafjöldi í firð-
inum á bilinu 70-90 manns. Síðasti
bærinn fór í eyði upp úr 1950.
Lítið jarðrask vegna
framkvæmdanna
Sverrir Sveinsson, fyrrv. rafveitu-
stjóri á Siglufirði og sá sem fyrstur
flutti frumvarp á þingi um gerð jarð-
ganga milli Ólafsfjarðar og Siglu-
fjarðar, sagði í samtali við Morgun-
blaðið, að ótrúlega lítið jarðrask yrði
við þessar framkvæmdir. Og þó svo
að eitthvert jarðrask yrði þá væri það
nú svo að náttúran hefði hæfileika og
tilhneigingu til að laga sig að aðstæð-
um, það hefði hún gert í árþúsundir
og ætti eflaust eftir að gera lengi enn.
Vegagerðarmenn tóku undir þessi
orð Sverris, enda hefði allt kapp verið
lagt á við hönnun jarðganga og
gangamunna að fella mannvirkin á
sem eðlilegastan hátt inn í umhverfið.
Það var samdóma álit allra að ferðin
hefði verið gagnleg og mjög fróðleg,
ekki síst fyrir þá sem voru að koma
þarna í fyrsta sinn.
30 manna hópur í skoð-
unarferð í Héðinsfjörð
Morgunblaðið/Helgi Jónsson
Þorsteinn Jóhannesson verkfræðingur útskýrir hvernig gangamunn-
arnir munu liggja. Efst á myndinni sjást tveir menn þar sem austari
gangamunninn verður, sá sem liggja mun til Ólafsfjarðar.
Ólafsfjörður
♦ ♦ ♦