Morgunblaðið - 25.08.2001, Síða 17

SUÐURNES
MORGUNBLAÐIÐ LAUGARDAGUR 25. ÁGÚST 2001 17
Þótt almennt sé ekki snjóþungt
á Suðurnesjum lenti Jóhanna
stundum í erfiðleikum. Efri hluti
bæjarins fer stundum á kaf þegar
skefur úr heiðinni. Þá kom fyrir
að bíllinn sem kom með Morgun-
blaðið komst aðeins um aðalgötu
bæjarins og Jóhanna og Sigfús
urðu að vaða snjóinn til að sækja
blaðabunkana.
Innheimtan reyndist Jóhönnu
erfiðust. Hún ákvað fljótlega að
taka það ómak af blaðberunum.
„Fyrst svo erfitt var fyrir mig að
innheimta, það erfiðasta var
sautján sinnum hjá einum kaup-
anda, gat það verið kvalræði fyrir
börnin,“ segir Jóhanna. Hún tekur
fram að það hafi aðeins verið
nokkrir einstaklingar sem erfitt
var að rukka, oftast hafi þessi
þáttur starfsins verið léttur og
gefandi. „Sumir biðu jafnvel með
aurana tilbúna, ekki síst eldra
fólk. Sums staðar var boðið upp á
kaffi og meðlæti en það hefði tekið
tímann sinn að rukka ef það hefði
verið þegið víða. Þannig mynd-
uðust góð tengsl. Þessi þáttur féll
niður með kortavæðingunni og
innheimtu beint frá Morgun-
blaðinu,“ segir Jóhanna.
Jóhanna hefur upplifað ýmislegt
í starfi umboðsmanns en tekur
„OKKUR hefur liðið vel í Sand-
gerði og við höfum kynnst mörgu
góðu fólki, ekki síst í gegnum
starfið,“ segir Jóhanna Konráðs-
dóttir sem látið hefur af starfi um-
boðsmanns Morgunblaðsins í
Sandgerði. Jóhanna hefur með
dyggri aðstoð eiginmanns síns,
Sigfúsar Borgþórssonar, og blað-
beranna séð um að koma blaðinu í
hendur kaupenda í tæp tuttugu ár.
Jóhanna hefur lengi átt samleið
með Morgunblaðinu. Hún er fædd
í Reykjavík 1930 og alin þar upp
og sex ára byrjaði hún að hlaupa
með föður sínum sem bar blaðið út
í Norðurmýrinni. Átta ára var hún
farin að bera út án aðstoðar.
Þau Sigfús giftust árið 1948 og
hún bar blaðið út í mörg ár í Hafn-
arfirði þar sem þau bjuggu þá.
Fannst alltaf erfiðast
að innheimta
Eftir að þau hjónin fluttu til
Sandgerðis vorið 1982 fór Jóhanna
að leita að hlutastarfi og tók að
sér starf umboðsmanns Morgun-
blaðsins þá um haustið. Sigfús sem
hafði verið sjómaður í áratugi
fékk vinnu hjá Íslenskum aðal-
verktökum á Keflavíkurflugvelli.
fram að ekki sé hægt að segja all-
ar sögurnar.
Borið út og rukkað
í brjáluðu veðri
Hún nefnir að blaðberi hafi
komið í hús á laugardagskvöldi í
byrjun mánaðar og ætlað að inn-
heimta í leiðinni. Kaupandinn hafi
verið undrandi á því að hann væri
að rukka í þessu veðri. Blaðberinn
benti honum á móti á það að hann
væri líka að fá sunnudagsblaðið
sitt í þessu brjálaða veðri. Segir
Jóhanna að komið hafi skrítinn
svipur á manninn við þetta tilsvar
blaðberans.
Tengdadóttir Jóhönnu og Sig-
fúsar, Sigurbjörg Eiríksdóttir, hef-
ur nú tekið við starfi umboðs-
manns Morgunblaðsins í
Sandgerði.
Jóhanna og Sigfús vildu koma á
framfæri þakklæti við Sandgerð-
inga fyrir hlýhug og þolinmæði í
þeim tilvikum sem eitthvað fór úr-
skeiðis. Þau segjast þakklát fyrir
að hafa fengið að kynnast svo
mörgu góðu fólki í gegnum starf-
ið.
Lætur af starfi umboðsmanns Morgunblaðsins eftir tveggja áratuga starf
Höfum kynnst
mörgu góðu
fólki í starfinu
Morgunblaðið/Reynir Sveinsson
Sigurbjörg Eiríksdóttir, standandi, hefur tekið við starfi umboðsmanns
Morgunblaðsins af Jóhönnu Konráðsdóttur og Sigfúsi Borgþórssyni.
Sandgerði
FORVARNARVERKEFNIÐ
Reykjanesbær á réttu róli
stendur fyrir flugdrekaskemmt-
un í dag, á túninu við Stapann í
Njarðvík. Skemmtunin fer fram
í samvinnu við Félag foreldra í
grunnskólum í Reykjanesbæ og
Tómstunda- og íþróttaráð.
Skemmtunin er fyrir alla. Í
fréttatilkynningu segir að með
flugdrekaskemmtuninni sé á
táknrænan hátt verið að fagna
því að sex ára börn eru að hefja
sína tíu ára skólagöngu í grunn-
skóla. Er sex ára börnum, fjöl-
skyldum þeirra og vinum sér-
staklega boðin þátttaka.
Flugdrekar verða til sölu á
hagstæðu verði á staðnum.
Börnum og foreldrum er einnig
bent á að að skemmtilegt geti
verið að útbúa eigin dreka.
Flug-
drekahátíð
fyrir sex
ára börn
Njarðvík
SKIPAÐUR hefur verið starfshóp-
ur á vegum Reykjanesbæjar vegna
fyrirhugaðrar stækkunar á leikskól-
anum Holti í Innri-Njarðvík.
Starfshópinn skipa Guðríður
Helgadóttir leikskólafulltrúi en hún
er formaður, Sveinn Númi Vil-
hjálmsson, Reynir Valbergsson fjár-
málastjóri og Kristín Helgadóttir
leikskólastjóri Holts.
Að því er fram kemur á heima-
síðu Reykjanesbæjar hóf starfshóp-
urinn störf 21. ágúst og mun hann
meta hvort hagkvæmara er að
stækka leikskólann og hvernig það
verði þá gert eða hvort selja eigi nú-
verandi húsnæði og byggja nýjan
skóla. Störfum starfshópsins mun
ljúka mánaðamótin september og
október.
Undirbúa
stækkun
leikskóla
Innri-Njarðvík
STJÓRN Sambands sveitarfélaga á
Suðurnesjum hefur ákveðið að óska
eftir fundi með iðnaðar- og við-
skiptaráðherra vegna nýs byggða-
korts. Mun stjórnin leita svara
ráðuneytisins við ákveðnum atrið-
um.
Fjögur af fimm sveitarfélögum
falla út af byggðakorti Eftirlits-
stofnunar Efnahagsbandalags Evr-
ópu (ESA) sem nýlega tók gildi, það
er að segja Vatnsleysustrandar-
hreppur, Reykjanesbær, Gerða-
hreppur og Sandgerðisbær. Grinda-
víkurbær mun aftur á móti vera
áfram inni á kortinu. Er ríkinu nú
óheimilt að veita byggðastyrki til
fyrirtækja í sveitarfélögum sem eru
utan kortsins. Byggðakortið gildir
til ársins 2006.
Hver eru rökin?
Stjórnin ákvað að leita svara við
eftirfarandi spurningum, að því er
fram kemur í fundargerð stjórnar-
fundar í fyrradag:
Hvers vegna eru sum sveitarfélög
á Suðurnesjum utan byggðakorts-
ins?
Hvaða rök færir iðnaðar- og við-
skiptaráðuneytið fyrir því að leggja
til við eftirlitsstofnunina að sum
sveitarfélög á Suðurnesjum falli út
af því byggðakorti sem í gildi var
frá 1996?
Hvernig skilgreinir ráðuneytið
hugtakið „styrkir“ í þessu sam-
hengi?
Hvaða áhrif hefur ákvörðun um
nýtt byggðakort á samskipti
Byggðastofnunar og Markaðs- og
atvinnumálaskrifstofu Reykjanes-
bæjar sem komið hefur fram sem
samræmingaraðili allra sveitar-
félaga á Suðurnesjum varðandi at-
vinnuráðgjöf [...]?
Hvaða áhrif hefur ákvörðun um
nýtt byggðakort á samskipti
Byggðastofnunar og Eignarhalds-
félags Suðurnesja hf.? Undanfarið
hefur verið unnið að skipulagsbreyt-
ingum á félaginu þar sem farið hef-
ur verið eftir forskrift Byggðastofn-
unar svo að hún geti efnt
hlutafjárloforð um 40 [milljónir kr.]
í félaginu.
Finnst ráðuneytinu nýsamþykkt
kjördæmaskipan, þar sem Suður-
nesin eru staðfest sem hluti lands-
byggðar, skipta máli í þessu sam-
hengi?
SSS fjallar um nýtt byggðakort
Leita eftir svör-
um ráðherrans
Suðurnes