Morgunblaðið - 08.09.2001, Blaðsíða 6

FRÉTTIR
6 LAUGARDAGUR 8. SEPTEMBER 2001 MORGUNBLAÐIÐ
ÍSLENSKA kvennalandsliðið í
knattspyrnu notaði heldur óhefð-
bundna leið til að vekja athygli á
landsleik á móti Ítölum sem fram
fer í Laugardalnum klukkan 11 í
dag, en á heilsíðuauglýsingu sem
birtist í Morgunblaðinu í gær var
mynd af stelpunum í liðinu í bik-
iníum undir orðinu „stelpuslagur“.
Valgerður Bjarnadóttir, fram-
kvæmdastýra Jafnréttisstofu, segir
auglýsinguna með kynferðislegum
undirtóni og segir sorglegt að
stúlkurnar hafi látið undan kröfum
markaðsaflanna, að ekkert sé
spennandi nema í því sé ofbeldi og
kynlíf, þar sem kvennaknattspyrna
snúist um allt annað.
Hugmyndin að auglýsingunni
kviknaði hjá liðinu sjálfu og söfn-
uðu þær styrkjum til að fjármagna
auglýsinguna. Ásthildur Helgadótt-
ir fyrirliði segir að þeim hafi fund-
ist nauðsynlegt að vekja athygli á
leikjum liðsins og liðinu sjálfu. „Það
hefur farið svolítið lítið fyrir okkar
leikjum og ekki margir mætt á völl-
inn. Þannig að þetta var tilraun til
að vekja athygli á okkur og það
tókst greinlega,“ segir Ásthildur.
Hún segir að liðið hafi fengið
mjög góð viðbrögð við auglýsing-
unni. Hún segir að allar í liðinu hafi
viljað fara þessa leið en á fundi fyr-
ir síðasta leik var rætt hvað liðið
gæti gert til að auka áhuga á
kvennaknattspyrnu. „Við erum all-
ar tilbúnar að leggja mikið á okkur
til að standa okkur vel og breyta
því hve lítill áhugi er á kvennabolt-
anum.“ Ásthildur segir að reynt
hafi verið að stilla liðinu þannig
upp að öllum hafi liðið vel, einnig
hafi þær getað valið sér bikiníin
sjálfar.
Orðið „stelpuslagur“ gefur
kynferðislegan undirtón
Valgerður segir að henni finnist
auglýsingin sorgleg. „Mér finnst
þessar stelpur, sem ég ber heil-
mikla virðingu fyrir, vera að gefa
eftir fyrir markaðsöflunum og
segja að ekkert sé neins virði nema
það sé ofbeldi í því og einhver kyn-
lífssala,“ segir Valgerður.
„Þegar orðið „stelpuslagur“ og
íþróttastelpur í bikiníi, sem tengist
þeirra íþrótt ekki á neinn hátt, fer
saman í auglýsingu er leðjuslagur
það fyrsta sem kemur upp í hug-
ann, ekki bara hjá mér heldur fleir-
um, stelpur að slást, æsandi og
spennandi. Mér finnst þetta sorg-
legt, ég vildi að þær gætu bara
staðið fyrir það sem þær eru að
gera með fullri virðingu og fengið
athygli út á það, krefjast þess að fá
athygli út á það, en ekki það sem
heimurinn veitir sjálfkrafa athygli.“
Hún telur að með því að taka
orðið „stelpuslagur“ út hefði mátt
breyta miklu.
Ekki stelpur með stóran
rass og læri
Ásthildur segir að starfsmaður
auglýsingastofu hafi átt hugmynd-
ina að því að nota orðið „stelpuslag-
ur“. „Það var ágætishugmynd og
vakti eiginlega meiri athygli á
þessu,“ segir hún. Aðspurð segir
Ásthildur að það geti verið að fólk
túlki auglýsinguna með kynferðis-
legum undirtóni. „Ég held að það
sé bara allt í lagi að vekja þetta
umtal, það var eiginlega það sem
við vorum að sækjast eftir.“
Ásthildur segir einnig að þær
hafi viljað breyta viðhorfinu til
kvennaknattspyrnu. „Það hefur oft
verið í umræðunni að stelpur verði
bara feitar, með feit læri og stóran
rass af að vera í fótbolta. Við vild-
um kannski líka sýna að við erum í
góðu formi og æfum vel.“
Valgerður segir auglýsinguna
ekki gefa rétt skilaboð. „Þær eru
ekki kyntákn á vellinum, þar eru
þær konur sem eru að brjóta múra
dálítið, að krefjast þess að fá að
stunda sín áhugamál sem kunna að
vera dálítið óhefðbundin enn þá.
Það tekur tíma að vinna sér virð-
ingu þegar við erum að fara inn á
óhefðbundin svið,“ segir hún.
Ástralska kvennalandsliðið í
knattspyrnu sat fyrir á dagatali
fyrir Ólympíuleikana í Sydney og
voru þær þar kviknaktar. Valgerð-
ur segir að Ástralir séu mjög aft-
arlega hvað varðar jafnréttismál.
Hún segir að hún hefði frekar vilj-
að að stelpurnar hefðu verið í sín-
um búningum, þótt þær hefðu ekki
fengið jafnmikla athygli út á það,
og að undir hefði t.d. staðið „Stolt-
ar stelpur“ eða „Flottar stelpur“.
„Það hefði verið auglýsing út á
hvað þær standa fyrir.“
Ásthildur segir aftur á móti að
stúlkurnar í liðinu hafi oft verið í
viðtölum þar sem þær eru í keppn-
isgallanum og á myndum. „En það
er bara ekki nóg til að það sé tekið
eftir því og geta okkar sé viður-
kennd,“ segir hún. „Það virðist
vera raunin að það þurfi að gera
eitthvað róttækt, sérstaklega við
stelpurnar.“
Þarf fleiri á völlinn
Eggert Magnússon, formaður
Knattspyrnusambands Íslands,
segir að honum finnist auglýsingin
vera mjög góð. Hann segist ekki
sjá neitt athugavert við hana, hon-
um finnist ekkert dónalegt við
stúlkur á sundbol, það sé fyrst og
fremst verið að vekja athygli á því
hvað er að gerast í kvennaknatt-
spyrnunni.
„Mér finnst dónaskapur við
stúlkurnar hvað mæta fáir á völl-
inn, þær hafa staðið sig mjög vel og
verið með mjög góðan árangur og
eiga það hreinlega skilið að fólk
styðji við bakið á þeim. Stundum er
verið að fjalla um það í ræðu og riti
að það sé ekki nóg gert í kvenna-
knattspyrnunni, það ágæta fólk
sem heldur því fram á að minnsta
kosti að sýna þá stórmennsku að
mæta á völlinn.“
Ásthildur segir að mest hafi liðið
náð um 500 manns á völlinn, en al-
gengt er að um 5.000 mæti á lands-
leiki í karlaboltanum. Leikurinn í
dag, sem er annar leikur Íslend-
inga í undankeppni í heimsmeist-
arakeppni kvenna, hefst klukkan
11. „Það er kannski ekki ákjósan-
legasti tíminn til að spila, það náð-
ist seint að semja um leikdag við
Ítalina og búið var að setja á um-
ferð í úrvalsdeild karla. Þetta er
niðurstaðan og við tökum því bara
eins og það er, við hefðum viljað
spila leikinn klukkan 14 eða 16, það
er líka betra upp á áhorfendur.“
Kvennalandsliðið í knattspyrnu vill fleiri áhorfendur
Þurftu að gera
eitthvað róttækt
Hugmyndin að auglýsingunni, sem birtist í Morgunblaðinu í gær, kvikn-
aði hjá liðinu sjálfu og söfnuðu stelpurnar styrkjum til að fjármagna
auglýsinguna. Fyrirliði liðsins segir að eitthvað róttækt hafi þurft að
gera til að vekja athygli á kvennaknattspyrnunni.
Framkvæmda-
stýra Jafnrétt-
isstofu segir
auglýsinguna
sorglega
MIKILL viðbúnaður var við höfnina í
Vestmannaeyjum í gærmorgun
vegna japanska túnfiskveiðiskipsins
Hokem Maru 8 sem var á leið til hafn-
ar. Einn hásetinn hafði klifrað efst
upp í mastur skipsins og síðan kastað
sér í sjóinn.
Ástæða þessa var talin sú, að er
skipið kom til hafnar í Hafnarfirði
fyrir þremur dögum frétti maðurinn
af andláti móður sinnar auk þess sem
upp komu óvæntir erfiðleikar í einka-
lífi mannsins. Hokem Maru hefur
verið á sjó í sjö til átta mánuði.
Maðurinn klifraði upp í mastrið
þegar skipið var statt um 200–300
mílur suður af Vestmannaeyjum.
Siglingin til hafnar tók í kringum 20
tíma og var því talið að maðurinn
hefði verið uppi í mastrinu í um sólar-
hring.
Í höfninni í Vestmannaeyjum var
til taks körfubíll til þess að aðstoða
við að ná manninum niður úr mastr-
inu ef með þyrfi auk þess sem sjúkra-
bíll og lögregla voru á staðnum.
Var kaldur og þrekaður
Lóðsbáturinn í Vestmannaeyjum
sigldi á móti Hokem Maru en í ytri
víkinni nálægt Bjarnarey henti mað-
urinn sér í sjóinn. Skipverjar á lóðs-
bátnum köstuðu línu til hans og náðu
þeir honum um borð. Að sögn skip-
stjórans, Ágústs Bergssonar, var
maðurinn mjög kaldur og þrekaður
en jafnframt mjög þakklátur fyrir að
vera kominn um borð.
Um 9.30 var maðurinn kominn í
land og var hann fluttur á sjúkrahús í
Vestmannaeyjum til frekari aðhlynn-
ingar.
Morgunblaðið/Sigurgeir
Háseta bjargað
eftir að hafa kast-
að sér í sjóinn
SAMKEPPNISSTOFNUN
hefur ekki borist formlegt erindi
frá Útvegsbændafélagi Vest-
mannaeyja um opinbera rann-
sókn á verðmyndun á gasolíu til
fiskiskipa á Íslandi, að sögn Ás-
geirs Einarssonar, lögfræðings
stofnunarinnar. Hann segist
þess vegna ekki geta sagt til um
það hvortstofnunin muni verða
við óskum útvegsbænda.
Páll Magnússon, aðstoðar-
maður iðnaðar- og viðskiptaráð-
herra, segist líta svo á ráð-
herrann muni ekki hafa afskipti
af þessu máli í bili, enda beri
Samkeppnisstofnun að taka á
óskum aðila á markaði sem hafi
áhyggjur af samkeppnisfor-
sendum í verðlagningu.
Verðmyndun á olíu
Ekki bor-
ist form-
legt erindi
VINNU við fjárlagagerð næsta árs
miðar vel og er samkvæmt áætlun,
að sögn Bolla Þórs Bollasonar,
skrifstofustjóra efnahagsskrifstofu
fjármálaráðuneytisins. Búið er að
taka allar ákvarðanir og er nú unn-
ið að því að skrifa og undirbúa fjár-
lagafrumvarpið og ganga frá því til
prentunar. Í fjármálaráðuneytinu
er nú til skoðunar að taka upp notk-
un svokallaðrar væntingavísitölu til
að kanna hvert horfir í efnahagslíf-
inu.
Að sögn Bolla er slíkt mjög al-
gengt erlendis og mikið notaður
mælikvarði varðandi efnahagshorf-
ur. Gerð slíkrar vísitölu felst í fram-
kvæmd úrtakskannana, sem eru
bæði gerðar hjá fyrirtækjum og
einstaklingum, þar sem spurt er um
hvernig viðkomandi meti verð-
bólguhorfur eftir 12 mánuði, hvort
ætlunin sé að kaupa bíl eða fjár-
festa o.s.frv. Upplýsingunum er síð-
an safnað saman og reynt að búa til
eina eða fleiri vísitölur úr niður-
stöðunum. „Þetta er hugsað sem al-
mennt við mat á efnahagsstöðunni
og tengist í sjálfu sér ekki fjárlög-
unum eingöngu,“ segir Bolli.
Fjárlagagerð samkvæmt áætlun
Væntingarvísitala til
skoðunar í ráðuneytinu