Morgunblaðið - 08.09.2001, Blaðsíða 62

FÓLK Í FRÉTTUM
62 LAUGARDAGUR 8. SEPTEMBER 2001 MORGUNBLAÐIÐ
Í DAG verður reynt á flest skyn-
færi gesta á Jazzhátíð Reykjavík-
ur, því nú verður hlustað, borðað,
dansað og jafnvel sungið.
Fyrst á dagskrá dagsins er
hljómsveitin Jump Monk sem held-
ur „Jazz Brunch“ á Kaffi Reykja-
vík sem hefst kl. 12 á hádegi og
kostar 2000 krónur með mat.
Sveitina skipa Haukur Gröndal
altó- og sópransaxófón og klarin-
ettu, Ólafur Jónsson tenórsaxófón,
Davíð Þór Jónsson píanó, Tómas R.
Einarsson bassa og Matthías M. D.
Hemstock trommur. Hún var stofn-
uð í sumar og fór í tónleikaför um
landið við góðar undirtektir.
Haukur og Ólafur sem leiða
bandið segjast ætla að leika lög
sem hafa síður heyrst, en þeir eru
miklir aðdáendur allrar tónlistar
Monks. „Monk er svo frábær að
maður verður að prófa að spila allt
sem hann hefur gert allavega einu
sinni,“ segir Haukur.
Skemmtilegar
hrynpælingar
Strákarnir segja svo marga
hrifna af Monk því hann sé viss
tenging úr „bebop“-djassi yfir í
módern djass, að mjög stór hluti af
nútíma djasshljómi komi frá Monk.
„Hann var með geysilega
skemmtilegar hrynpælingar,“ seg-
ir Ólafur, „og lögin sem við munum
flytja eru frá mjög breiðu tímabili,
eða frá 1946 til um 1960.“
„Öll lögin sem við leikum eru
þannig að ef maður hefur eitthvað
hlustað á djass þá heyrir maður
strax að þetta er Monk,“ segir
Haukur að lokum.
Allir eru börn
Barnadjass verður leikinn frá kl.
15 á laugardaginn í Ráðhúsinu og
er ókeypis inn. Og er þetta
skemmtilegt tækifæri fyrir börn og
foreldra til að njóta tónlistar sam-
an.
Anna Pálína Árnadóttir ætlar að
syngja, Gunnar Hrafnsson leikur á
bassa, Gunnar Gunnarsson á píanó
og Pétur Grétarsson á trommur.
Anna Pálína hefur í tvígang
heimsótt grunnskóla víða um land
á vegum Tónlistar fyrir alla; árið
1998 með dagskrána Ljóð í laginu
þar sem ástin var þemað og í fyrra
með Bullutröllabarnajazzinn sinn.
Ljóð og lög eftir Aðalstein Ásberg
Sigurðsson.
„Ég mun syngja þessi barnalög í
djassútsetningum, sem ég hef verið
að flytja í gegnum árin, þar sem
Krúsilíus og Bullutröll koma við
sögu. En þau vöktu m.a. athygli
fyrir að vera í djassútsetningum en
ekki popp- eða rokklög.“
– Finnst börnum djass skemmti-
legur?
„Já, það hefur reynst mér vel að
nota djasskeiminn í útsetningum.
Ég er mikið að syngja texta sem
þarf að skila og þá er hægt að nota
djassinn því til stuðnings sem mað-
ur er að segja og gera. Hann styð-
ur betur við textann heldur en önn-
ur tónlistarform.“
– Er skemmtilegra að syngja
fyrir börn en fullorðna?
„Í mínum augum eru allir börn.
Ég geri ekki upp á milli og mér
finnstóskaplega gaman að syngja
fyrir allt fólk. Ég hef verið svo lán-
söm að fá að syngja jafnt fyrir
börn og fullorðna og iðulega sam-
tímis, þannig að kynslóðirnar hafa
getað skemmt sér saman. Mér
finnst óskaplega mikil
happdrættisvinningur að fá að
upplifa það.“
Og það er einmitt það sem Anna
Pálína og félagar stefna að, að allir
geti skemmt sér og notið þess að
koma í Ráðhúsið í dag.
Fjölbreytt dagskrá
Í kvöld kl. 20.30 verður haldin
Jazzvaka í minningu Guðmundar
Ingólfssonar á Kaffi Reykjavík.
Guðmundar-kvartettinn skipa:
Hans Kwakkernaat píanó, Björn
Thoroddsen gítar, Gunnar Hrafns-
son bassa og Guðmundur Stein-
grímsson trommur. Gestaleikarar
verða Birkir Freyr Matthíasson
sem blæs í trompet og flygilhorn,
Jóel Pálsson og Ólafur Jónsson í
tenórsaxófóna, Sigurður Flosason í
altósaxófón og Kristjana Stef-
ánsdóttir syngur lög er ýmsar
söngkonur sungu með Guðmundi.
Aðgangur er 2.000 krónur en
þegar er uppselt á tónleikana. Fyr-
ir þá fjölmörgu sem frá þurftu að
hverfa verða tónleikarnir end-
urteknir á morgun á sama stað kl.
17.
Guðmundur Ingólfsson er ein-
hver ástsælasti djassleikari sem Ís-
land hefur alið. En 12. ágúst voru
tíu ár liðin frá láti hans og af því
tilefni mun Jazzhátíð Reykjavíkur í
samvinnu við Jazzvakningu minn-
ast hans með þessum tónleikum.
Björn Thoroddsen gítarleikari hef-
ur umsjón með tónlistarflutn-
ingnum, en í hlutverki Guðmundar
verður hollenski píanistinn Hans
Kwakkernaat, en stíll hans minnir
um margt á stíl Guðmundar.
Átta manna hljómsveit leikur
verk Guðmundar, Seven Special,
ásamt fleiri ópusum og verður þá
sjálfsagt farið að hitna í kolunum á
Kaffi Reykjavík eins og svo oft á
tónleikum Guðmundar sjálfs.
Sveifla og dill
Dagskránni lýkur svo með
hljómsveitinni Milljónamæring-
unum sem halda djassdansiball á
Kaffi Reykjavík sem hefst hálftíma
eftir miðnætti. Stuðsveitina skipa
Karl Olgeirsson á hljómborð, Jóel
Pálsson á saxófón, Birgir Bragason
á bassa, Einar Jónsson á trompet
og Steingrímur Guðmundsson á
trommur.
Söngvararnir eru heldur ekki af
verri endanum, en þeir Páll Óskar,
Bjarni Arason og Raggi sjálfur
Bjarna eru þekktir fyrir að
„svinga“ grimmt, ólíklegt annað en
að stuðið taki völdin.
Stuðið held-
ur áfram
Jump Monk leikur á hádegi á „Jazz Brunch“.
Anna Pálína Árnadóttir og Að-
alsteinn Ásberg verða í Ráðhús-
inu í dag.
Hans Kwakkernaat leikur á
Jazzvöku Guðmundar Ingólfs-
sonar.
Jazzhátíð Reykjavíkur
LIÐSMENN múm hafa undanfarið
haft fjölmörg járn í eldinum. Leik-
húsvinna, tónleikaferðalög, ballett-
tónlist og Guð má vita hvað. Nú fyrir
stuttu kom svo út nýr hljóðblöndun-
ardiskur á vegum hinnar virtu dans-
tónlistarútgáfu Morr, sem þykir með
framsæknari tölvutónlistarútgáfum
samtímans. Hann er titlaður hinu
furðulega nafni Please Smile My
Noise Bleed, inniheldur tvö flunkuný
lög og umvélanir á þeim eftir Morr-
fólkið Isan, Phonem, Christian
Kleine, Arovane og B. Fleischmann.
Allt að gerast eins og venjulega í
múmkoti og Örvar og Gunni meira
en lítið til í að rifja upp undangengin
ævintýr.
700 manns, 200 plaköt
Þeir félagar byrja á því að rifja
upp dvöl sína í Berlín en þar spiluðu
þeir eitt sinn á stórum tónleikum.
Þar gengur auglýsingastarfsemin
svolítið öðruvísi fyrir sig og vakti
þetta nokkra furðu hjá piltunum.
„Það komu 700 manns og það var
ekkert auglýst. Orðið var bara látið
ganga! Hér heima þarf alltaf að
hengja upp 200 plaköt ef einhver á að
koma.“
Morr-merkið á einmitt heimahaga
í Þýskalandi og segjast þeir harla
ánægðir með plötuna.
„Með þessu merki er svo mikið af
plötum sem hafa verið að koma út
síðustu tvö árin, og eru þær í uppá-
haldi hjá okkur,“ segir Örvar. Hann
segir að þetta hafi komið til þannig
að yfirmaður útgáfunnar hafi heyrt
plötuna þeirra [Yesterday Was
Dramatic, Today Is OK] og hafi þá
endilega viljað fá þau til samstarfs.
„Við ákváðum þá að hafa frekar
tvö ný lög og það væri unnið út frá
þeim frekar en að það væri hljóð-
blandað af hinni plötunni.“
Örvar veit þó ekki hvort frekari
verkefnavinna fyrir Morr standi til.
„Við erum náttúrlega komin á Fat-
Cat,“ segir hann og kímir. „Og erum
enn ekki búin að gefa út neitt hjá
þeim. Ég held því að næsta skref sé
bara að gefa út plötuna okkar nýju.“
Stefnan er sett á að klára hana í
nóvember og gefa út næsta vor eða
sumar.
Rapp í Rússlandi?
Múm hefur ávallt verið iðinn við
hin ýmsu samstarfsverkefni. Hæst
bar á Bláa hnettinum þetta árið,
barnaleikrit sem byggt er á sam-
nefndri sögu Andra Snæs Magna-
sonar, hvar múm samdi tónlistina.
„Ég held að tónlistin skili sér bara
ágætlega í leikritinu,“ segir Gunnar,
aðspurður hvort það standi til að
gefa hana út. „Ég held að hún þurfi
ekkert að vera til á diski.“
Þeir segja ástæðuna fyrir því sam-
starfi hafi verið þá að sveitin hafi
unnið mikið með Andra í gegnum tíð-
ina; gaf til dæmis út tónorðadisk í
sameiningu undir heitinu Flugmað-
ur.
„Þetta var mjög skemmtilegt en
þetta gekk ekkert áfallalaust fyrir
sig,“ segir Örvar.
„Þetta er mikið samvinnuferli,
leikhúsið,“ bætir Gunnar við.
Þeir segja að allir hafi haft sínar
meiningar og mörg skondin mál
komið upp. T.d. hafi þau ítrekað ver-
ið beðin um rapplag en þau ávallt
þverneitað.
Sveitin hefur verið mikið á faralds-
fæti undanfarin misseri og komið til
Frakklands, Hollands, Belgíu, Dan-
merkur, Finnlands og síðast en ekki
síst Rússlands, ferðalags sem strák-
arnir minnast sterklega.
„Það er brjáluð stemmning í Pét-
ursborg,“ segir Örvar og þeir skella
upp úr. „Magnað að koma á tónleika
þar sem áhorfendur voru líkt og kálf-
ar sem hleypt er út á vorin. Bara að
einhver hafi komið að spila var nóg.“
Aðgangur að tónlist er víst erfiður
þar en Gunnar vill leggja sitt af
mörkum til að bæta úr því. „Við erum
búnir að redda okkur tengli og ætl-
um að koma einhverju efni út þar.“
Hann minnist með hryllingi en létti í
senn að lögreglan þar í borg, sem er
víst ekki sú heiðarlegasta í heiminu,
hafi reynt að svindla svínslega á hon-
um.
„Það var svolítið uggvænlegt að
vera þarna. Tvær löggur sökuðu mig
einu sinni um að vera fullur er ég var
að spássera úti á götu og ætluðu með
mig niður á stöð og heimtuðu af mér
peninga. Það voru rússneskir vinir
okkar sem björguðu mér. Þeir þurftu
að tala við löggurnar í hálftíma þar til
þeir slepptu mér.“
YATZY
Á markaðinum nú er annar endur-
hljóðblöndunardiskur, múm Remix-
ed, gefinn út af Thule, sem sveitin er
ekki par hrifin af sjálf.
„Upprunalega áttu þetta bara að
vera tvær tólftommur, gefnar út á
sama tíma og platan [þ.e. Yesterday
Was Dramatic, Today Is OK]. Það
hefði skilað sér vel ef þær hefðu verið
gefnar út á svipuðum tíma,“ upplýsir
Gunnar.
„En núna löngu seinna...“ segir
Örvar og er ómyrkur í máli. „Að
þetta sé gefið út í einhverjum vafa-
sömum pakka sem við höfðum engin
áhrif á...ég meina, við hefðum aldrei
gert svona plötu. Við höfum gaman
af því að ganga alla leið með það sem
við gerum. Það er mest gefandi að
fylgja þessu alla leið. Það var svo tal-
að um að hún kæmi ekkert út en svo
fengum við hana allt í einu í hend-
urnar. Þá var hún tilbúin!“
Þeir taka það þó skýrt fram að
þessi mótmæli þeirra séu ekki tón-
listarlegs eðlis.
„Við höfum ekkert út á þá lista-
menn að setja sem koma að plöt-
unni.“ segir Gunnar. „Það er bara
framkvæmdin sem fer í taugarnar á
okkur.“
Upptökur fyrir nýju plötuna fóru
m.a. fram í Galtarvita í Súðavíkur-
hreppi. Þar dvaldi sveitin í einn mán-
uð í sumar og var vistin hin ævin-
týralegasta.
„Þetta var alveg að virka þar til að
rafstöðin hætti að virka,“ segir Örvar
og hlær. „Þá vorum við viku í viðbót,
teiknuðum og spiluðum yatzy, þar til
við ákváðum að fara heim.“
Það er nauðsynlegt að fara út í vit-
ann með bát, en vistir sótti sveitin til
Suðureyrar.
„Það er ekkert grín að fara þarna
út,“ minnist Gunnar. „Lendingar-
staðurinn er frekar erfiður. Við feng-
um stundum aðvaranir frá björgun-
arsveitinni en létum iðulega vaða,
fjögur í gúmmíbát.“
Á meðan beðið er eftir annarri
„breiðskífu“ múm er Yesterday...
enn á stími víðsvegar um heim.
Sænska blaðið Expressen sagði hana
á dögunum t.d. vera eina bestu plötu
sem komið hefði út lengi á Norður-
löndunum.
Já, það er ekki hægt að segja ann-
að en vel hafi ræst úr þessum efni-
legu ungmennum sem sveitina skipa.
Eða eins og sagði í dóm um Yest-
erday Was Dramatic, Today Is OK í
þessu blaði: „...og morgundagurinn
verður stórkostlegur“.
Það er fallegt við Galtarvita
Rafpoppkvartettinn múm hefur vakið
verskuldaða athygli hérlendis sem erlendis
undanfarið eitt og hálft ár. Arnar Eggert
Thoroddsen tók þá Örvar og Gunna á
beinið og rakti úr þeim garnirnar.
Múm: með gamla sveitaviðtækið.
arnart@mbl.is
Múm í helgarspjalli